‹‹QQدوستلار››ئالدامچىلىق دېلوسى كۆپلەپ يۈ

Aytugh

	‹‹QQدوستلار››ئالدامچىلىق دېلوسى كۆپلەپ يۈز بەرمەكتە     يېقىندا، ئۈرۈمچى شەھىرىدىكى ساقچى ئورۇنلىرى QQ ۋېدىئوسىدىن پايدىلىنىپ ئۆلكە ئاتلاپ سادىر قىلىنغان بىر دېلونى پاش قىلدى، ج خ خادىملىرى گۇاڭشى جۇاڭزۇ ئاپتونۇم رايونىدا جىنايەت گۇماندارى سوڭ Xنى قولغا ئالدى. بۇ يىل 3 – ئايدا، ئۈرۈمچى شەھەر ئاھالىسى لى خانىم ‹‹ئېرى››نىڭ QQ ۋېدىئوسىدا پۇلغا جىددىي ئېھتىياجلىق بولۇپ قالغانلىقى ھەققىدە ئەۋەتكەن ئۇچۇرنى كۆرۈپ، شۇ ھامان قارشى تەرەپ تەمىنلىگەن ھېسابات نومۇرىغا 50 مىڭ يۈەن سالغان، ئويلىمىغان يەردىن بۇ بىر ئالدامچىلىق بولۇپ چىققان.     ج خ خادىملىرىنىڭ تونۇشتۇرۇشىچە، بۇ QQ ۋېدىئوسىدىن پايدىلىنىپ ئالدامچىلىق قىلىش دېلوسى ئىكەن. جىنايەت گۇماندارى نومۇر ئوغرىلاش ‹‹ياغاچ ئېتى›› ۋە ۋېدىئو يۇمشاق دېتالى ئارقىلىق، ئالدى بىلەن قارشى تەرەپنىڭ QQ ئۇچۇرىنى ئوغرىلىغان، ئاندىن دوستلىرىغا QQ ئىگىسىنىڭ ئالدىن تەييارلانغان سۈرىتىنى ئەۋەتىپ، ئۇلارنىڭ پۇلىنى ئالداپ ئېلىۋالغان. بۇ يىل كىرگەندىن بۇيان، ئۈرۈمچى شەھەرلىك خ خ تارماقلىرى سوممىسى 200 مىڭ يۈەندىن ئاشىدىغان ‹‹QQدوستلار›› ئالدامچىلىقى دېلوسىدىن ئۈچنى تاپشۇرۇۋالغان، بۇنىڭ ئىچىدە بىر دېلودا سومما سانى 350 مىڭ يۈەنگە يەتكەن.     ئۈرۈمچى شەھەرلىك ج خ ئىدارىسى تور بىخەتەرلىكى تارماق ئەترىتى 1 – چوڭ ئەترىتىنىڭ باشلىقى ليۇ فۇبىڭ مۇنداق دېدى: بۇ يىل 6 – ئايدا، ئۈرۈمچى شەھەرلىك ج خ ئىدارىسى تور ئالدامچىلىقى دېلوسىدىن 108 نى قوبۇل قىلدى، بۇنىڭ ئىچىدە ‹‹QQ دوستلار›› ئالدامچىلىقى ھەم باھاسى چۈشۈرۈلگەن ئايروپىلان بېلىتى توغرىسىدىكى تور ئالدامچىلىقى دېلوسى %70 ۋە %80 نى ئىگىلەيدۇ. ج خ مىنىستىرلىقى مەخسۇس ھەرىكەت قوللىنىپ، تور جىنايىتىگە نۇقتىلىق زەربە بېرىۋاتىدۇ، بۇ ھەرىكەت 9 – ئايغىچە داۋاملىشىدۇ.     ساقچىلار مۇنۇلارنى ئاگاھلاندۇردى: ‹‹QQ دوستلار›› ئالدامچىلىقى دېلوسى كۆپرەك باشقا جايدا سادىر بولىدۇ، رايون ئارىلىقى يىراق، دېلو بېجىرىش تەننەرخى يۇقىرى. شۇڭا بىز ئاممىنىڭ بىخەتەرلىك، ئالدىنى ئېلىش ئېڭىنى ئۆستۈرۈشىنى ئۈمىد قىلىمىز. بۇنداق جىنايەتنىڭ ئالدىنى ئېلىش بەكمۇ ئاسان، يەنى پۇل قوبۇل قىلغۇچىنىڭ ھېسابات نومۇرى قاتارلىق ئۇچۇرلار چوقۇم ھەقىقى QQ ئىگىسىنىڭ نومۇرى بىلەن ئوخشاش بولمايدۇ، پۇل سېلىشتىن ئىلگىرى تېلېفون ياكى باشقا ئۇسۇللار بىلەن دەلىللىۋېتىلسىلا، ھەممە ئىش ئايان بولىدۇ؛ بۇنىڭدىن سىرت، كومپيۇتېردىن ئۈنۈملۈك پايدىلىنىشمۇ مۇھىم. مەسىلەن، QQ مەخپىي نومۇرىنى ئاددىي قىلىۋالماسلىق، ئىمكان بار مەخپىي نومۇرنى قوغداش سىستېمىسىنى تەسىس قىلىش، ناتونۇش تور بېكەتلىرىگە كىرمەسلىك، ناتونۇش ھۆججەت، سۈرەتلەرنى چۈشۈرمەسلىك، كومپيۇتېر ۋىرۇسلىرىنى ۋاقتىدا تازىلاپ تۇرۇش كېرەك. مەنبە:شىنجاڭ گېزىتى 2011 – يىل7– ئاينىڭ20– كۈنى ‹‹تەڭرىتاغ›› تورىدىن ئېلىندى

nijad

	مۇنداق ئىشلەرما باركەندە ، ئېھتىيات قىلساق بولغۇدەك .

TOGRAKPADIXASI

	ئىھتىيات قىلىشقا تىگىشلىك ئىشلاركەن.

Roman

	راسلا ئىھتىيات قىلساق بولغۇدەك .جىمۇ

1670154432

	ھەمىمىز  دىققەت قىلىشقا تىگىشلىك ئىشلاركەن رەخمەت.

bojalar

	ھەي بۇ خاككىرلارنى  زە  ،،  ئۆتكەندە مىنىڭ بىر ئەخمەق ساۋقدىشىممۇ  .500  يۈئەنگە  5000 QB  بىرىمەن دىسە ئىشىنىپ  دامغا  چۈشۈپ كەتكەن .  ھىلىمۇ  بىزلە  جىم يۈرۈيدىكەنمىز  . ئەگەر بىزمۇ شۇنداق قىلىپ قالساق مىليونىر  بولۇپ كەتكۈدەككەنمىز

owchi.

	چ چ نى ئىشلەتسەك بولىدۇ لېكىن پۇل خەجلەپ ئەمەس

m@jnun