ئاتا-ئانىنى رازى قىلىش كىرەكمۇ ياكى ئامانە

karameet

	ئەسسالامۇ ئەلەيكۇم. تور ئارىلاۋېتىپ مۇسۇلمانلار تور بېتىدە بۇ پەتىۋانى كورۇپ قالدىم ۋە ھەقىقەتەن ياقتۇردۇم .  شۇڭلاشقا تورداشلار بىلەن ئورتاقلىشىش نىيىتىدە مۇنبەرگە سۇندۇم.. قىز ئاياللار ھەقىقەتەن اللاھ نىڭ بىزگە بەرگەن ئامانىتى ، ئۇلارنى ئاسراش ، يىتەكلەش ۋە دۇنيالىق ئىشلىرىنى ئەتراپلىق ئورۇنلاش تۇرۇپ بىرىش ھەر بىر مۇسۇلمان ۋە ۋىجدان ئەھلىنىڭ باش تارتىپ بولالمايدىغان مەجبۇرىيىتى. ئەمما بىزنىڭ دىيارىمىز دا قىز ئاياللار مەسىلىسى تەخىرسىز ھەل قىلىنىدىغان مەسىلىگە ئايلانغان بولۇپ ،  كەمبەغەللىك، بىلىمسىزلىك ،خۇراپىلىق ،ئىتقادسىزلىق .......قاتارلىق نۇرغۇن ئامىللار تۇپەيلىدىن ، ئەسلى  قىزىل گۇلدەك پۇتۇن ئەتراپقا ئۆزىنىڭ خۇشپۇرىقى چېچىشقا تىگىشلىك بولغان نۇرغۇن قىز -ئاياللىرىمىز مەزگىلسىز تۇزىماقتا ۋە تۇزۇش ھالىتىدە تۇرماقتا .................... تۇۋەندىكى پەتىۋا تۇرمۇشتىكى يۇزبىرىۋاتقان تىراگىدىيەلەرنىڭ بىر قىسمىغا قارىتا بىرىلگەن بولسىمۇ ،ئەمما ئەقىل ئىگىلىرى ئۇچۇن بۇنىڭدىن كىيىن يۇز بىرىدىغان ،يۇز بەرمەكچى بولغان كوپلىگەن تىراگىدىيەلەرنىڭ ئالدىنى ئالالايدىغانلىقىغا ئىشىنىمەن .                                                                                                                                                                   ئەسسلامۇ ئەلەيكۇم سوئال: يولدىشىم ئىككىمىزنىڭ تۇرمۇشقا بولغان چۈشەنچىمىزنىڭ چوڭقۇر بولماسلىقى سەۋەبدىن ئاجىرىشىپ كەتكەن ئىدۇق. ھازىر ھەر ئىككىلىمىز ئۆزىمىزدىكى خاتالىقلارنى تونۇپ يەتتۇق. مەنمۇ بىر مۇسۇلمان ئايال بولۇش سۈپىتىم بىلەن نۇرغۇن مەسئوليەتلەرنى ئادا قىلشىم كېرەكلىكىنى ھېس قىلدىم، يولدىشىممۇ شۇنداق. ھازىر ھەر ئىككىلىمىزنىڭ قايتا يارشىۋالغۇمىز بار، شۇنداقلا كېلىنلىك ۋە ئوغۇللۇق بۇرچىمىزنى ياخشى ئادا قىلىپ چوڭلارنى رازى قىلىش ئىشەنچىمىزمۇ بار. لېكىن يولدىشىمنىڭ ئاتسى (قېيىناتام) يارشىۋىلىشىمىزغا قەتئىي قوشۇلمايۋاتىدۇ، يارشىۋىلىشىمىزغا قەتئىي رازىلىق بەرمەيدىغانلىقىنى ئېيتىپ تۇرۇۋېلىۋاتىدۇ. دىنىمىزدا قېيناتامنىڭ بىزنى ياراشتۇرماسلىق ھەققى بارمۇ؟ ھۆرمەت بىلەن: سالىھە ۋە ئەلەيكۇم ئەسسەلام جاۋاب: دىنىمىزدا قېيناتىڭىزنىڭ ئۇنداق ھەققى يوق. يەنى سىز ۋە يولدىشىڭىز يارىشىۋېلىش قارارىغا كەلگەن بولساڭلار، يولدىشىڭىزنىڭ دادىسىنىڭ سىلەرنى يارىشىۋالغىلى قويمايدىغان ھەققى ۋە ھوقۇقى يوق! چۈنكى دىنىمىز ھەر ئىنسانغا ئايرىم – ئايرىم ۋەزىپە يۈكلەيدۇ. دىنىمىز ئاتا – ئانىلار ئۈچۈن بالىلارنىڭ زىممىسىگە بىرقانچە ھەق يۈكلىگەن، بالىلار ئۈچۈنمۇ ئاتا- ئانىلارنىڭ زىممىسىگە بىرقانچە ھەق يۈكلىگەن. دىنىمىزدا بالىلار ئاتا – ئانىسىغا ياخشىلىق قىلىشقا بۇيرۇلىدۇ، لېكىن بالىلارنىڭ گۇناھ بولىدىغان ئىشتا ياكى ئۆز ئائىلىسى زىيانغا ئۇچرايدىغان ئىشتا، بولۇپمۇ مۇشۇنداق يامانلىشىپ قالغانلارنىڭ يارىشىۋېلىشىغا قارشىلىق قىلىش ئىشىدا ئاتا – ئانىلىرىغا ئىتائەت قىلىشى قەتئىي توغرا ئەمەس. يەنى ئاتا – ئانىلارنىڭ، بالىلىرىنىڭ ئۈستىدىكى ھەقلىرىنىڭ ئىچىدە، ئۇلارنىڭ بالىلىرىنى ئايالىدىن ئايرىلىپ كېتىشكە بۇيرۇق قىلىش، ئۇلارنى يارىشىۋالغىلى قويماسلىق، شۇنداقلا ئۇلارنى ئايرىۋېتىش ھەققى يوق. بالىلارنىڭمۇ ئۇنداق بۇيرۇققا بويسۇنۇش مەجبۇرىيىتى يوق. كېلىننىڭ قېيىناتا ۋە قېينانىسىغا خىزمەت قىلىش مەجبۇرىيىتىمۇ يوق، لېكىن قولىدىن كېلىشىچە ئۇلارغا ياخشىلىق قىلىشى لازىم. چۈنكى قېيىناتا ۋە قېينانىغا ياخشىلىق قىلىش، بىر تەرەپىتن چوڭغا ھۆرمەت قىلغانلىق بولسا، يەنە بىر تەرەپتىن ئېرىگە ياخشىلىق قىلغانلىق بولىدۇ. شۇنىڭ ئۈچۈن ئاتا – ئانىلارنىڭ ئاللاھدىن قورقۇشى لازىم. كېلىنلىرىنىڭ تۇل، نەۋرىلىرىنىڭ پەرىشان ۋە ئۆز ئوغۇللىرنىڭ ۋەيران بولۇپ كېتىشىگە سەۋەبچى بولماسلىقلىرى لازىم. ئاتا-ئانىلار ئەگەر كېلىنىدە شەرىئەتكە خىلاپ بىر ئىش بايقىسا، ئۇنىڭغا چىرايلىقچە نەسىھەت قىلىشى لازىم. قايتا – قايتا قىلىنغان نەسىھەتمۇ ئۈنۈم بەرمىسە، ئۇ چاغدا ئوغلىنى ئاگاھلاندۇرۇپ قويسا بولىدۇ. شۇ چاغدىمۇ قارارنى ئوغلى بېرىدۇ. نىكاھ، ئەر – خوتۇن ئىككى تەرەپ ئوتتۇرىسىدا شەرىئەتنىڭ كۆرسەتمىسى بويىچە تۈزۈلگەن بىر توختام بولۇپ، بۇ توختامنى ئەر كىشى ئۆز ئىرادىسى بىلەن بۇزالايدۇ. بۇ چاغدا ئۇ، ھالال ئىشلارنىڭ ئاللاھ تەئالاغا ئەڭ يامان كۆرۈلىدىغىنىنى قىلغان بولىدۇ. باشقا بىر كىشىنىڭ (كىم بولۇشىدىن قەتئىينەزەر) ھەر قانداق باھانە بىلەن ئىككى تەرەپنىڭ ئارىسىغا كىرىش ھەققى ۋە ھوقۇقى يوقتۇر. بۇ توغرىدا تور بېتىمىزدە ئەتراپلىق مەلۇمات بەردۇق. بۇ مەلۇماتلار قۇرئان تەتقىقاتى بۆلۈمىدە «تالاق» ماۋزۇسى ئاستىدا نەشىر قىلىنماقتا. پەتىۋا بانكىسىدىمۇ بۇ ھەقتە كۆپ مەلۇماتلار بار. قۇرئان كەرىم نىكاھ ۋە تالاق بىلەن مۇناسىۋەتلىك ھۆكۈملەرنى تەپسىلىي بىر شەكىلدە بايان قىلىدۇ. دىنىمىز ئىسلامدا، مەيلى بۇ ئايەتلەردە بولمىسۇن، مەيلى ئاتا- ئانىغا ياخشىلىق قىلىش بىلەن مۇناسىەۋتلىك ئايەتلەردە بولمىسۇن ھېچبىر ئايەتتە ياكى بۇ ئايەتلەرنىڭ تەپسىرى ماھىيىتىدىكى ھەدىسلەردە ئاتا- ئانىغا ئوغلىنى ئايالىدىن ئايرىۋېتىش ھەققى ۋە ھوقۇقى بېرىلمىگەن. بۇ ئايەتلەرگە ۋە مۇناسىۋەتلىك ھەدىسلەرگە دىققەت بىلەن قارايدىغان بولساق، بىز مۇسۇلمانلارنىڭ ئاتا- ئانىمىزغا ياخشىلىق قىلىشىمىزنىڭ لازىملىقىنى، ئۇلارنى «رازى بولدۇم» دېگۈزۈشىمىزنىڭ شەرت ئەمەسلىكىنى كۆرىمىز. يەنى بىزنىڭ ئاتا- ئانىمىزغا ياخشىلىق قىلىشىمىز مۇھىم، ئۇلارنىڭ «رازى بولدۇم» دېيىشى مۇھىم ئەمەس. چۈنكى بىز ھېسابنى ئاللاھ تەئالاغا بېرىمىز. بالىلار ئاتا- ئانىسى ئايالى توغرۇلۇق بىر گەپ قىلىپ بولغۇچە چاچراپ قوپماي، ئۆزىنى تۇتۇۋېلىپ ئىش قىلىشى لازىم. كىچىككىنە بىر ئىشنىڭ يۈزسىدىن ئايالىغا زۇلۇم قىلىپ سېلىشتىن ساقلىنىشى لازىم. چۈنكى ئايال كىشى ئاللاھ تەئالانىڭ ئەرگە قويغان بىر ئامانىتى بولۇپ، ئەرنىڭ ئۇ ئامانەتنى دىنىمىزنىڭ كۆرسەتمىسى بويىچە ساقلاپ ئاللاھ تەئالانىڭ ھۇزۇرىغا بېرىشى لازىم. شۇنداق قىلغاندا ئۇ ئامانەتكە خىيانەت قىلمىغان بولىدۇ. ھەر قانداق ئىش بولسا نەسىھەت بىلەن تۈزىتىشكە تىرىشىشى كېرەك. بالىلار ئاتا- ئانىسىغا قىلىدىغان ياخشىلىقنى ئۆز جايىدا ئادا قىلسا، ئۇلارنىڭ شەرىئەتكە ۋە قائىدىگە ئۇيغۇن بولمىغان بۇيرۇقلىرىغا ئىتائەت قىلمىسا بىر گۇناھ بولمايدۇ. بەلكىدە ئۇ چاغدا ئىتائەت قىلسا گۇناھ بولىدۇ. چۈنكى پەيغەمبەر ئەلەيھىسسالام مۇنداق دەيدۇ: «ئاللاھنىڭ ئالدىدا گۇناھ بولىدىغان ئىشتا ھېچقانداق ئىنسانغا ئىتائەت قىلىشقا بولمايدۇ. ئاللاھغا ئاسىي بولۇپ تۇرۇپ ھېچقانداق مەخلۇققا ئىتائەت قىلىشقا بولمايدۇ».             مەنبە: مۇسۇلمانلار تورى .

1670154432

	بۇ كېلىن ،قېيىن ئاتىسى كەچۇرمىگىدەك نىمە گۇناھ ئۇتكۇزگەن بۇلغىيتى ؟سەۋەنلىك ئۇتۇزمەيدىغان ئىنسان يۇق ،خاتالىقىنى تۇنۇماسلىق ئەڭ ئېغىر گۇناھ بۇلۇشى مۇمكىن . چىن كۆڭلىدىن  توۋا قىلغان ،بەندىنى اللاھ كەچۇرگەن يەردە ،ئنسانىنڭ كەچۇرمەسلگى تازا توغرا بولمايدىغۇ دەيمەن .

nurjula

	ئادەتتە قىيىن ئاتىلار كېلىنلەرنى يامان كۆرمەيدىغان، نۇرغۇن قىيىن ئاتىلارنىڭ كېلىنلىرىگە بەك ئامىراقلىق قىلىدىغانلىقىنى كۆرگەن ئىدىم! قارىغاندا بۇ كېلىن قىيىن ئاتىسىنىڭ كۆزىگە سىغمايدىغان قىلىق ياكى گەپ سۆز قىلىپ قويدىمكىن يا! مىنىڭچە شۇ كېلىن قىيىن ئاتىسىنىڭ ئالدىغا بېرىپ كەچۈرۈپ سورىسا، ئۇ ئادەم چوقۇم ئاچچىقىدىن يېنىپ ئوغلىنىڭ قايتا يارىشىۋىلىشىغا رازىلىق بېرىشى مومكىن، ئەگەر ئۇ ئوغۇل دادىسىنىڭ قارىشلىقىغا قارىماي، ئايالى بىلەن ياراشسا، ئاقىۋىتى ئانچە ياخشى بولماسمىكىن!

aldos

	جەننەت    ئاتا  -  ئانىنڭ   تاپنى  ئاستىدا  . ئبراھىم   ئەلەيھسسالاممۇ   ئوغلى   ئسمائىل  ئەلەيھسسالامنىڭ   ئۇيگە   ئوغلى   ئويدە   يوق   چاغدا   كىلىپ   ئايالدىن   ئىرنى   سۇرايدۇ   ئايالى   ئسما ئىل  يوق  دەپ  ئبراھىم   ئەلەيھسسالام  غا    قۇپال   مۇئامىلە   قىلدۇ   شۇنىڭ  بىلەن  ئبراھىم  ئەلەيھسسالام   ئۇ   ئايالغا   ئسمائىل   غا     دەپ  قوي   ئوينىڭ   بۇسۇغىسنى    ئالماشتۇرۋەتسۇن   دەپ  قۇيۇپ   كىتپ   قالدۇ   شۇنىڭ  بىلەن  ئسمائىل   ئەلەيھسسالام  ئويگە  قايتىپ  كەلگەندە  ئايالى   ئسمائىل   ئەلەيھسسالام  غا   بىر  بۇۋاينىڭ   كەلگەنلەكنى   سىزنى  ئوينىڭ  بۇسۇغسنى   يەڭگۇشلىۋەتسۇن  دەيدۇ  دەپتى   ئسمائىل   ئەلەيھسسالام  دادام   كەپتۇ  سەن  ئۇنىڭغا   ياخشى   مۇئامىلدە  بولماپسەن  ئوينىڭ   بۇسۇغىسى   سەن   دەپ   ئۇ   ئايالنى   قۇيۋىتىپ   باشقا   ئايالغا   ئويلىندۇ  ، ئبراھىم   ئەلەيھسسالام  يەنە  بىر  قىتىم   كەلگەندە  ئسمائىل   ئەلەيھسسالام   سرتقا   چىقىپ   كەتكەن   ۋاختىغا   توغرا  كەپ   قالدۇ   بۇ   ئايالدىن   ئسمائىل   ئويدە    بارمۇ   دەپ   سۇرغاندا   ئىرىم   ئويدە   يوق  ساقلاپ   تۇرسىلا  دەپ  ئۇيدىن   سۇ  ئەچقىپ  يۇز   كوزلىرنى   يۇيۇپ  چاچلىرنى   تاراپ  سەپەر   ھاردۇقىنى   چىقرىپ   ياخشى   كۇتۋالدۇ    شۇنىڭ   بىلەن   ئبراھىم   ئەلەيھسسالام   قايتدغان  چاغدا   ئوغلىنڭ   ئايالىغا   ئسمائىل  كەلگەندە  دەپ   كوي   ئوينىڭ  بۇسۇغىسى    جايغا   چۇشۇپتۇ   ياخشى   تۇتسۇن  دەپ  كىتپ   قالدۇ   شۇنىڭ   بىلەن   ئسمائىل   ئەلەيھسسالام   كەلگەندە   ئايالى  بولغان   ئشلارنى   سوزلەپ   بىردۇ   ئسمائىل   ئەلەيھسسالام  دادام  كەپتۇ    ئوينىڭ  بۇسۇغىسى  دىگەن  سەن  سىنى   ياخشى  تۇتشىمنى   تاپلاپتۇ  دەپتۇ  ..   يەنە   مۇھەممەد   سەللەلاھۇ   ئەلەيھى   ۋەسسەللەمنىڭ    قىشغا   بىر   ساھابە   كىلپ  يا  رەسۇلۇللا   منى   ئاتام    ئايالىڭنى   قۇيۋەت   دەيدۇ  ،  لىكن   مەن   ئايالىمنى  ياخشى   كۇرمەن   دەپتى   مۇھەممەد   سەللەللاھۇ    ئەلەيھى   ۋەسسەللەم   ئاتا   ئانا   دىگەن   جەننەتنىڭ   ئشىكلىردىن   بىرى  خالساڭ   ئوڭشاپ    قوي   خالساڭ  بۇزۋەت   دىگەن  .  مۇھەممەد   سەللەللاھھۇ   ئەلەيھى  ۋەسسللەمنىڭ  زاماندا   ناھايتى   تەقۋا   كۇندۇزلىرى   رۇزا   تۇتۇپ   كىچلىرى   ئىبادەت   قىلدىغان  سالىھ  بىر  كىشى   باركەن  ئۇ   كىشنىڭ   ئسمى   ئەلقەمە  ئىسملىك  ساھابە  ھەتتا   رسۇلۇللا  بىلەن   جەڭلەرگە   قاتناشقان   شۇ  كىشى  سەكراتقا   چۇشۇپ   قالدى  بۇنى   ئاڭلىغان   ساھابلەردىن   بىر  نەچچە   كىشى  يوقلاپ  كردى  قارسا   ئۇ  ئادەم   ناھايتى   ئاجىزلاپ   كىتىپتۇ   ساھابلەر   شۇ   ئەلقەمە   دىگەن   كىشى  بىلەن   پاراڭلاسشا  ھەرقانداق   گەپنى   ديەلەيدكەن  بىراق  ئىمان  كەلىمسگە   ئاغزى   گەپكە   كەلمەپتۇ  شۇنىڭ   بۇ  نىمش   دەپ  مۇھەممەد   سەللەللاھۇ   ئەلەيھى   ۋەسسەللەمنىڭ  قىشغا   ئادەم   ئەۋەتىپ   بولغان   ئشلارنى   سوزلەپ   بىرپتۇ   ،شۇنىڭ   بىلەن  مۇھەممەد   سەللەللاھۇ   ئەلەيھى  ۋەسسەللەم   بۇ  كىشنىڭ   ئاتا  -ئانىسى  ھايات   بارمۇ   دەپ  سۇراپتى  ئاتىسى   ئۇلۇپ   كەتكەن   ئانسى   بار  دەپ   ساھابلار   خەۋەر   بەردى  .شۇنىڭ  بىلەن   ساھابلارغا   ئەلقەمەنىڭ  ئانسىنى   تىپىپ  كىلشنى  بۇيرىدى  ئانىسنى   تىپىپ  كەلگەندىن  كىيىن   مۇھەممەد   سەللەللاھۇ  ئەلەيھى  ۋەسسەللەم  بالڭىز   ئەلقەمە  گە  قاندا   قارايسىز   دەپ   سۇراپتى  ئوغلۇم  ناھايتى  تەقۋا  ئۇ   كۇندۇزلىرى   رۇزا   تۇتۇپ   كىچلىرى  ئىبادەت  قىلدۇ  دىگەندىكىن  مۇھەممەد   سەللەللاھۇ   ئەلەيھى  ۋەسسەللەم  بۇ  ئوغلىڭزنىڭ   ئاللاھ  بىلەن  بولغان  مۇئامىلسى   مەن   سىز   بىلەن  بولغان  مۇئاملسىنى  سۇراۋاتمەن  دگەندە   ئۇ  ئايال   يغلاپ   كىتدۇ  ئوغلۇم   مىنى   ئايالنى   كورگەنچىلك   كورمەيدۇ   ئايالىغا   بەك  ياخشى   مۇئامىلە  قىلدۇ   ئەكىسچە   مەن  بىلەن  كارى  يوق   دەپ  يغلايدۇ  .  مۇھەممەد  سەللەللاھۇ  ئەلەيھى  ۋەسسەللەم  سىز   ئوغلىڭىز  دىن  رازمۇ   دەپ  سۇرغاندا  مەن   رازى  ئەمەس   دىگەندە   پەيغەمبەر   ئەلەيھسسالام  ساھابلارغا  ئۇتۇن  يغىشنى  بۇيرۇيدۇ  شۇنىڭ   ھىلقى   ئايال  ئۇتۇننى   نىمە  قىلسىلە  دەپ  سۇراپتى  ئوغلىڭىز  نى   كويدۇرمىز   سىز   ئۇنىڭدىن  رازى  ئەمەسكەنسىز  ديشىگە   ھىلقى   ئايال  بولدى  مىنڭ  يۇرەك  پارەمنى  كويدۇرمەڭلا   مەن  ئۇنىڭدىن  رازى  دەپ  يغلاپ  كىتىدۇ  شۇنىڭ   بىلەن   مۇھەممەد  سەللەللاھۇ   ئەلەيھى  ۋەسسەللەم  ئەلقەمەنىڭ   قىشغا  ئادەم  ئۋەتىدۇ   بارغان   كىشلەر  تىخى  ئويگە  كىرمەي  تۇرۇپلا   ئەلقەمەنىڭ   ئىمان   كەلىمىسى  ئيتۋاتقانلىقنى   ئاڭلايدۇ  تا   جىنى  چىققىچە  ئاخىرقى  سۇزى  ئىمان  كەلىمىسى  بۇلىدۇ  .  مانا  بۇنىڭدىن  ئاتا   ئاننىڭ  پەرزەنىت   ئۇستىدىكى  ھەققىنڭ  چوڭ   ئىكەنكنى  كۇرۋالغىلى   بۇلدۇ   قۇرئان  كەرىمدە  ئاللاھقا   شىرىك  كەلتۇرمەڭلار   ئاتا   -  ئاناڭلىغا   ياخشىلىق  قىلڭلار   دەپ   مۇشنىڭغا   ئوخشاش  ئايەتلەرنى    نازىل  قىلغان

pis~hika

	مىنىڭچە ، ھەر ئىككەيلەننىڭ يارىشۋالغۇسى بولسىمۇ ، ئاتا- ئانا رازى خۇدا رازى، دىگەن گەپ بويىچە ئىيتقاندا بۇنداق قىلىش خاتا. سىز بىر مەزلۇم ئىكەنسىز،  سىزنىڭ ئورنىڭىزدا مەن بولغان بولسام، مىنىڭ خوتۇن- باللىرىم بار بولۇپ ئاتا- ئانام، ئۇ خوتۇندىن ئاجراش دىسە مەن باللىرىم يىتىم بولۇپ قالارمۇ دىمەي چوقۇم ئاجىرشىمەن. چۈنكى ئاتا- ئانام بولغاچقا مىنىڭ تۈنۈگۈنۈم، بۈگۈنۈم ۋە ئەتەمدە ئۈمۈت بار . ئۇلار بولمىغان بولسا ماڭا خوتۇن ئىلىپ بالىلىق بولدىغان پۇرسەت نەدە. يەنە مەن ھايات بولسام ئۇنداق خوتۇننى ئالالايمەن، ئاللا نىسىپ قىلسا ئۇنداق بالىلىقمۇ بولالايمەن. بىراق ئاتا- ئانام بىر ، ئۇلارنى ھەرگىزمۇ تاپالمايمەن. شۇڭا قىزلارمۇ بۇنى توغرا چۈشۈنۈپ، ئاتا- ئانىسى رازى بولمىغان ئىشنى قىلماسلىقى لازىم. ئۇلارمۇ ئەرگە تىگەلەيدۇ، بالا تۇغالايدۇ. بىراق ئاتا- ئانىسى كىتىپ قالسا قايتىدىن تاپالمايدۇ،

marwari409

	بىزنىڭ بىر توغقىنىمىزنىڭ بىر قىزى ئۆزى بىلەن بىللە ئوقۇغان بىر ساۋاقدىشى بىلەن توي قىلغان ، بىر مەزگىلدىن كېيىن ئارىدا زىددىيەت بولۇپ بالىلار ھەم بالىلارنىڭ ئاتا - ئانىلىرى بىر - بىرىگە تەتۈر قارىشىپ يۈردى ، ئاخىرىدا ئاجرىشىپ كەتكەن ، ئوتتۇرىدا بىر بالىمۇ بار ئىدى ، نەچچە ئايدىن كېىيىن ئوغۇل ئاتا - ئانىسىنىمۇ ئارىلاشتۇرماي ئۆزى توغقىنىمىزنىڭ ئۆيىگە بېرىپ نىكاھنى قايتىدىن ئوقۇتۇپ قىزنى ئەكىلىۋالدى ، ئۇلارنىڭ ياخشى ئۆتكىنىگە قاراپ چوڭلارمۇ ئېرىگەن چېغى چوڭلارمۇ ، بالىلارمۇ ھازىرغىچە شۇنداق ياخشى كېتىۋاتىدۇ ، خۇدايىم ئائىلە ۋەيران بولۇشتىن ساقلىسۇن

bendora

	ئەر ئايال نىكاھدىن ئاجراشقاندىن كېيىن قايتا يارىشىش ئۈچۈن ئالدى بىلەن ئايالنىڭ باشقا بىر كىشىگە نىكاھلىنىپ(چوقۇم ئاجرىشىپ كېتىمەن دېگەن نىيەت بىلەن ئەمەس)، ئىككىنجى ئېرى بىلەن ياخشى ئۆتەلمەي ئاجرىشىپ كەتكەن ئەھۋالدا ئاندىن ئەسلىدىكى ئېرى بىلەن يارىشىدىغانلىقىنى پەقەت ئېسىگە سالماپتۇ ھە؟ بۇ ئىسلامدىكى ئاياللارنىڭ ئورنىنى يەنىمۇ ئېنىق كۆرسىتىپ بېرىدىغان بىر يارقىن نۇقتا ئىدى... مەنمۇ بۇرۇن بالا بولغانكىن يارىشىۋالسا توغرا دەپ قارايتتىم، ئەمما ئوقۇپ چىقسام ئەسلى باشقىچە ھۆكۈم باركەن بۇ يەردە، شۇنىڭ بىلەن ئاقساقاللىقىمنى يۇغۇشتۇرۋالدىم.

uiguriya

	مەنمۇ بۇقاراشقا قۇشۇلىمەن،چوڭلار قۇشۇلمىغان،رازىلىغىنى بەرمىگەن ھەرقانداق ئىشنى قىلماسلىق كېرەك.

xahnaz0999

	ئاتا- ئانا رازى بولمىسا راۋا تاپمايدۇ ئائىلە

hiyaldikikaptar

	بىر  قۇچقاچنىڭمۇ  ئۇۋىسىنى  بۇزىۋەتسە  بولمايدۇ

alkut38

	مەن ئۈستىدىكى پەتىۋالىنى كۆرۈپ باقماپتىكەنمەن ،لىكىن دوستىمىز ئەلدوستنىڭ يوللىغان ھەدىسلىرىنى بۇرۇن بىر قارىمنىڭ تەبلىخىدىن ئاڭلىغان  .   ئۈستىدىكى پەتىۋا بەزى مەسىلىلەردە بەك كەسكىن بوپ كەتتىمۇ قانداق؟؟؟

alkut38

	ئۇنىڭدىن كېيىن (خوتۇنىنى) چىرايلىقچە تۇتۇش، ياكى ياخشىلىق بىلەن (يەنى زۇلۇم قىلماي، يامان گېپىنى قىلماي، كىشىلەرنى ئۇنىڭدىن يىراقلاشتۇرماي) قويۇۋېتىش لازىم، اﷲ نىڭ بەلگىلىمىلىرىگە رىئايە قىلالماسلىق خەۋپى (يەنى ياخشى ئۆتەلمەسلىك، اﷲ بەلگىلىگەن ئەر - خوتۇنلۇق ھوقۇقلىرىغا رىئايە قىلالماسلىق خەۋپى) بولمىسىلا، ئۆزۈڭلارنىڭ ئاياللىرىڭلارغا (مەھرى ئۈچۈن) بەرگەن مال - مۈلۈكتىن ھېچقانداق نەرسىنى قايتۇرۇۋېلىش دۇرۇس بولمايدۇ. ئەگەر سىلەر ئۇلار (يەنى ئەر - ئايال) نىڭ اﷲ نىڭ بەلگىلىمىلىرىگە رىئايە قىلالماسلىقىدىن قورقساڭلار، خوتۇننىڭ (تالاق خېتىنى ئېلىش مەقسىتىدە) مال بەرگەنلىكى ئۈچۈن ئۇ ئىككىسىگە (يەنى ئەر - خوتۇنغا) گۇناھ بولمايدۇ. ئەنە شۇلار اﷲ نىڭ بەلگىلىمىلىرىدۇر، ئۇنىڭغا خىلاپلىق قىلماڭلار اﷲ نىڭ بەلگىلىمىلىرىگە خىلاپلىق قىلغۇچىلار زالىملاردۇر.2 - سۈرە بەقەرە 229 - ئايەت. f سىزنىڭ دىگىنىڭىز ئۈچ تالاققا قارىتىلغان،  ئاجرىشىشنىڭ ئۆزى ئۈچ تالاق بولامدىكەن؟؟؟؟؟؟