مۇشۇنداقمۇ پارا بەرگەن بارمۇ؟

ark-zat

	بۇ ئىجادىي لەتىپە، باشقا مۇنبەرگە يۆتكىمەڭ،ئاپتۇرلۇق ھوقۇقىغا دەخلى قىلماڭ! مۇشۇنداقمۇ پارا بەرگەن بارمۇ؟ توپلىغۇچى: ئەمەتجان مۇھەممەت ئەركزات [align=justify] بېلىقنىڭ ئىچىدىن پۇل چىقتى            بىر كۈنى بىر«ئەخلەت يىغقۇچى» موماي،بىر ئائىلىلىك بېناسى يېنىدىكى ئەخلەت ساندۇقىنى مالتىلاپ ئەخلەت يىغىۋېتىپ بىر دانە بېلىقنى ئۇچرىتىدۇ ۋە ئەخلەتنى ئۇيان-بۇيان قىلىدىغان ياغىچى بىلەن بېلىقنى شۇنداق ئۆرۈشىگە، سېسىپ مىلىچلاپ كەتكەن بېلىق ئىككى پارچە بولۇپ كېتىپتۇ، ئىچىدە قىپ-قىزىل 100 يۈئەنلىك پۇلغا ئوخشاش بىرنەرسە تۇرغانلىقىنى كۆرگەن موماي كۆزلىرىگە ئىشەنمەي يەنە چۇقچىلاپ قارىسا ھاقىقەتەنمۇ 100 يۈئەنلىك بىر باغلام پۇل تۇراتتى.بۇ موماي ھىچكىمگە ئۇختۇرماي مۇشۇ پۇل بىلەن باي بولۇپ كەتكەنمىش.           پۇلنىڭ كېلىش مەنبەسى: شۇ بىنادا بىر ئەمەلدار بولۇپ، بىر كىشى بۇ ئەمەلدارغا پارا بېرىش مەقسىتىدە نەق پۇلنى ئاشكارە بەرسە ئالمايدىغانلىقىنى بىلىپ، بىر دانە يوغانراق يەرلىك بېلىقنىڭ قورسىقىنى يېرىپ، ئىچىگە بىر باغلام 100يۈئەنلىك نەق پۇلنى سېلىپ، بېلىقنىڭ قورسىقىنى تىكىپ، ئاندىن بۇ بېلىقنى بۇ ئەمەلدارنىڭ ئۆيىگە سوغاتلىققا ئاپىرىدۇ. بېلىق يېيىش نۆۋىتى كەلمەي توڭلاتقۇدا ئازراق ۋاقىت تۇرۇپ قالىدۇ.بىر كۈنى ئەمەلدارنىڭ ئايالى توڭلاتقۇنى ئاچسا بېلىقنىڭ پۇراپ قالغانلىقىنى بىلىدۇ ۋە خالتىغا قاچىلاپلا سىرتتىكى ئەخلەت ساندۇقىغا تاشلىۋېتىدۇ. شۇنىڭ بىلەن ھېلىقى «ئەخلەت يىغقۇچى» موماي تېپىۋالىدۇ. كارىدوردىكى ياڭاق ئاۋازى        يەنە شۇ ئەمەلدارنىڭ ئۆيىگە بېلىق ئاپارغان ھېلىقى كىشى بۇ ئەمەلدارنىڭ يەرلىك مەھسۇلاتلارغا ئامراقلىقىنى بىلىپ، بىر كۈنى  كەچقۇرۇن قاش قارايغان ۋاقىتتا ، بىر تاغار ياڭاقنى سوغا قىلىش ئۈچۈن ئېلىپ بېرىپتۇ. ئۇ كىشى ياڭاقنى يۈدۈپ، تەرلەپ-پىشىپ پەلەمپەيدىن چىقىۋاتقىنىدا  4-قەۋەتكە ئەمدىلا چىقىشىغا ئويلىمىغان يەردىن ئۇزۇن تۇرۇپ چۈرۈپ كەتكەن تاغارنىڭ ئاستى تەرەپ ۋەرتتىدە يېرىلىپ كېتىپ، ياڭاقلار شالاققىدە چۈشۈپ كېتىپ، قولىدا قۇرۇق تاغار ئېشىپ قاپتۇ. ئۇ كىشى بۇ سەتچىلىكنى خەق كۆرۈپ قالمىسۇن دەپ شۇئان ئەڭ تېز سۈرئەت بىلەن بىنادىن قاچقانچە سىرتقا چىقىپ كېتىپتۇ. ھەر بىر تال ياڭاق ھەر بىرتال پەلەمپەيدىن ئويناقلاپ سەكرەپ پەسكە قاراپ چۈشۈۋېرىپتۇ. بۇ ۋاراڭ-چۇرۇڭنى ئاڭلىغان بىنادىكى كىشىلەر كارىدورغا قارىسا ئادەم يوق، لېكىن تاراق-تۇرۇق بېسىقمىغۇدەك. ئۈستىدىكىلەر قارىسا بىر توپ ياڭاق پەسكە چۈشۈپ كېتىپ بارغۇدەك، پەستىكىلەر قارىسا بىر توپ ياڭاق ئۈستىدىن چۈشىۋاتقۇدەك، ئۇلار بۇ ياڭاقلارنىڭ ئېگىسى قېنىدۇ دەپ ھەيران بولۇشۇپتۇ. ياڭاقلارنىڭ كارىدوردا پەلەمپەيلەردىن چۈشىۋاتقان ھالىتىنى ئويلاپ بېقىڭ، نېمە دېگەن كۈلكىلىك! 2011-7-19 مەنبە:http://bbs.karahijran.com/read.php?tid=839

azizanakaxkar

	خىلى قىزىقارلىق ئىكەن رھمەت سىزگە

1670154432

	بار تېخى سىز بىلەن بىز پەرەزمۇ قىلىپ باقمىغان ،ئۇسۇللار بىلەن پارا بىردىغانلەرمۇ بار.

yawayi-0998

	ئاشۇ  ياڭاق چۇشىۋاتسا  ياڭاقنى  كۆتۇرگەن ئادەم ياڭاقتىن بۇرۇن ساق  چۇشەلىگەنمىدۇ ...

تىرەن

	مەن  راس دىسەم 1 قىززىق ئىكەن  2 چۇشىنەمىدىم

bodak010

	پارخورلارنڭ بىز مۇشۇنداق قىلىپ قويغان ،،،،،،،،،،،،،،

august

	بۇ ئىجادىي لەتىپە، باشقا مۇنبەرگە يۆتكىمەڭ،ئاپتۇرلۇق ھوقۇقىغا دەخلى قىلماڭ! ... مەنبە:http://bbs.karahijran.com/read.php?tid=839

marwari409

	توۋا ئويلاپ باقمىغان ئىشلار ئىكەن ، تاغارنىڭ ئىچىدىكىسى ياڭاقمىكەن ، ياڭاقنىڭ ئىچىگە پۇل سالماپتىمۇ ، رەھمەت ، تازا كۈلۈۋالدىم

شاتمەن

	مۇشۇ تېمىنىڭ ئىلھامى بىلەن باشلىقنى باپلىغان ئوغرىنىڭ ھىكايىسى ھازىر يېزىلىپ چىقتى .

0997savir

	ئەسىلامۇ ئەلەيكۇم ئوبدانكەن!