كىلىنىڭىزنى قىزىڭىزدەك كۆرۈڭ

fatima

	كىلىنىڭىزنى قىزىڭىزدەك كۆرۈڭ مەن بۇ ماقالەمدە قېينى ئانىلارنى سۆكمەكچى ئەمەس،قېينى ئانا بولسۇن ،ياكى ئۆزىمىزنىڭ ئانىسى بولسۇن ھەممىسى بىزنىڭ مېھرىبان غەمگۈزارىمىز. پەقەت بىر قىسىم قېينى ئانىلارنىڭ كېلىنلىرگە تېخىمۇ مېھرىبان بۇلۇپ ئۆز قىزىدەك كۆرشىنى ،ئوغلىنى ياخشى كۆرگەندەك كىلىنلىرنىمۇ ياخشى كۆرۈپ ئىللىق مۇئامىيلە قىلىشىنى ئۈمۈت قىلىمەن.بىزمۇ ھامان قېينى ئانا بۇلىمىز.مەيلى كېلىن بۇلايلى ياكى قېينا ئانا بۇلايلى،مىھرىبان بۇلۇپ ئائىيلە شاتلىقىدىن تەڭ بەھرىمان بۇلايلى .بۇ دۇنيا بىزگە تۆت كۈنلۈك قىسقىغىنە ھاياتتا بىر-بىرىمىزنى ھۆرمەتلەپ كۆڭلىگە ئازار بەرمەي ئۆتسەك تۇرمۇش تېخىمۇ كەڭ قۇچاق ئاچىدۇ.سۈيۈملۈك قىزلار بىزمۇ ياخشى كېلىن بۇلۇپ قېينى ئانا-قېينى ئاتىمىزنىڭ خىزمىتىنى ياخشى قىلايلى.ئۇلارمۇ بىزنىڭ ئۆز ئاتا-ئانىمىز. شوخ ئۇماق نۇربىيە 17 يېشىدا مەريەمخان ئانىغا كىلىن بۇلۇپ كىردى.مەريەمخان ئانىنىڭ دۇنيالىقتا بىر تاللا ئوغلى بۇلۇپ،كۆزىنىڭ قارچۇقىدەك كۆرۈپ ئەتىۋارلايىتتى.بۇ يىگىت بۇغداي ئۆڭ ئوتتۇر بوي كەلگەن بۇلۇپ بوي بەستى .چىرايىمۇ ئانچە قاملاشقان ئەمەستى.نۇربىيە بولسا بەك چىرايلىق دەپ كەتكىلى بولمىسىمۇ ، ناھايىتى نازۇك،ھەم بەك ئىشچان چوڭ بولغان قىز ئىدى. نۇربىيە مەريەمخان ئانىغا كىلىن بۇلۇپ كىرگەن كۈندىن تارتىپ،ئاتا-ئانىسىغا ئەركىلەپ يۈرۈيدېغان شوخلىقىدىن ئەسەرمۇ قالمىدى.مەريامخان ئانا ئۆينىڭ چوڭ-كېچىك ئىشلىرنىڭ ھەممىنى نۇربىيەگە قىلدۇراتتى.بۇ قىزمۇ خېلى چاققان بۇلۇپ قېينى ئانىسنىڭ بۇيرىغانلىرى بۇيىچە ئۆينىڭ ھەممە ئىشلىرنى بىر قوللۇق قىلىپ كەلدى.مەريەمخان ئانا بۇ قىزنى بىردەم ئارام ئالغىلى قويمايىتتى.شۇنداقلا ئولتۇرۇپ قالدىما!نەشتەردەك گەپ قىلىپ نۇربىيەنى تىللايىتتى. بۇ قىز مانا مۇشۇنداق تىلنى ئىشتىۋېرىپ بىز خىل گاڭگىراشتا ئۆزىنىڭ ئىشىنى ئۆزى تېپىپ قىلالمايدېغان بۇلۇپ قالدى.بىرەر ئىشنى قىلاي دەيدىييۇ قېينى ئانام بىر نېمە دەرمۇ دەپ،تىترەپ تۇرۇپ قىلالمايدۇ.مۇشۇنداق ئىزا ئاھانەتتە نۇربىيە نەچچە ئون يىلنى قېينى ئانىسىنىڭ كۆڭلىگە ئازار بەرمەي،بىرەر ئېغىز گەپ تاكاللاشماي نېمە دېسە ماقۇل ئانا دەپ ھۆرمەتلەپ ئۆتكۈزدى. يېتىمنىڭ ئاغزى ئاشقا تەگسە بۇرنى قاناپتۇ دېگەندەك،بۇلارنىڭ تۇرمۇشى خېلى ياخشى بۇلۇپ نۇربىيەمۇ قېينى ئانىسىدىن ئۆي ئايرىپ، ئەمدى تۇرمۇشنىڭ خۇشاللىقىدىن بەھرىمان بۇلاي دېگەندە،شۇم تەقدىر بۇ بىچچارە نۇربىيە ئانا بالىغا قول سوزدى. نۇربىيەنىڭ ئىرى ئادەتتىكى بىر ئاشپەز بۇلۇپ،ھۆكىمەتنىڭ بىر ئاشخانىسىدا ياللىنىپ ئىشلەيىتتى.نۇربىيە بولسا ئۆيىدە بالىسىنىڭ،قېينى ئانىسىنىڭ ئاش تامىقىنى ئېتىپ ھالىدىن خەۋەر ئېلىپ ئولتۇراتتى.بۇلار ئۆي ئايرىپ چىققان بىلەن قېينى ئانىسى دائىم بۇلارنىڭ ئۆيىدە ئىدى. نۇربىيەنىڭ ئىرى ئىشتىن چۈشۈپ كىلىپ ئانىسى بىلەن پاراڭلىشىپ ئولتۇراتتى.نۇربىيە  كەچلىك تاماق ئېتىش ئۈچۈن ئاشخانىدا ئالدىراش ئىدى.ئۇماق پەرزەنتى ھويلىدا ئويناۋاتاتتى. تۇيۇقسىز ئانىنىڭ نۇربىيەنى چاقىرغان ئاۋازى ئاڭلاندى.نۇربىيە يۈگۈرۈپ كىرسە ئىرى خاخىراپ ئېغىزىدىن كىرپىك چىقىپ كۆزلىرى ئارقىغا كەتكەن پېتى ياتقان.قېينى ئانىسى ئوغلىنىڭ باش-كۆزىنى سىلاپ تىترەپ تۇرغان ھالىتىنى كۆرۈپ بىچچارە نۇربىيە ھۇشۇدىن كەتتى. خۇلۇم-خوشنىلار نۇربىيەنى بىر ئاماللارنى قېلىپ ھۇشۇغا كەلتۈردى.نۇربىيە كۆزىنى ئېچىپ ئاللىقاچان نەپەستىن قالغان ئىرىنى قۇچاقلاپ يىغلاشقا باشلىدى. ھەر قانچە يىغلاپمۇ ئېرىنى ئويغىتالمىدى.پەرزەنتى بولسا بىر تەرەپتە مۆلدۈرلەپ تۇرغان كۆزىدە دادىسىغا قاراپ يىغلاۋاتاتتى... مانا مەريەمخان ئانىنىڭ ئوغلى نۇربىيەنى تاشلاپ كەتتى.نۇربىيە مەكتەپتە ئۇقۇۋاتقان بالىسى بىلەن قېينى ئانىسىنىڭ ھالىدىن خەۋەر ئالمىسا بولمايىتتى.تۇرمۇش نۇربىيەنى خېلى ھالسىراتتى. ئۆينى ئىجارە ئېلىپ ئولتۇرغان بولغاچقا،كۈنلەر تىز ئۆتۈپ بىردەمدە نەچچە ئايلىق ئۆي پۇلى يىغىلىپ قاپتۇ.ئۆينىڭ ئىگىسىمۇ باشقا گەپ قىلمىغان بىلەن ئەمدى سۈيلەۋاتاتتى... ئۆيىدە يەيدېغان تۈزۈكمۇ نەرسە قالمىغان بۇلۇپ،ئىرىدىن قالغان پۇللار بۇ ئۈچ جانغا نەچچە ئايلىقلا بولدى. نۇربىيە ئەمدى قانداق قىلارمەن دەپ كېچە-كېچە ئۇخلىماي نالە قىلىپ يىغلايىتتى.<يا ئاتا-ئانام بولمىسا دەردىمنى تۆكىدېغان،يا بىر تۇققانلىرىم بولمىسا >دەپ ئۈن-تىنسىز ياش تۆكەتتى. چۈنكى يىغلىغىنىنى قېينى ئانىسى كۆرسە يەنە ئۇنى ئەيىپلەپ ۋۇ يارماس ئوغلۇمغىلا تاينىۋالغانمىدىڭ دەپ تىللايىتتى. بۇ قىز كۆپ يول مېڭىپ  ئاران دېگەندە بىر خىزمەت تاپتى.ئايلىقى ئانچە يۇقرى بولمىسمۇ تىجەپ خەچلىسە يىتىپمۇ قالاتتى.كۆندۈزى ئالدىراش خىزمەت قىلىپ كەچلىرى،كىر- قات يۇيۇپ دېگەندەك كۈن-كۈننى قوغلاپ ئۆتكۈزدى. نۇربىيەنىڭ ئېرى تۈگەپ كېتىپ ئۇزۇنغا قالماي قېينى ئانىسى ئۆيىدىكى بەزى نەرسىلەرنى بالامنىڭ نەرسىلىرى دەپ  ئەپكىتىپ ئۆينى قۇرۇغداپلا قويغان ئىدى.بۇلارنىڭ تۇرمۇشى شۇنچىلىك ئاددىي ھەم،غورۇگۇل ئىدى.بۇ قىزنىڭ بىرەر يىقىن دوستىمۇ يوق ئىدى.خۇلۇم-خوشنىلىرى ئۆيىگە كىرىپ ئانچە-مۇنچە تەسەللى بىرەيلى دەپ كىرسىمۇ قېينى ئانىسى كېلىنىمگە گەپ ئۆگەتكىلى كىرىشتىڭلارمۇ دەپ بۇلارنى قوغلايىتتى...... نۇربىيەنىڭ ئېرى ھايات ۋاقتىدا نۇربىيەنىڭ ئاتا-ئانىسىدىن نۇربىيەگە مىراس قالغان ئۆي جاينى ئېرى سېتىپ،ئۆزى پۇل قۇشۇپ كېچىك بولسىمۇ ئىككى يۈرۈش ئۆيگە پۇل تۆلەپ قويغان ئىدى.بۇ ئۆيلەرنىڭ پۈتكەن خەۋرى بۇلارغا كەلدى.نۇربىيە خوشلۇقتىن قىن-قېنىغا پاتماي كېتىۋاتاتتى.چۈنكى كونىلارنىڭ بىر گىپى بارغۇ!<ئېيىق بولسىمۇ ئىرىڭ بولسا ئۆڭكۈر بولسىمۇ ئۆيۈڭ بولسا >دەيدېغان.بىر ئايدا تاپقان پۇلىنىڭ 3دەن 1 قىسمى ئۆي ئىجارىسىگە كىتەتتى. نۇربىيە كۆڭلىدە بىر يۈرۈشتە قېينى ئانام ئولتۇرسا بىر يۈرۈشتە بالام بىلەن ئىككىمىز ئولتۇرامىز دەپ خىياللارنى قىلىپ ئولتۇراتتى.لېكىن قېينى ئانىسىنىڭ نېمە دەيدېغىنىنى بىلمەيىتتى. نۇربىيە غەيرەتكە كېلىپ بۇ تۇغۇرلۇق قېينى ئانىسى بىلەن پاراڭلاشماقچى بولدى. مىڭ بىر تەستە< ئانا...ئانا..نېمە دەيسىز،بولدى دىمەڭ مەن بىلىمەن >دېدى.نۇربىيەنىڭ ئاغزى تۇۋاقلىنىپلا قالدى.قېينى ئانىسى گەپ باشلاپ ئاڭلاپ تۇرۇڭ ئىككى يۈرۈش ئۆينىڭ ھەممىنى مەن ئالىمەن.بىرنى سېتىپ ھەرەمگە بېرىپ ھەج قىلىپ كىلىمەن.بىردە ئۆزۈم ئولتۇرىمەن دېدى.نۇربىيەنىڭ بېشىدىن بىر چىلەك سۇ قۇيۋەتكەندەك بۇلۇپ ئولتۇرغان جايىدا ئولتۇرۇپلا قالدى.نە ئۆينى تالىشىپ جاۋاپلىشاي دېسە،تا ھازىرغىچە قېينى ئانىسنىڭ بىر ئېغىز گىپىنى يىرىپ باقمىغاچقا پەقەت تەڭ تۇرالمايىتتى.مانا ئەمدى بۇ ناتىۋان قىز مۇشۇنداق خورلۇق دەت-ئەلەمگە بەرداشلىق بىرىپ ياشىمىسا بولمايىتتى. نۇربىيە ئېچە ئۈن-تىنسىز يىغلايىتتى قېينى ئانام نىمانچە ئىنساپسىزلىق قىلىدېغاندۇ. مېنى ئويلىمسىمۇ ئوغلىنىڭ ئۇماق پەرزەنتىنى ئويلىسا بولمامدېغاندۇ.ئوغلۇم بىلەن قېقىلىپ -سۇقۇلۇپ ياشىساق خوش بۇلامدېغاندۇ دەپ ياش تۈكەتتى... مەن بۇ قىزنىڭ كەچۇرمىشنى ئاڭلاپ ئۇنىڭغا ھىسداشلىق قىلدىم.مىسكىن ھالىتىگە قاراپ تەسەللى بەردىم.ۋە قانۇندىن پايدىلىنىپ ئۆز ھۇقۇقىڭىزنى قوغداڭ دېسەم بۇ قىز پەقەت ئۇنىمىدى.نېمىشقا ئۇنمايسىز مۇشۇنداق جاپا تارتىپ ياشامسىز دېسەم قېينى ئانام بىلەن تەڭ تۇرۇپ مال دۇنيا تالاشقۇم يۇق قېينى ئانام خالاپ بەرسە مەيلى ئىدى دېدى. مەنبە قەلىمىم

adiba

	بۇنداق «قىيىن» ئانىلارنى يوق دەپ كەتكىلى بولمايدۇ.......

samra

	موشۇنىڭدەك قېيىن ئانىلاردىن ئاللا ئېگەم ئۆزى پانالىق بەرسۇن . ئەجىبا ئاشۇ بالىسىنىڭ تاپقان -تەرگىنىدە ، كېلىن بىلەن نەۋرىسىنىڭ ھەق نېسىۋېسى يوقمىدۇ ... بالامنىڭ نەرسىسى دەپ ھەممىنى ئۆزىنىڭكىگە توشىغىلى تۇرسا ... ئەجىبا ئاشۇ قارا يېتىمنىڭ ھەققىگە قول سوزۇپ ، ئۆي ساتقان پۇلغا ھەرەمگە بېرىپ ھەج قىلسا ،قىلغان ھەجىنىڭ ساۋابى بولامدۇ ...   تولىمۇ ئىنساپسىز ئايال ئىكەن...   شۇ قىلغانلىرى ئاخىر بىر كۇنى سېرتماق بولۇپ ئۆز بوينىغا سېلىنىدۇ ....

arman377

	بۇ قىز پاتقاققا پاتقانداكلا ياشاپتۇغۇ ھەي بۇ خارلىقنى  ئىچىم ئاغىردى

dilgiya

	كۆرىدىغان كۇنى بار بۇنداق دۇنياغا تويمىغان ئاچكۆزلەرنىڭ ،شۇ پۇلغا ھەجگە بارسا قۇبۇل بولارمۇ ؟ئىت خوتۇن .مىنىڭ قېيناناممۇ شۇنداق دۇنياغا كۆزى تويمايدىغان يا باللىرىغا مىھرىنى بەرمەيدىغان تىنىقىدىنمۇ پۇل دەپ تىنىق چىقىدىغان ئاچكۆز ھەسەتخور ،يۇۋاشنى بوزەك قىلىدىغان ياماندىن قورقىدىغان ئىپلاس خوتۇن،ھەتتا ئانىسىمۇ ئاچىلىرىمۇ قارغاپ تىللاپ ئۆتىدۇ ،،،،

tatleh

	يىتىم ئوغۇل ،تۇل خۇتۇننىڭ ھەققىنى ئۆزىگە قايتۇرۇپ بەرسە ھەجگە بارغانچىلىك ساۋابىنى كۆرەتتى ، جوھوت خۇتۇنكەن ، مۇشۇ قېيىنئانىلار زادى نىم ئويلايدىكىن بىز مىڭ ئاپىمىزدەك كۈرۈپ ئىچ-باغرىمىزنى تۈكۈپ بەرسەكمۇ ئوغلىنى دەرەخنىڭ ئۇچىدا ،بىزنى دەرەخنىڭ تۈۋىدە كۈرىدۇ ، ھەممىسى ئۇنداقمۇ ئەمەستۇ دىسەم يەنىلا ئاساسەن شۇنداق .... اللا ئىگەم كۆڭلىگە ئىنساپ بەرگەي !

hasalharisi

	كېلىنمۇ پەرزەنت (ھەسەل ھەرىسى) يېقىندا قېينئاتا-قېيىنئانىسى تەرپىدىن ئۇۋالچىلىققا ئۇچۇرغان بىر كېلىننىڭ ئىشلىرىنى ئاڭلاپ ھەيران قالدىم .بولۇپمۇ  ئىككى نەۋرە توغۇپ بەرگەن كېلىنىنى ئۇۋالچىلىققا قويۇشتا بەكىراق رول ئپينىغان قېيىنئاتىغا غەزىپىم كەلدى. ئۆزۈمچە،مەنمۇ كەلگۈسىدە قېيىنئاتا بولسام ئاشۇنداق رەھىمسىز،شەخسىيەتچى بولۇپ قالارمەنمۇ ،دەپمۇ ئويلاپ قالدىم.شۇنچە ئويلىساممۇ مەن خۇدايىم بۇيرىسا ئۇنداق بولمىغىدەكمەن.چۈنكى ؛كېلىنمۇ ئۆز پەرزەنت بىلەن ئوخشاش. قىزىمىزنىڭ ئورنىدا بىزگە قىزلىق مېھرى-مۇھەببىتىنى يەتكۈزىدۇ.ئەسلى ئىش مۇنداق ئىكەن: KW'nW   ئۇ قېيىنئاتا-قېيىنئانىنىڭ بىر ئەتىۋارلىق ئوغلى بولۇپ،بۇ ئوغلىغا ھازىرقى كېلىنىنى ئېلىپ بەرگىلى بىر قانچە يىل بولغان.ئەر-خوتۇن ئىككىسى شۇنداق كېلىشىپ،ئىناق ئۆتكەن.ئىككى پەرزەنتلىكمۇ بولغان. بۇ يىگىتنىڭ بەزىدە دوستلىرى بىلەن ئانچە-مۇنچە ئىچىپ ئويناپ قويىدىغان مىجەزىمۇ بار ئىكەن. يېقىندا بۇ يىگىت بىر دوستى بىلەن بىر موتو سىكىلىتقا مېنگىشىپ يېزا بازىرىغا   بېرىپ،بىرگە ھاراق ئىچىپ ئويناپ،ئۆيگە قايتاشىدا موتوسىكىلىت بىر سىتولبىغا سوقۇلۇپتۇ. موتوسىكىلىتنى دوستى ھەيدىگەن بولۇپ،موتوسىكىلىتنى ھەيدىگەن دوستى يېنىك يارلىنىپ،كەينىدە ئولتۇرغان ھېلىقى كېلىنچەكنىڭ ئېرى نەق مەيداندا ئۆلۈپ قاپتۇ. شۇنىڭدىن كېيىن بۇ ۋەقە قانۇن تارماقلىرى تەرپىدىن دىلو تۇرغۇزۇلۇپ تەكشۈرۈپ بىر تەرەپ قىلىنىپتۇ. موتوسىكىلىت ئېگىسى ئۆلگۈچىگە بىر مۇنچە تۆلەم پۇلى بېرىپتۇ. تۆلەم پۇلىنى ئۆلگۈچىنىڭ ئاتا-ئانىسى ئاپتۇ. بىراق ئىككى نارسىدە بىلەن يالغۇز قالغان كېلىنىگە بىر  پۇڭمۇ بەرمىگەنننىڭ ئۈستىگە ،كېلىنىنى ئوغلى بىلەن بىرگە تۇرىۋاتقان ئۆيدىن ھەيدەپ چىقىرىۋېتىپتۇ. بۇ قېيىئاتا-قېيىنئانا كېلىنىنى نىمە دەپتۇ دېمەمسىلەر: <<سەن ئوغلىمىزنى چىڭ باشقۇرۇپ سىرىتقا ماڭغىلى قويمىغان بولساڭ ،ئوغلىمىز ئۆلمەيتتى.ئوغلىمىزنىڭ ئۆلىشىگە سەن سەۋەپچى.ئەمەلىيەتتە سەن بىزگە ئۆلۈم تۆلەم پۇلى تۆلىسەڭ بولىدۇ>>دەپ بىر مۇنچە تۆھمەت،ھاقارەت قىپتۇ. ئۇ كېلىن چەكسىز دەر-ئەلەم ئىچىدە بۇ دەردىنى مېنىڭ بىر تۇغقۇنۇمغا تۆكۈپ،قانداق قىلىشىنى بىلمەيۋاتقانلىقىنى ئېيتىپتۇ. ئۇ تۇغقۇنۇم مەندىن مەسلىھەت سوراپ تېلىفۇن ئۇرۇپتۇ. مەن قانۇن ساھەسىدە ئىشلىمىگەچكە ،بىۋاستە ياردەم بېرەلمىسەممۇ ،ئۆزۈمنىڭ بىلىشىچە ئەھۋالنى ناھىيەلىك ئاياللار بىرلەشمىسىگە مەلۇم قىلىش ياكى سوت مەھكىمىسىگە قېيىنئاتا-قېيىنئانىسى ئۈستىدىن ئەرىز قىلىش يولى بىلەن قانۇنىي ھوقۇق مەنپەئەتىنى قوغداش تەكلىپىنى بەردىم. ncadVheKt   يۇقارقى ۋەقە كىشىنى قاتتىق ئويغا سالىدۇ. جەمئىيەتتە يامان تەسىر پەيدا قىلىدۇ.جەمئىيەتتىكى ئەڭ نازۇك مەسىلە بولغان قېيىنئاتا-قېيىنئانا بىلەن كېلىن-كۈيئوغۇل مۇناسىۋىتىنى ياخشىلاشقا ئەكىس تەسىر كۆرسىتىدۇ. قېنى بۇ ئىشقا مۇنبەرداشلارنىڭ كۆز قاراشلىرى قانداقكىن؟

marwari409

	لېكىن بەزى شۇنداق ياخشى قىينىئانىلارمۇ بار ئىكەن ، مېنىڭ بىر دوستۇم بىر غۇلجىلىق بالا بىلەن توي قىلغان ، قىيىن ئاتا - ئانىسىنىڭ ئۆيى غۇلجىدا ، دوستۇم بىر ئىشلارنى قىلىپ ئەپلەشتۈرەلمىسە قيىن ئانىسى دوستۇمنى تىللىمايدىكەن ، ئەكىسچە :ھېچنىمە بولمايدۇ بالام ، ئاستا - ئاستا ئۆگىنىپ كېتىسىز ،دەيدىكەن . بولمىسا دوستۇم ئۇلارغا كېلىن بولغىنى ئىككى يىلدىن ئاشتى ،

hasalharisi

	بۇ مۇناسىۋەت بەك نازۇك مۇناسىۋەت. جەمئىيەتتە ياخشى قېينئاتا،قېينئانا ،ياخشى كېلىن ،كۈيئوغۇللارمۇ كۆپ.

bujahan

	بۇجاھاندا ئاجايىپ ئادەملەر بار جۇمۇ.

axikim721

	بەش قول ئوخشاش بومىغىنىدەك بۇ جاھاندىكى ئادەملەرمۇ ھەم ئۇلارنىڭ مىجەز-خاراكتىرىمۇ ئوخشاشمايدۇ. مەيلى كىلىن بولسۇن ، مەيلى قېيىن ئانا بولسۇن ھەركىم ئۆزىنىڭ ئۆتەشكە تىگىشلىك مەجبۇريىتىنى ئۆتەشكە تىگىشلىك. بۇ يازمىدا تىلغا ئېلىنغان ۋەقەلەر راس ياكى تۇقۇلما ئىكەنلىكى ماڭا نامەلۇم. مەيلى قانداق بۇلۇشىدىن قەتنى نەزەر نۇربىيەنىڭ قېيىن ئانىسى ...ئاشۇمۇ بىر ئانا بولدىمۇ؟ زالىمنىڭ ئۆزى ئىكەنغۇ؟ ....

umak111

	توۋا.........       نېمە بۇلۇپ قالدى ما جاھان .بىرى قېيىن ئانىسىدىن رەنجىيدۇ، بىر يەرلەرگە قارىسا كىلىنلەر ساپاسىز دەپ قاقشاپلا يۈرىشىدۇ.    ياخشى كىلىن،ياخشى قېيىن ئانىلارمۇ ئاز ئەمەس بولمىسا...

pis~hika

	ئۇنداقمۇ دەپ كەتمەڭ ، قىيىن ئانىدا نىمە گۇناھ، سىلەرمۇ قىزلار بولغاندىكىن ئۇنى- بۇنى دىمەي،  ئارتۇق غەيۋەتكە ئارلاشماي، ئۆز كۆڭلۈڭلەرگە ئىنساپ تىلەڭلار. ئاشۇ زالىم قىيىن ئانىمۇ بۇرۇن سىلەرگە ئوخشاش بىر ئىپپەتلىك قىز بولغىتتى. سىلەرمۇ تەڭ كۆرۈپ شۇنداق بولۇپ قالماي توۋا دەڭلار. چۈنكى قىيىن ئانا دىگەنلەرمۇ قىزلاردىن چىقىدۇ.  ئۇلۇغ ئاللاھ ئىگەم ھەممىڭلارنىڭ كۆڭلىگە ئىنساپ تۆھپە ھىدايەت ئاتا قىلسۇن.

007katel-83

	ئېھ ئۇلۇغ ئاللا مۇشۇنداق ئىنساپسىز قېيىن ئانىلارنىڭ كۆڭلىگە ئىنساپ بەرگەيسەن!!!!!!!!!!!!!!!!!!!!!!!!!!!!!!!!

1670154432

	ئۇنداقمۇ دەپ كەتمەڭلار ،مىنڭغۇ قېيىن ئانام -قېيىن ئاتام يوق ،ئۇلار مەن توي قىلىشتىن بۇرۇنلا تۇگەپ كىتىپتىكەن ،لىكىن يۇلدۇشۇم ،مىنىڭ ئاپامنى (گەرچە ئوگەي بولسىمۇ) شۇنچە ياخشى كۇتىدۇ ،ئاپاممۇ تۇيغا جان-جەھلى بىلەن قارشى تۇرغان ،بىراق ھازىر مەندىن بەكرەك يولدىشىمغا ئامراق ، مىنىڭمۇ بىر دوستۇم كورۇللۇق بىر بالىغا تۇي قىلغان ،تۇيدىن بۇرۇن ئوغۇلنىڭ ئاتا-ئانىسىمۇ قارشى تۇرغان ،چۇنكى دوستۇم بىر تۇي قىلغان بىر بالىسى بار ئىدى ،ئوغۇل بولسا تېخى ئويلەنمىگەنكەن ،بۇنى ئاز دەپ دوستۇم ياسانچۇق ،ئوغۇل بەش ۋاق نامازكەن ،ئۇلارنىڭ ھەقىقى مۇھابىبتى چوڭلارنى باش ئەگدۇردى ،دوستۇممۇ ھىجاپلاندى ،لىكىن كاج پەلەك ،تۇي قىلىپ 4_5 ئايلاردىن كىيىن  ،بەخىتلىك ئائلىنى ۋەيران قىلىپ ئەمدىلا  26 ياشقا كىرگەن يولدىشىنى قارا يەرگە كۇمۇپ قۇيدۇق ،بۇلارمۇ ئوخشاشلا  ،بىر دوستى بىلەن تۇيغا مېڭىپ ،قاتناش ۋەقەسىدە قازا قىلدى ،تۇيغا قارشى تۇرغان ئاتا-ئانىسى ،دوستىمىزنى ئوغلۇمنى كۆرگەن كۆزدە كۇرمەن ،ئاغزىغا ئىلىم سالغىچە ،ئوغلۇم خېلى ھەرەج تارتتى ،قايتىپ كەتسە ئەجرى بىكار بۇلدۇ دەپ ،ماشىنچىلىققا شاگىرىت بىرىپ بىر دۇكان ئېچىپ بەردى ،ھەم شەھەر بۇيچە ھورمەتكە سازاۋەر بىر  قارىم بالغا ،ئۇزى چىقىم قىلىپ تۇينى قىلىپ قۇيدى .ھازىر شۇنداق بەخىتلىك ،بىر ئوغۇللۇقمۇ بولدى ،بىزلەرگىمۇ كۆرگەنلا يەردە نەسىھەت قىلىپ ياخشى -ياماننى چۇشەندۇردۇ. مانا بۇمۇ قېيىن ئانىغۇ؟