قىز ستۇدېنت نامرات مۇھەببىتىگە 50 مىڭ بېرىپ

gulxarihan

	نامرات يىگىتنىڭ مۇھەببەت ھېكايىسى       يىگىتلەر  ، سىلەر سەل نامرات بولۇپ قالساڭلار ھېچقىسى يوق ، مۇھىمى سىلەردە كەلگۈسىگە نىسبەتەن ئىنتىلىش، ئىزدىنىش روھى بولىدۇ ، كۆڭلۈڭلەردە ئارزۇ -ئارمانلار بۆلىشى كېرەك . ئۆزۈڭلار قىز دوست تاپالماي مېنىڭ پۇلۇم يوق ، ھازىر قىزلارنىڭ ھەممىسى پۇلنىلا ياخشى كۆرىدۇ دېسەڭلار بولمايدۇ . قىزلارنىڭ سىلەردىن ئايرىلىپ كېتىشى ھەرگىزمۇ سىلەر نامرات ياكى پۇلۇڭلار سەل ئازراق بولۇپ قالغانلىق سەۋەبىدىن ئەمەس بەلكىم ئۆزۈڭلارنى ئۆزۈڭلار مەن نامرات ، مېنىڭ تۇرۇشۇم شۇ دەپ ئېتىراپ قىلغانلىقىڭلاردا .       ھېكايەت قىلىنىشىچە ، بۇرۇن شۇنداق بىر ئاشىق -مەشۇق ئۆتكەن بولۇپ ، يىگىتنىڭ ئائىلىسىدە ئازراق قىيىنچىلىق بولۇپ ئۆزى سەل نامراتكەن. ئەكسىچە قىزنىڭ ئائىلىسى راۋۇرۇس بايلاردىن ئىكەن . ئۇلار ئالىي مەكتەپتە بىرگە ئوقۇغان بولۇپ مەكتەپ پۈتتۈرگەندىن كېيىن يىگىت خىزمەت تاپالماي دائىم دوستلىرىنىڭ ئۆيلىرىدە ياكى تورخانىلاردا تور ئويۇنلىرى ئويناپ كۈنلىرىنى شۇنداق مەنىسىز ئۆتكۈزۈۋېتىپتۇ . مۇشۇ ۋاقىتقىچە ئۇ قىزمۇ ئۆزىنىڭ ئائىلىسىنىڭ زادى قانچىلىك مال-دۇنياسىنىڭ بارلىقىنى يىگىتكە بىلدۈرمىگەنىكەن. ئۇ قىز پەقەت ئۆزى ياخشى كۆرگەن ، تويلاشماقچى بولغان ، ئۆزىنى مەڭگۈ تاپشۇرماقچى بولغان يىگىتنىڭ ھازىرقىدەك تۇرمۇش شارائىتىدا زادى قانداق قىلىدىغانلىقىنى كۆرۈپ باقماقچى ئىكەن.       قىزنى ئەڭ ئۈمىدسىزلەندۈرگىنى، قىز ھەر قېتىم يىگىتنى ئىلھاملاندۇرۇپ چىقىپ خىزمەت ئىزدەپ باقسىڭىز بولمامدۇ ، بىرەر خىزمەت چىقىپ قالسا ئەجەب ئەمەس دېسە ، ياخشى كۆرگەن يىگىتتىن قايتىدىغىنى : ‹‹ مېنىڭ تەقدىرىم مۇشۇنداقكەن ، مەنمۇ خىزمەت تاپالماي ئاران تۇرىمەن ، مېنى جىلە قىلماي بىردەم ئارامىمدا قوي . ›› ۋارقىراشلىرى بولىدىكەن .        ھەر قېتىم مۇشۇنداق بولغاندا قىزنىڭ يۈرەكلىرى ئېزىلىپ يىغلاپ كېتىدىكەن ،  ئەمما ئۆزى ئۇ يىگىتنى ناھايىتى ياخشى كۆرگەچكىمۇ كۆپ قېتىم ئۆزىنىڭ ۋە ئائىلىسىنىڭ ئەھۋالىنى يىگىتكە بىلدۈرمەكچى ، ئۇنىڭغا ياخشىراق خىزمەتمۇ تونۇشتۇرماقچى بوپتۇ - يۇ ، يىگىتىنىڭ ئىنتىلىش ، ئىزدىنىش روھنىڭ يوقلۇقىنى ئېسىگە ئېلىپ يەنە بىر مەزگىل قاراپ باقماقچى بولۇپ توختاپ قاپتۇ .       قىزمۇ داۋاملىق يىگىتىم بىر كۈنلەردە مېنىڭ قىلغانلىرىمنى ۋە كۆڭلۈمنى چۈشىنەر دەپ ئۇنىڭغا يەنە پۇرسەتلەر بېرىپ،ئۇنى ئىلھاملاندۇرۇپ ، كۆزىتىپ كەپتۇ. شۇنداق بىر كۈنلەردە يىگىت نامراتلىقتىنمۇ ياكى خىزمەت تاپالمىغان سەۋەبتىن بېسىم ھېس قىلغانمۇ قىزغا بەكلا چېچىلىپ، ۋارقىراپ كېتىپتۇ ھەم ئەڭ ئاخىردا : ‹‹ مەن بولۇشۇم شۇ ، شۇنداق نامرات ، ئەگەر سەن مەن بىلەن ئۆتۈشىنى خالىمىساڭ ئايرىلىپ كېتەيلى . ›› دەپتۇ .       قىز قاتتىق ئۈمىدسىزلىنىپتۇ ، ئۆيگە قايتىپ يىگىتىگە بىر پارچە خەت يېزىپ ئەۋەپىتۇ ، يىگىت خەتنى كۆرگەندىن كېيىن كۆزلىرى پارقىراپ ، باشلىرى ئايلىنىپ ئولتۇرۇپلا قاپتۇ. قىز خەتتىن باشقا يەنە 50 مىڭ يۈەن پۇلمۇ ئەۋەتكەن بولۇپ خەتتە يېزىلىشىچە بۇ قىزنىڭ يىگىتكە بەرگەن ئايرىلىپ كېتىش ھەققىكەن .  شۇنىڭدىن كېيىن قىز تېلېفون نومۇرلىرىنى بىراقلا ئالماشتۇرۇپ يىگىتنىڭ كۆزدىن مەڭگۈ يوقاپتۇ .        بايلىق ۋە نامراتلىق ، ئۇ پەقەتلا بىر جەريان       كۆپىنچە ئەھۋالدا نۇرغۇن كىشلەر ئۆزىنىڭ نامىراتلىقىنى ئاتا -ئانىلىرىدىن كۆرىدۇ ، ئۇلارنىڭ قارىشىچە ئاتا-ئانىلىرى تىرىشماي، ئۆزلىرىنىڭ نامراتلىقىنى باللىرىغىچە سۆرەپ يۈرىدۇ. ئاخىردا باشقىلارنىڭ ياقتۇرشىغا ئېرىشەلمىگەنى ، قىزدوست تاپالمىغاننى تەغدىردىن كۆرىدۇ . ھەمدە ‹‹بىزنىڭ ئۆينىڭ ھالى شۇ ، نامىراتلىق پىشانىمىزگە پۈتۈلۈپ كەتكەن . ›› دەپ ئويلايدۇ.       لېكىن ، مۇشۇنداق ئوي -پىكىردە بولغانلارنىڭ ھەممىسى يارىماس ، قولىدىن ئىشكەلمەسلەردۇر. چۈنكى ئاتا - ئانىلىرىمىز بىزنى مىڭ بىر جاپادا بېقىپ چوڭ قىلىپ  ، ئۆزى يىمەي -ئىچمەي يىغىپ ساقلاپ قويغان پۇللىرىغا بىزنى ئالىي مەكتەپلەرگىچە ئوقۇتۇپ  قويسا ، بىز ئۇلار بەرگەن پۇللارغا يەپ ئىچىپ ، ئويناپ ئەمدى بولغاندا نامىراتلىقنى ئۇلاردىن كۆرسەك قانداق بولىدۇ ؟       بىلىشىمىز كېرەككى ، نامىراتلىق ئۇ بىر خاتالىق ئەمەس ، يەنە كېلىپ ئاتا-ئانىلىرىمىزنىڭ خاتالىقى ئەمەس ، ئۇ پەقەتلا بىر جەريان . ھەرقانداق ئادەم باشتىن ئۆتكۈزدىغان جەريان.  مەيلى سىز نامىرات بولۇڭ ياكى باي بولۇڭ ئەگەر تىرىشمىسىڭىز، ئۆگەنمىسىڭىز نامىرات دېگەن نام سىزگە بىر ئۆمۈر چاپلىشىۋالىدۇ . نۇرغۇنلىغانلار بېلىدۇ، كىچىك بايۋەتچىلەر  تۇغۇلغاندا ھەممە نەرسىسى تەل بولىدۇ، قولنى سوزسىلا پۇل ، ئېغىزىنى ئاچسىلا ئاش كېلىدۇ . لېكىن كۆپنچىسىنىڭ مۇھاببەتلىك تۇرمۇشى ، تويلىرى مەلۇم مەقسەتكە ، پايدا - مەنپەئەتكە باغلاشقان بولىدۇ .       دېمەككى ، ئۆزىمىزنىڭ نامىراتلىقىدىن ئاغىرىنىپ يۈرىۋەرمەي ، ئاز-ئازدىن تىرىشساق ، ئىزدەنسەك ، باشقىلار بىلەن ئارلاشقاندا سەمىمىي بولساق ، قىزلارغا كۆڭۈل بۆلسەك  ياخشى خىزمەت، ياخشى تۇرمۇش ۋە بەخىتلىك ئائىلىگە ئېرىشىش تەس ئەمەس. تىما ئىگىسى سۆزى : مەن تۇرمۇشتا دەل مۇشۇنداق ئىشقا يۇلۇققان ( گەرچە ئۇنداق كۆپ پۇل بىرەلمىسەممۇ ) شۇڭا بۇ تېما ئارقىلىق تورداشلارنىڭ كۆز - قارىشىنى سەمىمى پىكىرىنى ئاڭلاپ باقماقچى ، تورداشلارنىڭ كۆچۈرمىكەش دەپ مېنى تىللىماي ، ئەستايىدىل پىكىر- تەكلىپ بېرىپ بېقىشىنى ئۈمىد قىلىمەن . مەنبە : نۇر تورى

كارۋان

	ئېغىزدا دىمەك بەكمۇ ئوڭاي.ئەمما ئەمەليەتكە كەلگەندىچۇ؟مەن تولا ئاڭلاپ بۇنداق گەپلەرنى.پۇلىڭىز بولمىسىمۇ مەيلى دىگەن ھەرگىزمۇ قىزلارنىڭ يۈرەك سۈزى ئەمەس...100 نىڭ ئىچىدە 4تى پۇلى يوق ۋىجدانى بار يىگىتلەرنى تاللىسىمۇ 96 سى پۇلى بار باي يىگىتلەرنى تاللايدۇ.بىلىمەن ھازىرلا مۇنبەردە پۇلى بولمىسىمۇ ئۆزى ياخشى بولسا بولدى دىگەن گەپلەر چىقىدۇ.لىكىن مۇنبەردىكىلا گەپ ئۇ.ئىسىڭلاردا بولسۇن پۇل دىگەننى ئادەم تاپىدۇ.نىكاھتىن تەلىيىڭىز كەلسىلا خۇدانىڭ سىزگە بەرگىنى شۇ.ھەمىمىز شۇ تۇپراققا كىرىپ كىتىمىز،پۇل پۇل دەيدىغانلارمۇ يالىڭاچ كىتىدۇ.نامرات ئۆتكەنلەرمۇ شۇ.

دەۋىر

	ئاۋۇ قىز، ھورۇن ئالغا ئىنتىلىش روھى يوق يىگىتىگە پۇل بىرىپ خاتا قىپتۇ ئۇ يىگىتنىڭ كىيىنكى ئەھۋالىنى پەرەز قىپ باقايلى. بەلكىم ئۇ يىگىت نومۇس ۋە خورلۇق ئىچىدىن قايتىدىن بىشىنى كۆتۈرۈشى مۇمكىن، ۋەياكى تەييار پۇلنى خەجلەپ كۆرگەن كۈنىگە شۈكرى قىلىپ بۇرۇنقىدەك ئۆتىۋىرىشىمۇ مۇمكىن، بۇنىڭدا كىيىنكى ئىھتىماللىق چوڭراق بولىدۇ، نامرات ۋاقتىدا تىرىشمىغان ئادەم، قولىغا تۇيۇقسىزلا پۇل كىرگەندىمۇ ياپسام پىشارمۇ كۆمسەم پىشارمۇ دەپ يۈرۈپ، بىر ئىشلارنى تەۋرىتەلىشى ئاسان ئەمەس. ماددىي جەھەتتىكى نامراتلىق ھىچ گەپ ئەمەس، ئەڭ يامىنى روھى جەھەتتىكى نامراتلىق، ئادەمدە ئۆزىگە ئىشىنىش، تىرىشچانلىق روھى بولسا ھەم پۇرسەتنى تۇتۇشقا ماھىر بولسىلا، ئۆزىنىڭ ئەھۋالىنى ئۆزگەرتەلەيدۇ، قايتا-قايتا تىرىشچانلىق كۆرسىتىپ تۇرۇپمۇ، مەغلۇبىيەتكە ئۇچراۋەرسىمۇ ھامىنى باش كۆتۈرۈپ چىقالايدۇ، چۈنكى تىرىشچان ئادەم مەغلۇبىيەتنى، غەلبىنىڭ ئانىسى دەپ بىلىدۇ، ھەرقىتىم مەغلۇپ بولغىنىدا، كىيىنكى غەلبىسى ئۈچۈن بىرقەدەم تاشلىغان بولىدۇ، تەجىربىسى كۆپىيىدۇ.

Qapaqhenim

	يەنىلا شۇ ‹‹مۇھابىتى ئۇ بوپتۇ، بۇ بوپتۇ››... ھەي قاچانمۇ بىر ئەمىلى بىلىم خارەكتىرلىق، باشقىلارغا نەپ بېرەلەيدىغان تېمىلارمۇ يوللىنار؟!

taghrim

	تىما ماۋزۇسى چۇشىنىكسىز بولۇپ قاپتۇ  ، « 50 مىڭ  » نىڭ ئاخىرىغا يۇەن دىگەن خەتنىمۇ يىزىپ قويغان بولسىڭىز  ياخشى بولار ئىكەن . ھازىر نىمە بەردى چۇشەنگىلى بولمايدىكەن .   مەن سەل دۆت ئوخشايمەن .

Uyghun

	مىنىڭ تۇرۇشۇم شۇ دىگەن ئادەمدە ئۇمۇت نىمىش قىلسۇن.

MU`KAM

	ئاپتور جاۋابىنى بويلاپ 1قەۋەت  كارۋان كە 2011-07-20 03:26 PMئەۋەتىلدى  : ئېغىزدا دىمەك بەكمۇ ئوڭاي.ئەمما ئەمەليەتكە كەلگەندىچۇ؟مەن تولا ئاڭلاپ بۇنداق گەپلەرنى.پۇلىڭىز بولمىسىمۇ مەيلى دىگەن ھەرگىزمۇ قىزلارنىڭ يۈرەك سۈزى ئەمەس...100 نىڭ ئىچىدە 4تى پۇلى يوق ۋىجدانى بار يىگىتلەرنى تاللىسىمۇ 96 سى پۇلى بار باي يىگىتلەرنى تاللايدۇ.بىلىمەن ھازىرلا مۇنبەردە پۇلى بولمىسىمۇ ئۆزى ياخشى بولسا بولدى دىگەن گەپلەر چىقىدۇ.لىكىن مۇنبەردىكىلا گەپ ئۇ.ئىسىڭلاردا بولسۇن پۇل دىگەننى ئادەم تاپىدۇ.نىكاھتىن تەلىيىڭىز كەلسىلا خۇدانىڭ سىزگە بەرگىنى شۇ.ھەمىمىز شۇ تۇپراققا كىرىپ كىتىمىز،پۇل پۇل دەيدىغانلارمۇ يالىڭاچ كىتىدۇ.نامرات ئۆتكەنلەرمۇ شۇ. ئوغۇل بالىدەك، نەخ گەپنى قىپسىز، مەنمۇ مۇشۇ پىكىرنى قوللايمەن!~

marwari409

	مەنمۇ كارۋاننىڭ پىكىرىنى قوللايمەن ، قىزلار ئاغزىدا ئۇغۇلنىڭ پۇلى بولمىسا مەيلى دېگىنى بىلەن كۆڭلىدە ئۇنداق قارىمايدۇ ، چۈنكى ھازىر ئىستىمال سەۋىيىسى يۇقىرى بولىۋاتقان جەمئىيەتتە ، بىر ئۆمۈر قەرز (ئۆي قەرز پۇلى ، تويدا ئالغان قەرز پۇلى) تۆلەپ ئۆتۈشنى خالىمايدۇ ، شۇڭا قىزلارنىڭمۇ پۇلى بارنى تاپىمەن دېگىنىنىمۇ توغرا چۈشىنشكە بولىدۇ ، بۇ ئۇلارنىڭ ھەرگىزمۇ ئۇغۇللارنىڭ پۇلىنى قۇيۇپ بۇزۇپ چېچىپ قانغۇچە ئوينايمەن دېگەنلىك ئەمەس

SUKUT520

	ئاپتور جاۋابىنى بويلاپ 1قەۋەت  كارۋان كە 2011-07-20 03:26 PMئەۋەتىلدى  : ئېغىزدا دىمەك بەكمۇ ئوڭاي.ئەمما ئەمەليەتكە كەلگەندىچۇ؟مەن تولا ئاڭلاپ بۇنداق گەپلەرنى.پۇلىڭىز بولمىسىمۇ مەيلى دىگەن ھەرگىزمۇ قىزلارنىڭ يۈرەك سۈزى ئەمەس...100 نىڭ ئىچىدە 4تى پۇلى يوق ۋىجدانى بار يىگىتلەرنى تاللىسىمۇ 96 سى پۇلى بار باي يىگىتلەرنى تاللايدۇ.بىلىمەن ھازىرلا مۇنبەردە پۇلى بولمىسىمۇ ئۆزى ياخشى بولسا بولدى دىگەن گەپلەر چىقىدۇ.لىكىن مۇنبەردىكىلا گەپ ئۇ.ئىسىڭلاردا بولسۇن پۇل دىگەننى ئادەم تاپىدۇ.نىكاھتىن تەلىيىڭىز كەلسىلا خۇدانىڭ سىزگە بەرگىنى شۇ.ھەمىمىز شۇ تۇپراققا كىرىپ كىتىمىز،پۇل پۇل دەيدىغانلارمۇ يالىڭاچ كىتىدۇ.نامرات ئۆتكەنلەرمۇ شۇ. ماگەپنىڭ جىنى بار گەپ بوپتـۇ مەن مۇ شۇنداق قارايمەن.

ézd!мiduК

	مەن سىزگە ئىشەنمەيمەن جۇمۇ.