پۇلغا تامغان ياش(ھىكايە)

parixta0020

	ئېتىز ئىشلىرىنى تۈگىتىپ ، قورسىقىمنىڭ ئاچقانلىقىنى ھىس قىلىپ ، ھارۋامنى تېز ھەيدەپ ئۆيگە كەلگىنىمدە ، ئاپامنىڭ ئاغرىپ ياتقانلىقى مىنى تولىمۇ بىئارام  قىلدى . ئاپام 60 ياشلارنىڭ قارىسىنى ئالغان بولسىمۇ ، ئادەتتە ئىشچان ، تەلەپچان ئائىلە ئايالى ئىدى .     مەن ئاپامنى ئېلىپ ھارۋىنى دوختۇرخانا تەرەپكە چاپتۇردۇم ، ئاپام زادىلا بولالمايۋاتاتتى ، ئىتتىك ماڭغانسېرى دوختۇرخانا يىراققا سۆرىلىۋاتقاندەك تۇيۇلاتتى ، ئاخىرى دوختۇرخانىغا يىتىپ كەلدىم - دە ، ئاپامنى كۆتۈرۈپ دوختۇر ئىشخانىسىغا كىرسەم ، دوختۇرلار ئىشتىن چۈشۈپ ، پەقەت تېز قۇتقۇزۇش بۆلۈمىدىكى نوۋەتچىدىن باشقا ئادەم كۆرۈنمەيتتى . ئاپامنى كېسەل تەكشۈرۈش كارۋىتىدا ياتقۇزۇپ قويۇپ ، ئۇدۇلدىكى شىرەگە ئىككى جەينىكىنى تىرەپ ئولتۇرۇپ گېزىت كۆرۈۋاتقان 30 ياشلار چامىسىدىكى ئايال دوختۇرغا ئالدىراپ :     ــــ ئاپام بەك بىئارام بولىۋاتىدۇ ، كۆرۈپ باقسىڭىز!؟ـ ـــ دىدىم .     ــــ نومۇر ئالدىڭىزمۇ؟ ــــ دىدى ئۇ بېشىنى كۆتۈرۈپمۇ قويماي .     ــــ نومۇر ئېلىش ئورنىدا ئادەم يوقكەن ، ئالدى بىلەن سىز كېسەلنى كۆرۈپ تۇرسىڭىز ، ئادەم پەيدا بولغاندا رەسمىيەت بىجىرىۋېتەي ــــ دىدىم يالۋۇرۇپ .     ــــ ئۇنداق بولسا ، ئاپىڭىزنىڭ ھالى بەك ئېغىركەن ، سىز ماڭا  300 يۈەن پۇل بىرىڭ ، ئاندىن كېسىلىنى تەكشۈرۈپ ئامالىنى قىلاي .     نومۇس دىگەننى قايرىپ قويۇپ ، ئايالنىڭ دەۋاتقان بۇ سۆزلىرىدىن بېشىم پىررىدە قىيىپ كەتتى . دەل شۇ چاغدا سالاپەتلىك بىر ئادەمنى ئىككەيلەن يۆلىگىنىچە بىز تۇرغان تېز قۇتقۇزۇش بۆلۈمىگە ئېلىپ كىردى . بۇنى كۆرگەن ھېلىقى ئايال چۇچۇپ ئورنىدىن تۇرۇپ كەتتى ۋە :    ــــ شۇجى سىلىگە نىمە بولدى؟ــــ دىدى - دە ، دەرھال قان بېسىم ئۆلچىگۈچ ۋە تىڭشىغۇچ قاتارلىق سايمانلارنى ئېلىپ كىلىپ تەكشۈرۈشكە چۈشۈپ كەتتى . ئادەملەر ئىشقا چۈشۈشكە باشلىدى ، مەن ئالدىراپ بېرىپ نومۇر ئالدىم - دە ، ھېلىقى دوختۇرنىڭ يېنىغا باردىم . ئۇ قولۇمغا بىر گىرادوس ئۆلچىگۈچنى تۇتقۇزۇپ قويدى . گىرادوس ئۆلچىگۈچنى ئاپامنىڭ قولتۇقىغا قىستۇرۇش جەريانىدا ، قىزىتمىسىنىڭ تېخىمۇ ئۆرلەپ كەتكەنلىكىنى سېزىپ :     ــــ بەك قىزىپ كېتىپتۇ !ـ ـــ دىدىم دوختۇرغا .     ــــ ئالدىرىماڭ ، سەل تۇرۇپ بىر نىمە دەيلى ــــ دىدى خاتىرجەم ھالدا .     ئاپامنىڭ نەپسى بارا - بارا ئاستىلاۋاتقان بولسىمۇ ، ئەمما دوختۇرنىڭ بايىقى جىددىيلىكىدىن قىلچە ئەسەر قالمىغان ئىدى . شۇ مىنۇتلاردا ئۆزۈمنىڭ نەقەدەر ئامالسىزلىقىمنى ھىس قىلىپ ، ئاپامنىڭ تاتارغان چىرايىغا قاراپ مۇشۇ يەردە ئەرزىمەس ئادەمگە ئايلىنىپ قالغانلىقىمغا بەكمۇ ئېچىندىم . دوختۇر سائىتىگە قاراپ قويۇپ ، گىرادوس ئۆلچىگۈچنى ئېلىشقا بويرىدى ، دەرھال ئېلىپ قولىغا تۇتقۇزدۇم ، ئۇ كۆرۈپ بولغاندىن كىيىن ، بىر پارچە قەغەزگە بىرمۇنچە خەنزۇچە خەتلەرنى يېزىپ :    ــــ رەسمىيەت بىجىرىپ كىرىڭ ــــ دەپ قولۇمغا بەردى . دەرھال رەسمىيەت بىجىرىش ئورنىغا بېرىپ ، قەغەزنى تەڭلىدىم .     ــــ 300 يۈەن تاپشۇرۇڭ!     ھەي ئىسىت........ بانكىغا ئامانەت قويغان بەش مىڭ يۈەن پۇلنى ئېلىشقىمۇ ئۈلگۈرەلمىگىنىمنى ، يېنىمدا پەقەت 30 نەچچە يۈەنلا پۇل بار ئىدى .     - بۇ پۇلنى ئېلىپ تۇرسىڭىز ، ئاپامنى ياتاققا ئالغۇزۇپ بولۇپلا بىر دەمگىچە ئامالىنى قىلىمەن ــــ دىدىم دوختۇرغا يالۋۇرۇپ ، ئەمما بۇ يالۋۇرۇشلار ھىچنىمىگە ئەرزىمىدى .     مەن دەرھال سىرتقا يۈگۈردۈم . كۆزۈم تورلىشىپ بىر نەرسىنى ئېنىق پەرىق ئېتەلمەيۋاتاتتى ، پۇتلىرىم ئېغىرلاپ ، گويا دەھشەتلىك بورانغا قارشى ماڭغاندەك سۆرىلەتتى . كاللامدا ‹ئاپام› ، ‹پۇل› ، ‹ئاپام› ، ‹پۇل› دىگەن ئىبارىلەر ئارقا - ئارقىدىن نامايەن بولىۋاتاتتى .     بەختىمگە يارىشا سودىگەر ئاغىينەم ئابلەت سودىسىنى تۈگىتىپ ئۆيىگە كېتىۋېتىپتىكەن . ئۇنى چاقىرىپ ئەھۋالنى دىگەندىن كىيىن ، ئۇ يېنىدىن 300 يۈەن پۇلنى نەقلا ساناپ بەردى . مەن پۇلنى سىقىمداپ دوختۇرخانىغا كىرىشىمگە ، كىشىلەرنىڭ : ‹ توۋا خۇدايىم ، بۇ ئايالنىڭ ھىچنىمىسى يوقمىدۇ ؟ خېلى ئۇزۇن تۇرۇپ قالدى ، نېمە كېسەل بولغىيتتى؟ › دىگەن گەپلىرى يۈرىكىمنى پۇلاڭلىتىۋەتتى .     ئوقتەك ئېتىلىپ ئانامنىڭ يېنىغا كىرسەم ، بىر قولى ساڭگىلاقلىق ياتاتتى ، ئۆزۈمنى ئاپامنىڭ ئۈستىگە ئاتتىم ، كۆز ياشلىرىم ئاپامنىڭ مەڭزىنى بويلاپ يەرگە چېچىلغان ھېلىقى ‹ نىجىس › پۇلغا تامچىلىماقتا ئىدى ، ئۆز كۆزۈمگە ئىشەنمىدىم ، ئاپامنىڭ ئۇنداق ‹ ئۇخلاپ › كېتىشىنى زادىلا ئەقلىمگە سىغدۇرالمىدىم .     ھېلىقى 300 يۈەنلىك رەسمىيەت قەغىزىنى غەزەپ بىلەن مىجىقلاپ ، بۇ دۇنيادا ئۆزۈمنىڭ تولىمۇ ئاجىزلىقىمنى ھىس قىلدىم . ئاپام ياشىشى كېرەك ئىدى ، مەن ئۇنىڭ ئالدىدا ئۆتەشكە تىگىشلىك مەجبۇرىيىتىمنى تېخى ئادا قىلىپ بولالمىدىم . ئاھ .... ئاپا! سەن مەن ئۈچۈن بۇ دۇنيادا ئەڭ قەدىرلىك ئەمەسمىدىڭ؟ سەن ئېيتىپ تۈگىتەلمىگەن ناخشا ، چېلىپ تۈگىتەلمىگەن مۇزىكا ئىدىڭ...     پەرزەنتلىك غورۇرۇمنىڭ قۇدرىتى بىلەن دوختۇرخانا تاملىرىغا يېزىلغان ‹ ئىناۋەت بىرىنچى › ، ‹ سىز ئۈچۈن خىزمەت قىلىمىز › دىگەن خەتلەرگە قارىتىپ ھېلىقى رەسمىيەت قەغىزىنى غەزەپ بىلەن ئاتتىم . بۇ قەغەز شامالدا ئۇچۇپ دوختۇرخانا ھويلىسىدا بىردەم پىرقىراپ غايىپ بولدى......     مەنبە : ‹ ئاتەش نەپەسلەر › ناملىق كىتابتىن

TOGRAKPADIXASI

	مۇشۇنداق مەسئۇليەتسىز دوختۇرلار بولىدىكەن كىشىلەر بىئەجەل ئۇ دۇنياغا كىتىپ قالىدۇ.

taklip.com

	ھەممە نەرسە تېپىلىدۇ،ئاتا-ئانا تېپىلمايدۇ. خىزمەت ،مۇناسىۋەت دەپلا شاپاشلاپ يۇرمەي ئاتا-ئانىغا ۋاپادار،كۈيۈمچان بولايلى. ئۇنداق مەسئوليەتسىز دوختۇرلار دىگەن ھۆكۈمەت دوختۇرخانلىرىدا كۆپ.

dilsiri

	مۇئاشنىڭ ،پۇلنىڭ قۇلى،  قىلچىمۇ مەسۇلىيەت تۇيغۇسى يوق پارازىت قۇرۇتلار

yusupjan518

	ئامال  يوق  جوڭگونىڭ  ھەرقانداق دوختۇرخانىسىدا  بۇنداق  ئەھۋاللار كۈرمىڭ ؟  قانداق  قىلالايتۇق ئەمدى !

babur99

	ھازىر بىرقىسىم دوختۇرلار نەپ چىقمايدىغان ئاق خالاتلىق پەرىشتىلەردىن بولغىچە ، مەنپەئەت تېگىدىغان ئالۋاستى بولۇشنى ئەۋزەل كۆرىدۇ. مۇشۇ دۇختۇرخەقنىڭ مۇئاش،مۇكاپات ،تەمىناتلىرى باشقا ساھەلەردە ئىشلەۋاتقانلارنىڭكىدىن كۆپ ئۈستۈن ،ھەتتا نەچچە قاتلايدۇ ، شۇنداق تۇرۇپ نېمىشقا تويمايدىغاندۇ؟

1670154432

	ھەمىمىز ئامال يۇق دەپ قاراپ تۇرماي ،بىرسى بولسا بىرسىنى ،ىككىسى بولسا ىككىسىنى پاش قىلايلى ،ھامان ئادالەتنى ياقىلايدىغان بىرسى چىقىشىغا ئىشىنىمەن،ئىنساپلىق دۇختۇرلارمۇ ئاز ئەمەس.

艾海提江

	ھېلىقى دوختۇرنىڭ ئىككى پۇتىنى ئىككى تەرەپكە قىلىپ قويۇپ بىر نىمە قىلىۋەتمەي نىمە دوختۇرخانىنىڭ تاملىرىغا قۇرۇق قەغەزنى ئېتىپ يۈرىسىز؟بۇنداق بىر نىمىلەر ھەممە يەردە بار!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

honqa

	ئوغلۇم  ئەمدىلا ئۇچ ئايلىق  بولغان ۋاقتىدا ئوپكە ياللۇغى بىلەن ئاغرىپ دوختۇرخانىغا كىرىپ قالدى ، شۇ چاغدا تۇساتتىن  ياندىن  ۋاراڭ-چۇرۇڭ ئاڭلاندى،  نىمە بولغاندۇ  دەپ چىقىپ  قارىسام ئەمدىلا ئىككى ياشلىق ئېغىر ئوپكە ياللۇغى بولغان بىر ئوغۇل بوۋاقنى  دادىسى -ئاپىسى پۇل يوق سەۋەبتىن دوختۇرخاندىىن ئەچىقىپ كەتمەكچى بۇلۇپتىكەن، بىر ياش ئايال دوختۇر ئەچىقىپ كەتمەڭ بىز ئامالىنى قىلايلى ، بالىنىڭ  ھاياتى خەۋىپ ئىچىدە دەپ چۇشەندۇرۋېتىپتىكەن، ئەمما ئاشۇنداق تالاش-تارتىش ئىچىدە نارىسدە بالىنىڭ كۇزى يۇمۇلغانىدى......

lanborgini

	ھىلىقى دوختۇرنىڭ ياق ھىلىقى ئالۋاستىنىڭ چاتار لىقىغا 300يۇەننى چاپلاپ قويۇپ بىرنىڭمە قىلۋەتمەي خەپ خەپ ئوزۇمنى باسالمايۋاتىمەن دىسى چۈنكى سىزنىڭ شۇ ئانىڭىز ھەممەيلەننىڭ ئانىسى ئەمەس مۇ   ھىلىقى جالاپ ئالۋاستىنى خەپ خەپ

ηěRiㄒǔ

	توۋا. ئەجەپ  ئاچچىقىم  كەلدى.  شۇمۇ دختۇر  بولۇپ  قاپتۇ. ھازىر بەزى دوختۇرلارنى پەرىشتە  دىگەندىن  ؛ قانۇنلۇق  قاتىل  دىسە توغرا  بولدىكەن.

tanhalikim

	«قانۇنلۇق قاتىل »بۇ ئوقشۇتۇش بەك توغرا بوپتۇ!~!~~~~~~~~~~~~~~~~~~~~~~~~~~~~~~~~!!!!!!!!!!!!!!!!!!!!!!!!!!

yusup180

	ھازىر  ھۈكۈمەت مائاشنى  100%بىرىدۇ ، ئەمەسمۇ  بۇرۇنقىدەك 70%نى بىرىپ 30% ئۈزى ئىشلىەەن ئىشقا قارىتا  بەرگەن بولسا ئۇنداق بولوپ كەتمەيتى ،

ひyＧんuR

	زامان تەرەققىي قىلىپ قولايلىقلار كۆپەيگەنسىرى قولايسىزلىقلارمۇ تەڭ كۆپىيىپ كەتتى . بەزى ئۇرۇنلاردا ئىش بىجىرىش بەك تەس بولۇپ كەتتى .