جەلپكار دۆلەت ئىتالىيە

nepise

	ياۋروپانىڭ جەنۇبىغا جايلاشقان ئىتالىيە ئاپىنىن يېرىم ئارىلى، سىتسىلىيە ئارىلى ۋە ساردىنىيە ئارىلىدىن تەركىب تاپقان. شىمالدا ئالپىس تېغى ئارقىلىق فىرانسىيە، شىۋېيتسارىيە، ئاۋستىرىيە، سىلوۋېنىيە بىلەن چېگرالىنىدۇ، شەرقى، جەنۇبى غەربى ئادىرىئاتېك دېڭىزى، ئىئونىيە دېڭىزى ۋە تىررېنو دېڭىزى بىلەن ئورىلىپ تۇرىدۇ. ئىتالىيانلار ئىتالىيەنىڭ ئۇزاق تارىخقا ئىگە مەدەنىيەت – سەنئىتىدىن پەخىرلىنىدۇ. ئىتالىيەدە مۇزېي كۆپ، ساياھەتچىلىك ئىتالىيە مىللىي ئىشلەپچىقىرىش ئومۇمىي قىممىتىنىڭ %3 ىنى ئىگىلەيدۇ. ئىتالىيە ھۆكۈمىتى يىللاردىن بۇيان تۈرلۈك تەدبىرلەرنى قوللىنىپ، كۆپ ساندىكى قۇرۇلۇش – ئىمارەتلەر ۋە يىغىپ ساقلانغان بۇيۇملارنى جامائەتچىلىككە نامايان قىلىشقا تىرىشتى.     كىنو – تىياتىرچىلىق ئىتالىيەنىڭ گۈللەنگەن سەنئەت تۈرى، جەمئىيەتنىڭ ھەرقايسى قاتلىمىدىكى كىشىلەر ئىجتىمائىي ئورنىنىڭ قانداق بولۇشىدىن قەتئىينەزەر ئوپېرا كۆرۈشنى ياخشى كۆرىدۇ، كىنوخانا ۋە رەسىم كارىدورىدا كىشىلەرنىڭ ئايىغى ئۈزۈلمەيدۇ. ئىتالىيەدە ھاۋاسى نەم، مەدەنىيەت يادىكارلىقلىرى كۆپ گۈزەل دېڭىز ساھىللىرى، ئارامگاھ، ئىستىراھەتگاھ، دېھقانلار سەيلە – ساياھەت ئورۇنلىرى كۆپ. رىم، ۋېنىتسىيە، فلورنسىيە، نابولس، سىتسىلىيە ئىتالىيەنىڭ ئاساسلىق ساياھەت شەھەرلىرى ھېسابلىنىدۇ. رىم شەھىرى دۇنيادا سىمۋوللۇق شەھەر بولۇپ، قوغداش ئىلاھى يۇپىتېر، ئەقىل – پاراسەت ۋە ئۇرۇش ئىلاھى مىناۋا نامىدا سېلىنغان ئىبادەتخانىلار رىمنىڭ جەلپكارلىقىنى ئاشۇرغان. كاپىتولىن تېغىنىڭ تۆۋەن تەرىپىدىكى مەيدان رىملىقلارنىڭ سىياسىي، ئىقتىساد، مەدەنىيەت، قانۇن ۋە ئىجتىمائىي پائالىيەت مەركىزى بولۇپ، رىم ئىمېرىيەسى گۈللەنگەن مەزگىلدە بەرپا قىلىنغان، شۇ دەۋردە سېلىنغان رىم ئېللىپىس شەكىللىك تىياتىرخانىسىمۇ رىملىقلارنىڭ كۆڭۈل ئېچىش مەركىزى بولۇپ قالغان، پالادىن تېغىدا تۇرۇپ پۈتكۈل مەيداننى ئېنىق كۆرگىلى بولىدۇ.     رىم تارىخ، مەدەنىيەت جەھەتتە دۇنياغا داڭلىق قەدىمىي شەھەر، شۇنداقلا ئىتالىيەنىڭ ئەڭ چوڭ شەھىرى. رىملىقلار ئىنسانىيەت مەدەنىيىتى ئۇچۈن گلادىئاتورلار مەيدانى، قەدىمكى رىم خارابىسى، سەبىي قىز فونتانى، ئىلاھلار ئىبادەتخانىسى، پەرىشتە قەلئەسى ۋە ۋېنىتسىيە مەيدانى قاتارلىق سىموۋوللۇق قۇرۇلۇشلارنى قالدۇرغان. ‹‹ئادېرىئاتىك دېڭىزىدىكى مەرۋايىت›› دېگەن نامى بار ۋېنىتسىيە داڭلىق ساياھەت شەھىرى، شۇنداقلا ئىتالىيەنىڭ مۇھىم پورتى. تۆت ئەتراپى دېڭىز بىلەن ئورالغان بۇ شەھەر يۈز نەچچە ئارالدىن تەركىب تاپقان، غەربىي شىمال تەرەپتە تۆت كىلومېتىر ئۇزۇنلۇقتا توسما بار، 1846 – يىلى سېلىنغان تۆمۈريول كۆۋرۈكى، 1932 – يىلى ياسالغان تاشيول بۇ شەھەرنى قۇرۇقلۇق بىلەن تۇتاشتۇرىدۇ. قەدىمىي ۋېنىتسىيە شەھىرى 453 – يىلى بەرپا قىلىنغان، 14 – ئەسىرنىڭ ئاخىرلىرى ۋېنىتسىيە ئوتتۇرا دېڭىزدىكى ئەڭ چوڭ سودا مەركىزى بولغان. بۇ سۇ شەھىرىدە ئاپتوموبىل، موتوسىكلىت ھەيدەش، ۋېلىسىپىت مىنىش چەكلەنگەن بولۇپ، كىشىلەر موتورلۇق قېيىق، قولۋاق بىلەن يول يۈرىدۇ. مەنبە-http://uyghur.xjass.com/uyghur/content/2011-03/28/content_191242.htm

orkixi

	مانا ئىتالىيەنىمۇ ساياھەت قىلىۋالدۇق ھەقسىز ...

tumurkala

	ئەينى ۋاقىتتا ئاتىللا بىسىپ كىرگەن دۆلەت!ئاۋۇ پىسا يانتۇ مۇنارىدا گالىللىي تەجىربە ئىلىپ بارغان!

salkin11

	ئىتالىيە غەرىپ مەدەنىيىتىنىڭ مەدەنىيەت بۈشۈكى بولغان ... مەدەنىيىتى دۇنيا مەدەنىيىتى كۆزنەك دەپ قاراشقىمۇ بولىدۇ ...

tumurkala

	ئىتالىيدىكى ئەڭ مەشھۇر شەھەر رىم،ۋىنىتسىيە قاتارلىقلار!ھەر قانچە گۈزەل يەرلەرنى شىنجاڭدىكى تەكلىماكانغا تەڭ قىلمايمەن!

paknor

	ئالامەت  پەيزىكەنغۇ

sahrayi-tarim

	كاتولىك دىنىنىڭ ئۇۋىسى

OTYAK

	ھەقىقەتەن جەلىپ قىلغۇدەك يەرلىرى بار . بىزنىڭ شىنجاڭمۇ جەلىپكار.

cayyara

	ئاپتور جاۋابىنى بويلاپ 1قەۋەت  orkixi كە 2011-07-18 08:51 PMئەۋەتىلدى  : مانا ئىتالىيەنىمۇ ساياھەت قىلىۋالدۇق ھەقسىز ...    جۇغراپىيە ئوقۇتقۇچىمىزنىڭ دەرىس ئۆتۈش ئۇسۇلىنى ئەسلىتىپ قويدىڭىز ، ھەر سائەتتە يېڭى دەرىس باشلانغىنىدا بىر دۆلەتنىڭ ساياھەت رايونى ، كىرىم مەنبەسى ، ھاۋارايى شارائىتلىرى ،،،،،ۋەھاكازالار .....نى چۈشەندۈرۈشتىن ئاۋال ‹ ھە ،ساۋاقداشلار بۇ سائەتتە پالانى دۆلەتكە ساياھەت قىلايلى ، مۇنداق -مۇنداق جايلىرىغا بارىمىز ، ساياھەت خاتىرسىنى كاللىمىزغا ئابدان خاتىرلەيلى ، قايتىپ كەلگەندىن كىيىن سورايمەن › دەيتىدە دەرىسنى باشلايتى ، بىزمۇ خۇددى راستنلا ساياھەتكە ماڭغاندەك كۆڭۈل قويۇپ ئاڭلايتۇق ، دەرىس ۋاقتى توشاي دىگەندە ، يەنە مۇخپىردەك سوراشقا باشلايتى ، بىزمۇ چۈشەنچىمىزنى ھېس قىلغانلىرىمىزنى سۆزلەيتۇق ، يىل ئاخردىكى نەتىجىمىزمۇ شۇنداق ياخشى چىقاتتى ، دەرىس ئۆتۈش ئۇسۇلى بەك ياقاتتى ماڭا .

karwan21

	توغرا دېدىڭىز،تەكلىماكان ئىچىدىمۇ گۈزەل تارىخ بار،بىز بۇلارنى تەتقىق قىلىشىمىز كېرەك.