ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﺍ ﺋﯚﺗﻜﻪﻥئۇيغۇرﺧﻪﺗﺘﺎﺕ

nur-luk

	ﭘﯜﺗﯜﻥ ﺩﯗﻧﻴﺎ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﻗﯩﺒﻠﯩﺴﻰ ﺑﻮﻟﻐﺎﻥ ﺋﯘﻟﯘﻍ ﻛﻪﺑﯩﻨﯩﯔ ﺋﺎﻟﺘﯘﻥ ﺋﯩﺸﯩﻜﯩﮕﻪ ﺋﺎﻟﺘﯘﻥ ﺑﯩﻠﻪﻥ ﻳﯧﺰﯨﻠﻐﺎﻥ ﺧﯘﺷﺨﻪﺗﻠﻪﺭ ﺋﺎﺭﯨﺴﯩﺪﺍ "ﺋﺎﺑﺪﯗﺭﯦﻬﯩﻢ ﺋﻪﻣﯩﻦ" ﺩﯦﮕﻪﻥ ﺋﯩﺴﯩﻢ ﻫﯧﻠﯩﻬﻪﻡ ﻛﯚﺯﯛﻣﯩﺰﮔﻪ ﭼﯧﻠﯩﻘﯩﺪﯗ. ﺑﯘ ﺑﯩﺰ ﺳﯚﺯﯨﻨﻰ ﻗﯩﻠﯩﯟﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺧﻪﺗﺘﺎﺗﻨﯩﯔ ﻧﺎﻣﻰ ﺋﯩﺪﻯ. ﭘﯜﺗﯜﻥ ﺩﯗﻧﻴﺎ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﻗﻪﻟﺒﻰ ﺗﻪﻟﭙﯜﻧﯜﭖ ﺗﯘﺭﯨﺪﯨﻐﺎﻥ ﯞﻩ ﻧﺎﻣﺎﺯ ﻫﻪ ﻡ ﺩﯗﺋﺎﻟﯩﺮﯨﺪﺍ ﺋﯘﻧﯩﯖﻐﺎ ﻳﯜﺯﻟﯩﻨﯩﺪﯨﻐﺎﻥ ﺋﯘﻟﯘﻏﯟﺍﺭ ﻗﯩﺒﻠﯩﺴﻰ - ﻛﻪﺑﯩﻨﯩﯔ ﻫﻪﺭ ﻛﯜﻧﻰ ﻣﯩﯖﻼﺭﭼﻪ ﻛﯩﺸﻰ ﻗﻮﻟﻠﯩﺮﻯ ﺑﯩﻠﻪﻥ ﺋﯧﺴﯩﻠﯩﭗ، ﻳﯜﺯﻟﯩﺮﯨﮕﻪ ﺳﯜﺭﺗﯜﭖ ﻛﯧﻠﯩﯟﺍﺗﻘﺎﻥ ﺋﺎﻟﺘﯘﻥ ﺋﯩﺸﯩﻜﯩﮕﻪ ﺑﯩﺮ ﺋﯘﻳﻐﯘﺭﻧﯩﯔ ﻧﺎﻣﻰ ﻳﯧﺰﯨﻠﻐﺎﻧﻠﯩﻘﻰ ﺋﯘﻳﻐﯘﺭﻻﺭ ﺋﯜﭼﯜﻥ ﻫﻪﻗﯩﻘﻪﺗﻪﻥ ﭘﻪﺧﯩﺮﻟﯩﻨﯩﺸﻜﻪ ﺗﯧﮕﯩﺸﻠﯩﻚ ﻛﺎﺗﺘﺎ ﺋﯩﺸﺘﯘﺭ. ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﻫﺎﺟﯩﻢ ﺋﯘﻳﻐﯘﺭ ﺋﯧﻠﯩﻨﯩﯔ ﻗﺎﻏﯩﻠﯩﻖ ﻧﺎﻫﯩﻴﯩﺴﯩﺪﯨﻦ ﺑﻮﻟﯘﭖ، ﺧﻪﺗﺘﺎﺗﻠﯩﻘﻨﻰ ﻣﻪﻛﻜﻪ ﺷﻪﻫﯩﺮﯨﺪﻩ ﺋﯚﮔﻪﻧﮕﻪﻥ ﯞﻩ 1962- ﻳﯩﻠﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻡ ﺷﻪﻫﯩﺮﯨﺪﻩ ﻛﻪﺑﯩﻨﯩﯔ ﻳﻮﭘﯘﻗﯩﻨﻰ ﺗﻮﻗﯘﺵ ﻣﻪﺧﺴﯘﺱ ﻓﺎﺑﺮﯨﻜﯩﺴﻰ ﻗﯘﺭﯗﻟﻐﺎﻧﺪﯨﻦ ﺑﯩﺮﻯ ﺑﯘ ﻣﯘﺋﻪﺳﺴﻪﺳﻪﻧﯩﯔ ﺑﺎﺷﻠﯩﻘﻰ ﺑﻮﻟﯘﭖ ﺋﯩﺸﻠﯩﮕﻪﻥ ﺋﯩﻜﻪﻥ. ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﻫﺎﺟﯩﻢ ﻛﻪﺑﯩﻨﯩﯔ 280 ﻛﯩﻠﻮ ﺳﺎﭖ ﺋﺎﻟﺘﯘﻧﺪﯨﻦ ﻳﺎﺳﺎﻟﻐﺎﻥ ﺋﯩﺸﯩﻜﯩﺪﯨﻜﻰ ﺧﯘﺷﺨﻪﺗﻠﻪﺭﻧﻰ ﻳﺎﺯﻏﺎﻥ ﺧﻪﺗﺘﺎﺗﻨﯩﯔ ﺋﯚﺯﻯ ﺋﯩﺪﻯ. ﺋﯘﺳﺘﺎ ﺧﻪﺗﺘﺎﺕ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻡ ﺷﻪﻫﯩﺮﯨﺪﻩ ﺋﻮﻟﺘﯘﺭﯗﺷﻠﯘﻕ ﻣﯘﻫﻪﻣﻤﻪﺩ ﻗﺎﺳﯩﻢ ﻫﺎﺟﯩﻢ ﻣﯘﻧﺪﺍﻕ ﺩﻩﻳﺪﯗ: "ﺧﻪﺗﺘﺎﺕ ﺋﺎﺑﺪﯗﺭﯦﻬﯩﻢ ﺋﻪﻣﯩﻦ 1925- ﻳﯩﻠﻰ ﻗﺎﻏﯩﻠﯩﻘﺘﯩﻦ ﺑﯩﺮ ﻛﯩﺸﯩﻨﯩﯔ ﻫﻪﻣﺮﺍﻫﻠﯩﻘﯩﺪﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻐﺎ ﻛﯧﻠﯩﭗ، ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ "ﺩﺍﺭﯨﻠﺌﯧﺘﺎﻡ" ﺩﺍ ﺋﻮﻗﯘﻏﺎﻥ. 1938 –ﻳﯩﻠﻰ ﻣﻪﻛﻜﯩﮕﻪ ﻛﯧﻠﯩﭗ ﻳﻪﺭﻟﻪﺷﻜﻪﻥ. ﺋﯘ ﻣﻪﻛﻜﯩﺪﻩ ﺑﯩﺮ ﺋﯘﺳﺘﯩﻨﯩﯔ ﻳﯧﻨﯩﺪﺍ ﺗﯩﻜﯩﺸﭽﯩﻠﯩﻜﻜﻪ ﺷﺎﮔﯩﺮﺗﻠﯩﻘﻘﺎ ﻛﯩﺮﯨﭗ ﺗﯩﻜﯩﺸﻨﻰ ﺋﯚﮔﻪﻧﮕﻪﻥ. ﺑﯩﺰ 1950- ﻳﯩﻠﻠﯩﺮﻯ ﻣﻪﻛﻜﯩﮕﻪ ﻛﻪﻟﮕﯩﻨﯩﻤﯩﺰﺩﻩ، ﻣﻪﻛﻜﯩﻨﯩﯔ ﻗﻪﺩﯨﻢ ﻛﻮﭼﯩﻠﯩﺮﯨﺪﯨﻦ ‘ﺑﯘﺧﺎﺭﯨﻲ ﻛﻮﭼﯩﺴﻰ’ ﺩﻩﭖ ﺋﺎﺗﯩﻠﯩﺪﯨﻐﺎﻥ ﻛﻮﭼﯩﺪﺍ ﺑﯩﺮ ﻗﺎﻧﭽﻪ ﺋﯘﻳﻐﯘﺭﻧﯩﯔ ﺩﯗﻛﯩﻨﻰ ﺑﻮﻟﯘﭖ، ﺷﯘ ﺩﯗﻛﺎﻧﻼﺭﻧﯩﯔ ﻳﯧﻨﯩﺪﯨﻜﻰ ﺑﯩﺮ ﺗﯩﻜﯩﺶ ﺩﯗﻛﯩﻨﯩﺪﺍ ﺗﯩﻜﯩﺸﭽﯩﻠﯩﻚ ﻗﯩﻠﯩﭗ ﺋﻮﻟﺘﯘﺭﻏﯩﻨﯩﻨﻰ ﻛﯚﺭﮔﻪﻥ ﺋﯩﺪﯨﻢ. ﺷﯘﻧﯩﯖﺪﯨﻦ 10 ﻳﺎﻛﻰ 15 ﻳﯩﻞ ﻛﯧﻴﯩﻦ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻫﯚﻛﯜﻣﯩﺘﻰ ﺷﯘ ﯞﺍﻗﯩﺘﺘﯩﻜﻰ ﻣﯩﺴﯩﺮ ﺭﻩﺋﯩﺴﻰ ﺟﺎﻣﺎﻝ ﺋﺎﺑﺪﯗﻧﻨﺎﺳﯩﺮ ﺑﯩﻠﻪﻥ ﺋﺎﺭﯨﺴﻰ ﺑﯘﺯﯗﻟﻐﺎﻧﻠﯩﻖ ﺳﻪﯞﻩﺏ ﺑﯩﻠﻪﻥ ﺗﺎﺭﯨﺨﺘﯩﻦ ﺑﯩﺮﻯ ﻣﯩﺴﯩﺮﺩﯨﻦ ﻛﯧﻠﯩﯟﺍﺗﻘﺎﻥ ﻛﻪﺑﯩﻨﯩﯔ ﻳﻮﭘﯘﻗﯩﻨﻰ ﻣﻪﻛﻜﯩﮕﻪ ﺋﯧﻠﯩﭗ ﻛﯧﻠﯩﺸﺘﯩﻦ ﺗﻮﺳﻘﺎﻥ ﯞﻩ ﻛﻪﺑﯩﻨﯩﯔ ﻳﻮﭘﯘﻗﯩﻨﻰ ﺋﯚﺯﯨﻤﯩﺰ ﺗﻮﻗﯘﻳﻤﯩﺰ ﺩﯦﮕﻪﻥ ﻣﻪﻗﺴﻪﺕ ﺑﯩﻠﻪﻥ ﻣﻪﻛﻜﯩﻨﯩﯔ ﻫﺎﺯﯨﺮﻗﻰ ﻛﻮﻧﺎ ﺟﯩﺪﺩﻩ ﻳﻮﻟﯩﺪﺍ ‘ﻛﻪﺑﯩﻨﯩﯔ ﻳﻮﭘﯘﻗﯩﻨﻰ ﺗﻮﻗﯘﺵ ﻓﺎﺑﺮﯨﻜﯩﺴﻰ’ ﻧﻰ ﻗﯘﺭﯗﭖ ﭼﯩﻘﻘﺎﻥ. ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻰ ﺗﻪﯞﻩﺳﯩﺪﻩ ﺋﯘﺳﺘﺎ ﺧﻪﺗﺘﺎﺕ ﺑﻮﻟﯘﭖ ﺗﻮﻧﯘﻟﻐﺎﻧﻠﯩﻘﺘﯩﻦ، ﺋﯘ ﻣﻪﺯﻛﯘﺭ ﻓﺎﺑﺮﯨﻜﯩﺪﺍ ﻛﻪﺑﯩﻨﯩﯔ ﻳﻮﭘﯘﻗﯩﻐﺎ ﻫﯘﺳﻨﯩﺨﻪﺗﻠﻪﺭﻧﻰ ﻳﯧﺰﯨﺶ ﺋﯩﺸﻠﯩﺮﯨﻐﺎ ﺗﻪﻳﯩﻨﻠﻪﻧﮕﻪﻥ. ﻛﯧﻴﯩﻨﭽﻪ ﺷﯘ ﻓﺎﺑﺮﯨﻜﯩﻨﯩﯔ ﺑﺎﺷﻠﯩﻘﻰ ﺑﻮﻟﻐﺎﻥ". ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﯨﻜﻰ "ﺋﯩﺴﻼﻡ ﺩﯗﻧﻴﺎﺳﻰ ﺋﯩﺘﺘﯩﭙﺎﻗﻰ" ﺩﺍ ﺧﻪﻟﻘﺌﺎﺭﺍ ﺋﯩﺴﻼﻡ ﻗﯘﺭﯗﻟﺘﺎﻳﻠﯩﺮﯨﻨﻰ ﺑﯧﻜﯩﺘﯩﺶ ﺋﯩﺸﻠﯩﺮﻯ ﺑﯚﻟﯜﻣﯩﻨﯩﯔ ﺑﺎﺷﻠﯩﻘﻰ ﺑﻮﻟﯘﭖ ﺋﯩﺸﻠﻪﭖ ﻛﯧﻠﯩﯟﺍﺗﻘﺎﻥ ﯞﻩﺗﻪﻧﭙﻪﺭﯞﻩﺭ ﺋﯘﺳﺘﺎﺯ ﺭﻩﻫﻤﻪﺗﯘﻟﻼ ﺋﻪﻧﺎﻳﻪﺗﯘﻟﻼﻧﯩﯔ ﺋﯧﻴﺘﯩﺸﯩﭽﻪ: ﺋﺎﺑﺪﯗﺭﯦﻬﯩﻢ ﻫﺎﺟﯩﻢ 1980- ﻳﯩﻠﻼﺭﺩﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺳﺎﺑﯩﻖ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺋﻪﻫﻤﻪﺩ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻐﺎ ﻛﻪﻟﮕﻪﻧﺪﻩ، ﺋﯩﺴﻤﺎﺋﯩﻞ ﺋﻪﻫﻤﻪﺩ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﭗ، ﺋﯚﺯﯨﻨﯩﯔ ﻗﺎﻏﯩﻠﯩﻘﺘﯩﻦ ﺋﯩﻜﻪﻧﻠﯩﻜﯩﻨﻰ ﯞﻩ ﺑﻪﺯﻯ ﻛﻪﭼﯜﺭﻣﯩﺸﻠﯩﺮﯨﻨﻰ ﺳﯚﺯﻟﻪﭖ ﺑﻪﺭﮔﻪﻥ ﺋﯩﻜﻪﻥ. ﻣﻪﻛﻜﻪ ﻣﯘﻛﻪﺭﺭﻩﻣﺪﯨﻜﻰ ﻛﻪﺑﯩﻨﯩﯔ ﺋﯩﺸﯩﻜﯩﮕﻪ ﻳﯧﺰﯨﻠﻐﺎﻥ ﺋﯘﻳﻐﯘﺭ ﺋﯩﺴﻤﻰ "ﻫﻪﺭﻩﻣﺪﯨﻜﻰ ﻣﻪﺷﻬﯘﺭ ﺋﯘﻳﻐﯘﺭﻻﺭ" ﺩﯦﮕﻪﻥ ﻣﺎﻗﺎﻟﯩﻼﺭﻧﻰ ﻳﺎﺯﻏﺎﻥ ﺋﻪﻫﻤﻪﺩ ﻣﯚﻣﯩﻦ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ: ﺋﺎﺑﺪﯗﺭﯦﻬﯩﻢ ﻫﺎﺟﯩﻢ ﺋﯘﻳﻐﯘﺭ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺋﺎﻧﭽﻪ ﻛﯚﭖ ﺋﺎﺭﯨﻠﯩﺸﯩﭗ ﻛﻪﺗﻤﻪﻳﺪﯨﻐﺎﻥ ﻛﯩﺸﻰ ﺑﻮﻟﻐﺎﻧﻠﯩﻘﺘﯩﻦ ﻛﯚﭖ ﺋﯘﻳﻐﯘﺭﻻﺭ ﺋﯘﻧﯩﯔ ﻫﻪﻗﻘﯩﺪﻩ ﺑﯩﺮ ﻧﻪﺭﺳﻪ ﺑﯩﻠﻤﻪﻳﺪﯨﻜﻪﻥ. ﺋﺎﺑﺪﯗﻟﺌﻪﺯﯨﺰ ﻳﯘﻧﯘﺱ ﻫﺎﺟﯩﻢ ﻣﯘﻧﺪﺍﻕ ﺩﻩﻳﺪﯗ: "ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﺯﻩﮔﻪﺭﻟﯩﻜﺘﻪ ﺑﯩﺮﯨﻨﭽﻰ، ﺗﻮﻗﯘﻣﯩﭽﯩﻠﯩﻘﺘﺎ ﺑﯩﺮﯨﻨﭽﻰ ﯞﻩ ﺧﻪﺗﺘﺎﺗﻠﯩﻘﺘﺎ ﺑﯩﺮﯨﻨﭽﻰ ﺑﻮﻟﻐﺎﻥ ﺋﺎﺩﻩﻡ ﺋﯩﻜﻪﻥ. ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﺷﯘ ﯞﺍﻗﯩﺘﺘﯩﻜﻰ ﻗﺮﺍﻟﻰ ﺋﺎﺑﺪﯗﻟﺌﻪﺯﯨﺰ ﻛﻪﺑﯩﻨﯩﯔ ﺋﯩﺸﯩﻜﯩﻨﻰ ﺋﺎﻟﺘﯘﻧﺪﯨﻦ ﻗﯩﻠﯩﺶ ﯞﻩ ﻳﻮﭘﯘﻗﻨﻰ ﻳﯧﯖﯩﻼﺷﻨﻰ ﻗﺎﺭﺍﺭ ﻗﯩﻠﻐﺎﻥ ﺑﻮﻟﯘﭖ، ﺋﯘﺯﯗﻥ ﺋﯚﺗﻤﻪﻳﻼ ﭘﯜﺗﯜﭖ ﭼﯩﻘﯩﺪﯗ. ﺑﯘﻧﻰ ﻛﯚﺭﮔﻪﻥ ﻗﺮﺍﻝ ﺑﯘﻻﺭﻧﻰ ﻛﯩﻤﻨﯩﯔ ﻗﯩﻠﻐﺎﻧﻠﯩﻘﯩﻨﻰ ﺳﯜﺭﯛﺷﺘﻪ ﻗﯩﻠﯩﭗ ﺧﻪﺗﺘﺎﺕ ﺋﺎﺑﺪﯗﺭﯦﻬﯩﻤﻨﻰ ﻫﯘﺯﯗﺭﯨﻐﺎ ﭼﺎﻗﯩﺮﺗﯩﺪﯗ ﯞﻩ ﺋﯘﻧﯩﯖﺪﯨﻦ ﻣﻪﻣﻨﯘﻥ ﺑﻮﻟﯘﭖ، ﻗﺎﻧﺪﺍﻗﻼ ﻫﺎﺟﯩﺘﻰ ﺑﻮﻟﺴﺎ ﺭﺍﯞﺍ ﻗﯩﻠﯩﭗ ﺑﯧﺮﯨﺸﻨﻰ ﺋﯧﻴﺘﻘﺎﻧﺪﺍ، ﺋﺎﺑﺪﯗﺭﯦﻬﯩﻢ ﺋﻪﻣﯩﻦ، "ﻣﯧﻨﯩﯔ ﺋﯩﺴﻤﯩﻢ ﻛﻪﺑﯩﻨﯩﯔ ﺋﯩﺸﯩﻜﯩﮕﻪ ﻳﯧﺰﯨﻠﯩﭗ ﻗﺎﻟﺴﺎ" ﺩﯦﮕﻪﻥ ﺗﻪﻟﻪﭘﻨﻰ ﻗﻮﻳﯩﺪﯗ. ﻗﺮﺍﻝ ﺑﯘ ﺋﺎﺩﻩﻣﻨﯩﯔ ﺋﯧﺴﯩﻠﻠﯩﻜﯩﺪﯨﻦ ﺗﻪﺳﯩﺮﻟﯩﻨﯩﭗ ﺗﻪﻟﯩﭙﯩﻨﻰ ﺩﻩﺭﻫﺎﻝ ﻗﻮﺑﯘﻝ ﻗﯩﻠﯩﺪﯗ ﯞﻩ ﺋﯩﺴﻤﻰ ﻛﻪﺑﯩﻨﯩﯔ ﺋﯩﺸﯩﻜﯩﮕﻪ ﻳﯧﺰﯨﻠﯩﭗ ﻗﺎﻟﯩﺪﯗ. ﻛﯧﻴﯩﻨﭽﻪ ﺋﺎﺑﺪﯗﺭﯦﻬﯩﻢ ﺋﻪﻣﯩﻦ 300 ﺩﯨﻦ ﻛﯚﭘﺮﻩﻙ ﺋﺎﺩﻩﻡ ﺋﯩﺸﻠﻪﻳﺪﯨﻐﺎﻥ "ﻛﻪﺑﯩﻨﯩﯔ ﻳﻮﭘﯘﻗﯩﻨﻰ ﺗﻮﻗﯘﺵ ﻓﺎﺑﺮﯨﻜﯩﺴﻰ" ﻏﺎ ﺑﺎﺷﻠﯩﻖ ﺑﻮﻟﯘﭖ ﺗﻪﻳﯩﻨﻠﯩﻨﯩﺪﯗ. ﺷﯘﻧﯩﯖﺪﯨﻦ 30- 40 ﻳﯩﻠﻼﺭ ﻛﯧﻴﯩﻦ ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﻛﯧﺴﻪﻝ ﺳﻪﯞﻩﺑﻰ ﺑﯩﻠﻪﻥ ﯞﺍﭘﺎﺕ ﺑﻮﻟﯩﺪﯗ. ﺋﻪﻫﻤﻪﺩ ﻣﯚﻣﯩﻦ ﺋﻪﭘﻪﻧﺪﻯ ﻣﯘﻧﺪﺍﻕ ﺩﻩﻳﺪﯗ: "ﻣﻪﻥ ﺑﯘ ﻛﯩﺸﯩﻨﻰ 1980- ﻳﯩﻠﯩﻨﯩﯔ ﺑﺎﺷﻠﯩﺮﯨﺪﺍ ﺋﯩﺴﺘﺎﻧﺒﯘﻟﻨﯩﯔ ﻻﻟﻪﻟﻰ ﺩﯦﮕﻪﻥ ﻳﯧﺮﯨﺪﯨﻜﻰ ﺑﯩﺮ ﻣﯧﻬﻤﺎﻥ ﻛﯜﺗﯜﺷﺘﻪ ﻛﯚﺭﮔﻪﻥ ﺋﯩﺪﯨﻢ. ﺋﯘ ﯞﺍﻗﯩﺘﺘﺎ ﺑﯘ ﻛﯩﺸﻰ 60 ﺑﯩﻠﻪﻥ 65 ﻳﺎﺷﻼﺭ ﺋﺎﺭﯨﺴﯩﺪﺍ ﺋﯩﺪﻯ. ﺷﯘ ﭼﺎﻏﺪﺍ ﻳﯧﻨﯩﺪﺍ 8-10 ﻳﺎﺷﻼﺭ ﺋﺎﺭﯨﺴﯩﺪﯨﻜﻰ ﺑﯩﺮ ﺑﯘﻏﺪﺍﻱ ﺋﯚﯕﻠﯜﻙ ﻗﯩﺰﻯ ﺑﺎﺭ ﺋﯩﺪﻯ. ﺋﯘ ﻛﯩﺸﯩﻨﯩﯔ ﭘﻪﺭﺯﻩﻧﺘﻰ ﺑﻮﻟﻤﯩﻐﺎﻧﻠﯩﻘﺘﯩﻦ ﺑﯘ ﻗﯩﺰﻧﻰ ﺑﯩﺮ ﺋﻪﺭﻩﺑﺘﯩﻦ ﺑﯧﻘﯩﯟﺍﻟﻐﺎﻥ ﺋﯩﻜﻪﻥ. ﻣﻪﻥ ﺋﯘ ﻗﯩﺰﺩﯨﻦ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﺎﭖ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﯩﯟﯨﺪﯨﻢ. ﺷﯘﻧﭽﻪ ﭼﯩﺮﺍﻳﻠﯩﻖ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﺎﭖ ﺑﻪﺭﺩﻯ". ﺑﯘﻧﯩﯖﺪﯨﻦ ﺋﺎﺑﺪﯗﺭﯦﻬﯩﻢ ﻫﺎﺟﯩﻤﻨﯩﯔ ﻣﯩﻠﻠﯩﻲ ﻏﯘﺭﯗﺭﻯ ﻛﯜﭼﻠﯜﻙ ﺑﯩﺮ ﻛﯩﺸﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﯟﯦﻠﯩﺶ ﺋﺎﻧﭽﻪ ﻗﯩﻴﯩﻦ ﺋﻪﻣﻪﺱ. ﭼﯜﻧﻜﻰ ﺋﻪﺭﻩﺑﺘﯩﻦ ﺑﯧﻘﯩﯟﺍﻟﻐﺎﻥ ﺑﯩﺮ ﻗﯩﺰﻧﯩﯔ ﺋﯘﻳﻐﯘﺭﭼﻪ ﭘﺎﺭﺍﯕﻐﺎ ﺟﺎﯞﺍﺏ ﺑﯧﺮﻩﻟﯩﺸﻰ ﯞﻩ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﯩﻴﺎﻟﯩﺸﻰ ﺋﯘﻧﯩﯔ ﺋﺎﺋﯩﻠﻪ ﺗﻪﺭﺑﯩﻴﯩﺴﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﯩﺮ ﺋﯩﺶ. ﺋﯘﻧﯩﯔ ﺋﯜﺳﺘﯩﮕﻪ 1980 – ﻳﯩﻠﻼﺭﺩﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭ ﺑﯩﻠﻪﻥ ﺋﺎﻧﺎ ﯞﻩﺗﻪﻧﺪﯨﻜﯩﻠﻪﺭﻧﯩﯔ ﻗﺎﺭﺍﻡ – ﻗﺎﺗﻨﺎﺷﻠﯩﺮﻯ ﺋﻪﻣﺪﯨﻼ ﺑﺎﺷﻼﻧﻐﺎﻥ ﺑﯩﺮ ﯞﺍﻗﯩﺖ ﺋﯩﺪﻯ. ﺷﯘ ﯞﺍﻗﯩﺘﻼﺭﺩﺍ ﺑﯘ ﺟﺎﻳﺪﯨﻜﯩﻠﻪﺭ ﻫﺎﺯﯨﺮﻗﯩﺪﻩﻙ ﻛﯚﭖ ﺋﯘﻳﻐﯘﺭﻧﻰ ﺋﯘﭼﺮﯨﺘﺎﻟﻤﺎﻳﺘﺘﻰ. ﻫﺎﺯﯨﺮﻗﯩﺪﻩﻙ ﺳﯩﻨﺌﺎﻟﻐﯘ ﺋﻪﺳﯟﺍﺑﻠﯩﺮﻯ ﺋﺎﺭﻗﯩﻠﯩﻖ ﺋﯘﻳﻐﯘﺭﭼﻪ ﺋﯘﺳﺴﯘﻟﻼﺭﻧﻰ ﻛﯚﺭﯛﺵ ﺋﯩﻤﻜﺎﻧﯩﻴﯩﺘﯩﻤﯘ ﻳﻮﻕ ﺋﯩﺪﻯ. ﺩﯨﻤﻪﻙ ﺑﯘ ﺋﻪﺭﻩﺏ ﻗﯩﺰﯨﻐﺎ ﺋﯘﻳﻐﯘﺭ ﺗﯩﻠﯩﻨﻰ ﯞﻩﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﺎﺷﻨﻰ ﺋﺎﺑﺪﯗﺭﯦﻬﯩﻢ ﻫﺎﺟﯩﻢ ﺑﯩﻠﻪﻥ ﺋﺎﻳﺎﻟﯩﻨﯩﯔ ﺋﯚﮔﻪﺗﻜﻪﻧﻠﯩﻜﻰ ﺋﯧﻨﯩﻖ. ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﻫﺎﺟﯩﻢ ﻛﯧﻴﯩﻦ ﻳﻪﻧﻪ ﺑﯩﺮ ﺋﻮﻏﯘﻝ ﺑﺎﻻ ﺑﯧﻘﯩﯟﺍﻟﻐﺎﻥ ﺋﯩﻜﻪﻥ. ﻫﺎﺯﯨﺮ ﺋﺎﺑﺪﯗﺭﯦﻬﯩﻢ ﻫﺎﺟﯩﻤﻼﺭﻧﯩﯔ ﻣﻪﻛﻜﯩﺪﯨﻜﻰ ﭼﻮﯓ ﺋﯚﻳﯩﺪﻩ ﺷﯘ ﺋﯩﻜﻜﻰ ﺑﯧﻘﯩﯟﺍﻟﻐﺎﻥ ﭘﻪﺭﺯﻩﻧﺘﻠﯩﺮﻯ ﺋﻮﻟﺘﯘﺭﻣﺎﻗﺘﺎ ﺋﯩﻜﻪﻥ. ﺧﻪﺗﺘﺎﺕ ﺋﺎﺑﺪﯗﺭﯦﻬﯩﻢ ﺋﻪﻣﯩﻦ ﻫﺎﺟﯩﻢ 1993- ﻳﯩﻠﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﯞﺍﭘﺎﺕ ﺑﻮﻟﻐﺎﻥ ﺋﯩﻜﻪﻥ. www.kuktulpar.com

kaisar

	ئىككىنچى قىتىم ئاڭلىشىم ۋە كۆرۈشۈم .    رەسىمىمۇ باردەك قىلاتتى ...

haris

	بۈگۈن ئاڭلاپمۇ باقمىغان بىلىمدىن بىرنى بىلىۋالدىم، تىما ئىگىسىگە رەھمەت،

sakei

toxkanjan

	ياخشى ئىشتىن بىرنى بىلۋالدىم.ئىلگىرمۇ بىر كۆرگەن ئىدىم بۇ خەۋەرنى.لىكىن بۈگۈن تېخىمۇ تەپسىلى بوپتۇ.

ARMAN526

	رەسمى بولسا يوللاپ بەرمەمسلەر  دوسلار

salur

saiyara0999

	مەن ئاڭلاپ باقماپتىكەنمەن،بۈگۈن ئاڭلاپ بەك خۇرسەن بولدۇم.

feroza

	بۇرۇن رەسىمى بىلەن قوشۇپ يوللانغان ئىدى، بۈگۈن ئىككىنچى قىتىم كۆرۈشكە مۇيەسسەر بولۇشۇم ، تېما ئىگىسىگە رەھمەت.

0998nida

	16 يىل بۇرۇن ئاڭلىعانتىم ،راسكەندە.