1 - چىڭگىزخان-( 1227 - 1162 ) 1206 - يىلىدىن 1227 - يىلىغىچە بولغان ئارىلىقتا تەخمىنەن 4 مىليون 860 مىڭ كۋادرات ئىنگلىز مىلى زېمىننى بويسۇندۇرغان . چىڭگىزخان تىنچ ئوكيان قىرغاقلىرىدىن تارتىپ ئىچكى دېڭىزغىچە ، شۇنداقلا جۇڭگونىڭ شىمالىي يېرىم قىسمى ، جەنۇبىي سىبىرىيە ۋە ئوتتۇرا ئاسىيا قاتارلىق كەڭ رايونلارغىچە ھۆكۈمرانلىق قىلغان .
2- ئالىكساندىر -مىلادىدىن ئىلگىرىكى 334 - يىلىدىن مىلادىدىن ئىلگىرىكى 326 - يىلىغىچە بولغان ئارىلىقتا ، تەخمىنەن 2 مىليون 180 مىڭ كۋادرات ئىنگلىز مېلى زېمىننى بويسۇندۇرغان . ئۇ - بالقان يېرىم ئارىلىنىڭ جەنۇبىي قىسمى ، كىچىك ئاسىيا ، مىسىر ۋە ئوتتۇرا شەرقتىن تارتىپ ، ھىندى دەرياسىغىچە بولغان كەڭ جايلارغا ھۆكۈمرانلىق قىلغان .
3 - تۆمۈرلەڭ - مىلادى 1370 - يىلىدىن 1402 - يىلىغىچە بولغان ئارىلىقتا ، تەخمىنەن 2 مىليون 140 مىڭ كۋادرات ئىنگلىز مىلى زېمىننى بويسۇندۇرغان .
ئۇ - پۈتكۈل ئوتتۇرا شەرق ، شۇنداقلا ھىندى دەرياسىدىن تارتىپ ئوتتۇرا دېڭىزغىچە بولغان كەڭ جايلارغا ھۆكۈمرانلىق قىلغان .
4 - كىرائۇس -بۇ قەدىمكى پىرسىيە پادىشاھى بولۇپ ، مىلادىدىن ئىلگىرىكى 559 - يىلىدىن مىلادىدىن ئىلگىرىكى 539 - يىلىغىچە بولغان ئارىلىقتا تەخمىنەن 2 مىليون 90 مىڭ كۋادرات ئىنگلىز مىلى زېمىننى بويسۇندۇرغان .
ئۇ - شەرقىي ئىران ئېگىزلىكى ، غەربىي كىچىك ئاسىيادىكى كەڭ رايونلار ، شۇنداقلا ئوتتۇرا ئاسىيا قاتارلىق جايلارغا ھۆكۈمرانلىق قىلغان .
5 - ئادلوف گېتلىر - ( 1945 - 1889 ) 1933 - يىلىدىن 1942 - يىلىغىچە بولغان ئارىلىقتا تەخمىنەن 1 مىليون 370 مىڭ كۋادرات ئىنگلىز مىلى زېمىننى بويسۇندۇرغان بولسىمۇ ، ئەمما مۇتلەق كۆپ قىسىم زېمىننىڭ ھەممىسى ئۈچ يىل ئىچىدە قولدىن كەتكەن .
گېتلىر - پۈتكۈل ياۋروپا قۇرۇقلۇقىغا ، ئانگىلايىس بوغۇزىدىن تارتىپ موسكۋاغىچە بولغان رايونلارغا ، شىمالىي ئافرىقىدىن تارتىپ نورۋىگىيىگىچە بولغان كەڭ جايلارغا ھۆكۈمرانلىق قىلغان .
6- ناپالىئون بۇناپارت -( 1821 - 1769 ) 1796 - يىلىدىن تارتىپ ، فرانسىيە 1 - ئىمپېرىيىسى گۈللەنگەن 1810 - يىلىنىڭ ئالدى - كەينىدە ئۆزىنى فرانسىيىنىڭ ئېمپيۇراتۇرى دەپ ئاتىغان ناپالىئون تەخمىنەن 720 مىڭ كۋادرات ئىنگلىز مىلى زېمىننى بويسۇندۇرغان . ئۇ- فرانسىيە ، بېلگىيە ، گوللاندىيە ، شۋېتسارىيە ، ئىسپانىيە قاتارلىق جايلارغا ھۆكۈمرانلىق قىلغان .
7 - كورتۇس - ( 1547 - 1485 ) ئىسپانىيىلىك مۇستەملىكىچى بولۇپ ، 1519 - يىلىدىن 1526 - يىلىغىچە بولغان ئارىلىقتا يىراققا يۈرۈش قىلغۇچى كىچىك بىر قوشۇنغا رەھبەرلىك قىلىپ تەخمىنەن 315 مىڭ كۋادرات ئىنگلىز مىلى زېمىننى بويسۇندۇرغان . ئۇ ئازتېكلار ئۈستىدىن غەلىبە قىلىپ ، ئوتتۇرا ۋە جەنۇبىي مېكسىكا رايونىنى ئىگىلىگەن ، ئارقىدىنلا كېۋاتېمالار ۋە گوندۇراسنى بويسۇندۇرغان . بۇ جايلارنىڭ ھەممىسى ئىسپانىيىنىڭ ھۆكۈمرانلىقىدا بولغان.
مەنبە : ئۈرۈمچى كەچلىك گېزىتى
http://kawsar.blogbus.com/logs/21049542.html