سۈننەتنىڭ مۇھىملىقى- ئابدۇۋەلى قارى(يېزىق

menggutash

	ئىسلام ئاساسلىرىنىڭ بىرىنجىسى قۇرئان كەرىم بولسا ئىككىنجىسى سۈننەت. اللەنىڭ مۇھەببىتى پەقەت رەسۇلۇللاھ سەللەلاھۇ ئەلەيھى ۋەسسەللەمگە ئەگەشكەنلەرگىدۇر.    سۈننەت دىمەك- رەسۇلۇللاھ سەللەلاھۇ ئەلەيھى ۋەسسەللەمنىڭ بۇيرىغان سۆزلىرى، قىلغان ئەمەللىرى ھەمدە رەسۇلۇللاھنىڭ ھوزۇرىدا  ئىشلەنگەندە توسۇلمىغان ئەمەل. پەيغەمبەرلەر ھوزۇرىدا بىر خاتا ئەمەل قىلىنغان بولسا، دۇنيادىكى پۈتكۈل ئىنسان قارشى چىققان تەقدىردىمۇ ئەلۋەتتە نارازىلىقىنى بىلدۈرۈپ توسقانلەر. شۇنىڭ ئۈچۈن رەسۇلۇللاھ سەللەلاھۇ ئەلەيھى ۋەسسەللەم ھوزۇرىدا قىلىنغان ئەمەلگە  رەسۇلۇللاھ ئۈندىمىگەن، مەنئى قىلمىغان  بولسا شۇ ئىشنىڭ قىلىنىشىغا رۇخسەت.       اللەنىڭ مۇھەببىتىگە ئېرىشىشكە يىگانە يول-پەيغەمبەر سەللەلاھۇ ئەلەيھى ۋەسسەلەمگە   ئەگىشىشدۇر. مىڭ مەرتەم اللەنى ياخشى كۆرىمەن دىسەكمۇ، اللە بىزنى بىر مەرتەممۇ ياخشى   كۆرىمەن دىمىسە بىكار، بىر مەرتەم اللەنى ياخشى كۆرىمەن دىسەك دىسەكيۇ، اللە بىر مەرتەم بىزنى ياخشى كۆرىمەن دىسە، مانا بۇنىڭ ئىتىبارى بار. قۇرئاننى چۈشىنىشتە قۇرئاننى قۇرئان بىلەن تەفسىر قىلىش،ئىككىنجىدىن ھەدىسلەرگە مۇراجەت. ھىكمەت كۆپىنچە تەفسىرلەردە ھەدىسگە قىياس قىلىنغان. ئاۋۋالقى كىشىلەر سۈننەتنى تەرك قىلىشتا ئەمەس، سۈننەتتىن زىيادە ئەمەل قىلىشتا ئويلىشاتتى. ئەمما رەسۇلۇللاھ بۇنىڭدىن ھەم توسقان. چۈنكى سۈننەتتىن زىيادە ئەمەل قىلىش سۈننەتكە  خىلاپتۇر،سۈننەتتە يوق ئەمەل قىلىپ يۈرۈشتىن پەرقى يوق. رەسۇلۇللاھ سەللەلاھۇ ئەلەيھى  ۋەسسەللەم ئىللىپ كەلگەن يولغا بىر نەرسە قوشۇش بىلەن ئىلىپ تاشلاشنىڭ پەرقى يوق. قوشقان   ئادەم بۇ نۇقسانلىق بولۇپ قاپتۇ دەپ قوشمايدۇ،بەلكى مىنىڭ گۇناھىم كۆپ دەپ تۇرۇپ  قوشىدۇ. بۇ ئەينى شەيتاننىڭ ئىنساننىڭ قەلبىگە كىرىدىغان يولىدۇر. پەيغەمبىرىمىزگە بۇيرۇلغان يولدىن پەسلىمەڭ ھەم يۇقىرىلىماڭ ھەم، توغرا يۈرۈڭ. ئىنساننىڭ ئادىشىپ كىتىشى كۆپرەك ھەددىدىن ئاشۇرۋەتكەنلىكتىن بولىدۇ، دىنگە بولغان زەرەر كۆرسىتىلگەن يولدىن ئىشىپ كېتىشلىك بىلەن بولىدۇ. دىن ئەسلى ساددا ۋە توغرا دىن ئىدى، بۇيرۇلغان نەرسىنى قىلماستىن، باشقا نەرسىلەرنى قىلىپ يۈرۈشلۈك نەتىجىسىدە دىن زەيىپلەشتى. ئىنساننىڭ ئەنە شۇ ھەددىدىن  ئاشۇرۋېتىشى ھەتتا شىرىك  ئەمەللەرگە كىرىپ كىتىشكە سەۋەب بولدى. اللەنىڭ بۇيرۇغىنىنىڭ ئۆزىنى قىلساق جەننەتكە داخىل بولىمىز. لىكىن زور كۆپچىلىك كىشىلەر ئۆزىنى قىيناپ، بەك تولا ئەمەللەرنى قىلماقچى بولىدۇ،تەكشۈرۈپ قارىسىڭىز سۈننەتتە يوق،اللە بۇيرىمىغان، رەسۇلۇللاھ  قىلمىغان. بۇ ئىشلارنى ئۆزى قىينىلىپ   قىلىدۇ-دە،تەكشۈرۈپ باقسا   شىرىك ئەمەللەر. ئۇندىن باشقا، تامامى ئادەملەرنىڭ دىندىن ۋاز كىچىپ كېتىپ قېلىشىغا مانا شۇ ئادەملەر سەۋەب بولىدۇ،دىننى ئېغىر قىلىپ كۆرسىتىدۇ.دىن تولىمۇ قولاي،سۈننەت تولىمۇ قولاي. بەزى سۈننەتنى قىلىشقا ئىنساندىن مال تەلەپ قىلىنمايدۇ، كۈچ تەلەپ قىلمايدۇ، لىكىن ئىنسان سۈننەتنى تەرك قىلىشقا كۈچ سەرپ قىلىدۇ، پۇل سەرپ قىلىدۇ، ئۆزىدىن  سوراپ كۆرسۇن،نېمە ئۈچۈن سۈننەتنى تەرك قىلىپ يۈرۈپتۇ؟گۇناھ قىلغان كىشى نېمە ئۈچۈن ئازاب تارتتى؟ گۇناھنى تەرك قىلغانغا ئادەمدىن كۈچ سەرپ بولمايدۇ، ئەمما    سۈننەتلەرنى تەرك قىلشقا مال،كۈچ ۋە ۋاقىت سەرپ بولىدۇ. ئىنسان گۇناھنى كۈچ سەرپ قىلىپ، مال سەرپ قىلىپ قىلىدۇ. شۇنىڭدەك شۇنىڭ بىلەن ئازاب قاتتىق بولىدۇ. شۇڭلاشقا اللەتائالاھنىڭ ئازابى قاتتىق!   ئادەملەر نېمە ئۈچۈن بۇ نەرسىلەردىن ئايرىلماق قىيىن؟ دەيدۇ. قېيىن ئەمەس.ئۇ قەلىبتىكى   نەفىس،ھەۋەس، شەيتاننىڭ گېپىگە كىرىپ قالغانلىقتىن، گۇناھتىن ئايرىلماق قېيىن بوپقالىدۇ. اللەنى ياخشى كۆرسەڭلار رەسۇلىغا ئەگىشىڭلار،پۇلىڭىز يىنىڭىزدا قالىدۇ، كۈچىڭىز بىھۇدە كەتمەيدۇ.قايسى نەرسە ھاياتىڭىزدا سۈننەتكە خىلاپ بولىدىغان بولسا تەكشۈرۈپ باقسىڭىز شۇنىڭغا   مالىڭىز ۋە كۈچىڭىز سەرپ بولغان. مانا بۇ اللەنىڭ ئازابىنىڭ قاتتىقلىقىنىڭ سىرى. بىز ئويلايمىز: رەسۇلۇللاھ سەللەللاھۇ ئەلەيھى ۋەسسەللەم بىر ئەرابى سەھرادىن كەلگەن كىشىگە بىر مىنۇتتا دىننى ئۈگىتىپ قويدى.شۇنىڭ بىلەن ئەھلى جەننەت بولۇپ چىقىپ كەتتى، دىمەك  دىن ناھايىتى ئاسان ،لېكىن بىز ئۈچۈن نېمە ئۈچۈن قېيىن؟ بىز ئىسلام روھى بىلەن سۇغۇرۇلغان دۇنيا قاراش بىلەن ئۆسمىگەنمىز، شۇنىڭ ئۈچۈن بىزگە قېيىن!ۋەيەنە بىز ياشاۋاتقان جەمئىيەت ئىسلامنى مەسخىرە قىلغان نېزام بىلەن ياشاۋاتىمىز، ئەنە شۇنىڭ ئۈچۈن بىزگە قېيىن!  ئۇندىن باشقا، رەسۇلۇللاھ  سەللەللاھۇ ئەلەيھى ۋەسسەلەم خۇتبىلەردە ئېيتقانكى: ئادەملەرگە نېمە بولدىكى، مەن قىلغان ئىشتىن ئۆزلىرىنى چەتكە ئىلىشىپ، بىز تېخىمۇ تەقۋاراق بولايلى دېيىشكۈدەك؟ اللە بىلەن قەسەمكى، مەن ئۇلارنى ئىچىدە اللەنى ئەڭ ياخشى  تونۇغۇچى ۋە اللەدىن  ئەڭ قورققۇچىمەن. دىگەن ئىكەنلەر. دىمەك پەقەت رەسۇلۇللاھ  سەللەللاھۇ ئەلەيھى  ۋەسسەلەمگە   ئەگىشىش اللەدىن ئەڭ قورققۇچى بولۇشقا ئىلىپ بارىدۇ.   رەسۇلۇللاھ  سەللاھۇ ئەلەيھى ۋەسسەلەمگە بولغان ئىتائەت اللەغا ئىتائەت قىلىشنىڭ ئەينى شۇ! چۈنكى رەسۇلۇللاھ  سەللاھۇ ئەلەيھى ۋەسسەلەم  اللە دىگۈزگەننى سۆزلەيدۇ خالاس. رەسۇلۇللاھ  سەللاھۇ ئەلەيھى ۋەسسەلەمنىڭ سۈننەتلىرىنى تەرك قىلساق، بۇنىڭ ھۆكمى نېمە؟   رەسۇلۇللاھ  سەللاھۇ ئەلەيھى ۋەسسەلەم بۇيرىغان سۈننەتلىرىنى تەرك قىلساق گۇناھكار بولىمىز، بۇيرىمىغان سۈننەتلىرىنى قىلىش ئەۋزەل ۋە ئەجىر بارلىقىدا شۈبھە يوق. بۇيرىغان سۈننەتلىرى تەرك قىلىنسا ئاخىرەتتىلا جازا بولۇپ قالماستىن، دۇنيادىمۇ جازالىنىشتىن  خالىي قالمايدۇ. رەسۇلۇللاھ سەللاھۇ ئەلەيھى ۋەسسەلەم بۇيرىغانغا قارمۇ-قارشى بولغان كىشىلەر ھۇشيار بولسۇنلاركى، ئۇلارغا فىتنە يېتىپ قالىدۇ، ۋەياكى ئەلەم قىلغۇچى ئازاب يېتىپ قالىدۇ. فىتنە نېمە؟ فىتنە –كۇفۇر، نىفاق ،بىدئەتتۇر. قەلبىدە فىتنە پەيدا بولسا ناتوغرا نەرسىگە مايىللىق پەيدا بولىدۇ-دە، شۇنىڭ بىلەن ھالاك  بولىدۇ. ئەگەر رەسۇلۇللاھ  سەللاھۇ ئەلەيھى ۋەسسەلەمنىڭ بۇيرىغان سۈننەتلىرىنى ئىنكار قىلسا كۇفۇردۇر. شۇنداق كىشىلەر بار،قۇرئان بىزگە يېتىدۇ،ھەدىسلەرگە ھەرخىل كۆپ گەپلەر ئارلىشىپ كېتىپ قالغان، ھەدىسلەرنىڭ بىزگە كېرىكى يوق دېگۈچىلەر بار، ئەنە شۇ كۇففاردۇر.شۇ گېپىدە شۇ   ۋاقىتنىڭ ئۆزىدە قۇرئان كەرىمنىڭ ئايەتلىرىنى ئىنكار قىلغان بولىدۇ.    ئابدۇللاھ ئىبنى ئابباس رەزىيەللاھۇ ئەنھۇ بەزى كىشىلەرگە، رەسۇلۇللاھ سەللەللاھۇ ئەلەيھى ۋەسسەلەمنىڭ سۆزلىرىنى يەتكۈزگەندە، ئۇ كىشىلەر ئەبۇ بەكرى، ئۆمەر رەزىيەللاھۇ ئەنھۇمالار مۇنداق دىدى،- دەپ سۆزلىرىنى ھۆججەت قىلىشقانىكەن.ئابدۇللاھ ئىبنى ئابباس:-يېقىن كۈندە سىزنىڭ باشلىرىڭىزغا تاش ياغىدۇ- دىدى. ئىمام بەرزەندى پەيغەمبەر سەللەللاھۇ ئەلەيھى ۋەسسەللەمنىڭ تارىخلىرىنى يازغان بۇ كىشى ھەدىس ئوقۇپ بېرىۋاتقانلىرىدا، اللەنىڭ كىتابىنى ئوقۇپ بىرىڭ،تەفسىر قىلىپ بىرىڭ-دەپ سورىدى.شۇندا  غەزەب قىلىپ ئىيىتقانلاركى- سۈننەت اللەنىڭ كىتابىنىڭ تەفسىرىدۇر-دىگەنلەر.     اللەنىڭ كىتابىدىن، پەيغەمبەر سەللەللاھۇ ئەلەيھى ۋەسسەللەمنىڭ سۈننەتلىرىدىن ئوقۇپ بەرسىڭىز، ئۇ بىزگە مەۋلۇد ئوقۇپ بىرىڭ دەيدۇ.بۇ بۇرادەرلەر، كۈلىدىغان ئىش ئەمەس،بەلكى قەلىبنىڭ قاراداپ قالغانلىقىدۇر، ئۇنداق دېمىسىمۇ ئەمەلىدە شۇنداق قىلىدۇ، قىزىقمايدۇ.   ھەر بىر قىلىۋاتقان گىپىمىزنىڭ ھىسابىنى بىلىپ قويماقلىقىمىز كىرەك. ئابدۇللاھ ئىبنى ئۆمەر رەزىيەللاھۇ ئەنھۇ پەيغەمبەر سەللەللاھۇ ئەلەيھى ۋەسسەللەمنىڭ: اللەنىڭ  مەسجىدلىرىدىن اللەنىڭ ئايال بەندىلىرىنى توسماڭلار-دىگەن ھەدىسلىرىنى رىۋايەت قىلغىنىدا  پەرزەنتلىرىدىن بىرى : قەسەمبىللاھ، مەن ئاياللىرىمنى توسىمەن- دىگەنلەر. يەنى مەن ئايالىمنى مەسجىدكە چىقىش ئۈچۈن بولسىمۇ، تالا-تۈزگە چىقىپ باشقا ئەرلەرگە كۆرۈنۈپ يۈرىشىدىن   توسىمەن،- دەپ ئۆز غورۇرىغا سۆز ئىيتقان.شۇندا ئابدۇللاھ ئىبنى ئۆمەر  قاتتىق غەزەبلىرى كىلىپ: پەيغەمبەر سەللەللاھۇ ئەلەيھى ۋەسسەللەم شۇنداق دىگەن دىسەم سەن توسىمەن دەيسىنا؟-دەپ،ھايادىن تاشقىرى سۆز قىلغان يەنە بىر رىۋايەتىدە بىر ئۆمۈر گەپ قىلمايمەن- دېگەنلەر. ساھابە ئابدۇللاھ ئىبنى مۇغەففەل مۇزەنى رەزىيەللاھۇ ئەنھۇ بەزى بىر قەدىردان بۇرادىرىگە تاش ئىتىپ ئىشارە قىلىدىغان ئىشتىن قايتۇرغانلەر،كىچىككىنە تاش بىلەن ئوۋ ئوۋلىغىلى بولمايدۇ،يا  بىر دۈشمەننى پاچاقلىيالمايدۇ،لىكىن كىشىنىڭ چىشىغا تىگىپ سۇندۇرۇپ قويۇشى،بىراۋنىڭ كۆزىگە تىگىپ قارىغۇ قىلىپ قويۇشى مۇمكىن،شۇنىڭ ئۈچۈن بۇنداق تاش ئىتىپ ئىشارە قىلماڭلار-دەپ ئىيتقاندىن كىيىن، باشقا بىر ۋاقىتتا يەنە شۇ تاش ئېتىۋاتقانلىقنى كۆردى،ساھابە كىرەم:رەسۇلۇللاھ سەللەللاھۇ ئەلەيھى ۋەسسەللەم بۇ تاش ئىتىپ ئىشارە قىلىشتىن توسقان دىسەم،سەن يەنە ئېتىۋاتامسەن؟ قەسەمبىللاھ ساڭا ئۆمرۈم بويى گەپ قىلمىغىنىم بولسۇن! – دېگەنلەر.   ئىمام بەيھەقى رەھمىھۇللاھ ئۇلۇغ تائىبىنلەردىن ھىسابلىنىدۇ،شۇكىشى ئېيىتقانلەر:بىر كىشىگە  سۈننەتنى ئىيتىپ بەرسەڭ، قوي،بىزگە قۇرئاندىن خەۋەر بەرگىن دېسە، بىلگىنكى ئەنە شۇ ئاداشقان ئادەمدۇر.    ئىمام  ئەھمەد ھەنبەلى  رەھمىھۇللاھ ئىيىتقان: ماڭا ھەم تەقلىد قىلما،ئىمام ئىمام شافىيگە  ھەم ئىمام مالىككە ھەم ئەگەشمە، بىز قەيەردىن ئالغان بولساق، شۇ يەردىن ئېلىۋەر–دېگەنىكەن،   ئېمام سۇيۇتى :ئاللاھنىڭ رەھمىتى بولسۇن بىلىڭلاركى، كىم رەسۇلۇللاھ سەللەللاھۇ ئەلەيھى  ۋەسسەللەمنىڭ بىر سۆزلىرى بولسۇن، ياكى بىر پېئىللىرى بولسۇن ۋە شۇنىڭ سەھىھ ھۆججەت   بولىدىغانلىقىنى بىلسە، بىلىپ تۇرۇپ ئىنكار قىلىدىغان بولسا كافىر بولىدۇ-دە،يەھۇدىلار بىلەن ،خىرىستىئانلار بىلەن ۋە ياكى اللە خالىغان قەۋىملەر بىلەن قىيامەتتە قوپىدۇ.   قايسى بىر كىشى ئۆزىنىڭ سۈننەتكە ئەگەشمەيۋاتقانلىقىنى سەزسە، تەكشۈرۈپ كۆرسە سەۋەبى ھەۋا،نەفىس، شەيتاندىن باشقا نەرسە ئەمەس، قەلبىدە رەسۇلۇللاھ سەللەللاھۇ ئەلەيھى ۋەسسەللەمدىن باشقىنىڭ سۆيگۈسى ئارتىپ كەتكەنلىكنىڭ بەلگىسى بۇ.ئۆزى بىلەن اللە ئوتتۇرىسدا سىر  قىلىپ سوراپ كۆرسۇنچۇ: ئەي پالانچى، ئۆزۈڭگە ئىنساپ بىلەن گەپ قىل،سىنىڭ سۆزۈڭنى ھىچكىم ئاڭلىمايۋاتىدۇ، اللە  سۈبھەنەۋەتائالاھ ئۆزى ئاڭلاپ تۇرۇپتۇ، شۇ سۈننەتلەرنى تەرك قىلىشقا  سەۋەب نېمە؟ دەپ ئۆزىڭىزگە ئۆزىڭىز سۇئال قىلسىڭىز ئەلۋەتتە ھەۋا،نەفىس،شەيتان ئىكەنلىكىدىن باشقا جاۋاب بولمايدۇ.شەيتاننىڭ ئىنسان قەلبىگە كىرىدىغان ئاساسلىق يولى ئەنە شۇدۇر.  اللەنىڭ مۇھەببىتىدىن مەھرۇم قىلىشقا سەۋەب بولىۋاتقانلىنى بىلگەن كىشى ئۆزى ئۈچۈن بۇنى ئېغىر بىر مۇسىبەت دەپ بىلىشى كىرەك. سۈننەت ئەمەلنى قىلۋاتقان ۋاقتىڭىزدا، باشقىلارنىڭ    كۆزىگە خۈنۈك كۆرىنىۋاتقانلىقى ئۈچۈن سۈننەتنى تاشلىسىڭىز، قوي بۇ سۈننەت ساڭا ياراشماپتۇ دىگەن بولسا، شۇندا ماڭا سۈننەتلىكىنىڭ گۈزەللىكى كۇپايە دەپ قويۇڭ. مەن بۇنىڭ بىلەن ئادەملەرگە گۈزەل كۆرۈنۈش ئۈچۈم قىلۋاتقىنىم يوق، مەن بۇنىڭ بىلەن رەسۇلۇللاھ سەللەللاھۇ ئەلەيھى ۋەسسەللەمگە ئەگىشىۋاتىمەن خالاس دەڭ.بولۇپمۇ  رەسۇلۇللاھ سەللەللاھۇ ئەلەيھى  ۋەسسەللەمنىڭ سۈننەتلىرىگە ئەمەل قىلىشنى گۈزەل دەپ كۆرەلمەسلىك قەلبنىڭ نۇقسانلىرىدىن. بىز ئۆزىمىزگە قاتتىق خاتاغا يول قويىۋاتقانلىقىمىزنى بىلىپ قالايلىكى، بىر ئادەم رەسۇلۇللاھ  سەللەللاھۇ ئەلەيھى ۋەسسەللەمنىڭ سۈننىتىگە ئەمەل قىلىۋاتقاندا، ئۇنى خۈنۈك كۆرۈپ قىلىش ھەم بىز  ئۈچۈن ئېغىر مۇسىبەتتۇر! بۇنى ئاڭلاپ بەزىلەر بۇ ئېغىر ئىش بولۇپ قالدىغۇ دىيىشى مۇمكىن،   لىكىن قىيىن ئەمەس، قىيىن كۆرسىتىۋاتقىنى قەلبىمىزدىكى ھەۋا،نەفىس ۋە شەيتان،باشقا نەرسە ئەمەس.   رەسۇلۇللاھ سەللەللاھۇ ئەلەيھى ۋەسسەللەمگە سالاۋاتلار بولسۇن! رەسۇلۇللاھ سەللەللاھۇ ئەلەيھى ۋەسسەللەم: ماڭا بىر مەرتە سالاۋات ئىيىتقان كىشىگە اللە ئون مەرتەم رەھمەت ئىلان قىلىدۇ! ساھابىلەر رەسۇلۇللاھ سەللەللاھۇ ئەلەيھى  ۋەسسەللەمنى شۇنچە ياخشى كۆرەتتىكى رەسۇلۇللاھ  سەللەللاھۇ ئەلەيھى ۋەسسەللەمنىڭ جەننەتتە بولىدىغانلىقىنى،ئۆزلىرىنىڭمۇ جەننەتتە  بولىدىغانلىقىنى بىلگەن ساھابىلەر رەسۇلۇللاھ سەللەللاھۇ ئەلەيھى  ۋەسسەللەمنىڭ مەرتىۋىسىنىڭ يۇقىرىلىقىنى ئويلاپ رەڭگىللىرى ئۆزگىرىپ كەتكەن ئىكەن.بۇنى كۆرۈپ رەسۇلۇللاھ سەللەللاھۇ ئەلەيھى ۋەسسەللەم سەۋەبىنى سورىغىنىدا : سىزنىڭ مەرتىۋىڭىز يۇقىرى،مىنىڭ مەرتىۋەم پەس،شۇنىڭ ئۈچۈن  مەن جەننەت سىزدىن ئايرىلىپ قىلىشنى ئويلاپ رەڭگىم ئۆزگەردى-دىگەنلىرىدە، رەسۇلۇللاھ سەللەللاھۇ ئەلەيھى  ۋەسسەللەم:بىر تائىپەنى ياخشى كۆرگەن كىشى مەھشەرگاھدا ئۇلارنىڭ جاما ئىتىدە بىرگە بولىدۇ-دىگەندىن كىين خۇرسەن بولۇشقانىكەن.   ھۇدەيىب رەزىيەللاھۇ ئەنھۇنى كۇففارلار ئوقيا ئىتىپ ئويناپ،مەسخىرە قىلىپ ئۆلتۈرىۋاتقانلىرىدا شۇنچە كۆپ نەيزىلەر بەدەنلىرىگە سانجىۋاتقانلىرىدا بىرەر تاۋۇش چىقارمىغان كىشى، كۇففارلار شۇندا : ئەنە مۇھەممەدكە ئەگىشىشنىڭ ئاقىۋىتىنى كۆردۈڭمۇ؟ ئەمدى يەنە سىنىڭ يىنىڭدا    مۇھەممەدنىڭ بولۇشىنى خالايسەنمۇ؟-دىگىنىدە، رەسۇلۇللاھ سەللەللاھۇ ئەلەيھى ۋەسسەللەمنىڭ پۇتلىرىغا تىكەن كىرگەندىن مىنىڭ جان تەسلىم قىلغىنىم ئەۋزەل –دىگەن ئىكەن. بىز ئەمدى ئاددىي بىر سۈننەتلەرگىمۇ ئەگىشەلمىسەك،رەسۇلۇللاھ سەللەللاھۇ ئەلەيھى ۋەسسەللەمگە بولغان مۇھەببەتنى دەۋا قىلمىساقمۇ بولىۋىرىدۇ بۇرادەرلەر!

qogluk0998

	رەخمەت دوستۇم ،مۇشۇنداق ئىسىل تىمىلىرىڭىزنى ئايمىغاي سىز  ،ئاللا قولۇڭىزغا دەت بەرمىسۇن سالامەت بولۇڭ

jahanger

	اللە دەرت بەرمىسۇن قېرىندىشىم... سىزنىڭ ھەممە تېمىلىرىڭىز نادىرلانغان ،لىكىن بۇ تېمىڭىزنىڭ نادىرلىنىشىغا كۆزۈم يەتمەيۋاتىدۇ...

mostafa

	مۇشۇنداق ئىسىل تېملار بىلەن خەۋەردار قىلغىنىڭىزغا رەخمەت، اللە ئەجرىڭىزنى بەرسۇن ئىلمىڭىزنى تىخىمۇ زىيادە قىلسۇن

tarhamak

	ئاۋازلىق نۇسقىسى بىلەن بىرگە يوللاپ قويغان بولسىڭىز تېخىمۇ بەلەن بولاتتىكەن ...

富乐智慧

	ئەسسالامۇئەلەيكۇم ! ئابدۇۋېلى قارىدەك كاتتا ئۆلىما ئالىمنىڭ بۇنداق ئېسىل تەبلىغى بىلەن بىزلەرنى خەۋەردار قىلغانلىقىڭىزغا ، ئۇنتۇلۇپ كېتىپ بارغان بەزى ئىشلارنى ئېسىمىزگە كەلتۈرگۈنىڭىزگە رەھمەت ! ئاللاھ ئەجرىڭىزنى بەرگەي بۇ كاتتا ئالىمغا ئاللاھ رەھمەت قىلسۇن ! كۆپچىلىكنىڭ بۇ ئۆلىمانىڭ تەبلىغلىرىنى تېپىپ بىر قېتىم ئاڭلاپ بېقىشىنى تەۋسىيە قىلىمەن !  تەبلىغىنىڭ بىرسى - بىرسىدىن ئېسىل ھەم چوڭقۇر مەزمۇنلىقىدا ، كىشىلەرنىڭ دىنغا بولغان چۈشەنچىسىدىكى لاي - لاتقىلارنى يوقۇتۇپ بۇلاق سۈيىگە  سۇغا ئوخشاش سۈزۈلدۈرىشىدە گەپ يوق .

JOKER

	富乐智慧 بەك ياخشى شەرھىلەپ بەردىڭىز ئاللاھ خالىسا مەنمۇ ئاڭلاپ باقاي.....

xahida223

	اللە رەھمەت قىلسۇن.     مەرىفەت مۇنبىرى ئېچىلمايۋاتىدىغۇ ؟ بۇ بىكەتكە بىرەر قازا كەلدىمۇ ياكى مېنىڭ كومپىيۇتۇرۇمدا مەسىلە بارمۇ؟

gherip

	قىممەتلىك ۋاقتىنى چىقىرىپ ، ئۇيغۇرچە يېزىقتا چىقىرىۋاتقانلارغا ،ئاللاھ كۆپلەپ ئەجىر بەرگەي .

gherip

	ئاپتور جاۋابىنى بويلاپ 7قەۋەت  xahida223 كە 2011-07-16 01:14 AMئەۋەتىلدى  : اللە رەھمەت قىلسۇن.     مەرىفەت مۇنبىرى ئېچىلمايۋاتىدىغۇ ؟ بۇ بىكەتكە بىرەر قازا كەلدىمۇ ياكى مېنىڭ كومپىيۇتۇرۇمدا مەسىلە بارمۇ؟ ئېچىلمايۋاتىدۇ . http://www.secure-tunnel.com/ ماۋۇ يەر ئارقىلىق كىرىپ بېقىڭ .