ئادىمىيلىكىنى پۇل ئورنىداخىراجەت قىلىش ئى

meihray

	ھەربىرىمىزدەشۇنداق بىر ئىللەت بار،ئۇبولىسىمۇ پۇل خەجىلەپ پۈتۈرىدىغان ئىشقا يولۇققاندا،ئامال بار پۇل چىقىرىشتىن قېچىپ ،«ئادەمگەرچىلىك»يولىنى ئىزدەش. ئەقىلگە سىغمايدۇكى ئومۇمەن ھەممىمىز-ھەرقاندىقىمىز پۇل ئورنىغا ئادىمىيلىك قىممىتىمىزنى خىراجەت قىلساق پۈتىدىغانلىكى ئىش بولسا ،بۇ يولىنى مېڭىشتىن ئېرىنمەيمىز.يانچۇقىمىزدا شۇنىڭغا يەتكۈدەك پۇل بار بولسمۇ ئۆزىمىزنىڭ يۈز-ئابريى،شان-شەرىپىنى «بەش پۇلغا قىممەت ،تۆت پۇلغا ئەرزان» قىلىشقا ئۇرۇنىمىز ...توغرا،پۇل يانچۇقتا بولسا ھامان خەجىلىگىلى بولىدۇ،ھەر ۋاقىت جانغا ئەسقاتىدۇ.ئەمما،ئادەمنىڭ ئائىلىدە ،خوتۇن-بالىلىرى ئالدىدا،يۇرت-مەھەللە ئىچىدە ،ئەل جامائەت ئارىسىدا پۇلدىنمۇ مۇھىم بولغان ئىنسانلىق قەدىرقىممىتى بۇلۇشى كېرەك. يانچۇقتىكى پۇلار ئادىمىيلىك قىمىتىنى ،ئەل -يۇرت ئىچىدىكى يۈز ئابىروينى بەلگىلەپ بېرەلمەيدۇ.مىسال ئالساق ،بىر يۇرتتا بەزى نامرات ئادەملەرنىڭ ئىناۋىتى بەزى بايلارنىڭكىدىن يۇقۇرى بولىدۇ،چۈنكى باي بىر تىيىن ،بىر نان ئۈچۈنمۇ ئادىمىيلىكنى خىراجەت قىلغانلاردىن بولسا،كەمبەغەل كىشى «پۇل كەتسە كەتسۇن،يۈز كەتمىسۇن»دەپ تونۇپ ،ئادىمىيلىك پەزىلىتىگە داغ چۈشۈرمەي پاك ساقىلىغان.دېمەك،پۇلى جىق ،ئادىمىيلىكىنى ئۇنتۇغان باينىڭ ۋاقىتتى كەلگەندە خەق ئالدىدا بىر تىيىنغا گېپى ئۆتمەيدۇ.چۈنكى ،باشقىلارنىڭ قەلبىدە ئۇنىڭغا نىسبەتەن ئىشەنچ قالىمىغان ؛گېزى كەلگەندە پۇللۇق باينىڭ گېپى ئۆتىمىگەن جايىداراستىچىل ،سەمىمىيلىكى بىلەن باشقىلارنىڭ مىليون پۇللۇق ئىشەنچىسىگەئېرىشكەن كەمبەغەلنىڭ گېپى قىلىچتەك ئۆتىدۇ...ئىچكىرى ئۆلكە،شەھەرلەردە يانچۇقتا لىق پۇلى تۇرۇپ قونىدىغان ياتاق ئالالماسلىق،تاكسى توسىسا توختماسىلىق،ماگىزىنغا كىرسە دائىم ئاڭلىنىپ تۇرىدىغان «ئوغرىدىن پەخەس بۇلۇڭلار»دېگەن ئاگاھلاندۇرۇشلار؛ھەرەمگەبارالىغان بىر قىسىم بايلىرىمىزنىڭ بەدىنىگەتېڭۋالغان پۇلى قوينىدا سېسىتىپ كەتسە رازى بۇلۇپ ،بىكارلىق ياتاق ،تاماق تالىشىپ ئازارلىشىپ سېسىپ كېتىشلەر....ئادىمىيلىكنى پۇل ئورنىدا خىراجەت قىلىشتىن كېلىپ چىققان قەدىر-قىممتى خورلاش ،ئۆزىنى خورلاش پاجىئەلىردۇر.ئەزەلدىن شۇنداق ھەقىقەت،ئۆزگەرمەس تەبىئى قانونىيەت بار :ئادەم ئۆزىنى قەدىرلىمىسە خەق خارلايدۇ،ئادەم ئۆزىنى ھۆرمەتلىمىسە ،خەقىمۇ كۆزگە ئىلمايدۇ.ئىززەت-نەپىسىمىزنى قوغدىماسلىقىمىز ،خەقىنىڭ ئالدىدا ئىت،مۈشۈك ،چاشقانغا ئوخشاش ھەركەتلەردە بۇلۇشىمىز ،شۈبھىسىزكى بىزنى شۇتىنىقتىن باشلاپ خەقىنىڭ كۆزىگە ئادەمدەك كۆرۈنمەيدىغان قىلىپ قويىدۇ!ئەكسىچە ،باشقىلارنىڭ بىزنى خارلىماقچى -بوزەك قىلماقىچى بولۇۋاتقاندا،ئادەملىك پېتىمىزدىن چۈشمەي ،بۇيۇن ئەگىمىسەك،ئاندىن خەققە ھەقىقىي ئادەمدەك كۆرۈنىمىز.ئەلۋەتتە بۇ جەرياندا مۇناسىپ بەدەل تۆلەيمىز ،لېكىن ئاچ-يالىڭاچ قالمايمىز.ھالال مىدىرلاشنى تەرەك ئەتىمىسكلا،ئىشىمىز ئاخىرى بىر يەردىن چىقىدۇ،ئەپسۇسلىق ۋە كېيىنىكى پۇشايمانلارغا ئورۇن ھەرگىزمۇ قالمايدۇ.دۇنيا ئاپىرىدە بولغاندىن تارتىپ ،بىر ئادەم راھەت كۆرگەنگە بەخىتلىك بولۇۋەرگەنمۇ ئەمەس. يەنە بىر جەھەتتىن تەكىتلىسەك ،جاپانىڭ  ھەممىسى بەختسىزلىكمۇ ئەمەس،راھەتنىڭ ھەممىسىلا ئاتالمىش «بەخىت»مۇ ئەمەس!ئىنسان ئۈچۈن قەدىر-قممەتتىن ئەلا نەرسە يوق، ئۇنى ساقلاش،قوغداش ئېسىمىزدىن كۆتۈرلۈپ كەتمىسۇن. مەنبە:    « ئەختەم ئۆمەرنىڭ يىراق قىرلاردىن ئانا يەرگە سالام» ناملىق كىتابىدىن ئېلىنغان.

ABIDA1028

	بەش-ئالتە يىل بۇرۇن ئىلى-خەلىق رادىئۇ ئىستانسىدا بەك ئاڭلىتاتتى بۇ روماننى. بەك ئىسىل !

farabi126

	بۇ خىل ناچار ئىللەتلەر ھازىر تېخىمۇ كۈچىيىپ كېتىپ بارىدۇ...

Ahmadi

	1%   2%   ئۇيغۇرلار   ئىچكىرى-ئۆلكىلەردە    بىزنىڭ نامىمىزنى  مانا-مۇشتاق چىقىرۋاتىدۇ!!!!!!!      بەزەن  جايلاردا    تاكسى   شۇپۇرلىرى  ئۇيغۇر ئىكەنلكىمىزنى بىلىپلا  قالسا  سالمايدىكەن.........خەنزۇچە   مۇنبەرلەردىمۇ   ئاجايىپ تىللاپ  قۇيدىكەن .   بىزلەرنى............%1     %2   كىشلەر سەۋەبىدىن.................

yawayi

	1-قەۋەتكە سىڭلىم ! ئەختەم ئومەر ئەپەندىنىڭ ‹‹يىراق قىرلاردىن ئانايەرگە سالام›› سالام ناملىق ئەسىرى رومان ئەمەس .

TOGRAKPADIXASI

	بۇنداق ئىشلار كۈندىن-كۈنگە كۈپەيسە كۈپەيدىكى ئازلاپ قالمىدى.

mosajan0997

	بارىكاللا،يارايسىز،ئەھمىيەتلىك تىم

faeza

	ئۇنداق ئەرزىمەس ئادەملەر بەك ئازمىكىن دەيمەن .