دادا ! ئانامغا ياخىشى قارا بولامدۇ ؟!

yuksel

	... ..... .......... دادا ! سەن ئانامغا ياخىشى قارا بولامدۇ!؟ ، بۇ مېنىڭ ساڭا بالاڭ بولۇش سالاھىتىم بىلەن قىلغان ۋەسىيتىمدۇر . دادا ! سەن ئانامغا ياخىشى قارا ! كەچلىرى ھاياجان ئېچىدە تېلۋىزور كۆرۈۋاتقاندا ،  سەن ئانامغا قارىغىن ، كىچىك بالىدەك قاراشلىرىدىن ياشانغانلىقىنى ، سەن ئۈچۈن پۈتۈن ئۆمۈرنى بېغىشلىغانلىقىنى كۆرىسەن . ئاخشاملىرى كەچ قالغىنىڭدا ، سېنى ساقلاپ يېيىلمىگەن تاماقلارنى كۆرىسەن . چۈشلۈك ئۇيقۇلىرىڭدا سېنى خاپا بولمىسۇن دەپ  خۇشنىلارنىڭكىگە چىقىپ تۇرۇشلىرىنى ، بىزنىڭ ئاغزىمىزنى تۇتىۋىلىشلىرىنى ، سېنى ئويغۇنۇپ كەتمىسۇن دەپ قورقۇپ يۈرىكىنىڭ ئاغزىغا قاپلىشىپ قالىدىغانلىقىنى كۆرىسەن . دادا ! ئانامغا ياخىشى قارا !؟  دادا ! ئانىسى مەن ئىشقا ماڭدىم  دىگەنلىرىڭىدە  سېنىڭ ئارقاڭدىن تاكى سەن پەشتاقتىن چۈشۈپ بولغىچە  قاراپ تۇرغان ئىنسانغا قارا ، ئارقاڭغا بۇرلۇپ بىر قاراپ باققىن ، سەن كەتمەستىن سېنى سېغىنغان كۆزلەرنى كۆرىسەن . كوچىلاردا كۆرسەڭ قوللىرىنى سېقىپ ، قوچاقلاپ كۆرۈشۈپ كېتىدىغان دوستلىرىڭىغا قىلغاندەك ، ئانامنىمۇ بىر قېتىم بولسىمۇ قوللىرىنى سېقىپ ، سۆيگۈ بىلەن باغرىڭغا باسقىن ! ۋاقىت ئۆتكۈزۈپ ئولتۇردىغان ساماۋەرخاندا چاي ئوتلاۋاتقىنىڭدا ، ئانامنىڭ دەملىگەن چېيىغا ئوخشىمايۋاتقانلىقىنى ، ئۆيدە سېنىڭ ئۈچۈن تاماق ئېتىشنىڭ كويىدا پالاقلاپ يۈرگەن بۇ ئايالنى ئويلا ! 1-2 يېۋەننى پېيالەڭنىڭ يېنىغا تاشلاپ ، دەس تۇر ئورنىڭدىن ، ئەڭ  تېز سۈرەتتە ئۆيگە تەرەپكە چاپ دادا ! دادا ! ئۇ ئايال ، سېنى تاشلاپ كەتكەن ئاناڭدەك ، ئارقاڭدىن پېچاق ئۇرىدىغان دوستلىرىڭدەك ، سېنىڭ قېممىتىڭنى بىلمىگەن باللىرىڭدەك ئەمەس... ھەر ئايەمدە ئۆيۈمنىڭ تۇۋرىكى دەپ ، تېنىم تاپماي كىيىملىرىڭىنى تۈزەشتۈرۈپ ، دوست – دۇشمەننىڭ ئالدىدا ئۇ مېنىڭ يولدىشىم دەپ پەخىرلىك تۇيغۇسى ھېس قىلىدىغان ئۇ ئايالغا ئوبدان قارا دادا ! پەشتاقتىن قانچىلىك يېنىك قەدەم بىلەن چېقساڭمۇ ، سېنىڭ كەلگىنىڭنى تۇنجى قەدىمىڭدە بىلىۋالىدىغان ئايالغا... يۈزى قىزىرىپ ، ئاشخانىدا ئۈن چىقارماي يېغلىغان ، ئەمما ساڭا پېيازنىڭ نەقەدەر ئاچچىق بولدىغانلىقىنى ئېيتقان ئايالغا... سەن دوختۇرخانىدا يېتىپ قالغىنىڭدا ، ئۇخلاۋاتساڭ بۇقۇلداپ ، بۇ ئۆي ماڭا چوڭ كەلدى  دادىسى دەپ يېغلىغان ئانامغا ئوبدان قارا دادا ! ئانىلار بايرىمىدا ئات ئۆزۈڭنى ئۇنىڭغا ، تۇت قوللىرىنى مېھرىڭ بىلەن ، سۆيۈپ قويغىن قوللىرىغا ... ئانامغا ياخشى قارا دادا ! ئۇنىڭ كۆزلىرىدە بارلىقى ساڭا ئاتالغان ھاياتنى كۆرىسەن . مەنبە : يوللىغۇچىدا . ئاخىردا بولسىمۇ مۇنبەردىكى بارلىق دوستلىرىمغا چىن دىلىمدىن < ئەسسالامۇ ئەلەيكۇم > دەيمەن . تىلەگىم - ھەممىمىزگە سالامەتلىك ۋە مۇۋاپپىقىيەتلەر بولسۇن .

ئەلشاھ

	ھەجەپ ھاياتىنىڭ ئاخىرقى پەيتىنى ئۆتكۈزۈۋاتقاندەك بۇلۇپ قالىدىكەن .خۇددى ئەتىلا ئۈلۈپ قالىدىغاندەك .

mihir

	ھارمىغايسىز ، مەن مۇشۇنداق تىمىلارنى بەك ياختۇتۇرپ ئوقۇيمەن .

owchi.

	باشقا گەپ كەلمىدى كەچۈرەڭ  .ياخشى يېزىلىپتۇ  ،

سابا

	نېمە دىگەن تەسىرلىك ئىبارىلەر بۇ ؟ كۆزلۈرۈمگە  ئىختىيارسىز ياشلار كەلدى . ھارمىغايسىز ، ھەقىقى بىر پەرزەنىت بولۇش سۈپىتىڭىز بىلەن ئاپىڭىزنىڭ كۆڭلىدىكىنى ياخشى ئىپادىلەپسىز . رەخمەت سىزگە .

dilbar

	خۇددى ھىلىلا بىر يەرگە كېتىدىغاندەك،يۈرەكنى ئەزگۈدەكلا يېزىپسىزغۇ تېمىنى...ئانا يەنە پەرزەنتكىمۇ مۇھتاج....

Roman

	بەك تەسىرلىك يىزىپسىز كۆز يىشىم دەريا بولۇپ ئاقتىغۇ ئەمدى يۈكسەل ئاكا يىشىم تۈگەپ كەتسە سىزدىن دەردىمنى ئالىمەن جۇمۇ ( چاخچاق )

d@tman

	ياخشى چىقىپتۇ..................رەخمەت سىزگە

taghrim

	ياخشى  يىزىپىسز !!!

TATLIHIM

	ھەقىقەتەن ياخشى ئىكەن ،بۇلارنى ئۇقۇپ كۆزلىرىمگە ئىسسىق ياش كەلدى ! سىزنىڭ بۇ لىرىكىڭىز ھەقىقەتەن تەسىرلىك چىقىپتۇ ! سىزنى تەبىرىكلەيمەن ! تېخىمۇ تىرىشىڭ ! مۇشۇنداق نادىر لىرىكىلىرىڭىز مىسرانىمدىن ئايرىلمىسۇن ! ئانىغا بېغىشلانقان لىرىكىلىرىڭىز بىلەن ئانىلىرىمىزنىڭ تېنىگە سالامەتلىك تىلەيلى !  [s:53]  [s:53]  [s:53]  [s:53]