ئايلىق مۇئاش كىرىمى 4545 يۈئەندىن

moghal

	ئايلىق مۇئاش كىرىمىڭىز 4545 يۈئەندى تۆۋەن بولسا شەخس تاپاۋەت بېجى تاپشۇرىشىڭىزنىڭ ھاجىتى يوق.     يېقىندا دۆلىتىمىز  « شەخسلەر تاپاۋەت بېجى قانۇنى » غا تۈزۈتىش كىرگۈزۈپ،  بۇ يىل 9- ئايبىڭ 1- كۈنىدىن باشلاپ ئەسلىدىكى ئايلىق مۇئاش ساپ كىرىمى 2000 يۇەندىن ئاشسا شەخس تاپاۋەت بېجى تاپشۇرۇشنى  ئايلىق ساپ كىرىمى 3500 يۇەندىن ئاشقاندا شەخس تاپاۋەت بېجى تاپشۇرۇشقا ئۆگەرتكەنلىكىنى ئېلان قىلدى. بۇنىڭ بىلەن دۆلىتىمىزدە شەخسلەر تاپاۋەت بېجى تاپشۇرىدىغانلارنىڭ سانى ئەسلىدىكى 84 مىليۇندىن  24  مىليۇنغا چۈشۈپ قالىدىغانلىقى بىلدۈرۈلدى.    بۇ خەۋەرلەر جەمىيەتكە تارالغاندىن كېيىن بەزى تورداشلار : « جوڭگۇدا پەقەت 24 مىليۇن ئادەمنىڭلا   مۇئاش ساپ كىرىمى 3500 يۇەندىن يۇقۇرى، مۇئاش  ساپ  كىرىمى  2000  يۇەندىن يۇقۇرى ئەمما  3500 يۇەنگە يەتمەيدىغانلاردىن  84 مىليۇن كىشى بار،  مۇئاش ساپ كىرىمى  2000 يۇەنگە يەتمەيدىغانلارنىڭ سانى بىر مىليارت ئۈچ يۈز مىليۇنغا يىتىدۇ » دەپ قاراشتى. يەنە بەزى تورداشلار : « جوڭگۇدا پۇلى كۆپ ئادەملەر شۇنچە  كۆپ تۇرسا ، شەخسى تاپاۋەت بېجى تاپشۇردىغانلار ئارانلا 24 مىليۇنمىكەن ،  يەنە خېلى كۆپ ئادەم باجدىن قاچتىمۇ قانداق ؟ » دىگەن گۇمانى  قارىشىنى ئوتتۇرغا قويدى.    يېقىندا دۆلەتلىك باج باش ئىدارىسى  ئىلىم- پەن تەتقىقات ئىنىستىتوتىنىڭ مۇدىرى، تەتقىقاتچى لىيۇ زۇ  شەخس تاپاۋەت بېجى توغرىسىدىكى مەسىلىلەر توغرىسىدىكى بەزى  مەسىلىلەرگە  تۆۋەندىكىدەك جاۋاپ بەردى.    ئايلىق مۇئاش كىرىمى 3500 يۇەندىن ئاشسا شەخس تاپاۋەت بېجى تاپشۇرامدۇ ؟      جاۋاپ  شۇكى :  ياق. ئايلىق مۇئاشتىن شەخس تاپاۋەت بېجى تاپشۇرۇشنىڭ ئەڭ تۆۋەن چېكى 3500  يۇەن دەپ بەلگۈلەنگەن بىلەن  بۇ سان شۇ ئايلىق مۇئاش ساپ كىرىمىنىلا كۆرسىتىدۇ،  ئۇ ،« ئۈچ سۇغۇرتا ، بىر فوند » چىقىرىۋېتىلگەندىن كېيىنكى قالدۇق سومما دۇر، ئاشۇ ساپ كىرىملا  شەخس تاپاۋەت بېجى تاپشۇرۇشنىڭ ئاساسىدۇر، ناۋادا يۇقارقى «ئۈچ سۇغۇرتا، بىر فوند » چىقىرۋېتىلگەندىن كېيىن  ئايلىق مۇئاش كىرىم 3500 يۇەندىن ئاشسا ئاندىن شەخس تاپاۋەت بېجى  سوممىسى ھېساپلىنىدۇ، مۇشۇ بويىچە بولغاندا سىزنىڭ ئايلىق مۇئاشىڭىز 4545 يۇەندىن تۆۋەن بولسا سىزنىڭ باج تاپشۇرىشىڭىزنىڭ ھاجىتى يوق. « مۇئاش 3500 يۇەنگە يەتسىلا تاپاۋەت بېجى تاپشۇرىدۇ  »  دەپ تونىۋالماسلىق كېرەك.       « ئۈچ سۇغۇرتا بىر فوند » دىگەندە ئۇ، ياشانغاندا كۈتۈنىش سۇغۇرتىسى، داۋالىنىش سۇغۇرتىسى، ئىشسىزلىق سۇغۇرتىسى  ۋە  ئۆي جامائەت جۇغلانما فوندى » قاتارلىقلارنى كۆرسىتىدۇ، مۇشۇ تۈرلەرنىڭ ھەر ئايلىق سوممىسىنى يىغىنچاقلىغاندا ئۇ، شۇ ئايلىق مۇئاش ئومۇم سوممىسىنىڭ 23% تىنى ئىگەللەيدۇ، مۇشۇ ئۆلچەم بويىچە ھىساپلانغاندا ئايلىق مۇئاش ئومۇم سوممىسى 4545 يۇەندىن ئاشمىسىلا  باج تاپشۇرۇش چېكىگە يىتىپ بارمىغان بولىدۇ. ناۋادا سىزنىڭ مۇئاشىڭىز 5000 يۇەن بولسا  يۇقارقى تاپشۇرۇشقا تىگىشلىك  ئۈچ سۇغۇرتا  بىر فوندنى تۇتۇپ قالغاندىن كېيىن 10.50 يۇەنلا باج تاپشۇرىسىز،  بۇنى بۇرۇنقى ئۆلچەمگە سېلىشتۇرغاندا  ھازىرقى باج يۈكىنىڭ  93.4%  تۆۋەنلىگەنلىكىنى بىلگىلى بولىدۇ.    مەنبىئى :http://www.wlmqwb.com/2880/2883/201107/t20110713_2011946.shtml        مىسرانىم تەرجىمە گۇرۇپىسىدىن       موغال      تەرجىمە قىلدى.

TOGRAKPADIXASI

	ئىشچى-خىزمەتچىلەرگە ناھايىتى ياخشى بۇلۇپتۇ بىراق بىزدەك تىجارەتچىلەرگە يەنە زىيان. ئۇلاردىن ئالمىغاننى بىزدىن ئۇندۈرۋالىدۇ بۇ خەخلەر.

hasalharisi

	مۇشۇ ئۇقۇملارنى مەنمۇ تازا چۈشەنمەي يۈرەتتىم. بۇ تەرجىمە تېمىڭىز ئارقىلىق بۇ جەھەتتىكى چۈشەنچەم ئايدىڭلاشتى،رەھمەت.

nurlan805

	مۇشۇ ئايلىق مۇئاشتىن باج ئىلىش پەقەت كاللامدىن ئۇتمەيدۇ!!ئىشلەپ تاپقان پۇلغىمۇ باج ئىلىپ!!!!!خەنزۇلارنىڭ بىر گىپى باركەن(چىۋىن گۆشىمۇ گۆش)دەپ.

kokatirgol

	يىقىندا بىزنىڭدىن سىمىنا قۇشۇپ ئىشلىگەن ھەمدە دۈجۈرنىلىك ئىش ھەققىدىنمۇ باج ئىلشنى باشلىدى.بۇنىڭ 10پىرسەنتى. ساپ مائاشىمىزغۇ 3500يۈەنگە يەتمەيدۇ ئەمما 57يۈەن باج ئالىدۇ.

hasalharisi

	ئالسا بوپتۇ.بىز ھۆكۈمەتنىڭ،ھۆكۈمەت بىزنىڭ بولغاندېكىن.

OTYAK

	مەنغۇ باج تۆلەپ كەلگىلى خىلى بولدى. مۇئاشنى كۆپ بىرىپ جىقراق باج ئالسا مەيلى .

kugul

	مۇئاشتىن باج ئىلىشقا بەك ئاچچىقىم كىلىدۇ، ئاران جاپا تارتىپ تاپقان پۇلغىمۇ باج...باج دەپ تۇرغان.

پاۋىل

	تۇۋەن تۇرمۇش كاپالىتى تارقىتىدىغان پۇلنىڭ قەيەردىن كىلىدىغىنى بىلەمسىلەر؟ بۇ دىگەن ھۈكۈمەتنىڭ كىرىم تەخسىماتىدىكى  تەڭپۇڭسىزلىقنى ماكرولۇق تەڭشەش ئۇسۇلىدۇر. بۇماھىيەتتە تۇۋەن كىرىملىكلەرگە قىلىنغان ياردەم.