‹‹ تارىخ ›› چە سۆيگۈ خېتى

XERHAN

	[align=center]سۆيگۈ ئۇلۇغ ، مۇھەببەتمۇ ھەم ، بىلمىدىم سۆيگىنىم ئىشلەتتىمۇ پەم . سېغىنار يۈرىكىم ئۇنى ھەر زامان ، نەگىلا بارسام شۇ ۋاقىت ھەردەم . ئېي ماڭا باققىنا بىر رەت بولسىمۇ ، دۇنيادا مەن ياشاي خۇشال - خاتىرجەم ... ( تارىخ دەرىسى سائىتىدە چالا يېزىپ تۇتۇلۇپ قالغان سالام خەتنىڭ بىر قىسمى ) تولۇق قىسمى مۇنداق ئىدى :     ھۆرمەتلىك مەھبۇبەم ، سىز نىمانچە ئەسكى ؟ نىمانچە بىپەرۋا ؟. .... ھېلىمۇ ئىسىمدە ، مەن سىزگە يازغان تۇنجى سالام خەتنى تاڭ سۇلالىسى دەۋرىدە پوچتىكەش راھىپ  شۈەنزاڭدىن غەرىپكە يولغا سالغان ئىدىم ، ئەينى ۋاقىتتا ماركىنى چاپلايدىغان شىلىم بولمىغاچقا ئۇكامنىڭ بۇرنىدىكى پوتلىسىنى سىقىپ ئېلىپ كونۋىرىتقا چاپلىغان ئىدىم  ، ئىچىدىكى خەتنى بولسا ئوچاقنىڭ كۆمىرىدە شۇنداق تەستە يازغان ئىدىم .     شۇندىن كىيىن پوچتىكەش راھىپ شۈەنزاڭ قايتىپ كەلدى ، لىكىن سىزدىن جاۋاپ كەلمىدى ، شۇنىڭ بىلەن مەن خىلى چوڭ ئۈمۈتتە ساقلاپ تۇردۇم ، ساقلا ساقلا ئاخىرى جىن سۇلالىسىگە قەدەم قويدۇم  ، ۋاھالەنكى سىزدىن يەنىلا خەۋەر يوق ، ئاچچىقىمدا بىرنى ئۇخلاپ قوپۇپتىمەن ، كۆزۈمنى ئاچسام سۇلالە دەۋرى يۈەن بولۇپ ئۆزگىرىپ كىتىپتۇ ، ھەي نىمىمۇ قىلاي ؟ تاقىتىم تاق بولۇپ كىتىپ ئاخىرى لەشكەر بېشى يۈەنشىكەيگە ھال ئەھۋالىمنى ئېيتتىم ، يۈەن ھەزرەتلىرى مىنىڭ دەردىمنى بىلگەندىن كىيىن ئۆزرىھالىق سوراپ شاھ ئوردىسىكى سول قول ۋەزىرنىڭ قىزى گۈزەلنۇرنى ئېلىپ بەرمەكچى بولۇشتى ، لىكىن مەن يەنىلا سىزنى كۆزدە تۇتۇپ ئۇنى رەت قىلدىم . ۋەزىر قىزى گۈزەلنۇرنىڭ شۇنداق ئاچچىقى كىلىپتۇكى ، شۇ ئاچچىققا چىدىماي مىنى ئافرىقىغا پالىۋەتتى ، ھەي دەردىم ، ئۇ يەرگە پالانغاندىن كىيىن ئامرىكىلىقلارنىڭ بىر كىچىلىك ئادەم تۇتۇش دائىرسىگە كىرىپ قېلىپ ، ئافرىقىلىق قۇللار بىلەن بىرگە ئامرىكىغا سېتىلىپ كەتتىم . ئامرىكىغا بارغاندىن كىيىن بىزنى ئايال ئەركىنلىك ئىلاھىنى سېلىش ئىشلىرىغا سالدى ، شۇنداق جاپالىق مۇشەققەتتە ئۇنى پۈتكۈزۈپ بولدۇق ، ئۇندىن كىيىن نىيويورىك ئاچچىق چۈچۈك مالاچۈەر  يىمەكلىك مەيدانىغا ئېلىپ بېرىپ قۇرلۇشقا سالدى ، شۇ پەيىتتە ئىچىم ئاچچىققا تولۇپ تۇرغانىدى ، توساتتىن پوسكام ئايرۇپورتىنىڭ بىر ئايروپىلانى قۇرۇلۇش مەيدانىغا قوندى دە ئۇچقۇچى ماڭا قاراپ ‹‹ تىز بول ، ئۇچىمىز ›› ... دىدى شۇنىڭ بىلەن مەن قولۇمدىكى كەتمەننى تاشلاپ ئايروپىلانغا چىقتىم ، ئايروپىلان ئۇچتى ، ئۇچتى ... تىنىچ ئوكياننى شۇنداق غەلبىلىك ئۇچۇپ ئۆتكەندىن كىيىن چوڭ ھىنگان تاغلىرى ئۈستىگە كەلگەندە توساتتىن كەينى چاقىنىڭ يېلى چىقىپ كەتتى ، ئۇچقۇچى ئايروپىلاننى جىددىي تورمۇزلىغان ئىدى ، بىخەستە تۇرغان مەن قاتارلىق بىر قانچە ئادەم دەرىزىدىن چاچراپ كىتىپ سەددىچىن سپىلى تېمى ئۈستىگە چۈشتۇق ، نىم بىلەي بۇيەردىمۇ قۇرۇلۇش قىلىنۋاتقان ئىكەن .      شۇنىڭ بىلەن شودىيجاڭ ياسىن بىزنىمۇ بىرگە قۇرۇلۇش قىلىشقا تەشكىللىدى ، شۇ كۈندىن باشلاپ ئىشلەپ كەتتىم ، ئۇ قۇرۇلۇش پۈتكەندىن كىيىن مەن يەنە سىز بىلەن ئالاقىلىشىش مەقسىتىدە پۈتۈن جۇڭگۇنى ئايلىنىپ جۇڭگۇ خەرىتىسىنى سىزىپ چىقتىم ، خەرىتە سىزىش جەريانىدا شەرقى شىمالدا ياپونىيەلىك ساموراي ، غەربى شىمالدا چىڭگىزخان ، غەرىپتە سۇلتان ئابدۇرىشىتخانلارنىڭ قىزغىن قارشى ئېلىشىغا ئىرىشتىم ، شۇ مەزگىللەردە مۇقام ئۇستازى ئاماننىساخاننىڭ بىر تۈرلۈك مۇقاملىرىنى ئاككورتلاشتۇرۇپ ، لۇيىن قىلىش ئىشلىرى بىلەن مەشغۇل بولۇپ كەتتىم ، كومپيۇتېرنىڭ سىغىمى ئانچە چوڭ بولمىغاچقا لۇيىن قىلغان مۇقاملارنى يۆتكىلىشچان قاتتىق دىسكىغا يۆتكەپ بىر تەرەپ قىلدىم ... ھەي ، يەكەن خانىدانلىقىدىن ئايرىلىپ جەنۇبىي جۇڭگۇغا يتىپ بارغىنىمدا ئاللىقاچان چىڭ ھۆكۈمىتى شەكىللىنىپ بوپتۇ ... قانداق قىلاي ؟ ئامالسىز چېچىمنىڭ ئالدىنى چۈشۈرۈپ كەينىنى ئۆستۈرۈشكە مەجبۇر بولدۇم ، ساتىراچ چاچ قۇرۇتقۇچ ( چۈيفېڭجى ) نى ئىشلىتىش جەريانىدا پىشانەمنى زەخمىلەندۈرۈپ قويدى ، شۇنىڭ بىلەن يارىنى تېڭىش ئۈچۈن ئالدى تەرەپتىكى بىر ئۆيگە كىردىم ، قارىسام شىياۋيەنزى ھە دەپ لەغمەنگە سەي قورىغىلى تۇرۇپتۇ ، ئۇ ئارقا ھويلىدىكى قارا قوينىڭ يۇڭىدىن ئېلىپ پىشانەمنى تېڭىپ قويغاندىن كىيىن مىنى لەغمەن يەپ كىتىشكە زورلاپ تۇرىۋالدى ، مەن يەنىلا سىزنى بۇرۇنراق تېپىۋىلىش مەقسىتىدە يولۇمنى داۋام ئەتتىم ، يول ئۈستىدە ئەركاڭ بىلەن زىۋىينى ئۇچرىتىپ قالدىم ، قارىسام ئۇلار مارالبېشىغا تونۇر كاۋىپى يىيىش ئۈچۈن ماڭغانىكەن ، ئۇلار بىلەن خوشلاشقاندىن كىيىن ، ئوردا تەرەپكە قاراپ ماڭدىم ، بىر ئاز ماڭغاندىن كىيىن ئاپئاق خوجىنىڭ چىرىكلىرى ئىپارخاننى بوشەنگۈي ( بىخەتەر ئىشكاپ ) قا سولاپ شاھقا ئىنئام قىلغىلى مېڭىپتۇ ، شۇ دەقىقىدە ئىپارخاننىڭ سۆيگىنى مەردان چەبدەسلىك بىلەن چىرىكلەر بىلەن تۇتۇشۇپ كەتتى . مەنمۇ قاراپ تۇرۇشنى لايىق كۆرمەي ، دۇڭ سۇنرۇي بىلەن ئىشكاپنى پارتىلاتتۇق ، يولداش دۇڭ سۇنرۇي بومبىنى مەيدىسىگە يېقىپ تۇرغاچقا نەق مەيداندا قازا قىلدى ، مەن ئەتراپتىكىلەرنى ياردەمگە چاقىردىم ، قارىسام يولداش لىيۇخۇيلەن مەيدە كىرىپ ئوتتۇرغا چىقىپ دۈشمەنلەر بىلەن جەڭ قىلدى . ئۇنىڭغىچە مەردان بىلەن بىز ئىپارخاننى بىخەتەر ئىشكاپتىن قۇتقۇزۇپ چىقىپ بولدۇق ، ئەپسۇس يولداش لىيۇخۇيلەن چىرىكلەر تەرىپىدىن ئەسىر قىلىنغان ئىدى ، بىز قانداق قىلىشنى بىلمىدۇق . لىيۇ خۇيلەن ئاچىمىز ‹‹ دەرھال كىتىڭلار ›› دەپ ۋاقىرىدىن بىز بار جېنىمىز بىلەن قېچىپ كەتتۇق ، لىيۇخۇيلەن بولسا دۈشمەن تەرىپىدىن ۋەھشىلەرچە ئۆلتۈرۈلدى .      ھەي ، مانا مۇھەببەت دىگەن ، بىز مۇھەببەت ئۈچۈن كۆرەش قىلدۇق ، ئەجىبا سىزدە ئازراقمۇ ئۆزگىرىش بولمىدى . مەردان بىلەن ئىپارخان ئۆز يولىغا راۋان بولىشتى ، مەن بولسام يەنىلا سىزنى ئىزدەش كويىدا ... كۈنلەر ئۆتتى ، چىڭ سۇلالىسى زاۋالىققا يۈزلىنىپ مىنگو دەۋرى يىتىپ كەلدى ، نازىل ماركىلىق چاچ يۇيۇش سوپىنىدا چېچىمنى يۇيۇپ تۇرغاچقا چاچلىرىم قاپقارا پېتى تۇردى ، بىراق چۈشۈرتۈشكە مەجبۇر بولدۇم . چېچىمنى چۈشۈرۈپ تاقىر باش بولۇپ قالغاندىن كىيىن ياپۇنغا قارشى تۇرۇش ئۇرۇشىغا قاتناشتىم ، شۇ تەرىقىدە نەچچە ئون يىل ئۇرۇش مەزگىلىنى باشتىن كەچۈرۈپتىمەن ، بۇ ۋاقىتتا سىزنى ئويلىيالمىدىم ، چۈنكى ئەس يادىم ياپۇنلارنى تىزرەك يوقىتىپ ۋەتەننى ئازاد قىلىش ئىدى . ياپۇنغا قارشى ئۇرۇش غەلبە قىلغاندىن كىيىن مەن شاڭخەيدە باققالچىلىق قىلدىم ، كىيىنچە مەدەنىيەت ئىنقىلاۋى مەزگىلى يىتىپ كەلدى ، شۇنىڭ بىلەن باققالچىلىق ئىشلىرىنى تاشلىۋەتتىم ، ئالاھەزەل نەچچە ئون يىل سەرگەردان بولۇپ يۈرگەن چاغلاردا سوۋىت ئىتتىپاقى پارچىلىنىپ دۇنياۋى خارەكتىرلىك پۇل مۇئامىلە كىرىزىسى يۈز بەردى . بۇ ۋاقىتتا بىلەمسىز ، مىنىڭ يۈرىكىم خۇددى سوۋىت ئىتتىپاقىغا ئوخشاش نەچچە ئون پارچىغا بۆلۈندى ، ئازاپقا ، سېغىنىشقا ، ئەسلىمىگە ، ئىنتىلىشقا ، ئۈمۈتكە .....     مەھبۇبەم ، مەن شۈنچە سۇلالە ، سۈنچە ئەسىرلەرنى ، بىرىنجى ، ئىككىنجى دۇنيا ئۇرۇشلىرىنى باشتىن كەچۈرۈپ ئۆتۈپتىمەن ، ھېلىقى يىلى مەن بەش بۈرجەكلىك بىنانىڭ ئۈستىدە سىزگە ئاتاپ سالام خەت يېزىۋاتاتتىم ، توساتتىن بىناغا ئايروپىلان سوقۇلۇپ بىنا تىتما كاتاڭ بولۇپ كەتتى ، ھېلىمۇ ياخشى تەلىيىم بار ئىكەن ئامان قالدىم ، ئىراق ئۇرۇشى مەزگىلىدىمۇ دەل مەن ئىراقتا سىزنىڭ دىرىكىڭىزنى ئېلىۋاتاتتىم ، ئەپسۇس ئۇرۇش مالماتاڭچىلىقى سەۋەبىدىن ئىراقتىن چىكىندىم .  ئەمما ھازىرغىچە ھىچبىر خەۋرىڭىز يوق . دىرىڭىزنى ئالىمەن دەپ كۆرمىگەن گىزىت ژورنال ، تىلىۋىزۇر ئىلانى ، رادىئو ئىلانلىرى قالمىدى ، ھەتتا پايدىسى بولارمىكىن دەپ شىنخۇا ئاگىنىلىقىدا نەچچە ئون يىل ئىشلەپ بېقىپتىمەن . ئەمدى تاقىتىم تاق بولدى ، ئاخىرقى چەككە يەتتى ، ئەگەر يەنىلا دىرىكىڭىز بولمىسا مەن كۆڭلىمگە پۈكۈپ قويدۇم ، چوڭ دادامدىن مىراس قالغان چوڭ چاقلىق ياغاچ ھارۋىغا ئۆردەكتىن 20 نى قوشۇپ شەمۇ شە ، باغ مۇ باغ ، تاغمۇ تاغ ... ئىزدەپ چىقىمەن . ئەگەر دۇنيا خەرىتىسىدىن ئىزىڭىزنى ئۇچرىتالمىسام ، مارىس ، ساتۇرىن ، ئاي شارى ، قۇياشتىن ئىزدەشتىن يانمايمەن . ماڭا ئىشىنىڭ ، ماڭا كۆڭۈل بۆلۈك ، مەن سىزگە شۈنچە ئامراق ، خۇددى قىش پەسلىدە دەرياغا سۇغا چۈشكەندەك ... خاتىرجەم بولۇڭ تويلىقىڭىزغا تاڭ سۇلالىسى دەۋرىدىكى يالغان چاچلاردىن ئىككى تو ، چىڭ سۇلالىسى دەۋرىدىكى توندىن تۆت قۇر ، كاپراتىسيە زامانىدىكى ئوغۇت خالتىسىدىن تىكىلگەن ياماق ئىشتاندىن بىر قۇر شۇنداقلا بىلەك ، بويان ، قۇلاقلىرىڭىزغا ئات - ئىشەكنىڭ ئىگەر ، جابدۇقلىرىغا ئاسىدىغان قوڭغىراق ۋە پىدەيلەردىن تويغۇچە ئېلىپ بىرىمەن . سىزنى شۈنچە ۋاقىت كۈتكەن ، سېغىنغان ئامرىقىڭىز دىن  : مەنبە : تارىخىي تەسەۋۇرۇمدىن

Bilihchi

	ختىڭىزنى تاپشۇرۇپ ئالدىم. بىراق  بەكلا كىچىكىپ يېزىپسىز. مىنى ئىزدەيمەن دەپ ئاۋارە بولماڭ....سىز ماڭا سۆيگىڭىزنى ئىزھار قىلماي يۇقاپ كەتكەندىن كىين، مەن سىزنى تولا ساقلاپ ، ئاخىرى چىڭ سۇلالىسىنىڭ ئاخىرقى ۋە مىنگونىڭ دەسلەپكى ۋاقىتلىرىدا توي قىلىپ بولدۇم.......

kunlarim

	ياخشى ،ياخشى ،ياخشى ،

hazniqi

	نىمانداق كونىراپ كەتتىڭىز، مەشۇقىڭىزمۇ بۇ تاپتا كۇماك مۇيغا ئايلىنىپ بولغاندۇ؟

Qindost

	جۇڭگۇ خەرىتىسىدىن ياكى شىنجاڭ خەرىتىسىدىن ئىزدەپ بىقىشنى ئويلىشىپ باقمىدىڭىزما؟

huxaljuplar

	تەسەۋۋۇرغا بەك بايكەنسېز

osmanuyghur

	پەچەت!!!

TOGRAKPADIXASI

	بەكلا كونىراپ ئاسارە-ئەتىقە بۇلۇپ قاپسىز ئەمەسمۇ. بۇ ۋاقىتقىچە سۆيگىنىڭىزنىڭ نەۋرىسىنىڭ نەۋرىسىنىڭ نەۋرىسىنىڭ  نەۋرىسىنىڭ نەۋرىسىنىڭ نەۋرىسىنىڭ نەۋرىسىنىڭ نەۋرىسىنىڭ نەۋرىسىمۇ مۇمايغا ئايلىنىپ كەتكەندۇ؟

bizakqi

	بەكلا قىززىقارلىق يېزىپسىز

tvnkuxi

	خە خە ---مەلۇم بىرسىگە ئاتاپ يازغانلىقى چىقىپ تۇرىدۇ دىسى...بىر دەۋەتەيمىكى .....