مەھمۇد قەشقەرى مازىرىغا زىيارەت (رەسىم )

xugkari

	مەھمۇد قەشقەرى مازىرى قەشقەر ۋىلايىتى كونىشەھەر ناھىيىسى ئوپال يېزىسىنىڭ ئازىخ كەنتىگە جايلاشقان .بۇ مازار مىلادى 12-ئەسىرنىڭ باشلىرىدا  ياسالغان بولۇپ ،ھازىرغىچە 900يىلغا يېقىن تارىخقا ئىگە .مەھمۇد قەشقەرى مىللى مەدىنىيەت تارىخىدا يۇقۇرى ئابرويغا ئىگە بولغانلىقتىن  ،بۇ مازار نەچچە يۇز يىللاردىن    بېرى شۇ جايدىكى كىشىلەر زىيارەت قىلدىغان مۇقەددەس جاي بولۇپ كەلدى .      ھاي -ھاي تېرەك رىۋايىتى مەھمۇد قەشقەرى باغداتتىن قايتاشىدا ئۇستازىدىن ؛‹‹مىنىڭ ياتار جايىم قەيەردە بولىدىكەن ››دەپ  سورىغان ئىكەن ، ئۇستازى ؛ قولىڭىزدىكى ھاسا قەيەردە كۆكلىسە، شۇ جاي  سىزنىڭ ياتا جايىڭىزدۇر دەپتۇ .  ئالىم مەھمۇد قەشقەرى يۇرتىغا قايتىپ كىلىپ ‹‹ مەدرىسە مەھمۇدىيە ›› دىگەن مەدرىسنى بىنا قىلىپ ئۆزى مۇددەرىسلىك قىلىپتۇ ، يىشى ئۇلغايغانسىرى تىنى ئاجىزلىشىپتۇ ، كۇنلەرنىڭ بىرىدە مەھمۇد قەشقەرى نامازغا تاھارەت ئالغۇچە ھاسىسى سانجىپ قويغان يەردە بىخلىنىپ كۆكلەپتۇ . ئۇنىڭ تۆۋەن  تەرىپىدە كۆز يىشىدەك بۇلاق سۈيى ئېقىۋاتقىدەك ئالىم بۇنىڭدىن سۆيۈنۈپ ‹‹ھاي-ھاي بۇمۇ كۆكلەپ كىتىپتۇ ، مىنىڭ ياتار جايىم مۇشۇ يەر بولغىدەك ›› دەپتۇ . شۇنىڭدىن كىيىن مەھمۇد  قەشقەرىنىڭ ھاسسىدىن كۆكلىگەن تېرەك  ‹‹ ھاي -ھاي تېرەك ›› بۇلاق ‹‹چەشمە زىلال ›› (سۇزۈك بۇلاق) دەپ ئاتىلىدىغان بولۇپتۇ . بۇ تېرەك شاخلىرى ئۆسۇپ، كۇنلەرنىڭ بىرىدە مەھمۇد قەشقەرى ئالەمدىن ئۆتۇپتۇ ئالىمنىڭ شاگىرتلىرى تېرەك شىخى قاراپ ئۆسكەن تەرەپ ئۇستىدىكى دۆڭلۈككە مەھمۇد قەشقەرىينى دەپنە قىلىپتۇ . ئەجدىرھا غارى ھەققىدە رىۋايەت ئالىم مەھمۇد قەشقەرى بەغدادتىن قايتىپ كەلگەندىن كىيىن ، ‹‹سۈزۈك بۇلاق ›› يېنىدىكى مەدرىسەدە دەرىس ئۆتۇپتۇ . ئۇنىڭ ئاكا -ئۇكا ئىككى شاگىرتى بولۇپ ،بىرنىڭ ئىسمى ئىمام مالىك ئەكبەر ، بىرسىنىڭ ئسمى ئىمام مالىك ئەسقەر ئىكەن . بىر كۇنى بۇ ئاكا -ئۇكا ئىككەيلەن كېچىسى سىرتقا چىقىپ قايتىپ  كېلىۋاتسا ، قوش ھەيدەۋاتقان بىر دىھقان يىگىت  ئۇچىراپتۇ .  ئۇنىڭ ئانىسى تاپ بېسىپ ئارقىسىدىن يىغلاپ كېلۋاتقان ئىكەن .ئاكا -ئۇكا ئىماملار  ؛ ‹‹ ئەسسالامۇ ئەلايكۇم ئانا ۋە يىگىت ، نېمىشقا مۇنداق كېچىدە يەر ھەيدەيسىلەر ۋە يىغلايسىلەر ؟ ›› دەپ سوراپتۇ . ئەھۋال مۇنداق ئىكەن .شۇ ئەتراپتا بىر ئەجدىرھا بولۇپ ، ھەر يىلى دىھقانلارنىڭ  بىردىن  بالىسىنى  يەيدىكەن ، بولمىسا يۇرتقا ئاپەت ياغدۇردىكەن . شۇ كۇننىڭ ئەتىسى ئەجدىرھاغا مۇشۇ يىگىتنى يىيىش نۈۋىتى كىلىپ قاپتۇ .شۇڭا يىگىت ئۆلۇش ئالدىدا ئانىسىغا يەر تېرىپ بىرىش ئۇچۇن كېچىلەپ قوش ھەيداۋاتقان ئىكەن . ئىمام مالىك ئەكبەر بۇ مەخلۇقنى ئۆلتۇرۇشكە جەزىم قىپتۇ  ۋە ھەزرىتى  موللامدىن ئىجازەت  سوراپتۇ . ھەزرىتى موللام ئىمام مالىك ئەكبەرگە بارماسلىقنى دەپتۇ ۋە   ئەجدىرھانى ئۆلتۇرۇشكە ئۆزى بىرىشنى قارار قىلىپ ، ئىككى قىلىچنى ئېلىپ چىقىپتۇ . ئىمام مالىك ئەكبەر ھەزرىتى موللامنىڭ پۇتىغا ئېسىلىپ ‹‹ سىلى بولمىسىلا بىزنى كىم ئوقوتىدۇ ؟ يالماۋۇزنى يوقۇتىشقا مەن باراي››  دەپ يالۋۇرۇپ تۇرۋاپتۇ . ھەزرىتى موللام نائىلاج ئۇنىڭغا يالماۋۇزنى يوقىتىشقا ئىجازەت قىپتۇ .  ئىمام مالىك ئاكبەر كۆك ئىنەكنىڭ سۇتىنى ئىچىۋىلىپ ئوڭ -سول بېقىنىغا ئىككى دانە قىلىچنى چىڭ تېڭىپ ئەجدىرھانىڭ ئالدىغا بىرىپتۇ . ئەجدىرھا دەم تارتىشى بىلەن ئىمام مالىك ئەكبەر ‹‹ ئاللاھۇ ئەكبەر ›› دەپ ئۇنىڭ ئاغزىدىن كىرىپ ئىككى بېقىنىغا باغلانغان جۈپ قىلىچ بىلەن ئەجدىرھانى ئىككى پارچە قىلىپ تاشلاپتۇ . لېكىن ئىمام مالىك ئەكبەر  ئىچكەن سۇتكە سۇئارلىشىپ  قالغاچقا ،زەھەر قايتىماي ئۇچ كۇندىن كېيىن ۋاپات بولۇپتۇ . ھەزرىتى موللام ئستېداتلىق ۋارىسىم بولۇپ قالىدۇ ،دەپ قارىغان شاگىرتى ئىمام مالىك ئەكبەر ئۇچۇن قان يىغلاپتۇ ، بۇنى كۆرگەن ئەل -يۇرت جۇۋا تەلپەكلىرىنى تەتۇر كېيىپ ،كۆك تاياقتىن ھاسا تۇتۇپ ، يەتتە كېچە -كۇندۇز  ھازا تۇتۇپ يىغلاپتۇ . شۇنىڭدىن باشلاپ ، خالايىق ئىمام مالىك ئەكبەرنىڭ پىداكارلىق روھىنى ئۇلۇغلاپ دۇئا قىلدىغان ،ياد ئېتىدىغان بولۇپتۇ . [mp3=1]http://xugkari.com/wp-content/uploads/2011/07/05_mexmut-wetinim.mp3[/mp3] مەنبەسى: http://xugkari.com/

narkos

	ئۇلۇغ ئالىمىزنىڭ ياتقان يېرى جەننەتتە بولغاي! بىرەر قۇر تۈزۈشتۈرۈپ رىمونت قىلغان ئوخشىمامدۇ ؟  مەن بارغان ۋاقتىمدا ھەممە يەرنى توپا بېسىپ كېتىپتىكەن.

asrari

	كەتسەڭ ئەگەر دۇنيادىن مىراس قويماي نەۋرەڭگە، زىيارەتچى كەم بۇلۇر ياتقان سىنىڭ قەبرەڭگە. ئاڭلىغانلىرىم.

xaxalim

	ئۆتكەن يىلى قىشتا بىرىپتىم  قاراخانىلار دەۋردە ياسالغان  قىلچ بىلەن تۇمۇر كىيىمنىڭ نەپىسلىكىنى كۆرۇپ  ئەجداتلىرىمىزنىڭ  بىرخىل   باتۇر  روھىنى كۆرگەندەك  بولغانتىم

karwan21

	بۇ يەر پۈتۈن دۇنيانىڭ دېھقىتىنى تارتقان،ئبراھىم مۇتىئى،مىرسۇلتان ئوسمانوف قاتارلىق تەتقىقاتچىلارنىڭ بۇ مازارنى بايقاشقا قوشقان تۆھپىسى بەك زور،ئىلگىرى قەشقەر شەرىئەت مەھكىمىسىنىڭ قازىسى ئىمىر ھۈسەيىن قازىھاجىم ‹‹مەسنەۋى شېرىف››دېگەن ۋەخپىنامىنى ساقلىمىغان بولسا،بىز بۇ يەرنى ئۇقماي ئۆتەركەنمىز،ئاللا،ئىمىر ھۈسەيىن قازىھاجىم،ئىبراھىم مۇتئىلارنىڭ ياتقان يېرىنى جەننەتتە قىلسۇن،مىرسۇلتان ئوسمان ئەپەندىنىڭ سالامەت تۇرۇشىغا تىلەكداشمەن،ب دت بۇ يەرنى بالدۇراق دۇنيا مەدەنىيەت مىراسلىرىنى قوغداش لاھىيىسىگە كىرگۈزسە بولاتتى،ئۇ يەر ئادەمنى جەلپ قىلىدۇ،بىر ئىشقا تولىمۇ ئاچچىقىم بار،ئازراق بولسىمۇ قاينىۋىلاي،2008-يىلى مەھمۇت قەشقىرى يىلىدا كىتابنى شىنجاڭ خەلق نەشرىياتى 2000يۈەن قىلىپ چىقاردى،بۇ باھا ئادەمنى ھەقىقەتەن چۆچۈتۈپ قويىدۇ،نەشرىيات 2خىل ئۇسۇلدا چىقارمىدى،بەزەن ئىشلارغا ئادەمنىڭ ئاچچىقى كېپ قالىدۇ،بەزەن دېھقانلىرىمىز 2000يۈەننى بىر يىلدا ئاران تاپىدىغان ئادەملەر بار،نەشرىيات بەك قاملاشمىغان ئشلارنى كۆپ قىلدى،نۇرغۇن ۋاپات بولغان ئادەملەرنىڭ كىتابلىرىنى قىممەت چىقىرۋىلىشى،يا ئۇلار قەلەم ھەققى ئالمايدىغان تۇرسا،قايتا چىقسا بولىتى ئۇ كىتاب500يۈەندىن تۆۋەن چىقسا ،ئالاتتم.ئەپسۇس...............

kapTalis

	ئىسىل تېما !

Bilihchi

	پەرھات جىلاننىڭ ‹مەھمۇد قەشقىرى› دىگەن كىتابىنى ئوقۇپ ، بۇ ئالىمىمىزنىڭ ھاياتىنى ھەم شۇ ۋاقىتتىكى تارىخى ئارقا كۆرۈنىشلەرنى بىر قۇر چۈشەنگەن. تىما ئىگىسىگە رەھمەت . ئاللاھ خالىسا بۇ يەرلەرگە بېرىپ كۆرۈپ كىلمەن.

1670154432

	ھەقىقەتەن بىر كۇرۇپ بېقىشقا ئەرزىيدۇ . ھەم ئۇگۇنۇشىمىزگىمۇ  ئەرزىيدۇ دەپ قارايمەن.

maxal20

	ئىككى يىل بۇرۇنقى ئەپسۇسلىنىشمنى بۇ رەسىملەر ئارقىلىق تولۇقلىۋالغاندەك قىلدىم. قەشقەرگە بېرىپ، مەھمۇد قەشقەرىنىڭ مەقبەرىسىنى زىيارەت قىلالماي قايتىپ كەتكىنىمنى ئويلىسام ئىچىم بەك ئاچچىق بولىدۇ...

ozuyghur

	رەھمەت، مەنمۇ بىر زىيارەت قىلىپ كىلىمەن.  ئەپسۇس، دەرۋازىسى نىمانداق ئاددى، دەرۋازا ئالدىمۇ قاتتىقلاشتۇرۇلماپتۇ. بۇيەرگە دۇنيانىڭ ھەممە يېىرىدىن مىھمان كېلىدىغانتۇرسا.  كۆرگەزمەخانا ئالدىدىكى ئۈزۈم باراڭلىرىنىڭ ياغاچلىرىنى نىمىشقا پىشايۋان قىرغىقىغا قويىۋالغاندۇ، بۇنداق قىلسا ئاسانلا يېقىلىپ كەتمەمدۇ.  چىن يۈرىكىدىن كۆيىنىدىغان كىشىلەر ئىگىدارچىلىق قىلمامدۇ نىمە.