جەزبىدارلىقىنى ساقلاشتىكى 10 سىر

zohrabibi

	خانىم قىزلار چىراي گۈزەللىكىگە ئىنتايىن كۆڭۈل بۆلىدۇ .چىراي گۈزەللىكىنى ياخشى ساقلاش،ئاسراش ئۈچۈن ئونىۋېرسال تەدبىر قوللىنىش، كۈندىلىك تۇرمۇشتىكى ئۇششاق ھالقىلاردىن تارتىپ دىققەت قىلىش كېرەك. 1.قايناق سۇنى كۆپ ئىچىش كېرەك .قايناق سۇنىڭ بەدەنگە سۇ تولۇقلاش، ماددا ئالمىشىشنى ئىلگىرى سۈرۈش رولى بولۇپ،ھەركۈنى سەككىز ئىستاكان سۇ ئىچىپ بەرگەندە بەدەن ھەم تېرىنىڭ سۇغا بولغان ئىھتىياجى تولۇقلىنىپ،تېرە نۇرلۇق كۆرۈنىدۇ. 2.دائىم سۈت ئىچىپ بېرىش كېرەك. سۈتنىڭ ئوزۇقلۇق قىممىتى يۇقىرى،تەركىبىدە كالتىسى كۆپ بولۇپ، ھەركۈنى بىر ئىستاكان سۈت ئىچىشكە كاپالەتلىك قىلغاندا ، تەن ساغلاملىقىڭىزنى ئاشۇرۇپ، سۆڭەك ۋە چىشنىڭ ساغلام بولۇشىنى ئىلگىرى سۈرىدۇ. 3.دائىم مېغىز يەپ بېرىش كېرەك. مېغىز تەركىبىدە مول تۆمۈر ماددىسى ۋە ھەرخىل ۋىتامىنلار بار. مېغىزنى كۆپ يەپ بەرگەندە قىزىل قان ھۈجەيرىلىرىنىڭ ئوكسىگېن توشۇش ئىقتىدارىنى كۈچەيتىپ ، تېرە ھۈجەيرىلىرىنى ساغلاملاشتۇرىدۇ ۋە بەدەننى قۇۋۋەتلەيدۇ. 4.بانان يەپ بېرىش كېرەك. بانان تەركىبىدە ۋىتامىن E,D,C,B,A،لار ۋە بەدەندىكى كىسلاتا ، ئىشقارلارنى تەڭپۇڭلاشتۇرىدىغان  فوسفۇر قاتارلىق مىنېرالنى ماددىلار كۆپ بولۇپ ، ئۇ نېرۋىنى تىنىچلاندۇرىدىغان ئەڭ ياخشى ساغلاملىق يېمەكلىكى  ھېسابلىنىدۇ. 5. ئەتىگەنلىك تاماقنى ياخشى يېيىش كېرەك. ئەتىگەنلىك تاماق بىر كۈندىكى ئۈچ ۋاق تاماقنىڭ ئەڭ مۇھىم بىر قىسمى بولۇپ ، ئەتىگەندە شوۋىگۈرۈچ، سۈت، تۇخۇم،بولكا،نان، مۇراببا قاتارلىقلارنى يېيىش لازىم. مول ئەتىگەنلىك تاماق بەدىنىڭىزنى ئېھتىياجلىق بولغان ئېنېرگىيە بىلەن تەمىنلەپ ،كۈچ قۇۋۋىتىڭىزنى ئۇرغۇتىدۇ. 6.دائىم سۇ ئۈزۈپ بېرىش كېرەك. سۇ ئۈزۈش بەدەننى راھەتلەندۈرىدىغان بىر خىل چېنىقىش ئۇسۇلى بولۇپ ، سۇ ئۈزگەندە كۆڭۈل ئازادىلىك ھېس قىلىپ ، تەن ساغلاملىقىڭىز تېخىمۇ ياخشى بولىدۇ . 7.سىرتلارغا چىقىپ ھەرىكەت قىلىپ بېرىش كېرەك . كۆپلىگەن كىشىلەر ئائىلىسى بويىچە سىرتقا چىقىپ ساپ ھاۋادىن نەپەس ئېلىش،ئاپتاپقا قاقلىنىش، تاققا چىقىش، ئارغامچا سەكرەش، گىمناستىكا ئويناش قاتارلىق پائالىيەتلەر بىلەن شۇغۇللىنىدۇ.بۇنداق قىلغاندا ماددا ئالمىشىش ۋە قان ئايلىنىشنى ئىلگىرى سۈرۈپ، بەدەننىڭ كېسەلگە قارشى تۇرۇش ئىقتىدارىنى ئۆستۈرىدۇ. 8.دائىم گۈل قاتارلىق پۇراقلىق نەرسىلەرنى پۇراپ بېرىش كېرەك .گۈل-گىياھلار روھى جەھەتتىكى  جىددىيلىكنى پەسەيتىپ، كىشىگە گۈزەل تۇيغۇ ، خوشاللىق ئاتا قىلىدۇ. 9.تازىلىققا رىئايە قېلىش كېرەك. 10.تېرىنى ئاسراشقا ئەھمىيەت بېرىش كېرەك. سىرتقا چىققاندا كۈن نۇرىدىن مۇداپىئەلىنىدىغان ماي سۈرتىۋېلىش  ياكى كۈنلۈك تۇتۇش، شىلەپە ۋە ياغلىق چىگىش ئارقىلىق كۈن نۇرىنىڭ تېرىنى زەخمىلەندۈرىشىدىن ساقلىنىش كېرەك.        ‹‹ئۈرۈمچى كەچلىك گېزىتى››دىن ئېلىندى

asrari

	ئايالىمغا كالىدىن بىرنى ئېلىپ بەرسەم بولغۇدەك ،سۈتنى ئۆزى سېغىپ ئىچسە ،ھەركەتمۇ بولغۇدەك،قۇۋۋەتمۇ بولغۇدەك،بايمۇ بولغۇدەكمىز،بىر چالمىدا خېلى پاختەك سوقالغۇدەك.

delhux-bodak

	مەن پەقەت سۇئۈزەلمەيمەن دىسە.ھەي.................!

xirrinqux

	بىللىۋالدۇق رەخمەت سىزگە

kunbike

	بىلىۋالدۇق،رەھمەت سىزگە.

meihray

	رەھمەت سىزگە!مەنمۇ ئازتولا ساۋاتلارغا ئىگە بولدۇم!

turkinaz0992

	بىلىۋالدىم ، جەزبىدارلىقنى ساقلاشنى خالىمايدىغان ئادەم بولمىسا كېرەك !

kokatirgol

	رەخمەت سىزگە !

abdukirim.jan

	رەھمەت سىزگە

herzaman

	مەنمۇ سۇ ئۇزۇشكە بەك ئامراق ، لىكىن بىر  كىتاپتا قايناقسۇنى كۆپ ئىچىش بەدەننىڭ پۇرىشىنى كەلتۇرۇپ چىقىرىدۇ. شۇڭا قايناقسۇدىن چاي سالغان چاي ياخشى ،ئادەمگە ئوزۇق بولىدۇ. دەپ ئاڭلىغان.

1670154432

	بۇنىڭ ھەمىسى ،ئادەتتە ھەر  قانداق  كىشلەرگە ،كەم بۇلسا بۇلمايدىغان مۇھىم ئىشلار . بىلۋالغانىڭ  پايدىسى كوپ .

taghrim

	رەھمەت سىزگە مۇشۇنداق تىمىلارنى كۆپلەپ يوللىغايسىز .