مۇسىلىنە ۋە تاڭنۇرنىڭ مۇشائىرەلىرى

musilina

	ئەسسالامۇ ئەلەيكۇم مۇنبەر ئەھلىلىرى،بۇ تېمىدا يېزىلغان شېئىرلار  6- ئاينىڭ 26- كۈنى يوللىغان مۇشائىرەدە يېزىلغان  شېئىرلار بولۇپ،قايتىدىن رەتلەپ ھوزۇرۇڭلارغا سۇندۇم، ياقتۇرغايسىلەر...... تاڭنۇر: قالدۇرما ئۆزۈڭگە ،تېگى يوق گۈلخان ،   راسچىل بول ، ھەرگىزمۇ سۆزلىمە يالغان . ھەر نۇمۇس ئىللەتلەر ، يەكسان بولىدۇ ، غورۇر ھەم ۋىجداننى ، قىلساڭلا قالقان مۇسىلىنە: غورۇر ھەم ۋىجداننى قىلساڭلا قالقان،   ئەل سېنى ھۆرمەتلەپ ئالار بېشىغا.   مەيلى پۇلدار بول ،ۋە ياكى گاداي، ئۇت ئەلنىڭ كۆڭلىنى،ئىنساندەك ياشا.. تاڭنۇر: ئۇت ئەلنىڭ كۆڭلىنى،ئىنساندەك ياشا.    ھەرىدەك ھەسەل تۆك ، بولمىغىن پاشا ،   گەر كەلسە ئالدىڭغا ، ئېغىر كۈلپەتلەر ،    ئۆكۈنمەي يەڭ تۈرۈپ ، ياسىغىن قاشا . مۇسىلنە: ئۆكۈنمەي يەڭ تۈرۈپ ياسىغىن قاشا،   ئۆزۈڭنى خار قىلما،كۈچۈڭنى خار قىل.   مېھنەت قىل تەر تۆكۈپ،ياشىغىن ھالال،   ئەجرىڭدىن رىزقىڭ تاپ،يوقۇڭنى بار قىل. تاڭنۇر: ئەجرىڭدىن رىسىق تاپ،يوقۇڭنى بار قىل. يوقسۇلغا يۈلەك بول ، كۆيسۈن سەندە دىل ،   دوسلارغا -دوسلارچە ، مىھىرلەر تۆكۈپ ،    دۈشمەننى يەر قىلىپ ، مىدىرلىسۇن تىل . مۇسىلىنە: دۈشمەننى يەر قىلىپ مىدىرلىسسۇن تىل، شەرەپ قۇچ،ئۆزگىنى ھەيرەتتە قارات.    قايىل قىل ئاۋامنى  بىلىمىڭ بىلەن، ئەجرلىك گۈلۈڭدىن خۇشپۇراق تارات. تاڭنۇر: ئەجرلىك گۈلۈڭدىن خۇشپۇراق تارات ،    مىللەتكە شات قۇچۇپ ، شەرەپنى يارات .    بوپ قالماي گۈللەرگە ئۈنگەن شۇم بۇيا ،    قۇياش بوپ جىسمىڭدىن ، نۇرۇڭنى تارات . مۇسىلنە: شەيتاننىڭ يولىغا ھەرگىز كىرمىگىن،   ھارامدىن يىراق بول،نەپسىڭنى يىغ،بەس.    قارا تۇپراق قوينىغا بولىسەن مەھكۇم،   قالغىنى كېرەك ئەمەس توختىسا نەپەس. تاڭنۇر: قالغىنى كېرەك ئەمەس توختىسا نەپەس. `   شەھۋەتكە ئالدىراپ ، قىلمىغىن ھەۋەس ، نەپسىڭىنى يىغمىساڭ ، ھارام ئالدىدا ، شۇ شەيتان سەن ئۈچۈن، بولىدۇ قەپەز . مۇسىلىنا: شۇ شەيتان سەن ئۈچۈن بولىدۇ قەپەز، باشقىلار يولىغا خەندەكلەر ئويساڭ. ئەجرىڭدىن ئەل دىلى سۆيىنەر ئاڭا، يىرىلغان مېۋىگە تىيەكلەر قويساڭ،   مەنبە :مۇسىلىنە ۋە تاڭنۇرنىنىڭ قەلەملىرى

zumrettash

	ۋەھشىغۇ ئىككىڭلار،شۇنداقمۇ ھارماي يېزىۋېتەمسىلەر ھە؟قول قويدۇم جۇمۇ سىلەرگە،شۇنداق پاساھەتلىك سۆزلەرنى قىلىۋېتىپسىلەر،تىرىشىڭلار،شېئىرىيەت گۈلزارىڭلاردا ھەرخىل گۈللەر ھۈپپىدە ئېچىلسۇن!

fatima

	پاھ ھەقىقەتەن بەك ياخشى يېزىۋېتىپسىلەر.بىر-بىرىڭلارغا شۇنداق ياخشى ماسلىشىپ.ئىككىڭلارنىڭ شېئىريەتتە ھەقىقەتەن بەكمۇ تالانتى بار.

cayyara

	سەييارە ___ قالغىنى كېرەك ئەمەس توختىسا نەپەس. ئېتقادىڭ ئۈستىدە ئويلانغىن بىر پەس ، كىمنى دەپنە قىلغان مال-دۇنيا بىلەن . جىنازاڭ ياغاچتۇر ئالتۇندىن ئەمەس. تاڭنۇر ___ جىنازاڭ ياغاچتۇر ،ئالتۇندىن ئەمەس. سورقىنى بېرىدۇ، ھەر تىنىق ھەۋەس پاك ئۆلسەڭ ، ئۆلۈمگە كەلگەن كىشىلەر ،   دۇئاللار ئوقۇيدۇ ، قىسىلىپ نەپەس ، ******************************************* سەييارە __ كىلىشىڭ قەيەردىن؟ ،كەتمىكىڭ قايان.؟ بەلكىم بۇ ساڭا ھەممىدىن ئايان ، بىلمەيسەن قانچىلىك ئۆمرۈڭ بارىنى ، سېغىنغىن ئاللاھنى ئەي ئازغۇن ئىنسان . تاڭنۇر ___ سېغىنغىن ئاللاھنى، ئەي ئازغۇن ئىنسان . ھەقىقەت ئالدىدا ، گاھ تىكەن نادان ، ۋەتەنگە كۈچ قوشۇپ ، مىللەتنى ئويلاپ ، ياشىغىن بوپ قالماي، ئوقى يوق پىستان ، سەييارە __ ياشىغىن بوپ قالماي، ئوقى يوق پىستان ، رازى قىل ئاناڭنى تارىتمىسۇن پىغان . كەلگۈسى ئەۋلادىڭ باشلامچىسى سەن ، قالدۇرما ئۆزۈڭگە تېگى يوق گۈلخان   تاڭنۇر __ قالدۇرما ئۆزۈڭگە تېگى يوق گۈلخان ، نەزەردىن چۈشىدۇ  ، مىللەتتىن تانغان ، ئەسلىنىپ تۇرىدۇ   ، مەڭگۈگە ئەبەت ،   ۋەتەننىڭ ئىشقىدا ، شام بولۇپ يانغان .    قالدۇرما ئۆزۈڭگە ،تېگى يوق گۈلخان ، راسچىل بول ، ھەرگىزمۇ سۆزلىمە يالغان .   ھەر نۇمۇس ئىللەتلەر ، يەكسان بولىدۇ ،   غورۇر ھەم ۋىجداننى ، قىلساڭلا قالقان .

篮球美女

	پاھ ، بۇلارنىڭ يامانلىقىنى قارا ئەمدى ؟ بۇلارنى كۆرۈپ ئەينى ۋاقىتتىكى سابىق مۇنبەردە ئاشكار بىلەن نىگارنىڭ بىرگە يېزىشقان ئەسەرلىرى كۆز ئالدىمغا كىلىۋالدى دىسە ........... بۇنداق رومانتىك مۇشائىرە قىلىشىپ يەنە مۇنبەردە مۇھەببەتلىشىپ قالماڭلار جۇما دەپ قوياي . ئەمما بەك ياخشى يېزىلپتۇ .

mosajan0997

	ئەمما لىكىن ئالامەت ياخشى چىقىپتۇ... مىسرانىمنىڭ داڭلىق تور ئەدىپلىرى بىر مۇشائىرە قوغلاشمىقى ئويناپتىكەندە!...

kimina

	ھەرئىككىڭلارنىڭ يىزىقچىلىق قابىلىيىتىڭلارغا قايىلمەن.....

gherip

	ئاپتور جاۋابىنى بويلاپ 4قەۋەت  篮球美女 كە 2011-07-05 00:10ئەۋەتىلدى  : پاھ ، بۇلارنىڭ يامانلىقىنى قارا ئەمدى ؟ بۇلارنى كۆرۈپ ئەينى ۋاقىتتىكى سابىق مۇنبەردە ئاشكار بىلەن نىگارنىڭ بىرگە يېزىشقان ئەسەرلىرى كۆز ئالدىمغا كىلىۋالدى دىسە ........... بۇنداق رومانتىك مۇشائىرە قىلىشىپ يەنە مۇنبەردە مۇھەببەتلىشىپ قالماڭلار جۇما دەپ قوياي . ئەمما بەك ياخشى يېزىلپتۇ . نىمانداق سەت گەپ قىلدىڭىز

كارۋان

	يوۋۋۋۋ..ئوت كىتىپتىغۇ....

sawapkar

	تاڭنۇر: ` قالغىنى كېرەك ئەمەس توختىسا نەپەس. `   شەھۋەتكە ئالدىراپ ، قىلمىغىن ھەۋەس ، نەپسىڭىنى يىغمىساڭ ، ھارام ئالدىدا ، شۇ شەيتان سەن ئۈچۈن، بولىدۇ قەپەز ماڭا ماۋۇ بەك ياردى ىو تاڭنۇر خۇرازدىكى خو