شائىر تاھىر ھامۇتنىڭ "جەنۇبقا سەپەر" ۋە "93 قۇربان ھېيت ھارپىسى" ناملىق ئىككى پارچە شېئىرى ئامېرىكىدا چىقىدىغان "ئاساۋ ئات" ژۇرنىلىنىڭ 2011-يىللى ئالدىنقى يېرىم يىللىق سانى (ئومۇمىي79-سانى ) دا ئىنگلىزچە-ئۇيغۇرچە سېلىشتۇرما شەكىلدە ئېلان قىلىنغان.ئىنگلىزچىگە جوشۋا فىرىمەن تەرجىمە قىلغان.
بۇ ژۇرنالغا تاھىر ھامۇتنىڭ تۆۋەندىكى قىسقىچە تەرجىمىھالىمۇ بېرىلگەن:
"تاھىر ھامۇت 1969-يىلى تۇغۇلغان،جۇڭگونىڭ شىنجاڭ ئۇيغۇر ئاپتۇنوم رايونىدىكى تەكلىماكان چۆلىنىڭ جەنۇبىي گىرۋىكىگە جايلاشقان قەشقەر شەھىرى ئەتراپىدىكى بىر يېزىدا چوڭ بولغان.ئۇ ئۇيغۇر مودېرنىزم شېئىرىيىتىنىڭ ئەڭ كۆزگە كۆرۈنگەن ۋەكىللىرىدىن بىرى بولۇپ،تۇنجى شېئىرى 1986-يىلى ئېلان قىلىنغاندىن تا ھازىرغىچە ئەسەرلىرى ئۇيغۇر تىلىدىكى ھەرقايسى ئەدەبىيات ئەپكارلىرىدا ئېلان قىلىنىپ كەلگەن.90-يىللارنىڭ ئاخىرلىرىدىن باشلاپ تاھىر كىنو-تېلېۋىزىيە ساھەسىگە قەدەم قويۇپ،ئۆزى قۇرغان ئىزگىل كىنو-تېلېۋىزىيە شىركىتىدە تېلېۋىزىيە تىياتىرى، MTV،ھۆججەتلىك فىلىم،ئېلان ۋە تېلېۋىزىيە پروگراممىلىرىنى ئىشلەپ كەلگەن.ئۇ ھازىر ئايالى ۋە ئىككى قىزى بىلەن شىنجاڭنىڭ مەركىزى ئۈرۈمچى شەھرىدە تۇرىدۇ."
"ئاساۋ ئات"( Crazyhorse) ژۇرنىلى ئامېرىكىنىڭ ئەڭ ئالدىنقى قاتاردىكى ئەدەبىيات ژۇرناللىرىدىن بىرى بولۇپ،بۇ ژۇرنالدا 20-ئەسىرنىڭ 60-يىللىرىدىن باشلاپ ئەدەبىيات ساھەسىدە كۆزگە كۆرۈنگەن نۇرغۇن يازغۇچى-شائىرلارنىڭ ئەسەرلىرى بېسىلغان،بۇلار ئىچىدە جون ئاپدەك (John Updike )،چارلېس سىمىك ( Charles Simic)،رايموند كارۋېر( Raymond Carver)،بىللىي كوللىنىس( Billy Collins)،جون ئاشبېرىي( John Ashbery) قاتارلىق مەشھۇر يازغۇچى-شائىرلار بار.1987-يىلى ئامېرىكىنىڭ يېزىقچىلىق ساھەسىنى مەركەز قىلغان ئىناۋەتلىك ژۇرنال "كۈتۈبخانا ژۇرنىلى" (Library Journal) "ئاساۋ ئات" ژۇرنىلىنى ئامېرىكىدىكى شېئىر باسىدىغان ئالدىنقى قاتاردا تۇرىدىغان 20 ژۇرنال تىزىملىكىگە كىرگۈزگەن."ئاساۋ ئات" ژۇرنىلى يىلدا ئىككى سان چىقىدۇ.
ئۇلىنىش مەنزىلى:
http://en.wikipedia.org/wiki/Crazyhorse_%28magazine%29
http://www.crazyhorsejournal.org/
بۇ تاھىر ھامۇتنىڭ "ئاساۋ ئات" ژۇرنىلىدا ئېلان قىلىنغان ئىككى پارچە شېئىرىنىڭ كۆچۈرۈلمە نۇسخىسى:
بۇ يەردىن چۈشۈرۈڭ !
تۆۋەندە شىئىرنىڭ ئىنگىلىزچىسى ۋە تەرجىمىسى بېرىلدى !