ئاسانلا سەل قارىلىدىغان قاتناش ۋەقەسى سەۋ

zulayha

	ئاسانلا سەل قارىلىدىغان قاتناش ۋەقەسى سەۋەپلىرى قاتناش ھادىسىسىنىڭ سادىر بولۇش سەۋەپلىرى نۇرغۇن ئامىللارغا باغلىق، بۇنىڭ ئىچىدە كۆپ قىسىم ئەھۋاللاردا شوپۇرلا رھەل قىلغۇچ رول ئوينايدۇ. مەسىلەن: ھاراق ئىچكەندىن كېيىن ماشىنا ھەيدەش،  چارچىغان ھالدا ماشىنا ھەيدەش، سۈرئەتتىن ئاشۇرۇپ ھەيدەش، نورمىدىن ئارتۇق يۈك بېسىپ ھەيدەش، كېسەل ئەھۋالدىمۇ ماشىنا ھەيدەش، براك قىلىنغان ماشىنىنى ھەيدەش ياكى ئۆزىگە ھەددىدىن تاشقىرى ئىشىنىپ كېتىپ بىپەرۋالىق قىلىش قاتارلىقلار. لېكىن بىر قىسىم ئىلمىي تەتقىقاتلارغا ئاساسلانغاندا، يۇقارقى ئامىللاردىن باشقا كىشىلەرگە تونۇش بولغان بىر قىسىم ئامىللارمۇ قاتناش ھادىسىسىنى كەلتۈرۈپ چىقىرىدىكەن. بۇ يەردە بىز بىرنەچچە مىسال ئېلىپ، شوپۇر يولداشلارنىڭ دىققەت قىلىشىنى سەمىگە سېلىپ قويماقچىمىز.      تېلىفۇن: مۇناسىۋەتلىك تەجرىبىلەرگە ئاساسلانغاندا، تېلىفۇندا سۆزلىشىۋاتقاندا، شوپۇرلارنىڭ دىققىتىنى مەركەزلەشتۈرۈش ئىقتىدارى %20- %70 گىچە تۆۋەنلەپ ، ماشىنا ۋە ئەتراپتىكى مۇھىتقا دىققەت قىلىش زېھىن كۈچى ئازىيىپ، ھادىسە يۈز بېرىش يوشۇرۇن ئامىللىرى زور دەرىجىدە ئاشىدىكەن. گىرمانىيەدە ماشىنىسىغا تېلىفۇن ئورناتقان 3/1 قىسىم ماشىنىلاردا سوقۇلۇش ھادىسى كۆرۈلۈپ، تېلىفۇن ئورناتمىغان ماشىنلارغا قارىغاندا ھادىسە يۈز بېرىش نىسبىتى 10 ھەسسە ئارتۇق ئىكەن.      مۇزىكا ئاڭلاش: ماشىنا ھەيدەۋاتقاندا مۇزىكا ئاڭلاشنىڭ ھېرىپ - چارچاشنى ئازايتىپ، جىددىيلەشكەن نېرۋىلارنى تىنىچلاندۇرۇشتا بەلگىلىك ياردىمى بولسىمۇ، لېكىن مۇزىكا ئاۋازى ھەددىدىن تاشقىرى يۇقىرى بولۇپ كەتكەندە، شوپۇرلارنىڭ ئاڭلاش سېزىمىنىڭ يۈكىنى ئېغىرلاشتۇرۇپ، دىققىتىنى چېچىپ، ئەتراپتىكى مۇھىت ۋە ئاپتوموبىللارنىڭ ئەھۋالىغا توغرا ھۆكۈم قىلىشىنى تۆۋەنلىتىپ، قاتناش ۋەقەسىنى كەلتۈرۈپ چىقىرىدۇ. تەجرىبىلەردە كۆرستىلىشىچە، ئاۋاز مىقدارى 76 دېتسىبېل بولغاندا، شوپۇرلارنىڭ خاتا ھۆكۈم قىلىش قويۇش نىسبىتى %24 گە يەتمەيدىكەن، ئەگەردە ئاۋاز مىقدارى95 دېتسىبېل بولغاندا، خاتا ھۆكۈم قىلىپ قويۇش نىسبىتى %40 دىن يۇقىرى بولىدىكەن. 　 رەڭ:  ئوچۇق رەڭ كىشىلەرنىڭ قىزىقىشىنى قوزغايدۇ، ئەگەردە شوپۇرلار دائىم دىگۈدەك  كۆزنى قاماشتۇرىدىغان كىيىملەرنى كەيگەن پىيادىلەرنى كۆرۈپ تۇرسا، پۈتۈن زېھنىنى يىغىپ، قاتناش ھادىسىسى ئازايىشى مۇمكىن . شۇڭا  ئوقۇغۇچىلارنىڭ " كىچىك سېرىق رەڭلىك شەپكىسى " ، " قىزىل رەڭلىك كىچىك بايراقچىسى "  ئۈنۈملۈك ھالدا شوپۇرلارنى ئاگاھلاندۇرۇپ تۇرىدىكەن. ماشىنىنىڭ رەڭگى بىلەن بىخەتەرلىكنىڭمۇ مۇناسىۋىتى بار ئىكەن.  يامغۇر ، تۇمانلىق كۈنلەردە، تاڭ سەھەر ۋە قاش قارايغان چاغلاردا، ئوچۇق سېرىق رەڭلىك ۋە سۇس يېشىل رەڭدىكى ماشىنىلارنى ئاسان پەرق ئەتكىلى  بولىدىغان بولۇپ، ئادەتتىكى قېنىق رەڭلىك ماشىنلارغا قارىغاندا  3 ھەسسە يىراقلىقتىنمۇ پەرق ئەتكىلى بولىدىكەن. سۇس ئوچۇق رەڭ ماشىنىنى يوغان كۆرسىتىپلا  قالماي، يەنە ئۇدۇلدىن كېلىۋاتقان شوپۇرلارنىڭ كۆرۈش سەزگۈسىنى غىدىقلاپ ۋە زېھنىنى مەركەزلەشتۈرۈپ، ماشىنىنى بىخەتەر ھەيدىشىگە پايدىلىق ئىكەن.　      ۋاقىت: تىببىي تەتقىقاتلاردا كۆرسىتىلىشىچە، ئادەمنىڭ تاسادىبىي ئۆلۈپ كېتىشىنىڭ يۇقىرى پەللىسى كېچە سائەت 2 لەردىن 4 لەرگىچە بولغان ۋاقىت ئىكەن. بۇ ۋاقىتتا ئادەمنىڭ  سەزگۈرلىگى ۋە ھەركىتى نىسبەتەن سۇسلىشىدىكەن. قاتناش ھادىسىلىرىدە قاتناش ۋەقەسىنىڭ كېلىپ چىقىش ۋاقتى سەھەر سائەت 1 دىن 4 گىچە بولغان ۋاقىتتا ئەڭ كۆپ ئىكەن. يەنە بىر خەتەرلىك ۋاقىت بولسا: چۈشتىن كېيىن سائەت 1 دىن 4 گىچە بولغان ئارىلىق ، بۇ ۋاقىتتا ئادەمنى ئۇيقۇ بېسىپ، زېھنىنى ئاسان مەركەزلەشتۈرەلمەيدىكەن.        شوپۇر جىگەر ياللۇغىغا گىرىپتار بولغان ياكى دورا ئىچىۋالغان بولسا: شوپۇرلار جىگەر ياللۇغىغا گىرىپتار بولۇپ قالسا ، جىددىي خاراكتىردە سىنىك كەملەپ كېتىپ، جىگەر زاپاس ساقلاۋاتقان ۋىتامىن A ھەركەتكە كېلەلمەي ۋە ئايلىنالماي كۆرۈش قۇۋۋىتى نورمالسىزلىشىپ كېتىدىكەن. دائىم كۆرىلىدىغىنى: قاراڭغۇغا ماسلىشىشى نورمالسىزلىنىش، نامازشام قارغۇسى كېسىلى ۋە كۈچلۈك يورۇقلۇق چاقنىغاندىن كېيىن، كۆرۈش ئىقتىدارىنىڭ ئەسلىگە كېلىشى توسالغۇغا ئۇچراش قاتارلىقلار. شۇڭلاشقا كېچىدە ماشىنا ھەيدىگەندە، دائىم قارشى تەرەپنىڭ ماشىنىسىنىڭ كۈچلۈك نۇرى كۆزنى چېقىپ تۇيۇقسىز كۆرەلمەي، ئىنكاس قايتۇرۇشقا ئۈلگۈرەلمەي ماشىنا سوقۇشىدىغان ئەھۋاللار يۈز بېرىپ تۇرىدۇ. گېرمانىيە ئالىملىرىنىڭ تەتقىقات ماتىرىيالىدا كۆرسىتىلىشىچە، قاتناش ھادىسىسى كەلتۈرۈپ چىقارغان كۆپ ساندىكى شوپۇرلارنىڭ تەخمىنەن %11 تى تېنچلاندۇرۇش، ئۇيقۇ، ئاغرىق توختۇتۇش، يۆتەل دورىسى قاتارلىقلارنى ئىچىشى سەۋەپلىك ھادىسە كېلىپ چىققان ئىكەن. ماشىنا ھەيدىگەندە تاماكا چېكىش: تاماكا چېكىش ئادەمنىڭ تەن - سالامەتلىكىگە زىيانلىق بولۇپ قالماي، يەنە قاتناش ھادىسىسىنى كەلتۈرۈپ چىقىرىدۇ. ئامېرىكا مۇتەخەسىسلىرىنىڭ تەھلىل قىلىشىچە: تاماكا ئىسى كۆز، نەپەس يولىنى غىدىقلاپ، ئاسانلا كۆرۈش سېزىمىنى غۇۋالاشتۇرۇش، يۆتىلىشنى كەلتۈرۈپ چىقىرىدىكەن.  تەجرىبىگە ئاساسلانغاندا، گۈگۈم ۋاقتىدا قىسقا مۇددەت ئىچىدىلا تۆت تال تاماكا چەككەندە، كۆرۈش قۇۋۋىتىنى% 20-% 30 گىچە تۆۋەنلەپ كېتىدىكەن. http://www.uycar.com/forum-redir ... tpost.html#lastpost

Hacker

	بىلىۋىلىشقا تىگىشلىك موھىم بىلىمكەن،مەن ھازىر شوپۇرلۇق كىنىشكا ئىلىش ئۈچۈن ئوقۇۋاتقان بىلىۋالدىم،تىما ئىگىسىگە تەشەككۇر

شاتلان

	ھەقىقەتەن دىققەت قىلىشقا تىگىشلىك ئىشلاركەن

partizan1

	دىققەت قىلىشقا تىگىشلىك ئىشلاركەن رەھمەت سىزگە.

KURAX.JAN

	مەنمۇ بىلىۋالدىم ، مۇزىكىنى بوشراق قۇيۇپ ماڭسام بولغىدەك

yehya

	يېڭىدىن ماشىنا سېتىۋالغانلار ئۈچۈن پايدىلىق بىلىملەركەن

TANHA204

	بىلىۋالدىم ! رەھمەت !

@hiyali@