ماروژنىغا نان چىلاپ يەيمەن

axkar

	بىزنىڭ مەھەللىدە بىر بوش يەر بولىدىغان  ، مەھەللىدىكى كىچىك بالىلارنىڭ ھەممىسى دىگۈدەك شۇ يەرگە يىغىلىپ ئويۇن ئوينايتتۇق ، قانداق ئويۇنلارنى ئوينايتتۇقكىن ئېسىمدە قالماپتۇ . ئېسىمدە قالغىنى بەزى چاغلاردا بالىلارنىڭ مىنى ئارىغا ئالماي بىر چەتتە بويۇن قېسىپ قالغىنىم .       يىقىندىن ياقى تورنىڭ بۇلۇڭ -پۇچقاقلىرىنى ئاختۇرۇپ ماڭا تەسىر قىلغانلىكى يازمىنى ئوقۇيدىغان بولىۋالدىم . بەزىسىنى تولۇق ئوقۇپ بەزىسىنى قۇر ئاتلاپ يەنە بەزىسىنى بەت تاشلاپ.... نەچچە كۈننىڭ ئالدىدىلا  ئۇلىنىش بېتىدىن ئۇنى -بۇنى ئېچىپ ساپلا نەسرى يازمىلار توپلانغان بىر بەتكە كىرىپ قالدىم ، يېزىلغان يازمىلارنىڭ 90 پېرسەنىتىدە  ‹ پاھىشە › ، ‹ قىزلىق › . ‹ ئاشنا ›  دىگەندەك سۆزلەر تىما قىلىنغان ھىكايە ، پوۋېسىتلاركەن ، ئۇيغۇر تورچىلىقىدا تىمىغا يالاڭاچ ئېسىم قويمىسا ئوقۇرمەن جەلىپ قىلالمايدىغان بولۇپ قالغان چېغى بار ، بەلكىم .. ھە بەلكىم  20 يىللار ئالدىدا ئامېرىكا ، ياۋروپالاردا مۇشۇ ئۇسلۇبتا ھىكايە رومانلار كۆپلەپ يېزىلغاچقا ھازىرقى كۈندە ئېكران يۈزىگە ئەيمەنمەي چىقىۋاتقاندۇ ،  ھەر قانداق بىر مىللەت مەدەنيەت يارىتىدۇ ،  ئەمما ئۆزلۈك ئاساس قىلىنغان مەدەنيەت ياراتماق ئۇ ئالەمچە مۈشكۈلدۇر . بولۇپمۇ  ئۆزلۈك ئەتىراپىنى قاپلاپ تۇرسىمۇ شۇنىڭدىن يۇلقۇنۇپ چىقىپ  ‹ نەپەسلەنگىسى› كىلىدىغانلار كۆپىيىۋاتقان مۇشۇ زاماندا .         شۇنداق بىر دۇنيا بويچە ئەڭ قىسقا بىمەنە ھىكايە بولىدىغان ، - بىر بولكا كوچىدا كىتىپ بىرىپ  قورسىقى ئېچىپ كىتىپ ئۆزىنى يەۋىتىپتۇ ! بەزى چاغلاردا مەنمۇ كىتىپ بىرىپ ئۆزۈمنى يەۋەتكىم كىلىدۇ ، قورسىقىم ئېچىپ كەتتىمۇ ياكى قايتىدىن ‹ تۇغۇلاي › دىدىممۇ بۇنىسى ماڭا نا ئېنىق . پەقەت شۇنداق بىر چايناپ تۇرۇپ يىگۈم كىلىدۇ ،  تىخى 26 ياشقا كىرمىدىمغۇ مەن ، 40 ياشتىن ھالقىغانلار ئۆزىگە ئائىلىسىنىڭ بەختىنى قېتىپ يەۋىتىپ بارىدۇ  ئۇنىڭغا قارىغاندا مەن يىسەم  نىمە بولاتتى ،  باشقىلار ئاڭلىسىمۇ  كىچىك نادان بالىكەن ئۇقۇشماي يەپ قويۇپتۇ دەر ، چوڭلارنى   توغرا چۈشىنىۋاتىدۇ ئۇنىڭغا قارىغاندا .....  ئىچىڭىز پۇشسا سىزمۇ سىناپ باقسىڭىز بولىدۇ ،  ئادەم دىگەندە تەۋەككۈلچىلىك بولمىسا رامكا ئېچىدە تۇنجۇقۇپ ئۆلۈپ قالىدۇ .      بىر نەچچە ئاينىڭ ئالدىدىغۇ دەيمەن ، مۇشۇ مۇنبەردە سىگانلارغا مۇناسىۋەتلىك بىر تىما بولىدىغان ،  ئون نەچچە پارچىدەك سىگانلارنىڭ سۈرىتى بار ، شۇ سۈرەتلەرگە قاراپ  شۇ سىگانلارنىڭ تەققى -تۇرقى ، كىيىنىشىنىڭ بىزگە نەقەدەر ئوخشايدىغانلىقىنى ئىتىراپ قىلماي تۇرالمىغان ئىدىم .  ناخشا- ئۇسسۇلغا قۇل بولغان شۇ مىللەتنىڭ ھازىرقى ئەھۋالى شۇنچىلىك قېيىن ،  ئىھ! ئاللا ، ئۆزىمىزنىڭ ئېزىدىن ئازدۇرمىغايسەن ، نەچچە ئەسىردىن كىيىنكى سىگانلار بىز بولۇپ قالمىغايمىز .  ئارتۇقچە ئەنسىرەش ھە بۇ ،  ياغلىق چەگگەن مومايلارنىڭ چىھرىدە نە كۈلكە ، توي لىباسىغا ئورالغان قىزنىڭ يۈزىدە نە بەخىت تۇيغۇسى ، ئالدىغا ھاراق تىكلەنگەن يىگىتلەرنىڭ كۆزلىرىدە نە ئىشەنىچ بولسۇن .  بەلكىم .. ھە بەلكىم ، شۇلار تارىخنى يەۋەتتى ، ئاندىن تارىخ ئۇلارنى يەۋەتتى ، ئەمما ئۆزىنى ئۆزىنى يىگۈسى كەلمىدى.....     - توي دەيمىزكەن ، ئۇنىڭغا سۆزلەۋاتاتتىم ، ھارغىچە كىيىم - كىچەكنى ئاۋال ئېلىۋالىمىزكەن ، يازدا توي قىلىپ قىشلىق كىيىملەرنى ئېلىشنىڭ ھاجىتى بارمىدۇ سەنچە ؟    - ئۇنداق دىگىنىڭىز بىلەن تاي ، بىزمۇ شۇنداق دەرمىز ، ئەمما چوڭلار ساندۇق ئاچقاندا ئىچىدىن ھىچنىمە چىقمىسە سەت بولمامدا ؟    - باشقىلارغا كۆرسەتمەي ئۆزلىرى جىممىدە ئېچىۋالسىمۇ بولىدىغۇ شۇ ساندۇقنى ، قوشنىلار ، دوسىت -بۇرادەرلىرى كۆرسەتمىسەڭ ئۆلتۈرۋىتىمىز دىمىگەندىكىن ،    - نەچچە يىل بېقىپ قاتارغا قېتىپ تويىنى قىلغاندىكىن خەلقى-ئالەمنىڭ ئالدىدا يۈزلۈك بولايلى دەيدۇدە ،    - بىلسەڭ ، چوڭلارنىڭ يۈزىنى بىز ئېناق ئۆتەلىسەك يۈز قىلىمىز ، بولمىسا ،،،    - بولدى قىلىڭە ، بىلىپ تۇرۇپ گەپكە سالماي ، كىيىن  يىگىت ئۆيلەپ قىز چىقارغاندا سىزمۇ شۇنداق قىلىسىز .    - ھىم  ، تارىخ بېتىگە يېزىلىپ بولۇپتۇدە ،  ئاللاھ بۇيرىغان نەچچە ئون قائىدىنىڭ ئىچىدە ياشىيالمىزيۇ ، ئۆزىمىز بەرپا قىلغان نەچچە مىڭ قائىدىدىن چىقىپ كەتمەيمىز ھە ،    - سىزگە گەپتە تەڭ بولالمايمەن دەڭە ،  كىيىن بېشىمىزغا شۇ كۈنلەر كەلگەندە  بىر نىمە دەيلى ......    - شۇ كۈنلەرگىچە يەنە قانداق قائىدىلەر پەيدا بولار ......... ( بۇ گەپنى ئىچىمدە دىدىم ).             بۇرۇندىن كوچىغا چىقسام ئالدىرماي ماڭىدىغان خۇيۇم بار ئىدى ، ئەسلى قەدەم دىگەننى ئىتتىك - ئىتتىك ئالغۇلۇق ، مۇشۇ تەرەپتە سەل بوشاڭ چىقىپ قالدىممۇ نىمە ؟  ئەمما مىنىڭمۇ سەۋەبىم باردە ، ئىتتىك ماڭسام خىياللىرىم ، پىكىرلىرىم چېچىلىپ كىتىدۇ ،  بەلكىم يوقاپ كىتىشىمۇ مۈنكىن ،  تەپەككۇر قىلمىغان ئادەم ئۇ ناچار ئادەم ، ئەمما تەپەككۇرنى جىق قىلغان ئادەممىنىمۇ  مۇقىملا  نادىر دىگىلى بولمايدۇ ، خىيالىمدا شەھەر ئالغىنىم بىلەن كوچا ئاپتۇبۇسىغا چىققۇدەك پۇل بولمىسا بىكار ، سىزنىڭمۇ ھەم شۇنداق .   بىر شېئىر يازغىم كىلىۋاتىدۇ .   قوياش،   كۆيدۈرمەكتە  كەمبەغەلنىڭ گەجگىسىنى ،   كۆپەيتمەكتە سۇ ساتقۇچى موماينىڭ تەڭگىسىنى. يامغۇر ، لەيلەتمەكتە قوشنىمىزنىڭ ھويلىسىنى ، كۈلدۈرمەكتە يەنە بىر قوشنىمىزنىڭ نەۋرىسىنى. يار-يار ئىيتىپ قوشاق قاتقان چاغ ، ئۇ سۆيگۈگە قۇل بولغان  دەۋىر. سۆيگۈ ئۈچۈن قەسىر قۇرماڭلا ، سۆيگۈنىڭ ئۆزى بىر قەسىر. بۇ دۇنيادىن رەنجىپ قاپتۇدەك ، ۋايساش بىلەن دوست بولغان بەندە . ئاچچىق يۇتتۇم دەيدىكەن ، توۋا! ئەسلى ئاچچىق ئۆزۈڭدە ، تەندە . شېئىر يازاي دىگەنتىم ئەسلى، شېئىر يەنە بىر شېئىرنى تۇغىۋاتىدۇ، ياق ! شېئىر  مىنى يېزىۋاتىدۇ .....            تىما بىلەن مەزمۇن ماسلاشماپتۇغۇ دىمەڭلا  ، شۇ ماسلاشتۇرالمىدىم ، ماسلاشتۇرغۇممۇ كەلمىدى . نىمە قىلىمىز زورلاپ ماس كەلتۈرۈپ ، كۆڭۈل نىمىنى تارتسا شۇنى تۆكسۈن ، بولمىسا ئۆزىمىنى ئۆزىمىز يىيەلمەي قىينىلىپ كەتكەندەك قىينىلىپ كىتىمىز . ئاشكار

kainam

	تېما بىلەم مەزمۇن ماسلاشمىغان بولسىمۇ لىكىن بۇنىڭدىكى مەزمۇن ھەقىقەتەن كىشىنى ئويلاندۇرىدۇ، ئەجىرىڭىزگە رەھمەت.

jasmine茉莉

	ئاشكار سىزنىڭ تېمىلىرىڭىز بىر خىل كىشىگە ئاچچىق تۇيغۇ بىرىدۇ جۇمۇ~~! مۇشۇنداق قالايمىقان بولسا كىشىگە ھوزۇر ۋە شۇنداقلا قامچا بولالايدۇ.........تېمىلىرىڭىزغا تەشنا بولۇپ يۈرگەن كۈنلەردە ئىسمي جىسمىڭىزغا لايىق ئاشكار تېمىلىرىڭزنى كۆرۈشكە مۇيەسسەر بولغىنىمدىن خۇرسەنمەن رەھمەت تىمىڭىزغا.........مۇشۇنداق ئاشكار تېمىلىرىڭىز ئۈزۈلمىگەي.

bahirah

	بەلكىم مەزمۇننى بىر-بىرىگە ماس كەلتۇرگەن بولسىڭىز بۇنداق ياخشى چىقماسلىقى مۇمكىنتى، بۇمۇ بىر يىڭىچە ئۇسلۇپ بولۇپتۇ، ئاچچىق ھىسلارغا تويۇنغان قۇرلار مىنى ئاللىقانداقتۇر  ئويلارغا ئىلىپ بىرىۋاتىدۇ، ئۇستىدىكى بىر تورداشنىڭ قانچىلىك بەدەل تۆلەپ بۇ كۈندىن قۇتۇلارمىز دىگەن ئىنكاسى بىشىمنى پىررىدە ئايلاندۇرۋەتتى. راس! قانچىلىك بەدەل تۆلەرمىز؟ مۇشۇ قىلىۋاتقان گۇناھلىرىمىز تۈپەيلى ئەۋلادلىرىمىز يامان كۈن كۆرۈپ قالارمۇ؟ ۋاي بولدىلا! يامان خىياللاردا بولماي. ئاللاھ ئىگەم بىزگە ئاسانلىق بىرەر! ئاللاھ خالىسا بۇ كۈندىنمۇ قۇتۇلارمىز.

ansar1013

	تېمىڭىز مەزمۇنى ماڭا بەك ياقتى، كۆرىنىشى تاققا تۇققا بولغان بىلەن كىشىنى چۇڭقۇر ئويغا سالىدۇ

kugul

	بۇ تىمنى يىزىشتا ،يىڭى ئۇسلۇب ياراتقاندەك قىلامسىز نىمە؟

tvnlirikisi

	راستىنلا ‹‹ماروژنىغا نان چىلاپ يەۋاتىمىز››، مۇشۇنداق يەپ ھامان بىر كۈنى شۇ ماروژنىغا ئۆزىمىزنىمۇ چىلاپ يەپ قويىمىز!      بۇنداق يوقاپ كەتمە، نادىر تېمىللىرىڭ ئۈزۈلمىسۇن ئاكا. ___________________________________________________ ‹‹يالڭاچ›› تېمىلاردا لىقلا ئىنكاس، نادىر تېمىدا ئادەم يوق.

alepareslan

	تىمىلىرىڭىز بەك ياخشىكەن،رەھمەت.

romantik001

	ياخشى يىزىپسىز    مۇشۇنداق  ياخشى تىمىللىرىڭىز  ئۇزۇلۇپ قالمىسۇن!

tarhamak

	ئاللاھ تائالا ئويلىمىغان يەردىن كۆپ رىزىق بېرىپ باي قىلىۋەتكەن ، ئەمما ئۇ بايلىقنى ئۆز ئورنىدا خەجلىيەلمەي بۇزۇپ چېچىۋاتقان يالاڭ تۆشلەرنى « چايدانغا نان چىلەپ يەيدىغان ... » دەپ قوياتتۇق باللا ئارىسىدا ... تىما ئىسمى شۇ گەپكە ئوخشاپ قالىدىكەن ...