[بوزقىر] پۇشكىن«قۇرئان» ئوقۇغانمۇ؟

bozqir

	پۇشكىن ۋە« قۇرئان كەرىم» ئىلاۋە:    ئالدىنقى ئەسىرنىڭ 90-يىللىرى شاڭخەي چەت ئەل تىلى ئۇنۋېرسىتېتى ئوتتۇرا شەرىق مەدەنىيىتى تەتقىقات ئورنىنىڭ نەشىر ئەفكارى -«ئەرەب دۇنياسى»دېگەن ژۇرنالدىن «رۇسىيىدە قۇرئان كەرىم»ناملىق بىر ماقالىنى قىزىقىپ ئوقۇغانلىقىم ھازىرقىدەكلا ئېسىمدە.شۇ ماقالىدا بۈيۈك رۇس شائىرى پۇشكىننىڭ مۇسۇلمانلارنىڭ مۇقەددەس كالامى-«قۇرئان كەرىم»نى ئىنتايىن ئىخلاس بېلەن ئوقۇپ چىققانلىقى ۋە ئاجايىپ يۇقۇرى باھا بەرگەنلىكى ھەققىدە مەخسۇس بىر قىسقىچە ئۇچۇر خاراكتىرلىك  مەزمۇنلار بېرىلگەن.ئۇنى تورداشلارنىڭ ھوزۇرىغا سۇنۇشنى مەسئۇلىيەت بىلدىم.     مىلادى 15-ئەسىردىن 17-ئەسىرگىچە بولغان ئارىلىقتا لېتۋالىق تاتارلار «قۇرئان كەرىم»نى بېلىروسچىگە تەرجىمە قىلغان.بۇ تەرجىمىنىڭ كۆچۈرۈلمە نۇسخىسى ھازىرغا قەدەر لېنىنگىراد ئۇنۋېرسىتېتىنىڭ شەرقشۇناسلىق ئىنىستىتۇتى كۈتۈپخانىسىدا ساقلىنىپ كېلىۋېتىپتۇ.1789-يىلىدىن 1798-يىلىغىچە بۇ كالام بەش قېتىم قايتا بېسىلغان.1800-يىلى چار رۇسىيە ھۆكۈمىتى  ئىسلام دىنىغا ئائىت ئەسەرلەرنى نەشىر قىلىشنى چەكلەيدىغان بارلىق چەكلىمىلەرنى بىكار قىلغاندىن كېيىن قازاندا رۇسىيە بويىچە تۇنجى ئىسلام باسما زاۋۇدى قۇرۇلۇپ ، رۇسىيىدە بۇ بۈيۈك دەستۇر ۋە ئىسلامىي كىتابلارنىڭ نۇسخىلىرى بېسىپ تارقىتىلغان.       1790-يىلىغا كەلگەندە رۇسىيىدە «قۇرئان كەرىم»نىڭ 3-رۇسچە تەرجىمە نۇسخىسى نەشىر قىلىنغان.بۇ تەرجىمە نۇسخا فىرانسىيىلىك شەرقشۇناس ئانتېرى فىرانسۇزچىغا تەرجىمە قىلغان «قۇرئان كەرىم»گە ئاساسەن تەرجىمە قىلىنغان بولۇپ،بۇنى رۇسىيىدىكى يۇقۇرى ئابرويغا ئىگە ئەدەبىياتشۇناس مېخائېل فېرىئوفكىن رۇسچىگە تەرجىمە قىلغان. فېرىئوفكىننىڭ تەرجىمە نۇسخىسى رۇسىيە ئەدەبىيات تارىخىدا ناھايتى موھىم رول ئوينىغان.ئۇ رۇسىيىدىكى تالانىتلىق يازغۇچى ، درامماتروگ بولغاچقا تەرجىمىدە جانلىق،نەپىس ئەدەبىي تىللارنى تاللاپ ئىشلەتكەن.ئۇسلۇبى ئۆزگىچە بولغاچقا نۇرغۇن رۇس يازغۇچىلىرىنىڭ ماقتىشىغا ئېرىشكەن،ھەتتا رۇسىيىلىك بۈيۈك شائىر پۇشكىنمۇ ئۇنىڭغا يۇقۇرى باھا بەرگەن.           «قۇرئان كەرىم»دىكى گۈزەل ئىبارىلىك پارىلەر،چوڭقۇر مەنىلىك ئايەتلەر،  پۇشكىندەك يېتۈك شائىرنىڭ  قەلبىنى لەرزىگە سالغان.پۇشكىن «قۇرئان كەرىم»نىڭ ئۆز قەلبىنى ھاياجانغا سالالىغان بىردىن بىر ئەسەر ئىكەنلىكىنى ئېتىراپ قىلغان.ھەتتا پۇشكىن «قۇرئان كەرىم» دىن ئالغان ئىلھامى ئاساسىدا  «قۇرئان ئىلھامى» ناملىق مەشھۇر شېئىرىنىمۇ يازغان.بۇ شېئىر «يۇلتۇزلار تۈركۈمى پارىسى»دىكى 23-ئايەتنىڭ ئەسلى مەنىسى ئاساسىدا يېزىلغان بولۇپ،يارقىن شېئىرىي تىل ئارقىلىق «قۇرئان كەرىم»دىكى پەلەسىپىۋى مەزمۇنلار  مۇۋەپپەقىيەتلىك ھالدا بايان قىلغان.رۇسىيە ئەدەبىياتى تارىخىدا بۇ شېئىر دىنىي ئەسەرلەرنى توغرا چۈشىنىشكە يول ھازىرلاش بېلەن بىر ۋاقىتتا ،رۇس كىتابخانلىرىنىڭ «قۇرئان كەرىم»گە بولغان قىزىقىشىنى زور دەرىجىدە قوزغىغان. ئەسكەرتىش: ناۋادا يۇقۇردىكى بايانلارغا تازا ئىشەنىچ قىلالمىسىڭىز شاڭخەي چەت ئەل تىلى ئۇنۋرسىتېتى ئوتتۇرا شەرىق مەدەنىيىتى تەتقىقات ئورنىنىڭ نەشىر ئەفكارى -«ئەرەب دۇنياسى» ژۇرنىلىنىڭ 1996-يىللىق 4-سانىنىڭ 30-،31-بەتلىرىگە نەزىرىڭىزنى ئاغدۇرغايسىز.

kapsizdos

	بۇغۇ خېلى ئادەمنى قىززىقتۇردىغان خەۋەر ئىكەن ... تېما ئىگىسىگە رەخمەت .   مۇمكىن بولسا شۇ پۇشكىن يازغان  ‹‹ قۇرئان ئىلھامى ›› دېگەن شېئرنىمۇ يوللىسىڭىز بىر ئوقۇپ باقساق بوپتىكەن ...

saba0903

	ھەر قانداق بىر ئادەم ئوقىسا شۇنداق ھېسياتقا كەلمەي قويمايدۇ چۈنكى «قۇرئان كەرىم»ئالدىغا ئۆتىدىغان ھېچقانداق نەرسە يوق بۇ دۇنيادا!

bozqir

	ئاپتور جاۋابىنى بويلاپ 1قەۋەت  kapsizdos كە 2011-07-03 14:21ئەۋەتىلدى  : بۇغۇ خېلى ئادەمنى قىززىقتۇردىغان خەۋەر ئىكەن ... تېما ئىگىسىگە رەخمەت .   مۇمكىن بولسا شۇ پۇشكىن يازغان  ‹‹ قۇرئان ئىلھامى ›› دېگەن شېئرنىمۇ يوللىسىڭىز بىر ئوقۇپ باقساق بوپتىكەن ... ئەپسۇسكى،مەن ئوقۇغان شۇ ژۇرنالدا پۇشكىننىڭ «قۇرئان ئىلھامى»دېگەن شېئىرى بېرىلمەپتۇ ئەمەسمۇ؟

kilyang

	تىما ئىگىسىگە رەھمەت  ئىلغار پىكىرلىك تىمىللىرىڭىز ئۈزۈلۈپ قالمىسۇن !

uyhurung

	ئەرەپچىسىنى  ئوقۇيالمىساممۇ ،كۈن ئاتلاپ  دىگۈدەك تەرجىمىسىنى بولسىمۇ  ئوقۇپ تۇرىمەن . ئاللاھنىڭ   بىزنى  ،مۇسۇلمان  بەندىسى  قىلغانلىقىغا  چەكسىز  شۈكرىلەر  ئىيتىشىمىز  لازىم. تىمىغا  رەھمەت

سوقرات

	پوشكىن يۇقىرى باھا بەرمىسىمۇ  قۇرئان كەرىم پۈتۈن كىتاپلاردىن  يۇقىرى تۇرىدۇ.

uygur姑娘

	ياخشى تېما  يوللاپسىز تېما ئىگىسگە رەھمەت.

muharram@0998

	بۇ خەۋەرنىغۇ يوللاپسىز ، ياخشى كۆڭلىڭىز بىلەن ، تىخىمۇ تەپسىلىرەك ،يەنى پوشكىندەك داڭلىق ،روسىيەدەك دۇنيادىكى يەرمەيدانى ئەڭ چوڭ دۆلەتنىڭ ، شۇۋاقىتتىكى ھازىرقى ،ئىسلامغا بولغان پوزىتسىيە كۆزقاراشلىرىنى ، يوللىغان بولسىڭىز ،ياخشى بولاتتى.