تىلەكلەردىن پۈتكەن پۈتۈكلەر

deldax

	ئاپتۇر :كامىلجان ناسىر (دىلداش ) پىغانلىق ھەسرەت سىغىنغانچە سېنى جانان،كۈنۈم ئۆتمەكتە ھەسرەتتە. پىراقتىن چوغلۇنۇپ قەلبىم،ئازاپ يۈتمەكتە ھەسرەتتە. قاچان بولدۇم ساڭا شەيدا،بىدارمەن ئۇيقىدىن تۈندە. ئۈمۈدۈم تەلپۈنۈپ ھەر ئان،سېنى كۈتمەكتە ھەسرەتتە. پىغانلار ئەزدى ھالىمنى،تىنىمدىن قاچتى كۈچ-دەرمان. كۈتۈشلەر ئىچرە تەشۋىشلىك،خىيال كەزمەكتە ھەسرەتتە. ئۆزەمنى ھېس قىلىپ ئاجىز،غەرىپلىق دەشتىدە سەرسان. تالاي تاتلىق ئازاپلارنى،ھېسسىم پۈتمەكتە ھەسرەتتە. نىچۈن ھالىمغا باقمايسەن،ساڭا ھەر دەمدە تەلمۈرسەم. پەقەتلا بەرگىنىڭ ھىجران،دىلىم سەزمەكتە ھەسرەتتە. ماڭا ھېچ قىلىدىڭ پەرۋا،كۆيۈپ مۇڭدا ئەلەم چەكسەم. ئۈمۈدتىن كەچمىدىم زىنھار،يەنە پۇرسەتتە ھەسرەتتە. زىمىستاندا باھار كۈتسەم،يەنە ياز،كۈز خەۋەر كۈتتۈم. لىكىن سەندىن سادا كەلمەس،دىلىم غەپلەتتە ھەسرەتتە. نىگاھىڭ ئۆزسە تۇيغۇمدىن،ئىرادەم جانلىنىپ باردى. ئۆزەڭمۇ يوق،سۆزۈڭمۇ يوق،ئۆمۈر كۈلپەتتە ھەسرەتتە. يەنە شۇنداقتىمۇ سەن چۈن،بۇلۇپ سادىق كۈتۈش ئەھدىم. پۇشايماندىن يىراق سۇندۈم،بۇنى بۇرەتتە ھەسرەتتە. ********************************** كەتتىڭ ساڭا كۆيدۈم دىسەم توۋا،پىنھانلىق تامان كەتتىڭ. ئىشەنمەي ئىشقىم مېھرىمگە،سۈكۈتلەردە قايان كەتتىڭ. ئەجەپ ساددا ئىكەن قەلبىڭ،مېنى ھەيرانە ھەس ئەيلەپ. چۈشەنمەي ئۇشبۇ قەلبىمنى،قەيەرلەرگە ئامان كەتتىڭ. يۈرەكىمدە ساڭا ئىشقىم،قەدەمدە چوغلۇنۇپ تۇرسا . ئەجەپ ھالىمغا پەرۋاسىز،ھېسىڭدە بىر گۇمان كەتتىڭ. بۇلۇپ شەيتان ئۈچۈن ئۆلپەت،نادانلىققا چۈمۈپ دەمدە. ماڭا ھېچ قىلمىدىڭ پەرۋا،يىنىمدىن تىز راۋان كەتتىڭ. نىمە سۆيگۈ،نىمە ئاشىق،چۈشەنمەي ھېسلىرىڭ ئىچرە. قەلب كۆكىمدە ئۆزگەن بىر،بەئەينى بىر تۇمان كەتتىڭ. ياراشماس ئالدىراقسانلىق،كىشىگە كۈللى ئالەمدە. چۈشەنمەي ئەشۇ ھېكمەتنى،دىلىمدا بىر نادان كەتتىڭ. قايان كەتكىن،قەيەردە بول،ئۇنۇتما ئىشقى-مېھرىمنى، ئۈمۈدۈم سەن ئۈچۈن شەيدا،ئۇنۇتما بۇ بايان كەتتىڭ. *********************************** گەر جانان بولار بولساڭ    ماڭا جانان بۇلار بولساڭ،ئەقىدە باغلىغلىغىن ھەردەم. بۇلۇپ مەنزىلدە چىن ئەسرا،ئۈمۈدۈم ئاقلىغىن ھەردەم. ئەقىدەمنى قىلىپ پايخان،يۈرەكىمگە سېلىپ ھەسرەت. منى غەملەردە قالدۇرماي، دىلىمدا چاقنىغىن ھەردەم.    ئازاپلاردىن قۇتۇلماق بۇپ، سىنى مەن ئىختىيار ئەتتىم. ماڭا بەرگەن شۇ ۋەدەڭدىن، ئەبەتكە تانمىغىن ھەردەم. ئۆمۈر مەنزىللىرى خالى ،ئەمەس مۈشكۈل سىناقلاردىن. بىشىمغا چۈشسە بىر كۈلپەت، يىنىمدىن قاچمىغىن ھەردەم.    ئەگەر كۈلسەم كۈلۈپ سەنمۇ، يىغامغا جۈر بۇلۇپ دىلدىن. قەيەرگە باشلىسام يۈردەپ،بۇ يولدىن يانمىغىن ھەردەم. ساڭا تەقدىم ھامان مېھرىم،ئەقدەم بارلىغىم سۆيگۈم. سىنى مەڭگۈ ئېزىزلايمەن،ئۈمۈتسىز قالمىغىن ھەردەم.    تىلىڭ بىرلەن دىلىڭ مەڭگۈ، ھامان دەملەردە بىر بولسا. گويا كۆڭلۈم ساڭا بىر باغ.بۇ باغدا سايرىغىن ھەردەم. خىتاپ قىلدىم ساڭا مەغرۇر، بۇدەم ۋىجدان بىلەن شۇنداق. ئىشەنچىڭ بولسا قەلبىڭدە،جاۋاپسىز قويمىغىن ھەردەم. ********************************** رەنجىمە كۆڭلۈم گۇمانخوردىن يىراق بولغىن،ناداندىن رەنجىمە كۆڭلۈم،    تىلى قايماق،دىلى مايماق،قاۋاندىن رەنجىمە كۆڭلۈم. ئۆمۈر مەنزىللىرى سىرلىق،قەدەملەر ئىمتىھان گويا، تويۇقسىز كەلسە بىر قىسمەت،زاماندىن رەنجىمە كۆڭلۈم.     ئىشەنمە «سەن ئۈچۈن كۆيدۈم »دېگەننى ياد قىلىپ دەمدە.    نىقاپقا ئورۇنۇپ كەلگەن، چاياندىن رەنجىمە كۆڭلۈم. بۇ دۇنيا سىرلىرى چەكسىز،ئەشۇ سىرلاردا مەس ئادەم، مەئىشەتلەرگە جۆر بولغان،زەباندىن رەنجىمە كۆڭلۈم. ئەقىل ھېسىڭدە كۆز تىكسەڭ،ھامان ھەر كىمدە ئىللەت كۆپ، نادانلىق چىرمىغان دىلنى،ماكاندىن رەنجىمە كۆڭلۈم.    ئەجىر، تەدبىرگە يار ئىنسان،ھامان پۇرسەتتە ھۆرمەتلىك، بۈيۈكلىك بابىدا سۇلتان،ئىماندىن رەنجىمە كۆڭلۈم.    ئەقىدە بولسا ھەر كىمدە،قەدىرلىك قەلبىدە ئەلنىڭ. ئىشەن بۇ بىر ھەقىقەتقۇ،ياماندىن رەنجىمە كۆڭلۈم.     ھىدايەت تاپسا ھەر بىر جان،نادانلىقتىن بولۇر خالىي.    خىيال غەپلەت ئارا قالغان،شۇ جاندىن رەنجىمە كۆڭلۈم.    كىمىكى قەدرىنى بىلمەي،گۈزەل ئەخلاق دىيانەتتىن.    ياشاپ ئۆتسە قەدىرسىزغۇ،تاماندىن رەنجىمە كۆڭلۈم. غۇرۇر-ۋىجدانغا يار بولماي،ئەگەردە ئۆتسە غاپىل بوپ،    قەدىر- قىممەتتە پايخانكى، ساماندىن رەنجىمە كۆڭلۈم. ئەجىر-تەدبىردە ئويغاق بوپ،توغان سالماي ئېرىقلارغا. بىخۇتلۇق ئىلكىدە يۈرسەڭ،قىياندىن رەنجىمە كۆڭلۈم. بۇدەم قەتئىي ئىرادەمدىن،جاكا قىلدىم ساڭا مەغرۇر، بولالماي دەمدە سەن سەگەك،راۋاندىن رەنجىمە كۆڭلۈم.                      ئاپتۇرنىڭ ئەسكەرتمىسى - مىنىڭ تىمىلىرىمنى رۇخستىمسىز باشقا مۇنبەرگە كۈچۈرۈشكە،خالىغانچە ئۆز نامىدا كۈچۈرۋىلىشقا بولمايدۇ.

deldax

	بۇ تىمىنى يوللاش جەرياندا دىققەتسىزلىكتىن خاس سەھپىگە يوللىيالماي قاپتىمەن باشقۇرغۇچىلارنىڭ ئىغىر كۆرمەي يۆتكەپ قۇيۇشنى ئۈمۈد قىلىمەن

kok-sultan

	قايناق ھېسىيات، كۈچلۈك ھاياجان، مول تەسەۋۋۇر بىلەن غەزەللەر كىشى قەلبىنى لەرزىگە سالىدىكەن....

@tulpar@

	ياخشى يىزىپسىز

uygur姑娘

	بەك ياخشى يېزىپسىز.