دادامغا خەت!

adillik

	دادا مەن سىزنى ياخشى كۆرىمەن،ھەم سىزنىڭ زىيادە مېھرىبانلىقىڭىزدىن قورقىمەن ھەم ئەنسىرەيمەن!   دادا دۇنيادىكى ئۇلۇغ ئىنسان،ئۇ بولمىسا ئائىلە بولمايدۇ،ئىشلار روناق تاپالمايدۇ. دادا  سىز مېنى كىچىك ۋاقتتىمدىن باشلاپلا ناھايتى قاتتىق باشقۇراتتىڭىز،شۇڭلاشقىمۇ مەن سىزدىن بەك قورقاتتىم.مەن بىرەر خاتالىق ئۆتكۈزۈپ قويسام مېنى دەرھال ئەيىپلەپ كىتەتتىڭىز،بەلكىم سىز مېنى كىيىن يارىماس ئادەم بولۇپ قالمىسۇن دىگەنسىز. شۇڭلاشقىمۇ كىچىك ۋاقتىمدىن باشلاپلا بىر ئىشلارنى قىلسام جۈرئەتلىك قىلايمايتتىم،ھەم قىلغان ئىشىمدىن ئەنسىرەيتتىم.    سىز مېنى قاتتىق باشقۇرمەن دەپ مېنى بىر مەھەلىلىك بالىلارغىمۇ ئارلاشقۇزمايتىڭىز ،ئۇلار بىلەن بىللە ئوينىغىلى قويمايتىڭىز،سىز ئۇلارنى پەقەت ئويناشنىلا بىلدىغان ئۇيۇن قېپىلار ،يارامسىزلار ..دەپ ئويلايتىڭىز، سىز ئۇلار ئوتتۇرا مەكتەپنى پۈتتۈرسىلا ئوقىمايدۇ دەپ قارىغاچقا شۇنداق ئويلايدىغانسىز. دادا ئۇلارنىڭمۇ ئۆز ئالدىغا ئارتۇقچىلىق بار ،خاتالىقتىن خالىي ئىنسان يوق.   مەن بىركۈنى ئۇلارنى ئويناشقا چاقىردىم،چۈنكى ئۇ كۈنى سىز يوق ئىدىڭىز ،شۇ چاغدا مەھەلىدىكى بالىلار ماڭا قاراپ قېتىپ قېلىشتى،چۈنكى بۇ ئۇلارنىڭ مېنى ئويۇن ئويناشقا چىقمايدۇ،دادىسى ئۇنىمايدۇ،دەپ قارىغانلىقىدىن بولسا كېرەك. مەن شۇچاغدا ئۆزۈمنى نەقەدەر بىچارە ،نەقەدەر يالغۇز ھىس قىلدىم، بۇنى بىلەمسىز دادا؟ بولدى كىچىك ۋاقتىمدىكى ئىشلارنى تىلغا ئالماي،چۈنكى مېنىڭ كۆڭلۈم يېرىم بولىدۇ. مەن شۇ چاغلاردا :دادام مەن چوڭ بولساملا ئانچە ئەنسىرەپ كەتمەيدۇ،شۇڭا ھازىر بوپتۇ دەپ جىم ئۆيدە ئولتۇراي دەپ ئويلايتىتىم.    مانا مەنمۇ تۇلۇقسىز ئوتتۇرا مەكتەپكە چىققان ۋاقىتلېرىم،مەن يەنىلا يالغۇزلۇق ئىچىدە يۈرىمەن. سىنىپتا ئويۇنلارنىڭ گېپى چىقسا ساۋاقداشلېرىم ماڭا: ئاداش بەرىبېر سەن ئوينىيالمايسەن ،داداڭ سېنى چىقارتمايدۇ ،شۇڭا چەتتە تۇر! دەيتتى. شۇ چاغلاردىن باشلاپ مەن سىزنىڭ زىيادە غەمخورلىقىڭىزدىن جىق تويغان. شۇ سەۋەپلىكمۇ ساۋاقداشلېرىم مېنى مازاق قىلسا سوقۇشسام، مېنىڭ سوقۇشقىنىمنى بىلىپ يەنە گەپ يوق مېنى ئەيىپلەيتتىڭىز،دادا شۇنى سورىغۇم كېلىدۇ، سىز ماڭا ئامراقمۇ؟ مەن ئەمدى تولۇق ئوتتۇردا ئوقۇش ئۈچۈن باشقا شەھەرگە باردىم، سىز مەخسۇس مېنى «كۈزەت» قىلدىغانغا تېلفۇن ئېلىپ بەردىڭىز مەن ئۇنى تۇتقاندا ئېتىۋېلىشقا توختۇتۇپ قويۇشقا بولمايتتى، بولمىسە يەكشەنبىدە ئۆيگە قايتقاندا ئەيىپلىنەتتىم. شۇڭلاشقىمۇ ئازادە مەكتەپ ئىچىدىمۇ ئەركىن يۈرەلمەيمەن.   بىر قېتىم بىز تۇلۇق 1-يىللىقنى پۈتتۈرگەندە ساۋاقداشلار يىغىلىشى قىلغاندا مەن سىزگە قاتنىشىدىغانلىقىمنى ئېيتسام (ئۇ چاغدا تەتىل قويۇپ بەرگىلى 1كۈن بولغان) سىز مېنىڭ قاتنىشىمغا يول قويماي قايتىپ كەل دىگەنتىڭىز،مەن مۇئەللىمگە :مەن كەتمىسەم بولمىغۇدەك . دىگەن چېغىمدا مۇئەللىمگىمۇ قارىيالمىغانتىم. مەن شۇ چاغدا ئۆزۈمنىڭ ئوغۇل بالا تۇرۇپ نەقەدەر ئاجىزلىقىمنى ھىس قىلدىم.   شۇنداق قىلىپ بىر يىل تۈگدى، مەن ئىككىنچى يىللىققا چىققان بىر كۈنى يەكشەنبىدە 3~4 ساۋاقدىشىم بىلەن كەچتە تاماق يىگىلى چىقتۇق(سىزگە دىسەم يەنە مېنى ئەيىپلەپ ياتاقتا جىم ئولتۇر دەيتىڭىز) شۇ كۈنى مېنىڭ تۇنجى قېتىم كەچتە سىرىتقا چىقىشىم ئىدى،شۇ كۈنى مەن ناھايتى خوش بولۇپ كەتتىم. شۇندىن كىيىن مەن سىزگە يالغان ئېيتىپ سىرىتلارغا چىقىپ ئەركىنلىك ئىزدەيدىغان بولدۇم،ھەم خېلى ئەركىندەك ھىس قىلىپ بىر مەزگىل يۈردۈم.    بۇ يىل مانا ئالىي مەكتەپ ئىمتىھانىغا قاتناشتىم، ئىمتىھان مەيدانىغا كىرگەندە كاللامدا پەقەت :«مەن ئۆتەلمىسەم دادام مېنى نىمە قىلۋېتەر؟» دىگەنلا خيال بولغاچقىمۇ قېرىشقاندەك ئىمتىھاننى ياخشى بېرەلمىدىم.(لېكىن سىزگە ھەممىسىنى ياخشى بەردىم دېدىم) نەتىجىلەرمۇ چىقتى سىز نەتىجەمنى كۆرىپ شۇنداق خاپا بولدىڭىز،مېنى يارىماس، بىكار تەلەپ ...كىمۇ چىقىرۋەتتىڭىز. مەن ئوغۇل بالا تۇرۇپ چىدىيالماي يىغلاپ سالدىم.سىز چىقىپ كەتكەندىمۇ يېشىم شۇ پېتى ئېقۋاتاتتى،ئۆزۈمنى شۇنچە تۇتۋالساممۇ كۆز يېشىم توختىمايلا قالدى......ئۇف!    بۈگۈن بەرىبىر ئۆتەلمىگەندىكىن ئويناپ باقايلا دەپلا ئاغىينىلېرىم بىلەن ماڭىمەن دەپ تۇرۇپ، يەنە سىزنى ئەنسىرەپ كەتمىسۇن دەپ سىزگە ئېيتىپ قويۇشقا يېنىڭىزغا بارسام ، ئىمتىھاندىن ئۆتەلمەي يەنە نوچىلىق قىلىپ ئوينايمەن دەمسەن؟ ................دەپ مېنى شۇنداق قاتتىق گەپلەر بىلەن تەنقىتلىدىڭىز....شۇ ئاچچىقىمدا چىقىپ ئاغىينىلېرىم بىلەن ئەزەلدىن ئىچىپ باقمىغان ھاراقنى تازا ئىچتىم. : ئۆيگە كەلسەم سائەتمۇ بىر يەرگە بېرىپ قاپتۇ،سىز مېنى ئۇخلىماي ساقلاپ ئولتۇرۇپسىز مەن كىرىشىمگە سىز مېنىڭ ھاراق ئىچكىنىمنى بىلىپ مېنىڭ «چاڭ» قىلىپلا بىر شاپلاق ئۇردىڭىز ، مېنىڭ ھاراق ئىشكىنىم ئەلۋەتتە خاتا مەن خاپا بولمۇدۇم،لېكىن مەن شۇچاغدا سىزگە دىگىنىم ئىسىڭىزدىمۇ، مەن يەنە بىر قېتىم دەپ بېرەي،:دادا مەن قىز بالا بولمىغاندىكىن سىرتلارغا چىقىپ ئاغىينىلېرىم بىلەن ئارلىشىمەندە،مەن بىر ئۈمۈر سىلەر بىلەنلا ئۆتەمدىم؟ مەنمۇ چوڭ بولدۇم ئۆزۈمنىڭ قىلغان ئىشىنى ئۆزۈم بىلىمەن ،باشقىلارنىڭ باللېرى شۇنداق ئەركىن ئىكەن،ئۇلار بالىلېرىغا شۇنداق ئىشىندىكەن ،ھەممە ئىشنى ئۆزى قىلىشقا ئۈندەيدىكەن،سىزچۇ؟ سىز ئۇنداق قىلمايسىز ..مەن چوڭ بولدۇم مەنمۇ ئۆزۈمنىڭ ئىشىنى ئۆزۈم قىلالمامدىم؟ قىلالمىغان چاغدا سىزنى ئىزدەيمەن دادا، مېنىمۇ ئەركىنلىكىمگە قويۋېتىڭلار بولامدۇ؟ مەنمۇ ئىشنىڭ يولىنى ئۆزۈم تاپاي، قاچانقىغىچە سىلەرنىڭ «ئەرمەك ھايۋان»نىڭلاردەك ئۆتىمەن؟ سىلەر ئەسلى مېنى باقماي ماشىنا ئادەم باقساڭلار بولغۇدەك...ئۇ ھەممە گېپىڭلارنى ئاڭلايدۇ ئەمەسمۇ؟ مەن ئۇ كۈنى دىگەن گەپلېرىمنى ئويلىسام مېنىڭ خاتا ئىكەن ،لېكىن ھەممىسىنى خاتا دىگىلى بولمايدۇ.    دادا سىزنى بەكمۇ ياخشى كۆرىمەن ،سىزنى بەك بۈيۈك ھېساپلايمەن،سىزدىن ھەرگىز خاپا بولمايمەن! چۈنكى مەن سىزدىن بەخرلىنمەن! بىلمىدىم سىز تورغا چىققاندا بۇخەتلەرنى كۆرەرسىزمۇ؟ مەن كۆڭلۈمدىكىنى سىزگە يۇزتۇرانە ئېيتالمىغاچقا مۇشۇنداق قىلدىم،سىزنىڭ چوقۇم كۆرىشىڭىزنى ئۈمۈد قىلمەن!    سىزدىن يەنە بىر سوئالنى سورىغۇم كېلىدۇ،:دادا  سىز  مېنى ياخشى كۆرەسىز؟ مەنبە:ئۆزۈم(ئادىل)

ab8ob8

	مەن بىر قىز بالا بولساممۇ ناھايىتى ئەركىن چوڭ بولغانمەن، بىراق مەن تا ھازىرغىچە كۆڭۈل ئېچىش سورۇنلىرىغا كىرىپ باقمىغان، ھەم قەتئىي قىزىقمايمەن. ئەركىنلىكنى ئاتا - ئانام ماڭا بەردى، مەن ئۇنى يولىدا ئىشلەتتىم. مېنىڭ ئۆز قىزىقىشىم بويىچە كەسپ تاللىشىم ۋە دوست تاللىشىمنى ئۇلار قوللاپ بەردى... چۈنكى ئاللاھ خالىسا مەن ئۆزۈمگە ئىشىنىمەن، ھەرگىزمۇ ئۇلارنىڭ ئۈمىدىنى يەردە قويمايمەن. شۇڭا سىزگە دەيدىغىنىم: ئۆزىڭىزگە ئىشىنىڭ ، كىچىكىڭىزدە ئۆتكەن ئىشلار سىزگە تارىخ بولسۇن، ھازىردىن باشلاپ دادىڭىز بىلەن پىكىرلىشىڭ، ئادىل ئۆز تۇرمۇشىڭىز ئۈچۈن دادىل قەدەم تاشلاڭ! سىز ھازىر ئويۇن ئۈچۈن ئەركىنلىك ئىزدىمەڭ! ئويۇن سىزگە ئەسقاتمايدۇ... ئويۇندا بىرگە بولغان دوست دېگەن پەقەت سورۇنداش خالاس! دادىڭىز سىزنىڭ ھەقىقىي سىرداش دوستىڭىز بولۇپ قالغۇسى! ئۇ سىزگە ھەرگىزمۇ يامان بولسۇن دېمەيدۇ...

kaplan2010

kahrizat

	بالىسىنى ياخشى كۆرمەيدىغان دادا بۇ دۇنيادا مەۋجۇت ئەمەستۇ ... بەلكى..

uqkun500

	ئاتا - ئانىدىن ھەرگىز ئاغىرنىشقا بولمايدۇ ،ئاتا - ئانا دىگەن يەنىلا  شۇ بالىلارنى ، بالىلارنىڭ كىنىلكىنى ئويلايدۇ ئەمەسمۇ ، ئۇنداق  ھاراق  - شاراپ ئىچىپ كەلگەن بالىنى قانداق بىر ئاتا ياخشى ئىش قىلىپ كەپسەن  دەمدۇ ، ئاتا - ئانىدىن خاپا  بۇلۇشقا بالا  دىگەننىڭ  نىمە  ھەددى .ئاتا - ئانا  دىگەن  ئۇلۇغ .

ansar0996

	بەلكىم دادىڭىز سىزنى بەك ياخشى كۆرىدىغاندۇ، ھەرگىز خاتا چۈشەنمەڭ ، دادىلار ئۇلۇغ..............

altunboxuk

	ھەي، دادىنىڭ كۆڭلىنى كىم بىلەر؟ بىزمۇ شۇ بالىلارغا ياخشى بولسۇن، ياخشى ئوقۇسۇن، ياراملىق ئادەم بولسۇن دەيمىز شۇ....جەمئىيەتتە يامان ئادەملەر بىلەن ئارىلىشىپ قالمىسۇن، يامان يوللاردا مېڭىپ قالمىسۇن  دەيمىز.....ماھىيەتتە بىزمۇ ئۇلارغا كۆيىمىز، ئاسرايمىز. مەن بىر ھېكايىنى ئوقۇغان ئۇنىڭدا بىر ئوغۇل دائىم دادىسىنىڭ ئۆزىگە كۆڭۈل بۆلمەيدىغانلىقىدىن ئاغرىنىدىكەن، بىر كۈنى ئۇ ساۋاقداشلىرى بىلەن  يولدا  كېتىۋېتىپ پۇتىنى قايرىۋاپتۇ. دەل شۇ چاغدا يىراقتىن دادىسى  كۆرۈنۈپتۇ. شۇ ئارلىقتا ئوغۇل ساۋاقداشلىرى بىلەن «دادام مەن بىلەن كارى بولمايدۇ» دەپ باغلىشىپتۇ. دېگەندەك دادىسى ئۇنىڭ پۇتىنى ئۇۋىلاپ ئولتۇرغانلىقىنى كۆرۈپ گەپمۇ قىلماي يولىنى داۋاملاشتۇرۇپتۇ. ئوغۇل بەكمۇ ئۈمىدسىزلەنگىنىچە ئۇنىڭغا قاراپ ئولتۇرۇپتۇ. بىراق دادىسى قايرىلىدىغان دوقمۇشقا بارغاندا كەينىگە بۇرۇلۇپ ئوغلىغا قاراپتۇ. شۇنىڭدىن كېيىن ئوغۇل دادىسىغا بولغان قارىشىنى ئۆزگەرتىپتۇ.

adillik

	مەن سىزنىڭ بۇ سۆزلېرىڭىزدىن يولىمنى قانداق مېڭىش توغرىسىدا يورۇق مەشئەلگە ئېرىشكەندەك بولدۇم،رەخمەت!

adillik

	مەنمۇ ئەمدى بۇنى ھىس قىلىپ يەتتىم............!

adillik

	شۇڭلاشقىمۇ شۇ ئىشىمدىن تا ھازىرغىچە ئۆزۈمدىن نەپرەتلىنىمەن!