ئانىلار ھەسرىتى

rumaisa

	شۇنچە ئېغىر تولغاق بىلەن تۇغقانتىم سېنى ،                                                   قىزىل قاندىن ئاق سۈت ئايرىپ باققانتىم سېنى .                                               چوڭ قىلغۇچە نۇرغۇن جاپا چەككەنتىم سېنى ،                                                  جېنىم بالام ، «دۇئا قىلاي» يىغلاتما مېنى .                                                        يېمەي-ئىچمەي پۇلنى تېپىپ ئوقۇتقان سېنى ،                                                   ئەمدىلىكتە نا ئۈمىدتە قويدۇڭغۇ مېنى .                                                       ھەسرەت بىلەن ئۆلسۇن دەمسەن ئېيتقىنا قېنى ،                                              جېنىم بالام دۇئا قىلاي يىغلاتما مېنى .                                                           تۇيۇق يولدا نابۇت قىلما ئۆزۈڭ ئۆزۈڭنى ،                                                    شۇنچە قىلسام ئاڭلىمايسەن ياخشى سۆزۈمنى .                                              كەلگۈسىگە نەزەر سېلىپ تىككىن كۆزۈڭنى ،                                                    جېنىم بالام دۇئا قىلاي يىغلاتما مېنى .                                                           ئاخشاملىرى ئۆيگە كەلمەي ئويناپ يۈرىسەن ،                                              ئۇخلىمايمەن ساقلاپ سېنى بەكلا ئەنسىرەپ .                                                  تاڭ ئاتقاندا چۈش بولغۇچە يا قوپالمايسەن ،                                               جېنىم بالام دۇئا قىلاي يىغلاتما مېنى .                                                                ھاراق ، دىسكو سورۇنلىرى بولۇپ قالدى جايىڭ ،                                            ئۆيدە بىر كۈن ساق تۇرۇشقا بارمايدۇ رايىڭ .                                                 مەن قانچىلىك قىينالساممۇ بولمايدۇ كارىڭ ،                                                 جېنىم بالام دۇئا قىلاي يىغلاتما مېنى .                                                              ئاق تاماكا ، خام نەشىگە بولۇپ قالدىڭ خۇمار ،   ھالال پۇلنى ھارام قىلىپ ئوينايسەن قىمار .   شۇنچە قىلسام سۆزۈمگە كىرمىدىڭ زىنھار ،   جېنىم بالام ، «دۇئا قىلاي» يىغلاتما مېنى .                                                           يامانلارغا ھەمدەم بولۇپ ئوغۇرلۇق قىلساڭ ،   شۇ سەۋەبتىن تۈرمىلەردە قىينىلىپ ياتساڭ .   ياخشى قايسى ، يامان قايسى ئويلاپ كۆرمىسەڭ ،   جېنىم بالام دۇئا قىلاي يىغلاتما مېنى .                                                             مىڭ جاپادا خوش-خوش قىلىپ خوتۇن ئېپ بەرسەم ،   كوچا-كويلاردا ياتلار بىلەن لەلەڭشىپ يۈرسەڭ .   خوتۇنۇڭ ئۆيدە زار يىغلايدۇ ئۆيگە كەلمىسەڭ ،   جېنىم بالام دۇئا قىلاي يىغلاتما مېنى .                                                              سەنمۇ بىر كۈن قېرىيسەن پۇشايمان يەيسەن ،   شۇ چاغدا سەن سۆزلىرىمنى پۈتۈن ئەسلەيسەن .   ئەسلىسەڭمۇ ياندۇرۇشقا ئۈلگۈرەلمەيسەن ،   جېنىم بالام دۇئا قىلاي يىغلاتما مېنى .                                                               بىر كۈنى مەنمۇ بۇ دۇنيادىن كېتىپ قالارمەن ،   ئەگەر مەندىن كېيىن قالساڭ قانداق قىلارسەن .   شۇ ئىشلار ئويلاپ سەندىن بەك ئەنسىرەيمەن .   جېنىم بالام دۇئا قىلاي يىغلاتما مېنى .                                                                     ئاپتورى : يېڭىسار ناھىيە ماڭشىن يېزا 13 - كەنت 2 - مەھەللىدىن سادىق مۇھەممەد ئېلى

kahrizat

	ئانىلار ئەجرى بىكاغا كەتمىسۇن ، يامان يولدىن قايتايلى

shadnur

	ئانىلارنىڭ كۆزىدىن ياش ئاقمىسۇن !

uygur姑娘

	ئانا شۇنداق مىھرىبان ئىنسان ، پەرزەنىت ئۈچۈن ئۈزىنى ئاتغان . ئانا بولمىغان كىشى بىلمەس قەدىرىنى ، ئانا بولغاندا بىلسەن ھامان.                 تازا قاملاشمىسمۇ يىزىپ قويدۇم مازاق قىلماڭلار ھە قېرىنداشلىرىم. ئانا ھەقىقەتەن ئۇلۇغ ئىنسان  ئۇلارنى قەدىرلەيلى قېرىنداشلىرىم.

vincent

	‹‹ئانا رازى خۇدا رازى››دەپتىكەن،خۇدايىم بۇيرىسا ياشلىرىمىز چوقۇم ياراملىق ئادەم بولۇپ چىقىپ ئانىنىڭ كۆڭلىنى ئالغۇسى..... ئانىلار بەخىت-سائادەتلىك بولسۇن......تېمىڭىزغا رەھمەت!!!!

turkinaz0992

	ئانىلارنى قەدىرلەيلى !

نۇربىيە

	جەننەت ئانىلارنىڭ  ئاياغ  ئاستىدا ،ئانىلىرىمىزنى قەدىرلەيلى ،،قىرىنداشلار

bananas

	پەرزەنىت يىڭى تۇغۇلغاندا ئاتا-ئانىغا چەكسىز خۇشاللىق بېغىشلايدىكەن ،ئۇلار ئۆزىنىڭ دادا  ، ئانابولغانلىقىدىن پەخىرلىدىكەن ،پەرزەنتىگە بارلىقىنى ئاتايدىكەن . ئۇلار ئەتىرگۈلدەك ياشلىقىنى بىز  بالىلارنى تەربىلەشكە سەرىپ قىلىپ ، بىزگە بارلىقىنى بىغىشلاردىكەن . دوستلار ، ئاتا-ئاناڭلارنى قەدىللەڭلار  ئۇلارنى ھۆرمەتلەيلى  ...________سۆي ،نامرات بولسىمۇ ئۇ سىنىڭ داداڭ . https://uyghur-archive.com/misranim/read.php?tid-3393-fpage-2.shtml