‹‹ناۋايلىرىمىز قالتىسكەن››

hasalharisi

	شىنجاڭنىڭ مىللىي ئالاھىدىلكىككە ئىگە يېمەكلىك مەدەنىيىتىنى تەرەققىي قىلدۇرۇپ، ساياھەتچىلىكنىڭ تەرەققىياتىغا تۈرتكە بۇلۇش ئۈچۈن يېقىندا شايار ناھىيەسى تۇنجى نۆۋەتلىك نان ماركىسىنى باھالاش مۇسابىقىسى ئۆتكۈزدى . مۇسابىقىگە 14 نەپەر ئۇيغۇر ناۋاي قاتناشتى . ئۇلارنىڭ مۇسابىقىگە قاتناشتۇرغان ھەر خىل شەكىل، ھەر خىل خۇرۇچتىكى ئوتۇن نېنى،چوڭ ئاق نان،زاغرا نان،توقاچ،گۆش نان،كۆمەچ،سامسا،ئوبرازلىق نان قاتارلىق 200خىلغا يېقىن نانلىرى باھالىغۇچىلار ۋە كۆرۈرمەنلەرنى جەلپ قىلدى .ئۇلار مۇسابىقىگە قاتناشتۇرۇلغان نانلارنى كۆرۈپ ۋە تېتىپ بېقىپ ئىختىياسىز: ‹‹ناۋايلىرىمىز قالتىسكەن››دەۋەتتى.        بۇلتۇر شاڭخەيدە ئۆتكۈزۈلگەن شاڭخەي دۇنيا يەرمەنكىسىگە ئۆزى ياققان نانلارىنى قاتناشتۇرغان ياش ناۋاي ئۇستام نۇرمەممەت ئەيسا  بۇ قېتىمقى نان مۇسابىقىسىگە خېلى بۇرۇنلار ئوبدان تەييارلىق قىلغان بولۇپ،‹‹گۈزەل شايار››دېگەن خەت چىقىرىلغان ئىگىز مۇنار شەكىللىك نان كۆزگە ئالاھىدە چېلىقىپ تۇراتتى. ئۇ يەنە ناننى قاپاق شەكىل، قۇتا  شەكىل، ھارۋا شەكىل،مىۋە شەكىل، ساز شەكىللىرىدە يېقىپ، ئۇيغۇر ئەل ئىچى ناۋايچىلىقىنىڭ پەلەككە يەتكەن ماھارىتىنى نامايەن  قىلغان ئىدى .ئۇ مۇخبىرغا مۇنداق دىدى: بۇ نان مۇسابىقىسى ئۆتكۈزۈلۈپ بەك ياخشى بولدى، نۇرغۇن ناۋاي ئۇستىلار مۇسابىقىگە قاتنىشىپ ئۆز-ئارا تەجىربە ئالماشتۇردۇق .بىز ماھارىتىمىزنى يەنىمۇ ئۆستۈرۈپ، شىنجاڭنىڭ نان مەدەنىيىتىگە بىر كىشىلىك ھەسسىمىزنى قوشىمىز .       مۇسابىقىدە باھالىغۇچىلار نۇمۇر قۇيۇش ئۆلچىمىگە ئاساسەن، ناۋايلارنىڭ نانلىرىنى رەڭگى، شەكلى، ئەھمىيىتى، سۈپىتى، تەمى، ئۇزۇقلۇق قىممىتى، تازلىق سۈپىتى،بازار ئەھۋالى قاتارلىق جەھەتلەردىن نەق مەيداندا نۇمۇر قۇيۇپ باھالىدى . مۇسابىقىدە 1-،2-،3-دەرىجىگە ئىرىشكەن ئالتە ناۋاي ئۇستىلار ئايرىم ھالدا 2500 يۇەن، 2000 يۇەن ۋە 1500 يۇەن پۇل ۋە تەقدىرنامە بىلەن مۇكاپاتلاندى .بۇ قېتىمقى نان مۇسابىقىسى شاياردىكى ناۋايلار ئۈچۈن زور ئىلھام بولۇپ،ئۇلارنىڭ رىقابەت ئېڭىنى كۈچەيتتى.ئۇيغۇر نان مەدەنىيىتىنى تەرەققىي قىلدۇرۇشقا تېخىمۇ پۇختا ئاساس سېلىندى. مەنبە؛ئۆزۈم (شۇ كۈنى بىر قانچە كىشى فۇتۇ سۆرەتكە تارتىۋاتاتتى.شۇنىڭ ئىچىدە مۇنبەرداشلار بولساڭلار ئېنكاس شەكىلدە يوللاپ قويارسىلەر).

murat001

	3ۋاق  لەغمەن  ياكى  پولو  يىسەك  تاماقتىن  چىقىپقالىمىز ،ئەمما  ناننى  ھەر  كۈنى  يىسەكمۇ  ئۆزىمىزنى ئۇنداق  ھىس  قىلمايمىز ! ئەجداد  كارامىتى

aptuwa

	كۇچادىمۇ ئۆرۈك بايرىمى ئۆتكۈزۈلگەنتى ، لىكىن بۇنى ھىچكىم خەۋەر قىلماپتۇ . ھازىرچە شاياردىكىنى  ئاڭلاپ تۇرايلى . ناۋاي ئۇستاملار قانچىلىك جاپا چەككەندۇ مۇشۇ ئىسسىقتا ؟؟؟؟

Michael

	ئاقسۇ شەھرىدىمۇ ئۆتكەن يەكشەنبە كۈنى ئۆتكۈزۈلدى،ئۆمرۈمدە كۆرۈپ باقمىغان نانلارنى كۆردۈم

yehya

	رەسىمى بولسا يوللاپ قويساڭلار ئۇ نانلارنى يەپ ھوزۇرلىنالمىساقمۇ رەسىمىنى كۆرۈپ ھوزۇرلانساق بولاتتى

hasalharisi

	ئاپتور جاۋابىنى بويلاپ 2قەۋەت  aptuwa كە 2011-06-28 11:42ئەۋەتىلدى  : كۇچادىمۇ ئۆرۈك بايرىمى ئۆتكۈزۈلگەنتى ، لىكىن بۇنى ھىچكىم خەۋەر قىلماپتۇ . ھازىرچە شاياردىكىنى  ئاڭلاپ تۇرايلى . ناۋاي ئۇستاملار قانچىلىك جاپا چەككەندۇ مۇشۇ ئىسسىقتا ؟؟؟؟   بۇ ئۇرۇك بايرىمى ئەھۋالىنى ‹‹تەڭرىتاغ ئۇيغۇر تورى››دا كۆرگەن.

jasmine茉莉

	ناۋايلىقتەك ئاتا مىراس كەسىپ دۇنيادىكى ھەرقايسى كىشىلەر ياخشى كۆرىدۇ~سەپەرگە چىققاندا بولسىمۇ كۆزلىرىمىز شۇ مىھرى ئىسسىق ناۋايلىرىمىزنىڭ دۇككانلىرىنى ئىزدەيدۇ.

ئاھۇ

	بارىكاللا، رەسمىنى بەك كۆرگۈم باتتى......

Orxun

	دۇنيادىكى ئەڭ ئۇلۇغ يېمەكلىك نان(قەدىمكى ئۇيغۇر تىلىدىكىسى ئەتمەك)،سىز بولكىنى قۇرۇق يەپ بېقىڭ،گىلىڭىزغا تۇرۇپ قالىدۇ.ناننى قۇرۇق،سۇ بىلەن،چاي بىلەن،باشقا يېمەكلىك بىلەن يېسىڭىزمۇ بولىۋېرىدۇ.دېمەك نان ئۇيغۇر خەلقنىڭ دۇنيا مەدەنىيەت مىراسلىرىغا ۋە جۇڭخۇا مەدەنىيەت مىراسلىرىغا قوشقان ئۆچمەس تۆھپىسى~~!

harsan

	سۈرەت بىلەن قوشۇپ يوللىغان بولسىڭىز  بۇ تېمىنىڭ جەلىپكارلىقى تېخىمۇ ئاشاركەن.