ئايال ماشىنا ئېگىلىرى دىققەت قىلىشقا تېگى

zulayha

	ئايال ماشىنا ئېگىلىرى دىققەت قىلىشقا تېگىشلىك ئىشلار 1. كۆرسەتكۈچ چىراققا قارىماي، ماتور سېلىندېرىنى قىرىۋېتىش كۆپ قىسىم ئاياللار ماشىنا ھەيدىگەندە، پروبېر تاختىسىغا قاراشنى ياخشى كۆرۈپ كەتمەيدۇ. نۇرغۇنلىرى شۇنچە ئۇزۇن يىل ماشىنا ھەيدەپ تۇرۇقلۇق، سۈرئەت ئۆلچىگۈچ كۆرسىتىش چىرىقىدىن باشقا، تورمۇز چىرىقى، بىخەتەرلىك تاسمىسىنى تاقىمىغانلىق كۆرسەتمە چىرىقى، ئاپتۇل چىرىقى، قول تورمۇز كۆرسەتمە چىرىقى قاتارلىقلارنىڭ نەدە ئىكەنلىگىنى تامامەن بىلىپ كەتمەيدۇ. بىر ئايال باھار بايرىمىدا ئۆيىگە قايتىپ مېڭىپ، يېرىم يولغا كەلگەندە ماشىنىسىنىڭ ئاپتۇلى تۈگەپ قېلىپ، كۆرسەتمە چىراغ يېنىپتۇ. بۇ چىراق يانغاندا ماشىنىنى داۋاملىق ھەيدەشكە بولمايدىغانلىقىنى ئادەتتە ماشىنا ھەيدىگەنلەرنىڭ ھەممىسى بىلىدىكەن، لېكىن بۇ ئايال بۇنى قىلچىمۇ سەزمەي، ماشىنىسىنى داۋاملىق ھەيدەپ، ماشىنا ماتورىنىڭ سېلىندېرىنى ئېغىر ھالدا قىردۇرۇۋېتىپتۇ. كەسپ ئەھلىلىرى شۇنى چۈشەندۈرىدىكى : ئايال ماشىنا ئېگىلىرىنىڭ پېروبېر تاختىسىغا قاراشنى ياخشى كۆرمەسلىكى، ئۇلارنىڭ پروبېر تاختىسىغا قاراشنى مەنىسىز دەپ قاراپ، قىزىقماسلىقىدىن  بولىدىكەن. شۇڭا ئايال ماشىنا ئېگىلىرى پېروبېر تاختىسىنى ئوبرازلىق، قىزىقارلىق، ئاۋازلىق شەكىلدە قىلىپ قۇراشتۇرغاندا، مەسىلە كۆرۈلگەن ھامان قانداق كاشىلا كۆرۈلگەنلىگىنى ۋاقتىدا بايقىيالايدىكەن. لېكىن ئەڭ مۇھىمى چۈشەندۈرىشىنى كۆپرەك ئوقۇپ، ھەرخىل كۆرسەتمە چىراقلارنىڭ ئىقتىدارىنى چۈشىنىۋېلىشى لازىم. 2. ماشىنا ھەيدىگەندە ماشىنا شامالدۇرغۇچىنىڭ توسۇلۇپ قالغانلىقىنى ئۇقماي، رادىئاتورنى ئالماشتۇرۇش. نۇرغۇن ئايال ماشىنا ئېگىلىرىدە ماشىنا ئاسراشتىكى ئاساسىي بىلىملەر كەمچىل بولغاچقا، ئادەتتە باشقىلار قانداق ياسايمىز دىسە، شۇ بويىچە ياسىتىپ، بەزىبىر ئالدامچىلار تەرىپىدىن " چاتىقى بولمىسىمۇ چاتىقى بار دەپ كۆرسىتىش، كىچىك چاتاقنى چوڭ قىلىپ كۆرسىتىش " گە ئۇچرايدۇ. سۇن خانىم مانا مۇشۇنداق ئىشقا دۇچ كەلگەن. ئۇ بىر قېتىم ماشىنىسىنى ھەيدەپ باشقا شەھەرگە ساياھەتكە چىققان، يولدا ماتور رادىئاتورى " قايناپ كېتىپ " ، نىمە ئىشلىكىنى بىلمەي، يېقىن ئەتراپتىكى ماشىنا رىمۇنت قىلىش ئورنىغا ماشىنىسىنى رىمۇنت قىلدۇرۇشقا بەرگەن. رىمۇنتچى رادىئاتورنىڭ بۇزۇلۇپ قالغانلىقىنى، ئالماشتۇرۇش كېرەكلىكىنى ئېيتقان، سۇن خانىم شۇنىڭ بىلەن 300 يۈەن خەجلىگەن. قايتىپ كەلگەندىن كېيىن 4S دۇكىنىدىكى رىمۇنتچىلار بىلەن پىكىر ئالماشتۇرۇپ، ئەسلىدە ماشىنا شامالدۇرغۇچىنىڭ توسۇلۇپ قالغانلىقىنى، ئۆزىنىڭ ماشىنا ھەيدەشنىلا بىلىپ، ماشىنا ئاسراشنى چۈشەنمىگەنلىگى ئۈچۈن ئالدانغانلىقىنى ئاندىن بىلگەن. 3. ماشىنىنى ھەددىدىن تاشقىرى ئالا - چەكمەن قىلىپ بېزىۋېلىش كۆپلىگەن ئايال ماشىنا ئېگىلىرى ماشىنا ئىچىگە نۇرغۇن مويلۇق ئويۇنچۇق، يانفون تەگلىگى قاتارلىقلارنى قويۇۋېلىشقا ئامراق كېلىدۇ. بەزىلىرى ھەتتا پۈتۈن ماشىنا ئىچىنى بىر قېتىم بېزەپ چىقىپ، كىشىنىڭ كۆزىنى ئالا - چەكمەن قىلىۋېتىدۇ. مەسىلەن: ئورۇندۇق، ياستۇق، رول، ئارقىنى كۆرۈش ئەينىكى، خوتلارنى قاپلاش، مۈرىنى ئاسراش كۆپىچىسى، سېلىنچا سېلىش قاتارلىقلار. بىر قىز ماشىنىسىنىڭ خوتى ۋە قول تورمۇزغا تىۋىتلىق قاپ كەيگۈزىۋالغان، ئويلىمىغان يەردىن بىر كۈنى ماشىنىسىنى 3- خوتتىن 4- خوتقا ئالماشتۇرماقچى بولغاندا، تىۋىتلىق قاپ سىلىق بولغاچقا قولى تېيىلىپ كېتىپ، ماشىنىنى ئارقىغا ياندۇرۇش خوتى سېلىنىپ كېتىپ، بىر قاتار ماشىنا ئارقا - ئارقىدىن سوقۇلۇش ھادىسىسى كۆرۈلۈپ، ماشىنىسىمۇ بۇزۇلغان، ئىقتىسادىي جەھەتتىنمۇ زىيان تارتقان.    كەسىپ ئەھلىلىرى شۇنى چۈشەندۈرىدىكى : ماشىنىنى لايىقىدا بېزەپ، موفتا، تورمۇز، رول قېپى، خوت دەستىسى، قول تورمۇز، ئارقىنى كۆرۈش ئەينىكى قاتارلىق مۇھىم قىسىملارنى ئۆزگەرتىپ قۇراشتۇرماسلىق لازىم. ماشىنا ئىچىگە زىيادە كۆپ نەرسىلەرنى قويۇۋالماسلىق، كۆرۈش سىزىقىنى توسۇپ قويماسلىق لازىم. 4. بەدىنىنى رولغا ھەددىدىن زىيادە يېقىن قىلىۋېلىش .يېڭى ئايال شوپۇرلار ماشىنا ھەيدىگەندە، ئورۇندۇقنى ئالدىغا سۈرۈپ، بەدىنىنى رولغا ھەددىدىن زىيادە يېقىن قىلىۋالىدۇ، بۇنداق قىلغاندا ماشىنا ھەيدىگەندە قول ۋە پۇت ئېگىلىپ قېلىپ، قول - پۇت ئەركىن ھەركەتلىنەلمەي، ماشىنا ھەيدەشكە تەسىر يېتىدۇ. تېخىمۇ ئېغىر بولغىنى بەدەن ئالدىغا قانچە يېقىنلاشقانسېرى كۆرۈش بۇلىڭى يوغىناپ، ئىنكاس بارغانسېرى ئاستىلايدۇ. بولۇپمۇ ئىككى ياندىكى ئەھۋاللارنى كۈزىتەلمەي، ئاسان ھادىسە كۆرىلىدۇ. ئۇندىن باشقا، تاسادىبىي ھادىسە كۆرۈلۈپ قالسا، ھەيدىگۈچى تورمۇزغا قىسىلىپ قېلىش ئەھۋالى كۆرۈلىشى مۇمكىن.    5. ئارقىنى كۈزىتىش ئەينىكىنى گىرىم ئەينىكى قىلىۋېلىش بۇنداق قىلغاندا كۆرۈش دائىرىسى توسالغۇغا ئۇچراپ، ئارقا تەرەپنى كۈزەتكىلى بولماي، بىخەتەرلىك يوشۇرۇن ئامىللىرى كېلىپ چىقىدۇ. ئايال ماشىنا ئېگىلىرىگە شۇنى ئەسكەرتىمىزكى: ئوڭ، سول، ئوتتۇرا ئۈچ تەرەپتىكى كۈزىتىش ئەينىكىنى مۇۋاپىق تەڭشەپ، يول يۈرۈش جەريانىدا ھەر ۋاقىت كۈزىتىش ئەينىكىگە قاراپ بېرىشتەك ئادەتنى يېتىلدۈرىۋېلىڭ. گىرىم قىلىشقا توغرا كېلىپ قالسا، ماشىنىنى بىخەتەر يول ياقىسىغا توختۇتۇپ، گىرىم قىلىپ بولغاندىن كېيىن، ئاندىن ماشىنىنى ھەيدەڭ.

atirgul100

	ھەر بىرىمىز چوقۇم بىلىۋىلىشقا تىگىشلىك ئەھمىيەتلىك تىمىدىن بىرنى يوللاپسىز ...‹ مەنمۇ كەلگۈسىدە ماشىنا ئىلىپلا قالسام چوقۇم دىققەت قىلىمەن ›...رەھمەت سىزگە قىرىندىشىم ،ئاللاھ ئەجىرىڭىزنى بەرسۇن .

ubul0998

	ئاياللار كۆپرەك دىققەت قىلسا بولغىدەك.بىلىۋىلىشقە تىگىشلىك ئەھمىيەتلىك تىمىكەن.

篮球美女

	مەن ئادەتتە دىققەت قىلىمەن ... لىكىن راىست گەپنى قىلسام مۇشۇ ماشىنا ھەيدەشكە باشتا شۇنداق قىززىققان ئىدىم ھازىر شۇنداق سويۇپ كەتتىم . لىكىن يۇقاردا سىز دىگەن بۇ نۇقتىغا دىققەت قىلىدىغان ئاياللار ھەقىقەتەنمۇ ئاز . گەپ شۇ ئايالنىڭ خاراكتىرىدە ..... مەن مۇشۇ ماشىنا ھەيدەشنى ئۆگەنگەندە ھەتتا رىمۇنتخانىدا بىر ھەپتە تۇرغان ئىدىم جۇما شاگىرىت تۇرغاندەك . چۈنكى ئاددى رىمۇنىت قىلىش ئۇسۇللىرنى بىلمىگەندە ، يىراق سەپەردە ...نۇرغۇن بىلىم سىزگە ئەسقاتدىغان گەپ . بەزىدە تىخى كىلىۋاتقان ماشىنىلارنى توسۇپ دىگەندەك

qintax

	ئايال كىشى ماشنا ھەيدىسە ماشنىنى ئاسرىمايدۇ، يۇزىدىن يۇغان كۆزئەينەكنى تاقىۋىلىپ ھەيدىسىلا بولمايدۇ ،ئىشقىلىپ  ئايال كىشى ماشنا ھەيدەيمەن دىگۇچە ،ئائىلىنى ياخشى تۇتۇپ ،ئۇيىدىكى كىرئالغۇنى ھەيدىسە بۇلىدۇ.  بىلىپ قىلىشقا تىگىشلىك ئىشلار ئىكەن . رەخمەت سىزگە زۇلەيخا ھەدە.

篮球美女

	بەلكىم دىگىنىڭىز ئورۇنلۇقتۇ .... لىكىن ئەرلەرگە قارىغاندا ئاياللارنىڭ ماشىنىنى بىخەتەر ھەيدەش نىسبىتى يۇقىرى دەپ قارايمەن . ئىش قىلىپ ئەرلەردەك بىرەر رومكا قىقۋىلىپ ماشىنا ھەيدىمەيمىز ............. مۇشۇ گەپ ئۈچۈن يەنە مەن بىلەن سوقۇشۇپ يۈرمەڭ جۇما مۇشۇ دىجورنىلقنى ئەتە ساق - سالامەت ئۆتكۈزۋالغۇچە  بولمسا بىللە تۇرشۇپ بىرىڭ دەپ تېلفۇن چىلىپ يۈرمەي يەنە ............

KURAX.JAN

	زۇلەيخا ھەدەم رېمنۇتچىمۇ نىمە  مەندىنمۇ پىششىق بىلدىكىنا ھى ھى چاقچاق قىزلار ماشىنا ھەيدىسە جىددى تۇرمۇز لاشنىڭ ئورنىغا  ،  ۋوي ئاپام   دەپ توۋلايدۇ  قانداق دىدىم     ۋاسكىتبول  گۇزىلى

篮球美女

	ئىش قىلىپ مەن ئۇنداق قورقۇپ كەتمەيمەنغۇ ھەربىر تورمۇزلىغاندا ۋاي ئانام دەپ تۇرسام ، بىر كۈندە قانچە قىتىم تورمۇزلامەن ئويلاپ بىقىڭە . باشقا خانىم -قىزلار شۇنداق چاقىرشى مۇمكىن ، بىراق مەندە ئۇنداق ئىش يوق .

Aychin

	ماشنا ھەيدەشنىلا بىلىمەن مەن، چاتاق چىقسا بالامنىڭ دادىسىغا دېلو مەلۇم قىلىمەن چوقۇم. ئەمما لىكىن مۇشۇ چاققىچە ماشنا ھەيدەپ چاتاق چىقىرىپ باققان شوپۇر ئەمەس جۇما مەن.

Aychin

	ئاپتور جاۋابىنى بويلاپ 6قەۋەت  KURAX.JAN كە 2011-06-28 04:01ئەۋەتىلدى  : زۇلەيخا ھەدەم رېمنۇتچىمۇ نىمە  مەندىنمۇ پىششىق بىلدىكىنا ھى ھى چاقچاق قىزلار ماشىنا ھەيدىسە جىددى تۇرمۇز لاشنىڭ ئورنىغا  ،  ۋوي ئاپام   دەپ توۋلايدۇ  قانداق دىدىم     ۋاسكىتبول  گۇزىلى         ما قەشقەچىلىكتە ماشنا دېگەننى  قەدەمدە بىر تورمۇزلاپ ماڭىدىغان گەپ، نېمىشقا دىسىڭىز ئىككى چاقلىق ماشىنا ھەيدەيدىغانلارغا يول بېرىمەن دەپ شۇ، ماشىنا ھەيدەۋاتىمەن دېگەندىن كۆرە ماشىنىنىڭ رولىنى تۇتۇپ پىيادە مېڭىۋاتىمەن دېسەكمۇ ھەرگىز ئوشۇق كەتمەيدۇ. شۇڭا تورمۇزلاشتىنن قوقمايمىز جۇما.

dilgiya

	رەھمەت بىلىۋىلىشقا تىگىشلىك ئىشلاركەن،پىراۋىغا تىزىملىتىپ ئىمتىھاندىن ئۆتەلمەيلا ئۆمرۇم زايا كىتىپ بارىدۇ،قانداق قىلسام ئۆتەمەن دەپ كاللام قاپاقتەك بوينۇم ساپاقتەك  بوپ قىلىۋاتىدۇ،قانداق قىلسا ئۆتكىلى بولا بۇ ئىمتىھاندىن زۇلەيخا ؟؟؟؟؟؟مانا مانا ئالاجوقا سۆزلەيدىغان بوپ قاپتىمەن تىخى،،،،زۇلەيخا ماشىنا ھەيدىگەندە دىققەت قىلىدىغان ئىشلارنى دەۋەتسا ،مەن ما يەدە ئىمتىھاندىن قانداق ئۆتىدۇ سەپ سوراپ يۇرىيمىنا توۋا......

xarkyultuzi

	پايدىلىق بىلىملەركەن، رەخمەت! ئاياللار ماشىنا ھەيدىگەندە ماشىنىدىن كاشىلا چىقىپ قالسا ئوڭشاش راسلا بەك بىئەپكەن

aslima~@

	دىمىسمۇ جەمئىيەت تەرەققىياتى ۋە ئىستىمال سەۋىيىسىنىڭ ئۆسۈشىگە ئەگىشىپ ، ھازىر ئائىلىدە بىردىن تۇرمۇش ماشىنىسى بارلار كۆپىيىپ كەتتى . ئايال شوپۇرلارنى قەدەمدە بىر ئۇچرىتىپ تۇرىدىغان بولدۇق . ماشىنا ھەيدەشنىلا بىلىپ ئۇنى ئاسراش ۋە ئاددى بولسىمۇ رىمۇنتنى بىلمەسلىك ھەقىقەتەنمۇ خەتەرلىك ئىش دەپ ئويلايمەن . بولسىغۇ يوقارقى 4-قەۋەتتىكى تورداش دىگەندەك ئايال كىشى ماشىنا ھەيدەيمەن دىمەي ، ئۆيدە ئولتۇرۇپ كىر ئالغۇنى ھەيدىسىمۇ بولاتتى ، بىراق جەمئىيەت تەرەققىياتى ۋە تۇرمۇش ئېھتىياجى ..... ۋە ياكى ..... نۇرغۇن سەۋەپلەر تۈپەيلى بىز ئاياللاردىمۇ ماشىنا ھەيدەشتىن ئىبارەت بۇ دولقۇن ئەۋج ئەپ قالدى . شۇڭا توغرا چۈشىنىشكە بولىدۇ  دەپ قارايمەن .

مەلىكە

	مەن دىققەت قىلىدىكەنمەن، لىكىنزە بەزىدە يۇلدۇشۇم ماشىنىنىڭ ئالدى ئورۇندۇقىدا ئولتۇرۇپ قالسا مىنى شۇنچە تەمتىرتىۋىتىدۇ، خۇددى ماشىنىنى ئۆزى ھەيداۋاتقاندەك، _ ھوي، دىققەت قىلىڭ، سۈرەتنى ئاستىلىتىڭ دەيمەن...ھەي..ھەي...ئارقىڭىزدىن ماشىنا كىلىۋاتىدۇ....ئۇف....شۇڭا بىللە بىريەرگە بىرىپ قالساق ماشىنىنىڭ رولىنى ئىككى قوللاپ يۇلدۇشۇمغا تۇتقۇزۇپ قويىمەن

nasifa

	مەنمۇ شۇنچە يىل بوپتۇ ماشنا ھەيدەۋاتقلى راست گەپ قىلسام مەنمۇ ئۇلارغا ئانچە دىققەت قىلمايدىكەنمەن . تېخى يقىندا ئاكامنىڭ ئايالى ئاپتۇل تۈگەپ كەتسىمۇ بىلمەي ھەيدەۋىرىپ تاس قاپتۇ ماشىنى كاردىن چىقارغىلى .ھىلىمۇ ئاكام بايقاپ قاپتۇ.