ئەتراپىمىزدا مۇنداق كۆرۇنىشلەرمۇ بار

atiwajan

	ھەر كەسپىنىڭ ئۆزىگە چۇشلۇق تەس يەرلىرى بار ، ئوقۇتقۇچىنىڭ قېشىغا بارسا چوقۇم ئوقۇتقۇچى بولماق تەس دەيدۇ ، ساقچىنىڭ قېشىغا بارسا ساقچى بولماق تەس دەيدۇ ،دېھقاننى رۇزى سايىت  شىئېرىدا  دېھقان بولماق تەس دىگەن ، بۇلارنى يىغىنچاقلىساق دۇنيادا ھەممىدىن ياشىماق ، جان كەچۇرمەك بەك تەس ، بۈگۈن سىلەرگە مەن ئۆز كەسپىم يەنى دوختۇرلۇق كەسپىمنى سۆزلىمەكچىمەن ، مەن دوختۇر بولماق تەس دىمەكچى ئەمەس، ئەمما باشقا كەسىپكە ئوخشىمايدىغان بەزى جاپالىق جايلىرىنى بولۇپمۇ يېزا ،نامرات رايۇنلاردا دوختۇرلۇق قىلماق بەكمۇ جاپالىق ، مەسىلەن قايسى بىر كەسىپتە تىللاپ تۇرسا ئوچۇق چىراي ئېچىپ تۇرىدىغان ئىش بار دوختۇرلۇقتا بار ، مۇنداق دەيلى بىر كېسەلنىڭ پۇتى قايرىلىپ كەتتى دوختۇر ئۇنى جايىغا سالماقچى ، قايرىلىپ كەتكەن يەرنى جايىغا سېلىپ بولغىچە بولغان ۋاقىتتىكى ئاغىرىق بەك يامان ، شۇ ۋاقىتتا بەزى بىمارلار ئاغىرىققا چىدىماي دوختۇرنى تىللىىشى ھەتتا ئۇرۇشى مۈمكىن ئەمما بىمار شۇ ھاقارەتلەرگە ، تاياقلارغا چىداپ تۇرۇپ ئۆز ئىشىنى قىلىۋىرىدۇ ، ئەمما ئۇمۇ ئادەمدە ئۇنىڭدىمۇ مۇشتۇمچىلىك يۇرەك بار ئاغرىيدىغان ....... ، يەنە  بىر كىچە ئويقۇسىز قالسا ئادەم بەدىنى قانچىلىك خورايدىغانلىقىنى مەن دىمىسەممۇ ھەمىمىزگە ئايان. توغرا بىر كېچە ئىشلىسە نەچچە كۈن دەم ئالىدۇ ، ئەگەر ماڭا شۇ بىر كىچە ئىشلىمەي نەچچە كۇن كۇندۇزى ئىشلە دىسە مەن ئىككىلەنمەي ماقۇل دەيتىم ، ئەمما دوختۇرغا ئۇنداق تاللاش پۇرسىتى يوق ، ئۇستازىمنىڭ بىر سۇزى ھېلى ھەم يادىمدا ئۇ ماڭا «دوختۇر دىگەننىڭ كىچە -كۇندۇزى ، ھېيىت –بايرىمى ، دەم ئېلىشى بولمايدۇ »دىگەن ئىدى ، بۇنىڭغا مېسال ئالايلى مەن توي قىلمىغان يىگىت ئەمما قىز دوستۇم بار ، مەن بۇگۇن قىز دوستۇم بىلەن كۆرۇشمەكچى كۆرۇشتۇم شۇ شىېرىن مۇڭدىشىۋاتقان مۇھەببەت لەززىتىنى سۇرىۋاتقان ۋاقىتتا بىر تېلىفۇن كېلىپ كېسەل ئۆزگۇرۇپ قالدى دىگەن گەپنى ئاڭلىغان ھامان ھەممىنى تاشلاپ دوختۇرخانىغا يۈگۈرۈشكە توغرا كېلىدۇ ،شۇ سەۋەپتىنمىكىن دوختۇرلارنىڭ  بىرسى بىلەن مۇقۇم يۈرمىكى بەكمۇ تەس ، توي قىلىپ بولغاندىن كېيىمۇ ئوخشاش ئۆيىڭىزگە مۇھىم مېھمانلارنى چاقىردىڭىز ئەگەر شۇ ۋاقىتتا يەنە شۇ تېلىفۇن كەلسە ئۇلارنىڭ رەنجىشلىرىگە قارىماستىن دوختۇرخانىغا يۇگىرەيسىز ، يەنە يېزا دوختۇرخانىلىرىدا كۆپ كۆرىلىدىغان بىر ئىش ، ئەگەر نامرات باققۇچىسىز كېسەل كېلىپ قالسا ئۇنى داۋالىماي كەتكۇزىۋېتىشكە كۆڭلى ئۇنامدۇ كىشىنىڭ شۇنىڭ بىلەن دوختۇر سېستىرالار ئۆز يېنى كوللاشقا توغىرا كېلىدۇ ، ھەتتا ھازىر شۇ خىل ئەھۋاللار كۆپىيىپ قالغاچقا دوختۇرخانا مالىيەسى كۆتۇرۇپ تۇرۇپ بىر ئاي ئىچىدىكى ھەممە ياردەمنى يىغىپ مائاشىمىزغا چاچىدىغان بولدى ، ھەر بىرسىمىز بىر ئاي ئىچىدە ئاز دىگەندە 200ـ300يۇەن كۆپ دىگەندە 400-500يۇەن چىقىرىمىز ، بۇ پۇلغۇ ھازىرقى جەمىيەتتە چوڭ ھېساپلانماس بوپ كەتتى ،ئەمما يېزىلاردا شۇ پۇل بىلەن بىر دېھقان قورۇقماي دوختۇرخانىغا كىلىپ راۋۇرۇس داۋالىنىپ چىقىپ كىتەلەيدۇ ، پارتىيەنىڭ ئىلغار سىياسەتلىرىنىڭ بىرسى بولغان يېزا ھەمكارلىشىپ داۋالاش يولغا قويۇلغاندىن كېيىن دېھقانلارنىڭ يۈكى يىنىكلەشتى ، 300يۇەن بولسا بىز چوقۇم شۇ بىمارنى ياخشى داۋالاپ چىقىرىمىز .ئەمما دوسلار ئويلاپ كۆرۇڭلار شۇ 300يۇەن پۇلنىمۇ چىقىرىلمايدىغان دېھقانلىرىمىز نۇرغۇن تۆۋەندە مەن سىلەرگە ئادەمنىڭ ئىچىنى ئىزىدىغان شۇ ھالەتلەرنىڭ رەسىمىنى سۇنماقچىمەن . مانا بۇ كىشى ئۆزى يالغۇز ھېچقانداق باققۇچىسى يوق ، بۇ كىشى ياشقا چوڭ بولغانلىقتىن ھەم كېسەلجان بوپ قالغان ھەم ئۆز ھاجىتىدىن چىقالمىغان شۇڭا قوشنىسى بۇ كىشىنى ئۆز ئۆيىگە ئەكىرىپ باققان ، ئامما بۇ كىشىنى داۋالىتىشقا بۇ قوشنىسىنىڭمۇ قۇربى يەتمىگەن، دوختۇرخانا رەھبەرلىكى بۇ كىشدىن ھال سوراش بىر كۆرۇنۇش دوختۇرخانا رەھبەرلىكى بۇ كىشىدىن ھال سوراشتىن بىر كۆرۇنۇش دوختۇرخانا رەھبەرلىكى بۇ كىشىدىن ھال سوراشتىن بىر كۆرۇنۇش ياشىماق نىمانچە تەس ھە.... قاراڭ بۇ ئۆيلەردە ئادەم ئولتۇرغىلى بولغۇدەكمۇ ؟ بۇ كىشىمۇ ھېچنىمىسى يوق يەككە يىگانە بەكلا نامرات ، ئەمما ياشقا چوڭ كېسەلجان ، بۇ كىشى ئۆز ئۆيىدە ئەممە قولۇم  قوشنىلىرى تاماق ئەكىرىپ بەرمىسە ئاچ قالىدۇ ، ئۆيىدە ئۇن قاتارلىقلار بولسىمۇ تاماق ئىتىش ئىقتىدارى يوق . ئۇ كىشىنىڭ ئىشىك ئالدى ، بۇ كىشىگە ھۆكىمەت ئىككى ئېغىز يەر تەۋرەشكە چىداملىق ئۆي سېلىپ بەرگەن بۇ كىشىنىڭ ھويلىسىنىڭ كۆرۇنۇشى بۇ كىشىنىڭ ھويلىسىنىڭ كۆرۇنۇشى دوختۇرخانا رەھبەرلىرى بۇ كىشدىن ھال سورىماقتا بۇ كىشىنىڭ ھويلىسىنىڭ كۆرۇنۇشى بۇ كىشىنىڭ ھويلىسىنىڭ كۆرۇنۇشى تەئەجۇپ كۆزلەر تەلمۇرمەكتتە بۇ كىشى يېقىلىپ چۇشۇپ ، باش قىسىمى يارلانغان ، باش قىسىمىڭ تىرىسى شىلىنىپ كەتكەن بولسىمۇ مىڭىسى ساق بولغاچقا دوختۇرخانىغا ئۆزى مېىڭىپ كەلگەن ،ئەمما يېشى 70ياشتىن ئاشقان قاتتىق نامرات ، بۇ كىشىگە دوختۇرخانىمىز ۋە ئىشچى-خىزمەتچىلەر ئىقتىزاد چىقىرىپ داۋالاش ئارقىلىق ساقايدى .   دوسلار كۆردىڭلامۇ ؟ بەلكىم بەزى تۇرداشلىرىمىز بۇنداق مەنزىرلەرنى كۆرۇپ باقمىغان بولىشى مۇمكىن ،ئەمما مۇشۇ خىلدىكى ئەھۋاللار ئاچ يالىڭاچ قېلىۋاتقانلار ھېلىھەم بار ، بۇ تىمام ئارقىلىق ئەتراپىمىزدىكى بەتخەج كىشىلىرىمىزنى سەل يولىغا كىرگۇزەلىسەم ھاردۇقۇم چىقار ئىدى ، تۆۋەندە مەن سىلەرگە ھەمكارلىشىپ داۋالاشنى كۆيلەپ يازغان شىئېرىمنى سۇنماقچى : تۈزۈم كەلدى يۇقىردىن، غەم يېمەيمىز ئوكۇلدىن، داۋالانغاچ ۋاقتىدا، قۇتۇلدۇق بىز چوقۇردىن. بولغاچ ياخشى داۋالاش ، تۈگەپ كەتتى ۋاي-ۋايلاش ئەسلى بۇنىڭ ئەلچىسى، ھەمكارلىشىپ داۋالاش. تۆلەپ قويساق بىز ئون كوي، سېتىلمايدۇ پاقلان قوي، تەن ساق بولسا ئادەمگە، ئۆي-ئۆيلەردە يۈزمىڭ توي. دوختۇر دىگەن پەرىشتە ، ئىسمى ئونىڭ ئەرىشتە، ئاغرىپ قالسا ناۋادا، كېچە –كۈندۇز پەرۋىشتە. بىرسى دورا تەڭلىگەن بىرسى ئوكۇل تەڭشىگەن، ساقايغۇچە كېسىلىنىڭ ، تاماق يېمەي غەم يېگەن . بىرسى تومۇر تۇتىدۇ، بىرسى پۇت- قول تۇتىدۇ، بىرسى يۈرەك تەكشۇرسە ، بىرسى كۆڭۇل ئۇتىدۇ. دوختۇرخانا ئۆيلىرى ، پاكىز ئېكەن ھەم يورۇق، ياخشى بولغاچ مۇھىتى، ساقىيىسەن توپ-تولۇق. باھار كەلدى دېھقانغا ، يەتكەچ ۋەسلى ئارمانغا، كىم ھەشقاللا ئېيتمىسۇن ، بۇ بەختىيار زامانغا. جەمىيىتىمىزدە يەنە خەيرى ساخاۋەتنى ، ئىنسانپەرۋەرلىكنى ئۇنۇتمىغان بىر تۈركۇم كىشىلىرىمىز بار ، بۇنىڭ سەھىيە سېستىمىسغا ئەڭ چوڭ ياردەملەرنى قىلىۋاتقىنى شاڭگاڭ «جىياداۋلى» خەيرى ساخاۋەت جەمىيىتى بولۇپ ، بۇ جەمىيەتنى شاڭگاڭدىكى ۋە باشقا جايلاردىكى ساخاۋەتچى بايلار قۇرغان بولۇپ بۇ ساخاۋەت جەمىيىتنىڭ قىلىپ بىرىدىغىنى نامرات چەت رايۇنلارنىڭ دوختۇرخانىلىرىنى رىمۇنىت قىلىپ بىرىش ، سايمان -ئۇسكىنە سەپلەپ بىرىش ،دوختۇرلىرىنى تەربىيلەش قاتارلىق مەزمۇنلاردا بولۇپ ، بۇ ساخاۋەت جەمىيىتى شىنجاڭغا بولۇپمۇ خوتەنگە بەك كۆپ مەبلەخ سالدى ، بۇ ساخاۋەت جەمىيىتىگە كۆپ رەھمەت ئېيتىشقاا تىگىشلىك . ھەمىمىزگە يىتىپ كەلگەچ جىيادالى ، تۇگەپ كەتتى تۇرمۇشتىكى نوقسانلار. ساغلاملىقنىڭ ئەلچىسە دەپ توختىماي، جىياداۋلىغا قوشاق قاتتى دېھقانلار . ۋېيسىڭيۇۋەنگە سېلىپ بەردى ئىمارەت، ئۇسكىنىمۇ ئېلىپ بەردى ئايىماي. ياردىمىدە جىياداۋلىنىڭ بىزلەرمۇ ، ئىلھاملىنىپ ئىشلەپ كەتتۇ ئايمۇ-ئاي. خادىملارنىڭ ساپاسىنى ئۆستۇردى، تېخنىكىمۇ يېڭىلاندى دەممۇ-دەم. شۇڭا بىزمۇ جىياداۋلىدىن سۆيىنىپ، شەپقىتىنى ئونۇتمايمىز ھەر قەدەم . ئونۇتمايمىز ياردىمىڭنى بىز ئەسلا، بىزگە قىلدىڭ كۆپلەپ شەپقەت جىياداۋلى. ساغلاملىقنىڭ ئەلچىسىسەن تائەبەت ، دەيمىز شۇڭا ساڭا رەھمەت جىياداۋلى. مەنبە :ئەتىۋاجان قەلىمى ۋە فوتۇسى

muttelib

	ئەڭ ئاخىرقى رەسىمنى ئۆچۈرىۋەتسىڭىز بوپتىكەن،يۈرىكى ئاجىزلار كۆرۈپ قالسا ئايلىنىپ قالغۇدەك.

yutuz

	ھەجەپلا بولۇپ قالدىم. ھەي........................

QIQAK0903

	دوختۇرلارنىڭمۇ جاپاسى يەتكۈچە لىكىن بۇمۇ ئۇلارنىڭ خىزمىتى . دوختۇرلارنى ئۇرۇپ ، تىللايدىغان ئىشلار يوق دىيەرلىك . بەزى مەسئۇلىيەتسىز ، ناچار دوختۇرلارنى ئۇرۇپ تىللىسىمۇ ھەقلىق . مىنىڭ كىچىك ئوغلۇمنىڭ ئوڭ قولىنىڭ كۆرسەتكۈچ بارمىقى يۇرتۇمدىكى ئەڭ چوڭ دوختۇرخانىدىكى ناچار دوختۇرلانىڭ سەۋەبىدىن ، يېرىمى يوق ، بۇ بالامغا ھازىرغىچە روھى بېسىم ئېلىپ كىلىۋاتىدۇ . شۇ بىر تال قولىنى ئىككى يىل ئىچىدە 3قېتىم ئوپىراتسىيە قىلدۇق .      رەسىملەرنى كۆرۈپ بىر قىسمىلا بۇلۇپ قالدىم ، شۇ بىچارىلەرنىڭ  ئىشىنى ئۇلۇغ ئاللاھ ئاسان قىلغاي .

vincent

	شۈكرى......يوقسۇزلۇق ھە!!!يوقسۇزلۇق.............

lalizar0902

	ھەقىقەتەن ئادەمنىڭ ئىچى سېرىلگىدەك رەسىملەر ئىكەن. ھەممە كەسىپنىڭ ئۆزىگە تۇشلۇق جاپاسى، مەسئولىيىتى بار. سىلەر ئادەملەرنىڭ كىسىلىنى داۋالاپ ئۇلارنىڭ جېنىغا جان قوشۇسىلەر، شۇڭا سىلەرنى ئاق خالاتلىق پەرىشتە دەيمىز ئەمەسمۇ؟

.tuz.

	ئېسىل كىشىلەر مىللىتىگە بولغان مۇھەببىتىدىن ھەق سۆلەيدۇ !!!

kugul

	ھەجەب كۆڭلۈم يىرىم بولدى، راس بەتخەجلىك قىلمايلى ! مەن سەل بەتخەجىرەك ئىدىم. خىجىل بۇلۇپ قالدىم.

babur99

	ئاجىزلارنى يۆلىگەن كىشىنى جانابى ئاللا مۇ يۆلەيدۇ. بۇ دوختۇر ئاغىنىمىزنىڭ گەپلىرىدىن ئويلىنىپ قالدىم:شىياڭگاڭدەك يەرلەردىن كېلىپ بىزگە يادەم قىپتۇ.لېكىن بىز ئۆزىمىزچۇ؟ ئۇنداق دېسەم بەزىلەر سەنچۇ ؟قانچىلىكتىڭ دەپ ئۆكتە قوپار...بىز ئادەتتىكى كىشىلەرغۇئالدىمىزغا ئۇچرىغان ئىشۇنداق  ھاجەتمەنلەرگە قۇربىمىزنىڭ يىتىشىچە5-10كوي،50-60كوي بىرەلەيمىز ،لېكىن خوتەننى مىسال ئالساق ھازىر يېڭى بايلار،ئامىتى كەلگەن تاشچىلار ناھايىتى كۆپ،بۇلاردىن قولىدىن كېلىشىچە ساخاۋەت قىلۋاتقانلامۇ ئاز ئەمەس .بىراق   ئاۋۇ جىياداۋلىدەك ساخاۋەتچىلەر جەمئىيىتى قۇرۇپ،چوڭ ئىشلارنى قىلغانلارنى ئاڭلىمىدۇق قارىغاندا پۇل تاپقان بىلەن ئىنساپ بولمىسا بىكاركەن.ئىمانسىز بولسىمۇ ئىنساپ تاپقانلارمۇ ئاز ئەمەسكەن.

turkinaz0992

	كۆڭلۈم بىر قىسما بولۇپ قالدى ....    ھەي يوقسۇزلۇق !....     سەندىن قۇتۇلغىلى بولارمۇ ھە ؟!

zulfay

	دۇنيا مېھىر-مۇھەببەت بىلەن گۈزەلدۇر. ياخشى تېما يوللاپسىز، تەشەككۈر. نادىر تېمىلىرىڭىز مۇنبەردىن ئۈزۈلۈپ قالمىسۇن. قايسى كۈنى بىزنىڭمۇ دوختۇرخانا مۇشۇنداق بىر پائالىيەت ئېلىپ بارغانتى، بەك خۇشال بولغانتىم. يەنە بىر قېتىم خۇشال بولدۇم...

zumrat615

	ئەڭ قاتتىق نەرسە يوقسۇزلۇق دەپ بىكار ئىتمىغان !   ئىچىم ئەجەپ سيرىلدى

ayqihra

	ئىچىم  ئىزىلىپلا كەتتى بۇلارنى كۆرۈپ ، ئەمدى بەتخەجلىكنى ئازقىلىپ ، ئەتراپىمدىكى يوقسۇزلارنىڭ ھالىغىمۇ يىتىپ قۇيسام بۇلغۇدەك ، ..

mahbusman

	ئاۋۇ سۈرەتلەرنى كۆرۈپقۇ ئىچىم ئېچىشىپلا كەتتى،ئەمما بىچارىلەرگە يوقسۇزلۇق يەتمىگەندەك سازايى قىلغىنىمىز ............................... بولدىلا،خاتا ئويلاپ قالغاندىمەن بەلكىم.(ئوڭ قولنىڭ بەرگىننى سول قول تۇيمىسۇن)

oygandostum

	ئىسمى جىسمىغا لايىق (ئالتۇن تاۋاقلىق تىلەمچى) ھەي ئىگىسىزلىك،ھەي يىتىملىك،ھەي شۇ قەدىرى ئۆتۈلگەن تۇپراق،ۋە كەپتەرگە سىموۋۇل قىلىنغان روھ ........................