پۈتكۈل مۇنبەر ئىنكاسسىراپ يىغلايدۇ

derex

	پۈتكۈل مۇنبەر ئىنكاسسىراپ يىغلايدۇ مۇنبەرلەرنى ماگىنىتلىق تاش، دەيدۇ، خۇمار بولدۇڭ، ئەس - يادىڭدىن كەتمەيدۇ. «تېمام يېڭى، ئۇنىڭغا گەپ يەتمەيدۇ» دەپ ئويلايسەن، بىرەر ئىنكاس چۈشتىمۇ؟ پۈتكۈل مۇنبەر ئىنكاسسسىراپ يىغلايدۇ. زېرىككەنلىك باھانەمنى پەش قىلىپ، مۇنبەرلەردىن ئىچ - پۇشقىمنى چىقىرىپ. يوتقىنىمغا كەچتە قىلدىم تەشىرىپ، ئويلىغىنىم يەنە «تېمام بەك غېرىب» قەلەمكەشلەر، ئىنكاس يوق، دەپ قاقشايدۇ. «ھە، بولدىلا. يوللاپ باقاي باشقىغا، ئېرىشەرمەن بىرەر ياخشى باھاغا.» دەپ ئويلايمەن يۈگىرىمەن تېمامغا، بۇ نۆۋەتمۇ سۇ كىرەلمەس سوغامغا. مۇنبەرداشلار، ئىنكاس ياز، دەپ توۋلايدۇ. قاراپ باقسام ھەممە مۇنبەر ئوخشاشكەن، ھەممىسىلا ئىنكاس دەپلا قاقشاركەن. يىپ بازىرى ھەممە جايدا بار ئىكەن، شۇنداقتىمۇ ھېچ كىشىگە ياقماسكەن، يەنە كىملەر، ئىنكاس بەر، دەپ زورلايدۇ. «مىڭ تەشەككۈر، شۇنداق ياخشى يېزىپسىز»، گەپ تاپالماي پەقەت، شۇنداق دېدىڭىز. ئىنكاس سوراپ يۈرمەس ئەمدى، دېسىڭىز، بىراق بۇمۇ قالماس يەنە جاڭجالسىز، مۆتىۋەرلەر، تۈزۈك ئىنكاس ياز، دەيدۇ. بەزەن دەيدۇ «شۇنداق ياخشى تېما بۇ، كۆرۈنمىدى بۇندىن باشقا ئىنكاسمۇ. ھەي، ئەزالار تىرىشىڭلار يەنىمۇ» كاللاڭ قۇرۇق، يازالمايسەن ھېچنىمۇ، بۇ قوللۇرۇم ھېچ ئىنكاسقا كۆنمەيدۇ. قانداق تېما ئىنكاس دېگەن نەچچە بەت، بۇ تېمىغا ئىنكاس يېزىش بىر لەززەت. ھەۋەس قىلىپ ھەممە دەيدۇ «كاساپەت» «ئىنكاسچىغا مەنمۇ قىلاي خۇشامەت» تېمىچىلار شۇ شۇملۇقنى ئويلايدۇ. بىلەلمىدىم، يەنە نېمە دېيىشنى، ئىنكاسسىراپ يۈرسەكمۇ ھەم مەيلىتى. پاخال ئىنكاس زەپ قىينىدى بۇ جاننى، «ئىنكاس» دېسەڭ يازغىن ئېسىل تېمىنى، پۈتكۈل مۇنبەر ئىنكاسسىراپ يىغلايدۇ. تۇنجى يازمام بولغانلىقتىن ئۇنداق ياكى مۇنداق خاتالىقلاردىن خالىي بولالمايمەن. ئەيىبكە بۇيرىمىغايسىزلەر... مەنبە: قەلەم

زامانى

	پۈتكۈل مۇنبەر ئىنكاسسىراپ يىغلايدۇ،     تېتىقسىز تىملار ئېسىل تىملارنى ئىلغايدۇ،    باش قايدا بويۇن قايدا يازغىنى ھەم قايدا، ئېسىلنى تاپالماي يۈركىم باغرىمنى تىلغايدۇ.

avam0507

	ئىنكاس.... ئىنكاس.....

篮球美女

	تىما يوللاپ ھارغانلارغا، ناۋات دەملەپ چاي بىرەي، ئىنكاس يازغان ئاڭلىقلارغا ، يۈرۈكۈمدىن جاي بىرەي . ئىنكاس يازماي قىچىپتىكەن ، سۇندۇرۋاپتۇ پۇتىنى. پۇتى ئەمەس ئىنكاس يازغان، سۇندۇرسىچۇ قولىنى . تىمايوللاپ ئىنكاس يىزىڭلا، مۇرادىمغا مەن يىتەي ، ئەگەر يەنە يازمىساڭلا ، كۆزۈڭلاردىن مەن يۈتەي .

kadiri

	ئىنكاس يېزىڭ دەڭ... يازمىسىمۇ بولامدۇ؟ ئىنكاس يازدىم دەپ بىر قىسىم ئەخلەت ئىنكاسلارنى يازغىچە يازمايلا قويغان ياخشىراققۇ دەيمەن. بىراق، تۇنجى يازمىڭىز ھەقىقەتەن ياخشى يېزىلىپتۇ. بىكار چاغلاردا ئانچە-مۇنچە مۇنبەرلەرنى ئارىلاپ قويىمەن. سىز ئوتتۇرغا قويغان مەسىلە ھەقىقەتەن مەۋجۇت. كۆپۈنچە مۇنبەرلەردە خېلى ياخشى يېزىلغان تېمىلارغىمۇ ھىچقانداق ئىنكاس يېزىلمايدىكەن. بىر قىسىم مۇنبەرلەردە تېما ھەقىدە ئۇنىڭ ئارتۇقچىلىق، كەمچىلىك تەرەپلىرى، ياكى ئاپتۇرغا ئىلھام، مەدەت بېرىلمەي ئەكسىچە قارا تاغلىق، ئاق تاغلىق بولۇپ جىدەل چىقىدىغان ئىشلارمۇ باركەن. مىسرانىمدىمۇ مۇشۇنداق ئىشلار ئەۋج ئالغىلى تۇردى.

sabinur

	يېڭى تىمىڭىز شۇنداق ياخشى شېئىر بىلەن باشلىنىپتۇ.......شۇنداق ياخشى يېزىپسىز... مەنمۇ سىزدەك قاراشتا..نۇرغۇن كىشىلەر  كىرىدىكەن كۆرۈپ قويۇپلا چىكتىدىكەن،بۇغۇمەيلى ..بىراق شۇنداق ياخشى تىمىنى كۆرۈپ كىلىپ ئەمدى ئىنكاس يازاي دەپ تۇرشىغا ..كۆرۈپلا چىكەتكەن ئادەملەرنىڭ بەزىللىرى ياخشى پىكىرلەر ئۇياقتا تۇرسۇن..ھېلىقى قونچاق ئىپادىللىرى بار ،شۇلارنىڭ ئارسىدىن ئادەمنىڭ كۆڭلىنى سوۋتىدىغان ئىپادىلەرنى تاللاپ قويۇپ كۆزىنى يۇمۇپلا ئوتتۇرۋالىدىكەن... بەزىللىرىچۇ تېخى  ........ئىنكاسلىرىنى دىمىسەممۇ بىلىسىلەر...‹‹ۋاي ياخشى يېزىپسىز ،ئوپتان يېزىپسىز،تىرشىڭ...................›› دىگەندەك بىرخىللاگەپ .

derex

	مەقسىتىمنى خاتا ئىپادىلەپ قويغاندەك قىلىمەن. مەن ئىنكاس يېزىڭ دېمەكچى ئەمەس. ئىنكاس، ئىنكاس دەپ زارلاپ كېتىدىغان شۇ كىشىلەرنىڭ ئىدىيىسىنى پەقەتلا چۈشەنمىدىم. ھەممىلا مۇنبەردىكى تەڭدىن تولا ئىنكاس شۇنداق «رەھمەت، ھەشقاللا» دېگەندەك تىرناققا توختىمىغۇدەك ئىنكاسلارغۇ. شۇڭا ئەڭ ئاخىرقى كۇبلىتىمدا «پاخال ئىنكاس يوللىغاندىن، ئىنكاسسىراپ يۈرگەن ياخشى» دېگەن ئىدىيە ئىپادىلەندى دەپ ئويلايمەن. رەھمەت.

gardan

	ئېسل تېمىلار ئازلاپ قالدى مۇنبەردىن، ئىنكاسلارمۇ ئۆرنەك ئالدى تېمىدىن. قەلەمكەشلەر يوقاپ كەتتى نەدىكىن، تاشلىدىمۇيا پايدا چىقماي قەلەمدىن.

TAYQIKIM

	مەيلى ئۇ مۇنبەر ياكى بۇ مۇنبەر بولسۇن. تېما ئىنكاسقا ئەمەس بەلكى  ھەقىقي ۋە چىن بولغان ئىنكاسقا،شۇنداقلا ئىنكاسلارنىڭ سەردارىغا  مۇھتاج. ئىنكاس يازايلى ئىنكاستەك يازايلى يازالمىساق سورۇننى پاخال قىلماي جىم ئولتۇرايلى .