ئەرلىك بايرىقى

derex

	ئەرلىك بايرىقى تەلئەت قادىرى ماڭالمايمەن سەن تاللىغان يوللاردا، ئۆز يولۇم بار گۈزەل، مۈشكۈل ئەبەدىي. قىلغاندىمۇ ھايات ماڭا يۈزسىزلىك، چاغلىغاندەك تۇرۇپ گويا بىر سەبىي. ئۆگەتمىگىن ساختىلىقنى مەي تۇتۇپ، جۇلالىغان قەدەھلەردە ئالدىراپ. ماڭا پەقەت زەررىچە نۇر كۇپايە، تۇرسا ئەرلىك ئۇپىقىدا يالتىراپ. مەن سۆيىمەن ھەقىقەتنى، چىنلىقنى، شۇلا ماڭا شۆھرەت، چەكسىز مۇكاپات. ئۆز تۇغىدا لەپىلدىگەن روھ ئۈچۈن، قالغانلىرى رەڭگى ئۆڭگەن ئىلتىپات. بەخت ئىزدەپ بولمىغايمەن ئاۋارە، مېنىڭ ئۈچۈن ئۆزۈم دېگەن بىر بەخت. تەخت ئىزدەپ بولمىغايمەن ئاۋارە، مەن دېگەن شاھ، ئۆزۈم دېگەن بىر تەخت. قالدىم تولا دۇنيا بىلەن زىتلىشىپ، مەن ئۆزۈمنى سۆيەلىگەچ ئاشۇنداق. گىرۋىكىدە ئەركىنلىكنىڭ، قىسمەتنىڭ، چۈنكى روھىم مېنىڭ ئۈچۈن بىر بايراق.                                  1994- يىل، يانۋار، ئاتۇش. مەنبە: ئاپتورنىڭ «بىز ئىزدىگەن ئوت» ناملىق كىتابىدىن

kahrizat

	مەن ئۉچۉن قىممەتتۇر حايات حاياتتىنىمۇ قىممەت مۇحاببەت ۋە لىكىن كىچىمەن ئىككىلىسىدىن ئازاتلىق ئەركىنلىك ئۉچۅلا پەقەت «فىتۇافى»

0000bahar

	بەخت ئىزدەپ بولمىغايمەن ئاۋارە، LB$#] Z   مېنىڭ ئۈچۈن ئۆزۈم دېگەن بىر بەخت. f@rR2xZoQ   تەخت ئىزدەپ بولمىغايمەن ئاۋارە، 9=TjSRS   مەن دېگەن شاھ، ئۆزۈم دېگەن بىر تەخت. نىمە دىگەن ياخشى مىسرالار.

gunahkilmang

	ياخشى يوللاپسىز ، رەخمەت!