تويۇقسىز كەلگەن تېلېفون

xax2282

	ئىشخانىدا ئىشلەۋاتاتتىم، تۇيۇقسىز يانفونۇم سايراپ توختاپ قالدى ، يانفوننى قولۇمغا ئېلىپ قارىسام ئۇ ئىكەن ، بەك خۇش بولدۇم -دە تېزلا تېلېفون قايتۇردۇم . - ۋەي ! ئەسسالامۇ ئەلەيكۇم ، ياخشىمۇ سەن جانىم ؟ - مەنغۇ ياخشى ئۆزۈڭچۇ  ؟قانداراق تۇردۇڭ؟ -مەن ئاتتەك شاش تۇردۇم جانىم . نېمە ئىش قىلىۋاتىسەن؟ -شۇ ئۆزۈمنىڭ ئىشلىرى بىلەن  . سەنچۇ ؟ نىمە ئىش قىلىۋاتاتتىڭ؟ -مەنمۇ شۇ ئىشخانىدا ئىشلەۋاتقان . -ھە، شۇنداقمۇ؟ ئالدىراشمۇ قانداق ؟ پاراڭلىشاي دېگەن . -سەن ئۈچۈن ئالدىراش بولساممۇ ۋاقىت چىقىرىمەن جېنىم .  ئۇ گەپ قىلماي تۇرۇپ قالدى . -ۋەي ! ئالو  بارمۇ سەن ؟ -مەن بار . -ئەمسە دېمەمسەن گېپىڭنى .  ئۇ بىردەم تۇرغاندىن كىيىن : -مەن توي قىلىدىغان بولدۇم؟ مەن ئۇنى چاقچاق قىلىۋاتىدۇ دەپ: -شۇ ئازقالدى ، ئىشلىرىممۇ تۈگەپ قالدى  بىر ئايغا قالماي مەنمۇ ئاتۇشقا بارىمەن شۇ چاغدا توينىڭ مەسلىھەتىنى قىلىمىز خاتىرجەم بولغىن . دېدىم -ياق ئەتە تويۇم بولىدۇ .   بۇ گەپنى ئاڭلاپ مىڭەمدىن تۈتۈن چىقىپ كەتكەندەك بولدى .  خۇددى بۇ بىر چۈشتەك ھېس قىلىپ : -چاقچاق قىلمىغىنە ، بۇ نىمە دېگىنىڭ ئەمدى ؟ -ئۆيدىكى چوڭلارنىڭ ئورۇنلاشتۇرۇشى بىلەن مەھەللىمىزدىكى تۇققانلارنىڭ ئوغلى بىلەن توي قىلىدىغان بولدۇم بۇ گەپنى ئاڭلىغان چېغىمدا يۈرۈكۈمگە بىرسى پىچاق تىقىپ . قوچۇۋاتقاندەك بىلىنىپ كەتتى . قولۇمدىن تېلفۇننىڭ قانداق چۈشۈپ كەتكەنلىكىنىمۇ بىلمەي قاپتىمەن . ئاران مىڭ تەسلىكتە ئىسىمگە كېلىپ تىلفۇننى قولۇمغا ئالدىم . - سەن نىمە دەۋاتىسەن ؟ مەن سېنىڭ ئالدىڭدا بىر قونچاقما؟ مۇشۇنداق چوڭ ئىشنىمۇ ئەمدى دەمسەن ؟ ئىقككىمىزنىڭ 6 يىللىق مۇھەببىتى نېمىگە ھېساپ ؟ ئىككىمىز يۈرگەن كۈنلەر ، قىلىشقان ۋەدىلەر ، .....  ئاھ ! خۇدا  بۇ نىمە ئىش ئەمدى .  سەن مېنى شۇنچىلىك ياخشى كۆرگەنمىدىڭ ؟ مېنىڭ مۇھەببىتىم ، ئەجرىم بىكار بولدىما ؟ شۇنچە يىل مۇھەببەتلىشىپ سەندىن ئالغان جاۋابىم شۇ بولدىما ؟ ئويلاپ باققىن شۇنچە قەھرىتان قىشتا سەن ئىشتىن چۈشكىچە سېنى ساقلىغانلىرىمنى ، سەن ئۈچۈن ياش تۆككەنلىرىمنى .  ‹‹مەن سېنى سۆيىمەن  ، مەن مەڭگۈ سېنىڭ ›› دېگەن ۋەدىلىرىڭ قېنى ؟ ئاھ! خۇدا . -كەچۈرگىن . بۇ چوڭلارنىڭ ئورۇنلاشتۇرىشى ، چوڭلار شۇنداق دەۋاتسا مەن قانداق قىلىمەن ؟ -چوڭلار ئورۇنلاشتۇرغان بولسا بوپتۇ . ئۇنىڭغىمۇ مەيلى  بىراق ، توينىڭ ھارپا كۈنى ماڭا دەمسەن بۇ گەپنى ياكى بۇرۇن ئەمەس ياكى كىيىن ئەمەس . ھازىرلا بېرىپ كۆرۈشكۈم بار . لېكىن مەن ئىچكىردە   سەن بىلەن توي قىلىمەن دەپ مەدىكارچىلىق قىلىپ پۇل تېپىۋاتىمەن . سەندە يۈرەك بارمۇ ؟   سېنى ھازىرلا ئېلىپ قاچقۇم كېلىۋاتىدۇ . چۈشەندىڭمۇ ؟  كۆزلىرىمدىكى ياش مەڭزىمنى  سىيپاپ ئېقىپ يەرگە چۇشمەكتە ئىدى . ئۇ تېلفۇننى قويىۋېتىپتۇ . نەچچە رەت تىلفۇن قىلدىم  كۆتۈرمىدى ، ئۆيۈگە ئۇردۇم ئالمىدى ، خۇددى جان تالىشىۋاتقان قويدەك نىمە قىلىشىمنى بىلمەي تىپىرلاپ كەتتىم . ئىشخانىدىكى ئىشىمنى تاشلاپ قويۇپ چىقىپ كەتتىم . ئۇدۇل دەريا بويغا كېلىپ خالىيراق يەرنى تېپىپ بىردەم ئولتۇردۇم . ئويلىغانسىرى ئىچىم قايناپ ئاچچىغىم كېلەتتى . دەريا بويىدا ئولتۇرۇپ ،ئۆتكەن كۈنلەردىكى ئەگرى توقاي مۇھەببەت يولىمىز  بىر بىرلەپ كۆز ئالدىمدا خۇددى كىنو لېنتىسىدەك نامايان بولۇشقا باشلىدى . ئۇنىڭ بىلەن تولۇق ئوتتۇرا مەكتەپتە تونۇشقان چاغدىن تارتىپ تا ھازىرغىچە بولغان ئەسلىمىلىرىم  كۆزئالدىمدا قايتىدىن پەيدا بولۇۋاتاتتى .يۈرۈگۈم لەختە-قان ، تاماكىنى كۈچەپ كۈچەپ شورىماقتا مەن . توساتتىنلا كاللامغا بىر خىيال كەلدى ، يەنى ھازىرلا قايتىش . شۇ تەرىقىدە قايتىش ئۈچۈن ئايروپىلان بېلىتى ئىزدەشكە باشلىدىم  . سائەت چۈشتىن كىيىن تۆتتىن ئېشىپتۇ  . ھەي ! بۇ نىمە كۈن ئەمدى . بېلەت ساتىدىغان يەرنىڭ ھەممىسىگە كىردىم ئامال يوق . تۈگىدى دەيدۇ . چۈنكى 7.ئاينىڭ بېشى بولغاچقا ساياھەت مەزگىلى ئىكەن. ئويلىغانسىرى ئىچىم تىتىلداپ توختىمايۋاتاتتى . ئامال قانچە 4 كۈنلۈك بىلەت ئالدىن زاكاز قىلىنىپ بوپتۇ ،. پويزدا بارسام ئاتۇشقا 5 كۈن ئەتراپىدا كېتىدۇ . بەرىبىر كېچىكتىم ،ئامال قانچە ۋاز كېچىش كېرەك . تەقدىر مۇشۇ بولسا كېرەك . بۇكېچە بەكمۇ تەستە تاڭ ئاتتى . كېچىچە ئىچىپتىمەن ،كۆزلىرىم قىپقىزىل ،قاپاقلىرىم ئىششىغان . ھەي!! رەزىل مۇھەببەت  سەن ھەقىقەتەن رەزىل ئىكەنسەن . تۇرمۇش بەكمۇ رەھىمسىز ئىكەن .   بۈگۈنمۇ بەرىبىر بارالمىدىم ، چۈنكى مەن 3000 كىلومېتىر يىراقلىقتا . ساڭا قىلغان شۇنچە كۆپ ئەقىدەمگە مۇشۇنداق جاۋاپقا ئېرىشتىم . كۆپ رەھمەت ساڭا . مەن ئۇنىڭغائاددى قىسقا چۈشىنىشلىك قىلىپ  خەت يېزىشقا باشلىدىم . ئەي!  مەن ئۈچۈن قەدىرلىك بولغان،سۆيۈملۈك ۋاپاسىز يار . تويۇڭغا مۇبارەك بولسۇن ! ساڭا مەڭگۇ بەخت تىلەيمەن !  كېچىدىن بېرى ئۇيقۇم كەلمىدى ،رەسىمىڭ قولۇمدا، باراي دىسەم يول يىراق ، نە ئامال مەندە ؟ كېچىچە ئىككىمىز ئۆتكۈزگەن شېرىن ،بەختلىك ، روماتنىك كۈنلىرىمىز نى ئەسلەپ قالدىم . ئىسىڭدىمۇ تۇنجى تونۇشقان چاغلىرىمىز  ، تولۇق ئوتتۇردا تونۇشقان ئىدۇق ئككىمىز ، شۇنىڭدىن كىيىن دوست بولدۇق ،مۇھەببەتلەشتۇق،مەڭگۈ ئايرىلماسلىققا ۋەدىلەشتۇق . بىراق بۇ نىمىگە ھېساپ بولدى ؟  مەن ئىچكىرگە ماڭىدىغان چاغدا ‹‹سېنى مەڭگۈ كۈتىمەن ›› دېگەن سۆزۈڭ ھېلىمۇ ئىسىمدە ، بەلكىم سىنىڭ يادىڭدىن چىقىپ قالغاندۇ . ئىسىڭدىمۇ بوغازدىكى تاغ باغرىدا دېگەن سۆزلىرىڭ  ئۇ چاغ سەن ماڭا :‹‹ سەندىن ئايرىلسام ئۆلۈۋالىمەن ، مېنى ھەرگىز تاشلىۋەتمىگىن.›› دېگەن ئىدىڭ . مەن سېنى تاشلىمىدىم بەلكىم سەن مېنى دەرت-ئەلەم،ھەسرەت،ئىشقى-پىراق ئازابىغا تاشلاپ كەتتىڭ . كۆزئالدىم قاراڭغۇلاشماقتا . ئىككىمىز ئايلانغان ،يۈرگەن باغچىلار ، قەشقەر ياشلار باغچىسى ، دوڭخۇ كۆلىدە ئوينىغانلىرىمىز ،....  ئىشقىلىپ كۆز ئالدىمدا ھەممە پەيدا بولۇشقا باشلىدى  . ئەمدى بولدى قىلاي . سەن بەختلىك بولساڭ مەن خۇشال . ساڭا مەڭگۈ بەخت ئامەت تىلەيمەن !  ئىككىمىز ئۆتكۈزگەن شېرىن ئەسلىمىلەرنى ئەسلەپ تۇرغىن . ۋىسالىڭغا يىتەلمىگەن دەرتمەن يايرىڭ دىلمۇراتتىن. خەتنى يېزىپ بولۇپ ،ئاتۇشتىكى ئەڭ يېقىن بىر دوستۇمغا بۇ خەتنى فاكىس قىلىپ يوللاپ بەردىم . بىردەستە گۈل ئارىسىغا بۇ خەتنى قىستۇرۇپ ئۇنىڭغا ئەكىرىپ بېرىشىنى ھاۋالە قىلدىم ... مەنبە: ئۆز قەلىمىم

篮球美女

	مەن بۇ ئشىلارنى ئوقۇۋىتىپ تۆت يىل ئىلگىرى بىشىمدىن كەچۈرگەن ئىشلار يەنە كىنو لىنتىسىدەك كۆز ئالدىمدا پەيدا بولۇپ مىنى يەنە ئازاب چىرمىۋالدى . يەنە ئازابلاندىم . ئۇمۇ ئەينى ۋاقىتتا ئۈچ يىللىق مۇھەببەتنى بىر چەتكە قايرىپ قويۇپ ، دادىسىنىڭ ۋەسىيتى بىلەن دادىسىنىڭ ئاغىنىسىنىڭ قىزنى ئالغان ئىدى . مانا ئەمدى مەن كەچۈرگەن شۇ ئازابلىق قىسمەتلەرنى سىزمۇ باشتىن كەچۈرۈپ چىقىپسىز دە قىرىندىشىم . بوپتۇ ئاللاھقا سەۋىر قىلىڭ . قارىغاندا ئاللاھ ئىگەم ئۆزىمىز ياخشى كۆرگەن ئادەملەرنى يىنمىزدىن ئىلىپ كىتىدىغان چىغى ...بۈگۈنمۇ كەيپىياتىم پەقەت ياخشى ئەمەس ئىدى ، سىزنىڭ بۇ قىسمەتلىرىڭىزنى ئوقۇپ يەنە بىئارام بولدۇم ....ھەي مۇھەببەت . [mp3=1]http://lee-yee.com/wp-uploads/the%20day%20you%20left.mp3[/mp3]

zumrat615

	تەقدىردىشىم !!!نىمىدىگەن ئوخشاش مۇھەببەت ، ئوخشاش كۈرۈنۈش !!! غەيرەتلىك بۇلۇڭ ! ياخشى كۈنلەر تىخى ئالدىڭىزدا !!!

tagtux

	تەقدىر شۇنداق ئوخشايدۇ.... ئۇنىڭغا چىن كۆڭلىڭىزدىن بەخىت تىلەڭ..(خىتىڭىزدىمۇ شۇنداق يىزىپسىز)

ataman0

	دۇنيادا ھەقىقى مۇھەببەت يوق ! مەن ئەزەلدىن مۇھەببەتكە ئىشەنمەيمەن( بولۇپمۇ قىز-ئوغوللار ئارسىدىكى)  مۇھەببەت ئۈچۈن ئۇنچىلىك قۇربان بىرىش كەتمەيدۇ . بۇ دۇنيادا ئۇنىڭدىنمۇ ئىسىل مۇھەببەت بار ، ئالىمىز-تىگىمىز دىگەن گەپ شۇ مۇھەببەتلىشۋاتقان ۋاقىتتا ئىككى كىشىگىلام ۋەكىللىك قىلىدۇ ، لىكىن بۇدۇنيادا يالغۇز شۇ ئىككى ئادەملام ياشىمايدۇ . شۇگە بەزىدە قىزبالا ۋاپاسىزلىق قىلدى . بەزىدە يىگىت ۋىژدانسىزلىق قىلدى دىيىش مىنىڭچە ئانچە توغرا سۆز ئەمەس . تەقدىرگە تەن بەرگۈلۈك . تىمىڭىزنىڭ مەزمۇندىن قارسام راس بولغان ۋەقەدەكلام قىلدۇ .

篮球美女

	ئۇ توي قىلىپ كەتتى ئۇ توي قىلىپ كەتتى توي لىباسى ئىچرە قۇش بولۇپ ئۇچۇپ كەتتى. شامال سۆيگەن زىناقلىرىدا پەيدا بولدى چوڭقۇر بىر كۆلچەك. تۆكۈلۈپ كەتتى باھار پەسلىدە ئېچىلغان چېچەك. ئۇ توي قىلىپ كەتتى يوق بولسىمۇ قىلچە رىزاسى. كېرىلمەكتە "ئاجىز"بايۋەتچە ئالقىنىدا "جەسەت "گۈزىلى. قىز سۆيگۈنى نامرات يىگىتنىڭ كۈلبىسىدە پۇرقۇرۇماقتا. كۆيۈپ كەتكەن چىن سۆيگۈ  كۈلى. ئۇ توي قىلىپ كەتتى.. ھەشەمەتلىك قورا ئىچىدە، ئەمدى يوقتى ئۇنىڭ ئۆز ئەركى. سەھرايىدا قالغان كۈلكىسى، قالغان ئەركىن قۇشتەك نەغمىسى. قالغان نۇرغا چىلانغان چىھرى ئىھ ،قالغانتى يەنە پۇلغا گاداي بولسىمۇ مۇھەببەتكە بەك باي يىگىتى. ئۇ ئۇچۇپ كەتتى پۇل-بايلىققا قۇربانلىق قىلىپ ئۇچۇرۇۋەتتى ئاتا-ئانىسى. شۇنداق، باش باھارنىڭ ئىللىق بىر كۈنى، ئەگىز سۈيى ئېقىتىپ كەتتى. دۇنيا تامان يېڭى كۆز ئاچقان مۇھەببەتلىك يۇمران نوتىنى زىنىقىدا چوڭقۇر بىر كۆلچەك، تۆكۈلمەكتە يۇمران بىر چېچەك. كۆرەڭ پۇللار گېدەيگەنسىرى توزىماقتا "چىنلىق"مۇ كۈلدەك

ＡzＧhμЙ

	ئاھ خۇدا! نىمانداق ۋاپازىز قىز ئۇ؟؟؟؟

meihray

	كۆڭلۈڭىزنى يېرىمم قىلماڭ ،ئۇمۇ شۇ تەغدىرنىڭ ئورۇنلاشتۇرلىشى بۇلۇشى مۇكىن ،سىزگىمۇ يەنە ياخشى لايىق چىقىپ قالار. يەنى دىل ئاغىرىقىغا تېپىلماس دورا دېگەندەك سىزنىڭ كۆڭلۈڭىز ھەقىقەت ئاغرۋاتقان بۇلۇشى مۇكىن.يەنى ئايرىلغانغا ئۆلمەيمەن ،ئەقىدەمگە يىغلايمەن دېگەنگە ئوخشاش شۇڭا سەۋىر قىلسىڭىز بۇ كۈنلەرمۇ ئۆتۈپ كېتىدۇ يەنى كېلىپ سىزنىڭ ھاياتىڭىزنىڭ بىر قىسقىغىنە ئەسلىمىسى بۇلۇپ قالىدۇ‹خالاس!

Muslime

	ئادەم ئاتا-ئانىسى ئۆلسىمۇ چىدايدىغۇ.يات بىر كىشىگىمۇ چىداش كىرەك.ۋاقىت ھەممىگە دورا

cahra

	تۇۋا بۇ ھەي بۇلدى گەپ قىلماي بۇلمىسا يىرلىپ كەتكۇدەكمەن

goli

	تەغدىر دىگەن شۇ. ئامال يوق.

musilina

	ئايرىلغانغا ئۆلمەيمەن، ئەقىدەمگە يىغلايمەن. سۆيگىنىدىن ئايرىلىپ قالغانلارنىڭ يۈرەك سۆزىنى ئىپادىلەيدۇ بۇ ناخشا.... بۇ كۈنلەرمۇ ئۆتۈپ كېتىدۇ،ۋاقىت ھەممىنى ئۇنتۇلدۇرىدۇ،سەبرى قىلشى ئەڭ ياخشى چارە... سېنى ھەقىقىي سۆيگەن كىشى،سېنى ئازابلىمايدۇ......

adil2052103

	بۇگۇن مۇنۇ مۇنبەرگە  ساپلا دەتمەنلە يىغىلىپ قاپتۇ  ئايەردە بىرسى ئۈلىۋالىمەن دەپ  كۆڭلۇمنى بىرقىسمىلا قىپقويغان   ئەمدى مايەردە  مۇنۇ قېرىندىشىمىز تۇرۇپتۇ    بۇدىگەن دۇنيا    بۇدىگەن تۇرمۇش  ھەي نېمە دىگىلۇك  ئەمدى  ھەربىرسىمىز  سۆيگۇنىگە  مەنسىنى مەڭگۇ سۆيىمەن ئايرىلمايمەن دىگەن  سۆزنى دىيىشتىن بۇرۇن   مۇنۇ سۆزنى  بىر ئەسلەپ باقسا دىگەن ئۇمۇتتە  ئۇلسۇمۇ    دۇنيادا ھىشقانداق ئاشىق-مەشۇق  مۇرادىغا يىتەلمىگەن  بۇمىنىڭ ئويلىغىنىم  ھەمشەخسى پىكىرىم

kugul

	ئاھ..............پاھ دەپ يالغان مۇھەببەتكە قايغۇرماڭلار بولدى! شۇ مۇھەببىتىڭلارنى ئاللاھ يۇلىغىلا بېغىشلاڭلار!كۆڭلۈڭلارنىڭ ،ئارام تاپمىغىنىنى مەن بىر كۆرەي............