توپچىلىرىمىز ئەركىنلىككە موھتاج (تەۋسىيە)

قەبرە

	توپچىلىرىمىز ئەركىنلىككە مۇھتاج                                                                (مەزكۇر ماقالە پۇتبول مۇنبىرىدىكى تارىمنىڭ ماقالىسى) چېڭدۇ غا قوشۇلغان ئېرشات .. يېقىندىن بۇيان چېڭدۇ كوماندىسى ئېرشات  بىلەن توختاملاشقاندىن كېيىن ، يەنە بىر قانچە شىنجاڭلىق توپچىلار بىلەنمۇ توختام تۇزگىسى باركەن . ئەراپات ۋە  ۋارتار ئەكرەم  قاتارلىقلارغا تەكلىپنامە ئەۋەتكەن . بىراق شىنجاڭ پۇتبول بىرلەشمىسى بۇ بالىلارنى كىلەر يىللىق مەملىكەتلىك تەنھەرىكەت يىغىنىغا قاتنىشىش ئۈچۈن تەربىيلەۋاتىمىز دېگەن بانا بىلەن  ،ئۇ بالىلارنى قويۇپ بەرمىگەن ، ھەم شۇ توپچىلارنىڭ كەسپىي توپچىلىق سالاھىيەت كېنىشكىسىنى بىردەك يىغىۋالغان . داڭقى پۇر كەتكەن كاپىتان پەرھات ، چېڭدۇدا مەشىققا قاتناشماقتا ... [img] ھەر قايسى ساھەنىڭ بىردەك قارشىلىقى ۋە  توپچىلارنىڭ نارازىلىقى تۇپەيلى ،شىنجاڭ پۇتبول بىرلەشمىسى  قەتئىي بولمايدۇ دېگەن گېپىنى ئۆزگەرتىپ تۆۋەندىكى 3 شەرتنى قويۇپتۇ . 1-كىلەر يىللىق مەملىكەتلىك تەنھەرىكەت مۇسابىقىسى باشلانغاندا بىزدىن ئايرىلىپ كەتكەن توپچىلارنىڭ ھەممىسى چوقۇم قايتىپ كېلىپ شىنجاڭغا ۋاكالىتەن مەملىكەتلىك تەنھەرىكەت مۇسابىقىسى پۇتبول تۇرىگە قاتنىشىشى كېرەك .）بۇنىڭغا ئەلۋەتتە بولىدۇ پىكىر يوق     2-ئەگەر كىلەر يىلى شىنجاڭ ب دەرىجىلىك مۇسابىقىگە تېزىملىتىپ قاتنىشىدىغان بولۇپ قالسا قويۇپ بەرگەن توپچىلىرىمىز بىردەك قايتىپ كېلىشى شەرت .   3-مەملىكەتلىك تەنھەرىكەت مۇسابىقىسى تۇگىگەندىن كېيىن ئەگەر شىنجاڭدا بىر كەسپىي پۇتبول كوماندىسى قۇرۇلسا يۇقارقى توپچىلار بىردەك قايتىپ كېلىشى شەرت. ھەرقانداق كوماندا بىزنىڭ مۇشۇ شەرتلىرىمىزنى تولۇق ئورۇنداشقا كاپالەتلىك قىلسا بىز بىر تىيىنمۇ ئالماي توپچىلىرىمىزنى ھەقسىز قويۇپ بېرىمىز . تۆۋەندىكى رەسىمدىكى بالىلار جوڭگو كوماندىسىغا ۋاكالىتەن قازاقىستانغا بېرىپ شاڭخەي 6 دۆلەت ھەمكارلىق كېلىشىمىدىكى دۆلەتلەر ئوينايدىغان تەكلىپ مۇسابىقىسىگە قاتناشقان شىنجاڭ كوماندىسى شۇ . ئاخىرقى نەتىجىسى ، روسسىيەگە ئۇتتۇرۇپ ، قازاقىستان ۋە تاجىكىستان قاتارلىقلارنى كوماندىلىرىنى يېڭىپ 3- لىككە ئېرىشتىغۇ دەيمەن .باشقا دۆلەت كوماندىلىرى 20 ياشلىقلار دۆلەت كوماندىسى . رەسىمدىكىسى مۇكاپات تارقىتىش مۇراسىمى مۇسابىقە باشلىنىشتىن بۇرۇنقى چۈشكەن سۈرەت كوماندا تېنىرى پەرھات (ئوتتۇرىدا) روسىيە، قازاقىستان تېرنىرلىرى بىلەن بىللە.. تاجىكىستاننى 4:2 يەڭگەن ئەزىمەتلەر تۆۋەندىكى بۇ رەسىمدىن 1- سى جوڭگو دۆلەت كوماندىسىنىڭ كىيىمىنى  كىيىۋالغانلارنىڭ ھەممىسى شىنجاڭلىق بولسا بىرخىل ئۆزگىچە تۇرىدىغانلىقىنى ھېس قىلسىڭىز ،2- دىن ئەينى چاغدا 30 نەچچە ئادەمنى يىغىپ قۇرغان شىنجاڭ كوماندىسى مانا ئەمدى نەچچە ئايدىن كېيىنلا 10 نەچچە ئادەم قېپقالغانلىقىنى كۆرەلەيسىز ،نۇرغۇن بالىلار كوماندىدىن ئايرىلىپ باشقا چىقىش يولى ئىزدەشكە كەتكەن ... شىنجاڭ پۇتبول بىرلەشمىسىنىڭ يۇقارقى دەك قىلمىشلىرى ،توپچىلىرىمىزنىڭ ئۇچۇش يولىنى توساپ ، قاناتلىرىنى بوغۇشلاپ قويماقتا ... ئەمدىلا بىخ سۇرگەن شىنجاڭ پۇتبولچىلىقى مانا مۇشۇ پوق قورساق ئەمەلدارلار تەرىپىدىن يەنە بىر قېتىم كىرىزىسقا پاتماقتا . شىنجاڭ كوماندىسى بۇرۇن تەنتەربىيە لاتارىيەسى نامى بىلەن ب دەرىجىلىك بىرلەشمىگە قاتناشقان بولسىمۇ ، ئۇلارنىڭ ئەسلى مەقسىتى مەملىكەتلىك تەنھەرىكەت يىغىنىنىڭ پۇتبول تۇرىدە نەتىجە يارىتىش ئۇچۇن ، ھەرگىزمۇ  ب دەرىجىدىن ئا غا ئۆرلەپ ھەقىقىي كەسىپلەشكەن كوماندا قۇرۇپ شىنجاڭ پۇتبولىنى راۋاجلاندۇرۇش ئەمەس. چۇنكى مەملىكەتلىك تەنھەرىكەت مۇسابىقىسى ھەرقايسى ئۆلكىلەرنىڭ تەنتەربىيە ئەمەلدارلىرىنىڭ خىزمەت سۇپىتىنى باھالايدىغان مۇھىم ئۆتكەل ،بىرەر نەتىجە ياراتسا شۇ ئەمەلدارلار ئۆسىشى ئېنىق .بىر كوماندا قۇرۇپ ئوينايدىغان مۇسابىقە بولمىسا ئەلۋەتتە ياخشى بولمايدۇ ،شۇڭا ب دەرىجە ئوينىغاچ بېلەت كىرىمى قىلغاچ ، كوماندا ئەزالىرىنىڭ ماسلىشىشچانلىقىنى ئاشۇرماقچى بولغان.   شۇڭا ھەر قېتىم يىل بېشىدا ئالدىغا كەلگەننى دەسسەپ  چەيلەپ تۇلپار ئاتتەك چېپىۋاتقان شىنجاڭ  كوماندىسى يىل ئاخىرىدا ھوسۇل ئالىدىغان چاغدا ئارقا ئارقىدىن ئۇتتۇرۇپ ئاغا ئۆرلىيەلمەي قالىدۇ ، ئا دەرىجىگە تىزىمىلىتىش ھەققى يۇقىرى بولۇپ ، شىنجاڭ پۇتبول بىرلەشمىسى كوماندىنى ئاغا ئۆرلىتىش خىيالى ئەسلا يوق . ھەر قېتىم ب دەرىجىلىك كوماندىمىزغا يولداش تىن بىرسى تېرىنىر بولىدۇ ، مۇھىم مۇسابىقىلەردە ياكى مېھمان مەيدانلاردا   يەنە ئارقا سەپكە بىرقانچە پۇت قولى كالامپاي يولداشنى ئاساسلىق قىلىپ چىقىرىپ ئۇتتۇرۇپ قويىدۇ .شۇڭا  قالغان بالىلىرىمىزغا جاپا ۋە ئۇۋال .... ئەمدىلىكتە يۇقارقى 3 شەرتتە سۆزلەنگىنى ، ئەگەر بىر توپچىمىز ئىچكىرىدىكى كۇلۇبلارغا ياراپ توختام تۇزۇپ قالسا ، شىنجاڭ كوماندىسى قۇرۇلۇپ ب غا تىزىملاتسا يەنە قايتىپ كېلىپ شۇ كوماندا ئۈچۈن توپ تېپىشى كېرەككەن . ئويلاپ باقايلى بىر دەرىجىدىن تاشقىرى بىرلەشمىدە توپ تېپىۋاتقان توپچى توختامنى بۇزۇپ ب دەرىجىلىك مۇسابىقە ئوينىشى ئەقىلگە ئۇيغۇنمۇ ،شۇ بالا يېنىپ كىلەي دېگەندىمۇ شۇ كوماندا ئۇنامدۇ ؟ قايسى كوماندا بۇ 3 شەرتكە ماقۇل بولۇپ توپچىلىرىمىز بىلەن توختام تۈزىدۇ ...ب دەرىجىلىك مۇسابىقە ئوينايدىغان بولسا شىنجاڭ دا توپچى كەممۇ ؟ ب دەرىجىلىك بىرلەشمىنى ھەقىقىي ئوينايمەن دېسە شىنجاڭدىن ئەمەس ،  بىر يالغۇز قەشقەر ياكى ئاتۇش شەھىرىدىنلا توپ ئوينايدىغان بالىلار نى يىغىپ راۋۇرۇس تېرنىردىن بىر سى كېلىپ ئوينىسا كاللام بىلەن ھۆددە قىلىمەنكى ئا دەرىجىگە تۇنجى يىلىلا چىقالايدۇ ! بىزدە يەنە نۇرغۇن (بارى) لار بار. دۆلەتنىڭ بەلگىلىمىسىگە ئاساسەن ياش توپچىلار بىر كوماندا بىلەن توختام تۈزمەكچى بولسا چوقۇم شۇ يەرلىك پۇتبولچىلار بىرلەشمىسىنىڭ تەستىقىنى ئېلىشى كېرەك ،يەنە كېلىپ بىزنىڭ توپچىلىرىمىزنىڭ مۇسابىقە قاتنىشىش كەسپىي توپچى كېنىشكىسى بىردەك شىنجاڭ پۇتبولچىلار بىرلەشمىسى تەرىپىدىن يىغىۋېلىنغان . يەنە كېلىپ شىنجاڭ كوماندىسى بىر كەسپىي كوماندا ئەمەس ،شۇڭا توپچىلار بىلەن ھېچقانداق ئەمگەك توختام كېلىشىمى يوق ، شۇ  توپچىلىرىمىز  ھېچقانداق كىرىم قىلماي بىر يىل شىنجاڭ كوماندىسى ئۈچۈن مەشىق قىلىشى كېرەككەن .زادى نىمە ئۈچۈن ؟ نىمىشقا شۇلار باشقا كەسپىي كوماندىلار بىلەن توختام تۇزۇشكە يول قويۇلمايدۇ مېنىڭ شەخسىي قارىشىم شىنجاڭ پۇتبولچىلىقىنى راۋاجلاندۇرۇش ئۈچۈن ،  يۇقارقى شىنجاڭ كوماندىسىغا يىغىۋېلىنغان بالىلار قويۇپ بېرىلىپلا قالماي يەنە سوڭچىڭلىڭ پۇتبول مەكتىپىنى پۇتتۇرگەن بالىلارمۇ شەرتىسز قويۇپ بېرىلىشى(چۇنكى ئۇلار ئۆزى ئۆزى پۇل تۆلەپ ئوقۇيدۇ ئۇ مەكتەپتە بىكارغا ئوقىمايدۇ) ، ئۆزىنىڭ ئەركىنلىگىگە ئۆزى ئىگە بولىشى كېرەك ، ئۇلارنىڭ كەسپىي توپچىلىق كېنىشكىسى قولىغا قايتۇرۇپ بېرىشى كېرەك ، ئۇلار ئۆز تەقدىرىگە ئۆزى ئىگە بولىشى كېرەك ... ئەلۋەتتە شىنجاڭ  پۇتبول بىرلەشمىسىمۇ مەلۇم نەپكە ئېرىشىشى ئىچكىرىدىكى قايسى كوماندا بىزنىڭ بالىلار بىلەن توختام تۇزسە مەلۇم نىسبەتتە شىنجاڭ غا يۆتكىلىش پۇل تۆلىشى ، ياكى شىنجاڭلىق يېڭىدىن چىققان ياشلارنى ئىچكىرىدىكى مۇنتىزىم كەسپىي كوماندىلار بارلىق تاماق ياتاق چىقىمىنى كۆتۇرۇپ بىر قانچە يىل تەربىيلىشى كېرەك. مانا مۇشۇ تەرەققىيات يولىدا ماڭسا، بىڭسى بار توپچىلىرىمىز ئىچكىرىدە بارى ۋە مىرئەخمەتكە ئوخشاش داڭ چىقارسا، دۆلەت كوماندىسغا كىرسە ،  ئاشۇ ئىچكىرىدە توپ تېپىپ كۆزگە كۆرۇنگەن توپچىلىرىمىز نى كۆرگەن ئىچكىرىدىكى ياكى شىنجاڭدىكى چوڭ شىركەت ۋە گۇرۇھلار مەبلەغ چىقىرىپ رەسمىي كەسىپلەشكەن كوماندا قۇرۇشى ئېنىق ، ئۇ چاغدا شىنجاڭدا بىر ئەمەس بىر قانچە كەسىپلەشكەن كوماندا قۇرۇلۇشى بۇ چۈش ئەمەس.... شاڭخەي ھەمكارلىق كېلىشىمى تەكلىپ مۇسابىقىسى 1- مەيدان شاۋكەت توپ ئۇرغان ۋاقىت يەنە بىر توپ!! 5 يۇلتۇزلۇق بايراق ئاستىدىن بىر قانچە كۆرۇنۇش ( بۇ رەسىمدىكىسى ئۆتكۈر، جوڭگو ياشلار كوماندىسىنىڭ كاپىتانى) ئىتتىپاقلىق كۈچ! ھۇررا!!! مەنبە-http://bbs.putbol.cn/ ئالغا ئۇيغۇر پۇتبولچىلىقى!

篮球美女

	راىست ئۇلارغا ئەركىنلىك كېرەكتەك قىلىدۇ . ئۇلار نىمە مەقسەت بىلەن ئۇلارنى توسىۋالغاندۇ دەيمەن .

nurjula

	ھەجەپ كۆڭلۈم يېرىم بولدا! مۇشۇ تالانتىلىق، ئەقىللىق، چەبدەس، ئۇيغۇر توپچى بالىلارنى كۆرسەم شۇنداق پەخىرلىنىپ كېتىمەن! ئۇلارنىڭ ھامان بىر كۈنى تونۇلىشىغا، ئۆزى ئارقىلىق مىللىتىمىزنى تونىتىشىغا ئىشىنىمەن! ياخشى پىكىر- تەكلىپلەرنى ئوتتۇرغا قويۇپسىز، مۇشۇ يوللانمىىڭىزنى مۇناسىۋەتلىك كىشىلەر كۆرگەن بولسا بەكمۇ ياخشى بولاتتى! چەتئەللەردىكى ماھىرلارمۇ ئۆزى خالىغان ياكى ھەسسىلەپ يۇقىرى ھەق بەرگەن كوماندىغا كېتىدىكەنغۇ! ھەم تېخى رولنى تېخىمۇ ياخشى جارى قىلدۇردىكەنغۇ! مىنىڭچە بولغاندا، شۇ توپچى ئۆز رولىنى قەيەردە ياخشى جارى قىلدۇرالىسا شۇ يەرگە بېرىپ توپ تېپىشى توغرا! توختام تۈزىمىگەن، ھەرقانداق ھەق بەرمىگەن شارائىتتا، توپچىلارنى ئۆز ئالىدىغا تۇتۇپ قالىدىغانغا ئۇلارنىڭ ھەققى يوق! شىنجاڭدا پۇتبۇلدا تالانتى بار بالىلار ئازمىتى، ھەر 3 بالىدىن بىرى توپچى بىز ئۇيغۇرلارنىڭ ئىچىدە! شۇڭا شىنجاڭدىكى كوماندىلار تېخىمۇ كۆپ ياش- ئۆسمۇرلەرنى تەربىيەلەشكە ئەھمىيەت بېرىپ، كۆزگە كۆرۈنگەن توپچىلارغا چىقىش پۇرسىتى، داڭ چىقىرىش پۇرسىتى بېرىش كېرەك! ئۆزى تەربىيەلىگەن ياشلار داڭ قازانسا، ئۇلارغىمۇ ياخشى ئەمەسمۇ؟ كېسىپ ئېيتسام، يۇقارقى ئۈچ تۈرلۈك شەرت بەك شەخسىيەتچىلىك بىلەن تۈزۈلگەن شەرت بولۇپ قاپتۇ! ئۇمىتسىزلەنمەڭلار ئەزىمەتلەر! ئاخىرقى غەلبە يەنىلا سىلەرنىڭ!

ئاھۇ

	ئۈمىد زور ئىكەن جۇما، تىرىشىڭىلار ئوغلانلىرىمىز، بىز سىلەرنىڭ ئارقاڭلاردا، سىلەر بىزنىڭ پەخرىمىز، تەپكەن ھەر بىر توپۇڭلاردا ئۇيغۇرنىڭ ئۈمىدى بار

kurkum

	ناھايىتى ياخشى تېمىكەن بىزدىمۇ باشقىلاردەك شارايىت ئەركىنلىك بولسا مارادونادەك توپچىلار چىقاتتى

hanim

	مېنىڭچە ئۇلار شىنجاڭدا تەرەققى قىلسا ياخشى بولاتتى، ئىقتىساد بىر مەسىلە بولدىغۇ ھازىر.

maxal20

	قاناتنى كېرىپ يىراققا ئۇچسۇن!

abdukirim.jan

	راس دەيسىز قاناتنى كىرىپ يىراقا ئۇچسۇن !

tarih1

	جۇڭگۇچە كىشلىك ئەركىنلىك .

ubul0998

	ھەيييييييييييييييييييييييييييييييي ما ئەركىنلىكنى

qakmak007

	ياشا ئەزمەتلەر ...سىلەر بىزنىڭ پەخرىمىز...شىنجاڭ پۇتپولچىلىقى پۈتۈن دۇنياغا تونۇلسۇن...ئاتاڭلارغا بارىكاللا....داۋاملىق تىرىشىڭلار...

janankoqa

	مەن گەپ قىلماي ئاغزىمدىن كىتىپ قالماي يانا ...... تىرشىڭلا ئوغلانلار.....

obama007

	دەھشەت كەن

قەبرە

	غۇلجا ، ئاتۇش ، قەشقەر ، قارماي جايلاردا ھەقىقى ئۇيغۇر توپچىلىرى يىتىشىپ چىقىۋاتىدۇ ، ھەم چىقىدۇ .__________________________

adil201126

	بارى ، مىرئەخمەتلەرنىڭ 19_چىسىلادىكى مۇسابىقىسىنى كۆردۈم،ئىككىلىسىنىڭ ئىپادىسى قالغانلارنىڭكىدىن ياخشى بولدى. چىڭدۇ كوماندىسىمۇ ئۇيغۇر توپچىلارنى سېتىۋاپتۇ_دە،ئەمدى4كوماندىنىڭ مۇسابىقىسىنى كۆرىدىغان بولدۇم.