ئايرىلىش ئالدىدا ...

boraoghli

	ئايرىلىش ئالدىدا .... ( تولۇق ئوتتۇرا ئوقۇش ھاياتىمنى خاتىرلەيمەن! ) يىغلىما دوستلار ، بۈگۈن ئېيتقانغا ناخشا كۆپ تېخى ، مىڭ مۇقام ، نەغمە بىلەن تۈزگەنگە سورۇن كۆپ تېخى . نەۋ قىران لاچىن بولۇپ ئۇچساق سامادا ھۆر كەبى ، تاڭلا ئۆتمەي كۆپ دىدار تاپقانغا كۈنلەر كۆپ تېخى . ھەممىمىز ھەر چوققىغا چىقساق جۇلالاپ نۇر چېچىپ ، كۆكتىكى يۇلتۇز كەبى قىسقانغا كۆزلەر كۆپ تېخى . ئوت بولۇپ يانغان يۈرەكتە ساۋاقداش دوستلار ئۈچۈن ، مىڭ مېھىر - سۆيگۈ بىلەن ئاچقانغا قۇچاق كۆپ تېخى . تەربىيە بەرگەن ماڭا ئۇستاز مۇئەللىم ياخشى قال ، قايغا بارسام سەن ئۈچۈن تىزارغا دەستەم كۆپ تېخى . ئۇنتۇلسۇنمۇ نەچچە يىل بىزگە تۆككەن قان-تەر ، بەدەل ، شۇڭا ھەر قەدەمدە بىر ئەسلەرگە يۈرەك كۆپ تېخى . تاغدىكى قارغاي كەبى تىك تۇر مۇئەللىم بىر ئۆمۈر ، مىڭ دۇئا ، رىزاق بىلەن كۆكلەرگە شاخىڭ كۆپ تېخى . ئېھتىرام ھۆرمەت بىلەن مىڭ مەرتىۋە رەھمەت ساڭا ، مەن كەبى قوشاق تۈزۈپ كۈيلەرگە ئوغلۇڭ كۆپ تېخى . ئايرىلىش ئالدىدا دوستلار قۇت - بەخت بىزلەرگە يار ، بىر كۈنى قۇياش بولۇپ يانسۇن ئۇيغۇر ئوغۇل - قىزى ! مۇنبەردىكى تولۇق ئوتتۇرىدىكى ئۇكىلىرىمغا مۇناسىۋەتلىك يازمىلار مېنى بەكمۇ سۆيۈندۈردى . مېنىڭمۇ تولۇق ئوتتۇرا ھاياتىم بىلەن خۇشلاشقىنىمغا 4 يىلچە بولۇپ قاپتۇ . شۇ چاغلاردا مۇشۇنداق بىر شىئېر يازغىنىم ئېسىمدە ، كەينى دوسكىغا بىر مەزگىل چىقىرىپ قويغان ، ئوقۇش پۈتتۈرۈش سىن تەخسىسىگىمۇ چىقارغان ئىدى ، تېشىمغا چىقارمىغان بىلەن ئىچىمدە كۆپ خۇش بولغان ئىدىم . شۇ چاغدىكى گۈزەل تۇيغۇلىرىمنى كۆپچىلىك بىلەن ئورتاقلاشقۇم كېلىپ قالدى . ھاياتىمدىكى بارلىق مۇئەللىملەرنى چوڭقۇر سېغىنىش ۋە ھۆرمەت بىلەن ياد ئېتىمەن ! رەھمەت سىلەرگە !!!!

sapdil

	بەك ياخشى ياخشى چىقىپتۇ،ئەينى چاغدىكى ھىسياتىڭىز تۇلۇق ئىپادىلىنىپتۇ.

kahrizat

	20يىل ئىلگىركى كۉنلىرىمنى ئەسلەتتىڭىز

QIQAK0903

	تۇلۇقسىزنى پۈتتۈرگەندىكى ساۋاقداشلار يېغىلىشىنى ئەسلەپ قالدىمغۇ مەن .

TOGRAKPADIXASI

	تۇلۇقسىزنى پۈتتۈرۈش ئالدىدىكى ھىسياتىمنى قايتا بىر ئەسلەتكىنىڭىزگە تەشەككۈر.

bendora

	2004-يىلىنى ئۇنتۇپمۇ كەتتىم مەن.

boraogli

	ئىسىمداش بولۇپ قاپتۇق-ھە بۇرادەر،گەرچە بىر ھەرىپ بىلەن پەرىقلەنسەكمۇ،شېئىرىڭىز بەلەن چىقىپتۇ،

~Ｓａｂｉ~

	ياخشى چىقىپتۇ  ، مەنمۇ تولۇقسىزنى پۈتتۈرگەن ۋاقتىمنى ئەسلەتتىڭىز ....