‹‹پالۋان لوڭقىسى››ئەركىن مۇشتلىشىش مۇساب

تارىم

	‹‹ پالۋان لوڭقىسى ›› ئەركىن مۇشتلىشىش مۇسابىقىسى 17 - ئىيۇن ئۈرۈمچىدە باشلىنىدۇ ئۆز مۇخبىرىمىز(تەڭرىتاغ ئۇيغۇر تورى) ئالىمجان ئابدۇراخمان خەۋىرى ، فوتوسى : 13- ئىيۇن چۈشتىن بۇرۇن ، شىنجاڭ پالۋان تەنتەربىيە كۇلۇبى مۇخبىرلار كۈتىۋىلىش يىغىنى ئاچتى . شىنجاڭ تېلىۋىزىيە ئىستانىسى ، شىنجاڭ خەلق رادىيو ئىستانىسى ، شىنجاڭ گېزىتى ، ئۈرۈمچى كەچلىك گېزىتى ، تەڭرىتاغ ئۇيغۇر تورى قاتارلىق ئاخبارات ۋاستىلىرىدىن كەلگەن مۇخبىرلار يىغىنغا قاتناشتى . شىنجاڭ پالۋان تەنتەربىيە كۇلۇبىنىڭ مەسئۇلى ۋە باش مەشقاۋۇلى ئابدۇرەشىدخان ئابدۇلئەھەدنىڭ دېيىشىچە ، تۇنجى نۆۋەتلىك ‹‹ پالۋان لوڭقىسى ›› ئەركىن مۇشتلىشىش مۇسابىقىسى 17 - ئىيۇن  شىنجاڭ پالۋان تەنتەربىيە كۇلۇبىدا ئۆتكۈزۈلىدىكەن . مۇسابىقە ئۈچ كۈن داۋاملىشىدىغان بولۇپ ، شىنجاڭنىڭ ھەرقايسى جايلىرىدىن كەلگەن قارىقاش كوماندىسى ، دولان كوماندىسى ، كۇچا كوماندىسى ، قىران بۈركۈت كوماندىسى ، بىڭتۇەن كوماندىسى قاتارلىق 11 كوماندا بۇ قېتىمقى مۇسابىقىگە قاتنىشىدىكەن . ئىگىلىنىشىچە ، بۇ قېتىمقى مۇسابىقىدە ياش چەلمىسى يوق بولۇپ ، ماھىرلار ئېغىرلىق دەرىجىسى بويىچە 45kg 52kg 56kg 60kg 65kg 70kg 75kg 80kg دىن ئىبارەت 8 دەرىجە بويىچە مۇسابىقىلىشىدىكەن ، شەخىسلەر بويىچە سەككىز ئالتۇن مېدال ،  سەككىز كۆمۈش بېدال تەسىس قېلىنغان بولۇپ ، كوللىكتىپ بويىچە ئالدىنقا ئۈچ كوماندا مۇكاپاتلىنىدىكەن . مۇسابىقە مەيدانى شىنجاڭ تېلېۋىزىيە ئىستانىسىنىڭ قىيپاش ئۇدۇلىدىكى شىنجاڭ پالۋان تەنتەربىيە كۇلۇبىنىڭ ئىككىنچى قەۋىتىدە بولۇپ ، بېلەت باھاسى ئايرىم ئايرىم ھالدا 30 يۈەن ، 50 يۈەن ، 70 يۈەن ، 100 يۈەن ، 120 يۈەن ئىكەن . خەۋەر مەنبەسى:تەڭرىتاغ ئۇيغۇر تورى

uyghar

	گۈللە ئۇيغۇر تەنھەرىكەتچىلىكى

izchilar

	ياش ۋاقتېمنى ئەسلەپ قالدىما پالۋان دىگەن گەپنى ئاڭلاپ

تارىم

	شىنجاڭ ماھارەت تەنھەرىكەت مەكتىۋىدە مەكتەپتاش بولۇپ بىرگە ئوقۇغان،بىر كوماندىدا تۇرۇپ بىرگە مەشق قىلغان كوماندا باشلىقىمىز ئابدۇرەشىدخان ئابدۇلئەھەدنىڭ مەكتەپ پۈتتۈرگەندىن كىيىن پالۋان تەنتەربىيە كۇلۇبىنى قۇرۇپ يوقلۇقتىن بارلىققا كەلتۈرۈپ،كىچىكلىكتىن زورايتىپ ھازىرقى ھالەتكە ئەكەلگىنىدىن ھەممىمىز خۇرسەنبىز،ھەم تۇنجى نۆۋەتلىك ‹‹ پالۋان لوڭقىسى ›› ئەركىن مۇشتلىشىش مۇسابىقىسىنى ئۇيۇشتۇرغىنىدىن خوشالبىز،مۇسابىقىنىڭ ئۇتۇقلۇق-غەلبىلىك ئاياقلىشىشىنى ئۈمىد قىلىمىز... نەچچە قېتىم ئاپتونۇم رايۇن بۇيىچە ئۆتكۈزۈلگەن ئەركىن مۇشتلىشىش مۇسابىقىسىدە بوينىغا مىدال ئاسقان،ھەم 2 يىلدىن بىرى ئاپتۇنۇم رايۇنىمىز ۋە ئىچكىرى ئۆلكىلەردە ئۆتكۈزۈلگەن ‹‹ۋۇلىنفېڭ››ئەركىن مۇشتلىشىش مۇسابىقىسىگە چۈشۈپ چەپدەس،چاققان،كۈچ-تۈڭگۇر ۋە چىدامچانلىق...لىقلىرى بىلەن رەقىپلىرىنى يىڭىپ ياخشى نەتىجە ئالغان ئابدۇرەشىدخاننىڭ بۇندىن كىيىنكى ئىشلىرىغا ئۇتۇق،تىنىگە سالامەتلىك،ئىشلىرىغا ئۇتۇق تىلەيمەن.

dil@wur

	مەنمۇ كىرىپ كۆرمىسەم ....يىنىمدىلا ئىكەن `~~~~~

ئۈمىد

	ماۋۇ خەۋەرنى ئاڭلاپ پۇت-قوللىرىم جىم تۇرالمايۋاتىدۇ دېسە.   ماھىرلارغا ئۇتۇق تىلەيمەن.

adil2052103

	مەن مۇ قاتناشسام بوللامۇ  بىرپۇتلاپ لا يىقىتىۋاتامۇ

تارىم

	ئابدۇرەشىدخان شۇنىڭغا ئوخشاش مۇسابىقىلەرگە يەنە چۈشۈپ قېلىشى مۇمكىن...

omarobul

	ھەي بۇنى  كۆرۈپ  ئۇستازىم ئابدۇرەشىدخان ئابدۇلئەھەد ئەركەش چىن نى  ئەسلەپ  قالدىم  دىسە  ،   مەنمۇ  ئۆز ۋاقتىدا  چىكىنمىگەن بولسام بۇ  مۇسابىقىگە چوقۇم چۈشەتتىم

kahrizat

	ئابدىرشىت پالۋانعا ئامەت تىلەيمەن