ئەدەپ-ئەخلاقتىن تەۋسىيىلەر(جامائەت سورۇنى

karrwan

	سىزگە مەلۇمكى ئادەم ئۆز ھاياتىدا تۇرمۇش، ئۈگىنىش، خىزمەت، سەيلى-ساياھەت قاتارلىقلارنىڭ ئىھتىياجى بىلەن تۈرلۈك جامائەت سورونلىرىغا (ئاممىۋىي سورون)ئىشتىراك ئىتىدۇ، ئۇنىڭ شۇ سورۇندىكى ئەخلاقىنىڭ قانداق بۇلىشى كىشلەرنىڭ ھۆرمىتىگە ئىرىشىش- ئىرىشەلمەسلىكىگە بىۋاستە سەۋەپ بۇلىدۇ. مۇبادا سىز ئۆز ئىش-ھەركىتىڭىز ئارقىلىق ئىززەت -ئابرۇيغا ئىگە بۇلىمەن دىسىڭىز تۈۋەندىكى ئاممىۋىي سورۇن ئەخلاقىغا رىئايە قىلىڭ. 1. جامائەت سورۇنلىرىدا ئۆزىڭىزدىن چوڭلارنىڭ ئالدىغا ئۈتۈپ ياكى تۆرگە چىقىپ ئولتۇرماڭ، چوڭلارنىڭ ئالدىدىن ئۆتمەڭ، ئورنىڭىزنى تېپىپ ئولتۇرۇڭ، چوڭلار تۆرگە تەكلىپ قىلسا چىرايلىقچە تەر قىلىڭ، چوڭلار ئالدىدا پۇتىڭىزنى مىنگەشتۈرۈپ ياكى سۇنۇپ ئولتۇرماڭ. 2. يېنىڭىزدىكىلەر بىلەن كۇسۇرلىشىپ ، قۇلاقنى قۇلاققا يېقىپ پاراڭلاشماڭ، باشقىلار بىلمەيدىغان تىلدا سۆزلەشمەڭ. 3. سورۇنغا كىچىكىپ كەلگەن بولسىڭىز سورۇندىكىلەرگە ئەدەپ بىلەن ئوڭ قۇلىڭىزنى كۆكسىڭىزگە قۇيۇپ ئەسسالامۇ ئەلەيكۇم دەپ سالام بىرىپ كىرىڭ دە ئازادىرەك بىر جاينى تېپىپ ئولتۇرۇڭ، سالام بەرمەي كىرىپ غىپپىدە ئولتۇرىۋالماڭ. بۇنداق قىلسىڭىز ئەدەپسىزلىك بۇلىدۇ. سورۇنغا كىرگەندە باشقىلارنىڭ ئارىسىغا قىستىلىپ كىرىپ ئولتۇرماڭ. 4. ئاممىۋىي سورۇنلاردا تاماكا چەكمەڭ، ئۇدۇل كەلگەن يەرگە تۈكۈرمەڭ، ئادەملەرگە قاراپ كىرىلمەڭ، بۇرنىڭىزنى قاشلىماڭ، چىشىڭىزنى بۇرنىڭىزنى كولىماڭ، چۈشكۈرۈك كەلسە ئەسنەك تۇتسا قۇلىڭىز ياكى قول ياغلىقىڭىز بىلەن ئېغىزىڭىزنى تۇسۇپ تۇسىۋېلىڭ، ئىتىكىڭىز ياكى چاپان، كۆينىكىڭىزنىڭ يېڭى، پىشى بىلەن يۈزىڭىزنى، بۇرنىڭىزنى، ئاغزىڭىزنى سۈرتمەڭ. 5. ئاممىۋىي سورۇنلاردا يۇقىرى ئاۋاز بىلەن باشقىلارنى چاقىرماڭ، قاقاقلاپ كۈلمەڭ، بىراۋنى زورمۇ زور كۈلدۈرمەڭ، باشقىلارغا تىكىلىپ قاراۋەرمەڭ، ئۇنداق قىلسىڭىز باشقىلارنى ئۇيۇلدۇرۇپ قۇيىسىز. 6. ئاممىۋىي سورۇنلاردا مىۋە-چىۋە شۈپۈكلىرىنى، كەمپىت قەغەزلىرىنى قالايمىقان تاشلىماڭ، تازىلىققا ئەھمىيەت بىرىڭ. 7.يىغىن، يىغىلىشلاردا بېشىڭىزنى ساڭگىلىتىپ مۈگدەپ ئولتۇرماڭ، يېنىڭىزدىكىلەر بىلەن پاراڭلىشىپ ئولتۇرۇپ، سۆزلىگۈچىنىڭ ئەمگىكىگە ھۆرمەتسىزلىك قىلماڭ، ئىنتىزامنى ساقلاڭ، تۆت ئەتراپىڭىزغا مەقسەتسىزلا قاراۋارمەڭ. 8. ئاممىۋىي سورۇنلارنىڭ ئەسلىھەلىرىنى ئاسراڭ، باشقىلارنىڭ ئاسرىمايۋاتقانلىغىنى كۆرسىڭىز نىمە كارىم، مىنىڭ ئەمەسقۇ، دىمەي ئۇلارنى چىرايلىقچە تۇسۇڭ، ئاممىۋىي سورۇنلاردا باشقىلارنىڭ يۈرىشىگە پۇتلىكاشاڭ بۇلىدىغان، خېيىم-خەتەر يەتكۈزىدىغان تاش،كىسەك، ئەينەك پارچىسى.... قاتارلىق نەرسىلەر بولسا ئېلىۋىتىڭ. 9. كۇچىلاردا، بازار رەستىلەردە سودا-سېتىق ئۇرۇنلىرىدا مەقسەتسىز توپلىشىۋېلىپ باشقىلارنىڭ بىمالال يۈرىشىگە ۋە سودا -تىجارىتىگە دەخلى يەتكۈزمەڭ. 10. ئەگەر سىز تىياتىر ، كونسېرت، كىنو قاتارلىق سورۇنلارغا بارسىڭىز باشقىلارغا سۇقۇلۇپ كىتىشتىن ، پۇتىغا دەسسىۋېلىشتىن، باشقىلارنى تۇسىۋېلىشتىن ساقلىنىڭ، ئەگەر شۇنداق ئىش يۈز بىرىپ قالسا تەشەببۇسكارلىق بىلەن ئەپۇ سۇراڭ. 11. ئەگەر سىز توي-تۆكۈنلەرگە بارسىڭىز توي ئىگىسى بىلەن تەڭ خۇشاللىنىڭكى بولمىغۇر ئىش - ھەركەتلەر بىلەن توي شاتلىغىنى بۇزماڭ، تويدا باشقىلارنىڭ غەيۋىتىنى قىلماڭ، كەلسە-كەلمەس باھا بەرمەڭ، ئەگەر سىز ئۈلۈم-يىتىم، نەزىرە چىراغ سورۇنلىرىغا بېرىپ قالسىڭىز مەرھۇمنىڭ ئائىلە -تاۋابىئاتلىرىنىڭ دەرت- ئەلىمىگە ئولتۇراقلىشىپ ھازا ئېچىپ ئۆزىڭىزنىڭ قايغۇرغانلىغىڭىزنى بىلدۈرۈڭ، ھىسداشلىق قىلىڭ، قازاغا رىزا، بالاغا سەۋرى قىلىشنى، ئىنساننىڭ ھامىنى بىر كۈنى پانى ئالەمدىن باقى ئالەمگە كىتىدىغانلىغىنى ئېيتىپ تەسەللى بىرىڭ، تۇپراق بېشىدا، نەزىرە-چىراغ سورۇنلىرىدا باشقىلار بىلەن پاراڭلىشىپ تۇرماڭ، چاقچاقلىشىپ كۈلمەڭ، ھازىدارلار بىلەن بىرلىكتە مەرھۇمغا دۇئا ئۇقۇڭ، ھەرگىزمۇ مەرھۇمنىڭ ھايات ۋاقتىدىكى يىتەرسىزلىكلىرىنى ئېغىزىڭىزغا ئالماڭ. 12. ئاممىۋىي سورۇنلاردا باشقىلارغا قۇلىڭىزدىن كىلىشىچە ياردەم قىلىڭ، يەنى ئېغىر يۈك تاقىللىرىنى كۈتۈرۈشۈپ بىرىڭ، جىدەل-ماجرا بولسا ئارىغا چۈشۈپ چىرايلىقچە ئايرىپ قۇيۇڭ، يولدىن ئازغانلار يول سۇرىسا كۆرسىتىپ قۇيۇڭ. داۋامى بار مەنبەسى؛ ئەدەپ-ئەخلاقتىن تەۋسىيىلەر.

kalkvn117117

	بۇ سۆزىڭىز ئورۇنلۇق . لىكن ھازىر بۇلار بىلەن ئانچە ھېسابلىشىپ كەتمەيدىغان بۇلۇپ كەتتى .

tozan

	ھازىرقى دەۋىردە ئەدەب-ئەخلاق مىزانلىرى  ئۈگىنىشىمىز ھەم بالىلىرىمىزغا ئۈگىتىشىمىز ئىنتايىن مۇھىم بولغان  تۈرنىڭ بىرى . خىلى جىق ئەخلاق مىزانلىرىنى ئۈگىنىۋالدىم،رەھمەت سىزگە.

arkin-kuyax

	كۆپ  قىسىملىق  كىنونىڭ  2- ئىكەندە     داۋامى  قاچان پۇتىدۇ...

saharguli

	ھى..ھى..ھى ..كارۋانكام ئىككىمىزنىڭ ئويلىغىنى بىر يەردىن چىقىپتۇدە ،بۇ تېمىنى مەن خېلى بۇرۇنلا يوللاپتىكەنمەن ،قارىسا بۇ بالىلار يەنىلا بەك كەپسىز يۈرگۈدەك ،ياغاچ قۇلاقلارغا قايتا بىر ئەسكەرتىۋېتەي دەپ بۇ جاپاكەش ئاكىمىز يانە يوللاپتۇ . ھەي بالىلار ئەمدى جامائەت سورۇن ئەخلاقىغا قاتتىق رىئايە قىلىڭلار جۇمۇ ، بۇ ئۆزەڭلار ھەم باشقىلار ئۈچۈن قىلىنغان ئەڭ چوڭ ھۆرمەت . /read.php?tid-2117.shtml

karrwan

	ئاپلا... ئەجەپ سىزنىڭ يوللىغان تىمىڭىزنى كۆرمەپتىكەنمەن، كۆرگەن بولسام 2-سىدىن باشلاركەنمە، ئۇشۇق ئاۋارە بولغىچە.سىزنىڭ كۆڭلىڭىزگە ھەرگىز كەلمىسۇن.

sutukbugra

	<< گۈلنىڭ كۆركى  ياپراق بىلەن ، ئادەم كۆركى ئەخلاق  بىلەن >> ئەلشىر نەۋائىي خەمسە دەستانىدىن. ياخشى تېما يوللاپسىز  كارۋان ئەپەندىم ، كۆپ رەھمەت.

mehriban

	دېققەت قىلىشقا تېگىشلىك ئىشلار ئىكەن .....ئەجرىڭڭىزگە كۆپ رەخمەت!!