جياڭ جيېشى ماۋ زېدۇڭنى شىنجاڭ ئۆلكىلىك ھۆك

xopur

	ياپون باسقۇنچىلىرىغا قارشى ئۇرۇش غەلىبە قىلغاندىن كېيىن، دۆلەتنڭ ئۇزۇندىن بېرى تاشلىنىپ قالغان ئىشلىرىغا قايتا تۇتۇش قىلىشقا توغرا كەلدى، پۇقرالار خاتىرجەم تۇرمۇشنى تۆت كۆزى بىلەن كۈتىۋاتاتتى، بۇ ۋاقىتتا جياڭ جيېشى يولداش ماۋ زېدۇڭنى چۇڭچىڭغا تەكلىپ قىلىپ، دۆلەتنىڭ چوڭ ئىشلىرىنى بىللە بېكىتمەكچى بولدى. جياڭ جيېشى يولداش ماۋ زېدۇڭنى بىخەتەرلىكنى كۆزدە تۇتۇپ چۇڭچىڭغا كېلەلمەيدۇ، دەپ ئويلىغان ئىدى، بۇنداق بولغاندا كوممۇنىستىك پارتىيە جامائەت پىكرىدە پاسسىپ ئورۇنغا چۈشۈپ قالاتتى، كۈتۈلمىگەندە يولداش ماۋ زېدۇڭنىڭ ماقۇل بولۇشى جياڭ جيېشىنى تەمتىرىتىپ قويدى. يولداش ماۋ زېدۇڭ چۇڭچىڭغا بارغان كۈنىلا، جياڭ جېشى يىغىن ئېچىپ تاقابىل تۇرۇش چارىلىرى توغرىسىدا مۇنازىرە ئۇيۇشتۇردى. يىغىندا ۋاقىتلىق ئۈچ تۈرلۈك مۇلاھىزە فاڭجېنى بېكىتىلدى: 1- ھۆكۈمەتنىڭ شۇچاغدىكى قانۇن سىستېمىسى سىرتىدا ھۆكۈمەت قۇرۇش مەسىلىسىنى سۆزلىشىشكە بولماسلىق؛ 2- ئايرىم ياكى قىسمەن مەسىلىلەرنى ئەمەس بارلىق مەسىلىلەرنى دەل ۋاقتىدا ھەل قىلىش؛ 3- ھۆكۈمەت ئەمىر-پەرمانلىرى بىلەن ھەربىي بۇيرۇقىنى بىرلىككە كەلتۈرۈشتەك بارلىق مەسىلىلەر مۇھاكىمىدە مەركەزلىك ئورۇنغا قويۇلۇش. كوممۇنىستىك پارتىيە ماۋ زېدۇڭ ئىلگىرى ئالدىن ئوتتۇرىغا قويغان سىياسىي تەشەببۇسلىرى توغرىسىدا قارشى تەرەپكە يول قويدى، جياڭ جيېشىنىڭ رەھبەرلىك ئورنىنى ئېتىراپ قىلىپلا قالماي، گومىنداڭ ھۆكۈمىتىنى ئېتىراپ قىلدى، ھەتتا «بىرلەشمە ھۆكۈمەت» قۇرۇش قارىشىدىن ۋاز كېچىپ «ھۆكۈمەتكە قاتنىشىش»نىلا　تەلەپ قىلدى. ئەلۋەتتە بۇ خىل كۆز قاراش ئىككى يادرولۇق سىياسىي مەسىلىنى ئۆز ئىچىگە ئالاتتى، يەنى ئارمىيىنى دۆلەتلەشتۈرۈش، پارتىيە ئىدارە قىلىشنى ئاخىرلاشتۇرۇش. جياڭ جيېشى بىلەن ماۋ زېدۇڭ ئايرىم سۆھبەت ئۆتكۈزدى، خۇچياۋمۇنىڭ ئەينى چاغدا ئېيتىشىچە، ماۋزېدۇڭ بىلەن جياڭ جيېشى 11 قېتىمدىن كۆپرەك ئۇچراشقان بولۇپ، كۆپىنچە ئاشكارا سورۇنلاردا كۆرۈشكەن، ئەمما ئىككىيلەننىڭ بىر قانچە قېتىملىق سۆھبىتى مەخپىي بولغانىكەن. گومىنداڭ ھۆكۈمىتى ئارمىيە مەسىلىسىدە، كومپارتىيىگە 12 دېۋىزىيە ئارمىيىسىنى ساقلاپ　قېلىشقا يول　قويغان، كومپارتىيە جياڭ جيېشىنىڭ سۆھبەتلىشىشتىكى ھەقىقى مەقسىتى توغرىسىدىكى ئاخباراتقا ئاللىقاچان ئېرىشكەنلىكتىن، ئارمىيە مەسىلىسىدە يەنىمۇ سۆھبەتلەشكەن، جياڭ جېشى ئاخىرى كومپارتىيە ئارمىيىسىنىڭ 16 دېۋىزىيىسىنى ساقلاپ قېلىشقا قوشۇلغان. جياڭ جيېشى ئۆلكىلىك ھۆكۈمەت رەئىسلىكىگىمۇ كوممۇنىستىك پارتىيە تەرەپتىن ۋەزىپىگە قويۇشنى ئوتتۇرىغا قويدى.　ئاخبارات ۋاسىتىلىرى جياڭ جيېشىنىڭ ماۋ زېدۇڭنى ئۆلكە رەئىسى قىلىپ تەيىنلەشكە ھازىرلىق كۆرۈپ قويغانلىقىنى خەۋەر قىلغانىدى. ماۋ زېدۇڭ جياڭ جيېشىنىڭ ئۆزىنى چەت ياقىدىكى شىنجاڭغا ئۆلكە رەئىسى قىلماقچى بولغانلىقىنى ئاڭلىغىنىدا، قانداق ھېسسىياتتا بولغان بولغىيتتى؟ جياڭ جيېشى ئۆزىنىڭ پۈتۈن مەملىكەتتىكى رەھبەرلىك ئورنىنى ئېتىراپ قىلدۇرۇشقا ئۇرۇنغاندىن باشقا، كومپارتىيىگە ئازراقمۇ يول قويمىدى. ئىككى پارتىيىنىڭ كۈرىشى كەسكىنلەشكەن چاغدا، ئامېرىكىنىڭ جۇڭگودىكى باش ئەلچىسى خېرلى ئىككى پارتىيىنىڭ سۆھبەت نەتىجىسىنى ھۆكۈمەتكە دوكلات قىلىش ئۈچۈن ئامېرىكىغا بارماقچى بولدى. خېرلى گومىنداڭ ھۆكۈمىتى بىلەن بىرلەشكەنلىكىنى ئېتىراپ قىلىش ياكى سۆھبەتنىڭ مەغلۇپ بولغانلىقىنى جاكارلاش توغرىسىدا ۋەز ئېيتتى. ماۋ زېدۇڭ خېرلىغا «بىزنىڭ مەيدانىمىز ئىككى پارتىيىنىڭ بىرلەشكەنلىكىنى ئېتىراپ قىلىش ئەمەس، بىز مەغلۇپ بولمايمىز. مەسىلىلەر مۇرەككەپ، چوقۇم سۆھبەتلىشىش زۆرۈر» دېگەن. تەرجىمان: مەرھابا قاسىم http://www.uycnr.com/wh/kg/201012/t20101212_71081.html