1998-يىلى بۈگۈنكى كۈندە، 16-قېتىملىق دۇنيا لوڭقىسى پۇتبۇل مۇسابىقىسىنىڭ ئېچىلىش مۇراسىمى فرانسىيەدە ئۆتكۈزۈلگەن. بۇ قېتىملىق مۇسابىقىگە 32 كوماندا قاتناشقان. ھەل قىلغۇچ مۇسابىقىدە فرانسىيە كوماندىسى بىرازىلىيە كوماندىسى بىلەن مۇسابىقىگە چۈشۈپ، فرانسىيە كوماندىسى 0 گە قارشى 3 نەتىجە بىلەن چېمپىيونلۇققا ئېرىشكەن.
1998-يىلى بۈگۈنكى كۈندە، قازاقىستان پايتەختنى ئاستانىغا يۆتكەش مۇراسىمى ئۆتكۈزگەن. 10 نەچچە دۆلەتنىڭ رەھبەرلىرى پائالىيەتكە قاتناشقان. قازاقىستاننىڭ بۇرۇنقى پايتەختى ئالمۇتا ئىدى. قازاقىستان پىرېزىدېنتى نەزەربايېف مۇنداق دېگەن:قازاقىستان كۆلەم جەھەتتە دۇنيادىكى ئالدىنقى 10 نىڭ ئىچىدە، بىر قانچە ۋاقىت رايونىغا تارقالغان، شۇڭا دۆلەتنىڭ باشقۇرۇش مەركىزى بىلەن جۇغراپىيەلىك مەركەزنى بىرلەشتۈرۈش كېرەك. يېڭى پايتەخت قازاقىستاننىڭ جۇغراپىيەلىك مەركىزى بولۇپلا قالماي، ياۋروپا بىلەن ئاسىيا قىتئەسىنىڭ مەركىزى بولىدۇ.
1991-يىلى بۈگۈنكى كۈندە، جياڭ زېمىن شياڭگاڭ باش سودا جەمئىيىتى بېيجىڭنى زىيارەت قىلىش ئۆمىكىدىكىلەر بىلەن كۆرۈشكەندە: بىر دۆلەتتە ئىككى خىل تۈزۈم ئۇزۇن مۇددەت يولغا قويۇلىدۇ، دەپ تەكىتلىگەن.
1986-يىلى بۈگۈنكى كۈندە، دېڭ شياۋپىڭ ئىقتىسادىي تەرەققىياتقا تەسىر يەتكۈزىۋاتقان مەسىلىنىڭ يېزا ئىگىلىكى مەسىلىسى، بۇنىڭدا ئاساسلىقى ئاشلىق مەسىلىسى، تاشقى پېرىۋوت مەسىلىسى، سىياسىي تۈزۈلمە ئىسلاھاتى مەسىلىسىدىن ئىبارەت ئۈچ مەسىلە ئىكەنلىكىنى ئوتتۇرىغا قويغان.
1973-يىلى بۈگۈنكى كۈندە ماۋزېدۇڭنىڭ لى چىڭلىنغا يازغان جاۋاب خېتى پۈتۈن پارتىيەدە تارقىلىتىلغان. فۇجيەن ئۆلكىسى فۇتيەن ناھىيەسى شەھەر ئەتراپى گوڭشىسى شيالىن باشلانغۇچ مەكتىۋىنىڭ ئوقۇتقۇچىسى لى چىڭلىن ماۋزېدوڭغا خەت يېزىپ، ئۆز پەرزەنتىنىڭ يېزىغا چۈشكەندىن كېيىنكى تۇرمۇشىنىڭ قىيىن ئىكەنلىكىنى ئىنكاس قىلغان. ماۋزېدوڭ 4-ئاينىڭ 25-كۈنى لى چىڭلىنغا جاۋاب خەت يېزىپ، 300 يۈەن ئەۋەتىپ بەرگەن ھەم «پۈتۈن مەملىكىتىمىزدە بۇنداق ئىشلار ناھايىتى كۆپىيىپ كېتىپتۇ، بىر تۇتاش ھەل قىلىڭلار» دەپ كۆرسەتكەن ئىدى. شۇنىڭ بىلەن گوۋۇيۈەن 6-، 7-ئايلارغا مەملىكەتلىك زىيالىي ياشلارنىڭ يېزىغا چۈشۈش خىزمىتى يىغىنى ئاچتى.
1952-يىلى بۈگۈنكى كۈندە، ماۋ زېدۇڭ «تەنتەربىيەنى راۋاجلاندۇرۇپ، ئومۇمخەلقنىڭ تەن ساغلاملىقىنى ئۆستۈرەيلى» ناملىق بېغىشلىمىنى مەملىكەتلىك تەنتەربىيە باش ئىدارىسى قۇرۇلۇشنىڭ ھارپىسىدا يېزىپ بەرگەن.
1929-يىلى بۈگۈنكى كۈندە، ئەنگلىيەدىكى ئاياللار تۇنجى قېتىم كابېنتقا كىرگەن. ئەنگلىيەنىڭ يېڭىدىن سايلانغان ۋەزىرى جېمىس ماكدونالد يېڭىدىن تەيىنلەنگەن كابېنت ئەزالىرىنى تونۇشتۇرغاندا، بىر ئايالنىڭ بارلىقىنى ئېيتقان. بۇ تېخى ئەنگلىيە تارىخىدا تۇنجى قېتىم.
جۇڭگۇ ئۇيغۇر رادىئوسى تورى
http://www.uycnr.com/lssdjt/201106/t20110610_119356.html