ئەرلەر قەدىرلەشكە ئەرزىيدىغان ئايال

QIQAK0903

	ئائىلە بىر ئايال ئۈچۈن ئۇنىڭ ئىلكىدىكى پىلانىتتۇر .ياخشى ئايال ئائىلىسىدە ،ئۆز ئىرىنىڭ يىڭى ھەيكىلىنى تاراشلايدۇ ۋە ئىزگۈ ئارزۇلىرى ئارقىلىق ئاللاھتىن ئۇنىڭغا ئىمان ، مۇۋاپىقىيەت تىلەيدۇ .ئۇنداقتا ياخشى ئايالنىڭ ئۆلچىمىگە قولاق سالايلى .   1- ئادەمنىڭ قەلبىنى چۈشۈنۈشكە ماھىر ئايال .         بۇنداق ئاياللار ئىنتايىن ئېھتىياتچان ، تۈزىتىش ئىقتىدارى كۈچلۈك بۇلۇپ ، ئۇششاق چۈششەك ئىشلىرىڭىزدىن  ئويلىغانلىرىڭىزنى سىزىۋالالايدۇ  . 2- ئاق كۆڭۈل ئايال .    مۇنداق ئايال سىزگە ئىشەنچ ئاتا قىلالايدۇ . سىزنى ھاياتىدىكى ئەڭ قەدىردان ئادىمى دەپ قارايدۇ . ئۇ سىزگىلا ياخشى مۇئامىلە قىلىپ قالماستىن ، يەنە قۇلۇم قوشنىلىرىڭىزغا ، خىزمەتداشلىرىڭىزغىمۇ  ياخشى مۇئامىلە قىلىدۇ .ئۇلارنىڭ ئايالىڭىزنى ماختىغانلىقىدىن سىزنىمۇ ناھايىتى ھۆرمەتلەيدىغانلىقىنى كۆرىۋالغىلى بولىدۇ .   3_ تەبىئى گۈزەل ئايال .   ئۇ گۈلدەك ياسىنىپ ، كىپىنەكتەك ئۇچۇپ يۈرىدىغانلاردىن ئەمەس ،كەيپ ساپالىق تۇرمۇشقا ئىنتىلمەيدۇ ، قۇرۇق ئابروي ۋە بايلىق تالاشمايدۇ ، بىراق ئۆزىنى ياساپ كۆزىڭىزگە يېقىشلىق كۆرىنىشنى بىلىدۇ ،چاكىنا ئەمەس ، ئۇ سىزنى تەبىئى مىجەز خۇلقى ،ساددىلىقى بىلەن خۇشال قىلسا ،ئورۇنلۇق گەپ سۆزلىرى بىلەن ئازادىلىك ھىس قىلدۇرالايدۇ .   4- ئەقىل پاراسەتلىك ، نازاكەتلىك ئايال .    ئۇ ناھايىتى ئەقىللىق بولۇپ ، تۇرمۇشتا ئىگىز پەسنى ، بار يوقنى ، ئاچچىق چۈچۈكنى ،ئائىلە شارائىتىنى ، ئىمكانىيەتلەرنى پەملىيەلەيدۇ .ئەقىلى ھۇشى بىلەن ئىش تۇتۇپ ،كەم كۈتىلەرنى بىر تەرەپ قىلالايدۇ .ئۇ يەنە قىيىن مەسىلىلەرگە يولۇققىنىڭىزدا ئالدىڭىزدا پەيدا بولىدۇ .بۇنداق ئايال پىكىرىڭىزنى ئاچقۇچى ،ئىزچىل تىرىشىپ ئالغا ئىلگىرلىشىڭىزگە ياردەم بەرگۈچى ھەركەتلەندۈرگۈچ كۈچ . ئاياللارغا خاس بولغان ئۆلمەس نازاكەت ، ئەتىراپتىكىلەرگە ھەمىشەم قانائەت بېغىشلاپ كەلگەنلىكى ھەققىدە مىساللار كۆپ .نازاكەت ھەمىشە مىھىر بۇلىقىدىن سۇ ئىچىدۇ .مىھىر بولسا ئۆزىنىڭ ئاياللىقىنى تۇنىغان ،زىممىسىدىكى ۋەزىپە بۇرۇچلارنى شەرەپ دەپ بىلگەنلەردە تىنماس بۇلاقتۇر .   5- ئۆزىگە ئىشىنىدىغان ئۈمۈتۋار ئايال .    بۇنداق ئايال كەڭ قورساق بولىدۇ ،سىزنى سۆيگەنلىكىگە يۈرىكىدىن رازى بولىدۇ .مۇۋاپىقىيەت قازىنالايدىغانلىقىڭىزغا ، جاسارەتلىك ۋە پاراسەتلىكىڭىزگە ئىشىنىدۇ .ئوڭۇشسىزلىقىڭىز بىلەن سىزنى ئۈمۈتسىزلەندۈرۋەتمەيدۇ ،مۇۋاپىقىيىتىڭىزدىن شاتلىنىدۇ ، قىيىنچىلىقىڭىزنى تەڭ كۆتۈرشۈپ  ئالغا ئىلگىرلىشىڭىزگە تۈرتكە بولىدۇ .   6- قەدىر قىممىتىنى ساقلىيالايدىغان ئايال .     بۇنداق ئايال ئۆز ئوبرازىنى پۈتۈن كۈچى بىلەن قوغدايدۇ .بىراق ، سىزنىڭ ئوبرازىڭىزغا قىلچە تەسىر يەتكۈزمەيدۇ .    7_  ئىقتىساتنى باشقۇرالايدىغان ئايال .     بۇنداق ئايال تۇرمۇشتا سىزنى غەمدىن خالاس قىلىدۇ ، قىلىشقا تىگىشلىك ئىشلارنى ئىزچىل مۇۋاپىق ئورۇنلاشتۇرالايدۇ . 8- سۆزگە ئىتىبار بىرىدىغان ئايال .      ئۇلار كىشىلەرنىڭ ئالاھىدىلىكىگە قاراپ مۇڭدۇشۇپ ئولتۇرالايدۇ ،سىز ئۈچۈن ياخشى ئىجتىمائى ئالاقە موھىتى يارىتىپ بىرەلەيدۇ .باشقىلارنى رەنجىتىپ قويمايدۇ ، كىشىلەر ئۇلار بىلەن پاراڭلىشىشنى ياخشى كۆرىدۇ .   9-  ئائىلىدە ئۆزىنى ئەركىن تۇتۇپ ، ئاچچىقىغا ھاي بىرەلەيدىغان ئايال .   بۇنداق ئاياللار ئائىلىدە يولدىشى بىلەن ئارىسىغا سوغۇقچىلىق چۈشسە ،ئېغىر بېسىقلىق بىلەن سۆزلەيدۇ ،قىزىرىشمايدۇ ، چىرايىنى ۋە ئاۋازىنى ئۆزگەرتمەيدۇ ، يولدىشىنىڭ مەرتىۋىسىنى ئۇنۇتمايدۇ ۋە ئۇنى ھۆرمەتلەيدۇ .        مەنبە ؛ شىنجاڭ ئاياللىرى ژورنىلى .    مەن مۇنبەرگە كىرگىلى ئۇزۇن بولمىغاچقا ، بۇرۇن يوللانغان يوللانمىغىنىنى بىلمەيمەن .  يۇقۇرقىدەك ئايال بۇلۇش ئاسان ئەمەس ، لىكىن تىرىشساقلا ئەمەلگە ئاشۇرالايمىز .

گۇۋاھ

	لىكىن بۇنداق ئايال بولۇش بىر جەريان!

lazzat

	ئائىلىلەر ئەر-ئايال ئىككەيلەننىڭ ئۇزاق يىل بوشاشماي تىرىشچانلىق كۆرسەتكەنلىكىنىڭ نەتىنجىسى.ئائىلە مۇناسىۋىتى بارلىق كىشىلىك مۇناسىۋەتلەر ئىچىدە ئەڭ مۇرەككەپ بولىدۇ.ئۇنى ياخشى بىر تەرەپ قىلىمەن دەيدىكەنسىز،چۇقۇم سەۋىرچان بولۇشىڭىز،ھىسسىيات جەھەتتە ئۆزىڭىزنى كونتۇرۇل قىلىشىڭىز كېرەك.ئەلۋەتتە بۇنداق قىلىش تەس.ئەمما تىرىشسىڭىزلا چۇقۇم ياخشى بىر تەرەپ قىلالايسىز.

I+G=Z

	9- ئۈگۈتنى سەل قىلالمايۋاتىمەن ...  ‹ ئەمما ئۆيدىن باشقا جايدا  قىلىمەن...›   باشقا ئۈگۈتلەر مەندە مەلۇم... ^-^

Kikax

	ھەممىسىنى بىرلام يەكۈن  _ مۇستەھكەم ئىمانى بار ئايال .    تۈگىدى .

zulayha

	ئېسىل ھىكمەتلىرىڭىزدىن خۇش بولدۇم . سىزنىڭ تېمىلىرىڭىز تولىمۇ ياخشى چىقىۋاتىدۇ جۇمۇ . قويماي كۆرۈپ كىلىۋاتىمەن . رەھمەت سىزگە.

Sidik44

	يوللىغان تېمىڭىز ئىنتايىن ئورۇنلۇق، ئىنتايىن يوللۇق تېما ئىكەن.  شۇنداق ئاياللارنى ۋە شۇنداق ئاياللار ئۆي تۇتقان ئائىلىنى  تۇرمۇش شارائىتىنىڭ بىر خىللىقى بىلەن تارتۇقلىسۇن خۇدايىم.ئۇيغۇرنىڭ يۇقىرىقىدەك شەرتلەر گە لايىق ئاياللىرى تولا ئىدى، تولا ئىدى.ئاڭلىساق مەدەنىيەت ئىنقىلابى دېگەن دەۋىردە ئەر كىشى ئايالىنىڭ سىياسى مەسىلىسىنى پاش قىلىدىغان،  ئايالى ئېرىنڭ سىياسى مەسىلىسىنى پاش قىلىدىغان بولۇپ كەتكەن ئىكەن. تۇرمۇش شارائىتى داۋاملىق مۈمكىنلىك يارىتىپ بەرسۇن ئىلاھىم ، بۇنداق ئايال ۋە بۇنداق ئائىلىلەرگە!

omarobul

	ئاللاھتىن  ئۆزۈمگە  مۇشۇنداق سۈپەتلەرنى ئۆزىگە مۇجەسسەم قىلغان ئىپپەتلىك نازىنىنلەرنى تىلەيمەن  ،

nuwas

	70 كە كىرگەن ئايال   ئاشۇنداق مىكى

دېھقان

	70كە ئەمەس 30--40 ياشلار ئەتراپىدا مۇشۇنداق ئاياللارمۇ كۆپ لېكىن بەزى ئەرلەر بۇنداقلارنىڭ قەدرىنى بىلمەي كۆڭلىگە ئازار بېرىپ سىرىتتىكى ئاشقان-تاشقان تومۇچۇقلارنى ئويناپ يۈرمەكتە ، چۈنكى يۈزى تۈۋەن ئاياللار كوچىدىكىلەرنى دوراپ بۇلالمايدىكەن .

turkinaz

	ئەرلەر قەدرىگە يەتمىسە ئىسىل ئايالمۇ تەبئى ئۉزگىرىپ كتىدۇ.

WiJD@N

	ياخشى  تىما  يوللاپسىز.............. بىراق  بۇنداق  ئاياللارنى  تاپماق  بەزى  مۇشكۈل  جۇمۇ

kadihan

	ئىشلىتىدىغان قەۋەت3قەۋەتI+G=Zبىلەن2011-06-10 02:22 AMيوللانغان :    9- ئۈگۈتنى سەل قىلالمايۋاتىمەن ...  ‹ ئەمما ئۆيدىن باشقا جايدا  قىلىمەن...›   باشقا ئۈگۈتلەر مەندە مەلۇم... ^-^ ....... خاتىرجەم بولۇڭ ، قالغىنىنى ئۆزەم يېتىشتۈرىۋالىمەن .

barquh

	بۇنداق ئايال بولماق ھەقىقەتەن تەس ،لېكىن قېيىن ئىش يوق ئادەمگە ،كۆڭۈل قويغان ئادەمگە دەپتىكەن .تىرىشسا چوقۇم قىلغىلى بولىدۇ .

ALMIHRI

	سىزنىڭ تېمىلىرىڭىز تولىمۇ ياخشى چىقىۋاتىدۇ ،رەھمەت سىزگە