دوستلار كېتەر بولدۇق بۈگۈن،بۇندا بىزنىڭ ئىزلار قالدى.
قالدى سىنىپ،قالدى ياتاق،ئويناپ كۈلگەن جايلار قالدى.
بىزگە ھايات دەرسى ئۆتكەن دۇڭخۇ ئەنە ھىجايماقتا،
ئۇندا تارىخ،ئۇندا ساۋاق،ئۇندا نى-نى ئىشلار قالدى.
ھەر شەنبىدە دوست تارتىشقان مىڭبىر كېچە،قوش ئامەتتە،
يېڭى تارىم،ساماۋەردە ،ھىچكىم بىلمەس سىرلار قالدى.
قالدى ئەنە ئۆز پېتىچە،ئالمىلىق باغ،ئانارلىق باغ،
دىبالاردا زەپ ئويناتقان تاكسىچى دوست يارلار قالدى.
مۇھاببەتنىڭ خۇشلۇقىدا،ۋە يا ھىجران ئازابىدا،
راسا ئىچىپ مەست بۇلۇشۇپ،تۆكۈلگەن قان ،چىشلار قالدى.
ئەجەپ ئۆتتى بۇ تۆت- بەش يىل،بىزنى ھەر خىل كويغا سالدى،
ھۇشۇق ئېتىپ شۆفېيلەرگە سۇدەك ئاققان ياشلار قالدى.
قاراپ باقساق شۇ ئۆتمۈشكە،كۆپ ئىرىشتۇق "ئىنئام"غىمۇ،
تامغا بېسىپ ئېڭەكلەرگە،ئۈتۈپ كەتكەن يىللار قالدى.
يەنە تېخى كېچەلەردە،قۇنۇپ دىبادا ،ۋاڭبادا،
دەرىستە مۈگدىشىپ ئۇخلاپ ،كۆرگەن شىرىن چۈشلەر قالدى.
سىناقلاردا دۇدۇقلۇشۇپ،ئىمتاھاندا كۇسۇرلۇشۇپ،
ئاتمىش ئۈچۈن زار بۇلۇشۇپ،سۈڭگۈتكەن گۆش،پۇللار قالدى.
ئاتا -ئانا بىزلەر ئۈچۈن باغرى بۇلۇپ پارە پارە،
قەرىز سوراپ ئۆيمۇ ئۆيگە مېڭىپ يۈرگەن يوللار قالدى.
بىزلەرنى دەپ قېرىنداشلار بىراۋلارغا چاكار بولدى،
يەنە تېخى ئۇقۇشسىز ھەم ئىنى ۋەسىڭىللار قالدى.
ئەپسۇس بىزدە ئىش باشقىچە،كۆرۈڭ سىزمۇ ئالغاچ ئىبرەت،
چېچەك چىققاچ جىق ئىشلارغا،ھەممىدە" ۋايجان"لار قالدى.
ساناپ كەلسەك قەلغان ئىشنى،پۈتۇر داستان توم-توم كىتاپ،
قالدى دەسلەپ قىلغان ئارزۇ،كۆڭۈلدە جىق سانلار قالدى.
شۇنچە تاقلاپ ئوينىساقمۇ،چىقمىدىيا مۈڭگۈز- قۇلاق،
يامىنى شۇ كۆزلەردە ياش،دىلدا پۇشايمانلار قالدى.
2005.0615
مەنبە ئۆزەم