كىتاب ئۇچۇرى: تەكەببۇرلۇق ۋە ئاداۋەت

afxar

	تەكەببۇرلۇق ۋە ئاداۋەت ئاپتورى:جېين ئاۋستېن سېتىلىش باھاسى:46.00 جۇڭگو ئىچىگە پوچتا ئارقىلىق يەتكۈزىلىدۇ 1335820354:QQ 2010-يىلى 12-ئاي 1-نەشرى 2010-يىلى 12-ئاي 1-بېسىلىشى تىراژى:1-3000 ISBN:9787228140008                                                                                          كىرىش سۆز     جېين ئاۋستېن (1817-1775) ئەنگىلىيەنىڭ 19-ئەسىردىكى رېئالىستىك يازغۇچىسى . ئۇ تۆت يىل ئىچىدە تۇنجى ئەسىرى «ئىدراك ۋە ھېسسىيات» ناملىق روماننى يازغان . يىگىرمە بىر يېشىدا «تەپەككۇرلۇق ۋە ئاداۋەت» ناملىق رومانىنى روياپقا چىقارغان . ئۇنىڭ «ماسفرىد قورۇقى» «ئېما»قاتارلىق رومانلىرىنى ئارقا - ئارقىدىن نەشر قىلىنغان . ئاۋستېن ئۆمۈر بويى توي قىلمىغان ، 1817-يىلى قىرىق ئىككى يېشىدا ئالەمدىن ئۆتكەن .     «تەپەككۇرلۇق ۋە ئاداۋەت» رومانىدا مۇنداق ۋەقەلىك بايان قىلىنغان : بېننېت ئەپەندىنىڭ تېخى بېشى باغلانمىغان بەش قىزى بار ، بۇ بەش قىزغا كۆڭۈلدىكىدەك لايىق تېپىش بېننېت خانىمنىڭ ئەڭ چوڭ غېمى بولۇپ قالىدۇ ... بىنگلى بىلەن ئۇنىڭ يېقىن ئاغىنىسى دارسېينىڭ بۇ يېزىغا كېلىشى تىنچ ئۆتۈۋاتقان بېننېت ئائىلىسىنىڭ كۆڭۈل ئارامىنى بۇزۇپ تاشلايدۇ . قىزى بار ئائىلىلەرنىڭ بۇ يىگىتلەر بىلەن تونۇشۇپ قېلىشقا ئالدىرىشىپ يۈرگەنلىكىدىن خەۋەر تاپقان بېننېت خانىم ئېرىنى بىنگلى ئەپەندىنى يوقلاپ كېلىشكە ئالدىرىتىدۇ .     «بىرەر ئىشقا نىيەت باغلىساڭ ، خۇدامۇ نىيىتىڭنى يەردە قويمايدۇ » دېگەندەك ، شۇ چاغدا ئۆتكۈزۈلگەن كاتتا تانسىدا بېننېت ئەپەندىنىڭ چوڭ قىزى گېئىن خانقىز بىنگلى ئەپەندىنىڭ قەدىرلىشىگە نائىل بولىدۇ ... كاتتا باي ، قەددى - قامىتى كېلىشكەن دارسېيغا بىر مۇنچە قىزلار زوق بىلەن كۆز تىكىشىدۇ . لېكىن ، تەكەببۇر بۇ يىگىت قىزلارنى تانسىغا تارتمايدۇ . ئۇنىڭ ئۈستىگە ، گېئىننىڭ سىڭلىسى ئېلزابېت دارسېينىڭ ئۆزى توغرۇلۇق قىلغان بەزى يامان گەپلىرىنى تاسادىپىي ئاڭلاپ قالىدۇ - دە ، كۆڭلىدە بۇ تەكەببۇر يىگىتكە ئاداۋەت ساقلايدۇ . بىراق ، ئۇزاق ئۆتمەي ، ئېلىزابېتنىڭ ئاجايىپ جەلپكارلىقى دارسېينىڭ يۈرەك تارىنى چېكىدۇ . يەنە بىر قېتىملىق تانسىدا ئۇ ئېلزابېتنى تەشەببۇسكارلىق بىلەن تانسىغا تارتىدۇ ، لېكىن ئېلزابېت ئۇنىڭ تەكلىپىنى رەت قىلىدۇ ... دەل شۇ كۈنلەردە بېننېت ئەپەندىنىڭ شىرەم تۇغقىنى ، بۇ ئائىلىنىڭ مال - مۈلكىگە ۋارىسلىق قىلىش تەمەسىدە يۈرگەن پوپ كوللىنىس ئېلزابېتقا توي تەكلىپىنى قۇيىدۇ . ئەپسۇس ، ئېلزابېت ئۇنىڭ تەلىپىنى رەت قىلىۋېتىدۇ . كۈنلەرنىڭ ئۈتۈشى بىلەن دارسېي ئېلزابېتنى چىن يۈرىكىدىن ياخشى كۆرۈپ قالىدۇ . ئەمما ئېلزابېت ياش ئوفىتسېر ۋىكخامنىڭ دارسېي توغرۇلۇق ئېيتقان غەيۋەت - شىكايەتلىرىگە ئىشىنىپ قالىدۇ .ۋە دارسېيغا تېخىمۇ ئۆچ بولۇپ كېتىدۇ . كېيىن ھەقىقىي ئەھۋال ئاشكارىلىنىدۇ . بېننكېت ئائىلىسىنىڭ يېنىك مىجەزلىك كىچىك قىزى لىدىيە ۋىكخامنىڭ دامىغا چۈشۈپ ، ئۇنىڭ بىلەن  قېچىپ كېتىدۇ . بۇ چاغدا دارسېي ۋىكخامنىڭ قەرزلىرىنى تۆلەپ ، لىدىيە بىلەن ئىككىسىنىڭ تۇيىنى قىلىپ ، بېننېت ئائىلىسىنىڭ يۈز - ئابرۇيىنى ساقلاپ قالىدۇ ... بۇ ئىشلاردىن خەۋەر تاپقان ئېلزابېتنىڭ دارسىيغا بولغان ھېسسىي قاراشلىرى سەمىمىي مۇھەببەتكە ئايلىنىدۇ ، ئاداۋىتىمۇ پۈتۈنلەي تۈگەيدۇ . ئاخىر بۇ بىر جۈپ ئاشىق - مەشۇقلار مۇرادىغا يېتىدۇ ... بېننېت خانىم ئۈچ قىزىنى ياتلىق قىلىۋالغاچقا ئىككى قىزىغا ئەر چىقماي قىلىشىدىن غەم يېمەيدۇ ....         مەنبە : ئوغۇز كىتابخانىسى  WWW.OGHUZ.BIZ

nur_abida

	ئاۋۇ تەكۇببۇرلۇق دېگەن خەت ئىملا خاتالىقى تۈپەيلى تەپەككۇرلۇق دەپ يېزىلىپ قاپتۇ .تەھرىرلەپ قويۇڭلارچۇ؟.......

afxar

	رەخمەت ! ئەسكەرتىش بەرگىنىڭىزگە! بىزمۇ بۇنىڭدىن كېيىن خاتالىقتىن ساقلىنىشقا تىرىشىمىز

qeyseri

	بىر قىز ساۋاقدىشىمنىڭ تۇغۇلغان كۈنىگە  بىر رومان سوۋغا قىلماقچىتىم ، قارىسام بۇ رومان يېڭى چىقىپتۇ، شۇنىڭ بىلەن ئالدىنئالا بۇنى ئالاي دەپ كۆڭلۈمگە پۈكىۋېدىم، لېكىن ئويلاپ باقسام مەن بۇ روماننى ئوقۇپ باقمىغانلىقتىن ئەنگىلىيەلىك يازغۇچىنىڭ بۇ رومانىدا جىنسىيەت مەزمۇنلىرى كۆپ ھەم ھەددىدىن زىيادە ئۇچۇق ئىپادىلىنىپ قېلىشىدىن ئەنسىرەپ يەنىلا مەھمۇد قەشقىرى رومانىنى سوۋغا قىلىشنى لايىق تاپتىم. لېكىن ئۆزۈم بۇ روماننى بىر ئوقۇشۇم بار.

yexilyakut

	مەنمۇ بىرنى اپقويسام بولغۇدەك، تىمىڭىزغا رەخمەت.

شەيدا

	بۇ كىتابنىڭ ئېنگىلىزچە ئىسمى Pride and Prejudice بولۇپ دۇنياۋىي مەشھۇر ئەسەرلەرنىڭ بىرسى،ھەقىقەتەن بىر قېتىم ئوقۇپ چىقىشقا ئەرزىيدۇ.كىتاپتىكى باش قەھرىمان ئېلزابىتنىڭ ئاپىسىنىڭ قىزلىرىنى پاتراق ياتلىق قىلىش  ئۈچۈن قىلغان قىلىقلىرى دارسېي ئەپەندىنىڭ ئاچىسىنىڭ نەزىرىدە نامراتلىق ۋە پەسلىك ھېسابلىنىپ ئۇلارنى ياراتمايدۇ ۋە بىنگلى بىلەن گېئىننى ئايرىۋىتىدۇ،ئەمما ئۇلار ئەڭ ئاخىرىدا يەنىلا بىرگە بولالايدۇ.ئېلزابىتنىڭ دوستى نامراتچىلىقتىن ئۆزى قىلچە ياخشى  كۆرمەيدىغان ئادەم كوللىنىس بىلەن توي قىلىدۇ. دارسېي ئەپەندى ئېلزابىت ئۈچۈن ئۆزىنىڭ ياخشى كۆرمەيدىغان نۇرغۇن ئىشلارنى خالاپ قىلىدۇ ۋە ئەڭ ئاخىرىدا ئارىدىكى ئۇقۇشماسلىقلار تۈگەپ بىرگە بولىدۇ. بۇ كىتاپ 1813-يىلى تۇنجى قېتىم نەشىر قىلىنغان،بۇرۇن يېزىلغان كىتاپ بولغاچقىمىكىن مەزمۇنى خېلىلا ساغلام.بۇ رومان ئون قېتىم كىنو قىلىنىپ ئىشلەنگەن،ئەڭ يېقىندا ئىشلەنگىنى2005-يىلدىكىسى،بۇ كىنو تېخى ئۇيغۇرچىغا تەرجىمە قىلىنمىدىغۇ دەيمەن،كىنونىڭ خەنزۇچە ئىسمى 傲慢与偏见،ئىنگلىلىزچە ئىسمىPride and Prejudice ،خېلىلا ياخشى ئىشلەنگەن.

TOGRAKPADIXASI

	جالالىدىن بەھرامنىڭ يەنە يېڭى رۇمانى نەشىردىن چىققۇدەك.

tarhamak

	چەتئەل رومانلىرىنىڭ مەزمۇنى ئۇيغۇر رومانلىرىغا قارىغاندا بىزە ساغلامراق ... كىنولىرى ساغلام بولمىغىنى بىلەن ... مۇتلەق ئەمەس جۇما ...   چەتئەلنىڭ خېلى كۆپ رومانلىرىنى ئوقۇدۇم ... جىنسىيەت مەزمۇنلىرىنى كۆپۈنچە سىرتىدىن بايان قىلىپ ئۆتۈپ كىتىدۇ . ئۇيغۇرلار يازغان بەزى رومانلاردا تاس قالىدۇ رەسىمىنى سىزىپ بەرگىلى شۇ كۆرۈنۈشلەرنىڭ ... بەزىلەر كىتاۋىنى بازارلىق قىلىش ئۈچۈن شۇنداق قىلامدىكىن يا ...

quttikin

	مانا ئەمدى مەن ئوقۇيدىغانغا رومان چىقىپتۇ!