ئوغۇل دوستۇمنىڭ ئۆتمۈشىنى ئۇنتۇسام بولاتت

kibar

	مىنىڭ ئارلىشىۋاتقان يىگىتىم بولسا 2يىل بۇرۇن بىرقىتىم ئۆيلەنگەن،ئالغان قىزبالىنىڭ ئەخلاقى ياخشى بولماسلىق سەۋەبىدىن يېرىم يىل ئۆي تۇتۇپ ئاجرىشىپ كەتكەن.ئۇنىڭدىن كىيىن مەن بىلەن مۇھەببەتلىشىپ كىلىۋاتىدۇ .ئۇنىڭ مىجەز خۇلقى بەك ياخشى ،ماڭا بەك كۆيۈنىدۇ.ھەمدە مىنى دەپ ئاز بولمىغان قۇربانلىقلارنى بېرىپ كەلدى .دەسلەپ ئۇ مىنى قوغلىشىپ يۈرگەن ۋاقىتلاردا مەن ئۇنى بىر توي قىلغان دەپ پەقەت تۇتۇق بەرمىدىم،ئۇزەمنى ئەپ قېچىپ يۈردۈم.ئۇنىڭ بەزى ئىش-ھەرىكەتلىرى مىنى تەسىرلەندۈردى،مەن بەزىدە ئۇنىڭغا ئاچچىقلاپ سۆلەپ كەتسەممۇ ئۇ ئاچچىقىنى زورىغا بېسىۋالاتتى-يۇ ماڭا قەتتى قوپال مۇئامىلە قىلمايتتى.شۇنداق قىلىپ مەن ئۇنىڭ بىلەن مۇھەببەتلىشىپ قالدىم ،قىسقىسى ئۇنى ياخشى كۆرۈپ قالدىم.ھازىر گرچە ۇنى شۇنداق ياخشى كۆرسەممۇ تۇرۇپلا بۇرۇنقى ئايالى كۆز ئالدىمغا كەپ قالىدۇ،شۇندىلا جىلە بوپ قالىمەن ،ئۇنىڭغا ئۆچ بوپ قالغاندەك ھېس قىلىمەن .ئۇ قىز ئېسىمگە كەلمىسە مەندە ھېچ ئىش يوق .      ئۇ يېقىندا ئىدارىدىكىلىرى بىلەن ساياھەتكە ماڭماقچى ئىدى .قايسى كۈنى ئۇنىڭغا نەرسىلىرىنى رەتلەپ بېرىۋېتىپ ،قولۇمغا ئۇلارنىڭ توي خاتىرە پىلاستىنكىسى چىقىپ قالدى.قارىسام كۈندۈزلۈك ،ۋىچىركا بولۇپ جەمئىي 3 پىلاستىنكىكەن.ئىچىم ئاچچىق بولدى ،ئۇنىڭ بىلەن مۇھەببەتلىشىپ خاتا قىلغاندەك ،زايا كەتكەندەك ھېس قىلدىم ،چاندۇرمايلا ۋىچىركىنىڭ پىلاستىنكىسىنى ئېلىۋېلىپ ،قالغان 2سىنى ئۇنىڭغا كۆرسىتىپ ،بۇلارنى نىمىشقا تاشلىۋەتمەي ساقلاپ قويغىنىنى سورىدىم .ئۇ «مەن بىلمەيمەن ،شۇ چاغلاردا ئۇ قويۇپ قويغان ئوخشايدۇ .مەنمۇ ئۇنتۇپ كېتىپتىمەن،»دىدى.ئاچچىقىمدا سومكىلارنى ساراڭلارچە يەرگە ئېتىپ ۋارقىراپ كەتتم .«سىزنىڭ ئۇنىڭغا يەنە كۆڭلىڭىز باركەن،بولمىسا ئاجراشقان چاغدىلا بۇلارنى بىرتەرەپ قىلاتتىڭىز ....».بىز ئۇرۇشتۇق ،ئۇ چۈشەندۈردى .پىلاستىنكىنى ئۇشتۇپ پارە-پارە قىلىپ تاشلىۋەتتى.ئۆز-ئۆزەمگە ھاي بەردىم،نىمىلا بولمىسۇن مەن ئۇنىڭ بىر توي قىلىپ ئاجراشقىنىنى بىلىپ تۇرۇپ يۈرگەن ،ئامال قانچە ؟؟؟       ئۇ ئىشمۇ ئۆتۈپ كەتتى.شۇ كۈنى تىقىۋالغان پىلاستىنكا مەندە بار ئىدى ،ھەر قېتىم قولۇمغا چىققاندا شۇنداق بىر كۆرۈپ باققۇم كېلىدۇ ،لىكىن ئازابلىنىپ قېلىشىمدىن ئەنسىرەپ  كۆرۈشكە جۈرئەت قىلالمىغانتىم.بايا ئۆزەمچە كۆرۈشنى ئويلاپ قالدىم،قەلبىمدە قانداقتۇر بىر كۈچ مىنى «كۆرۈپ باق »دەپ زورلايتتى.(ياكى مەن ئۆزەمنى ئۇنىڭغا سېلىشتۇرامدىم بىلمەيمەن)كۆردۈم ،نىمىدىگەن قىززىق توي ،نىمىدىگەن خۇشال كەيپىياتلار .....ئۇلارنىڭ كۈلكىسى خۇددى مىنى زاڭلىق قىلىۋاتقاندەك تۇيۇلدى ،ئىچىم ئاچچىق بولدى.ئۇلار ئۇ دەملەردە بۇ كۈنلەرگە قېلىشىنى ئويلىمىغان بولغىتتى.ئازابلاندىم....كۆزۈمگە يىغا ئولاشتى...ئەمما ئامالىم قانچە ؟ دەل شۇ پەيىتتە ئۇ  تېلفون قىلدى،ئۇنىڭغا يەنە ئۆچلىكىم كەلدى،قوپاللا مۇئامىلە قىلىپ تېلفوننى قويىۋەتتىم. مەن ئەمدى قانداق قىلاي ؟؟قانداق قىلسام ئۇنىڭ ئۆتمۈشىنى پاك-پاكىز ئۇنتۇيالايمەن ؟؟مىنىڭ بۇنداق ئازابلانغۇم يوق.ماڭا مەسلىھەت بېرىڭلار مەنبە:ئۆزەم

turkinaz0992

	ئەگەر ئۇنى ھەقىقىي ياخشى كۆرسىڭىز كەڭ قۇرساق بولۇڭ، ئۇنىڭغا ئىشىنىڭ ،  ئۇنىڭ ئۆتمۈشىنى ئۇنتۇشقا تىرىشىڭ . چۈنكى سىز ھەممە ئىشنى بىلىپ ئۇنى تاللىدىڭىز ، شۇنداقمۇ ؟ بۇنداق قىلىۋەرسىڭىز يىگىتىڭىز ھەتتا سىزدىن بېزار بولۇشى ، ئېغىرراق بولغاندا ،كەڭ قۇرساق بولالايدىغان يەنە بىرسىنى تېپىۋىلىشى مۇمكىن .سىز چۇقۇم قىلالايسىز ! سىزگە بەخت تىلەيمەن !

kapTalis

	نېمە دېگەن قىززىق تېما ھە بۇ ؟ ۋىچىركا دېگەن ئۇيغۇرچە سۆزمۇ ياكى باشقا مىللەتنىڭ سۆزىمۇ ؟

QIQAK0903

	ئاچچىقىڭىز خېلى باركەن ، يىگىتىڭىزگە ۋاقىرالىغاندىكىن . ئەڭ ياخشىسى ئۇ يىگىتنى ياخشى كۆرسىڭىز ، ئۇنىڭ ئۆتمىشىنى ئۇنتۇپ كىتىڭ . پىلاستىنكىنى كۆرۈپلا خاتا چۈشەنسىڭىز بولمايدۇ ، قانداق ئادەم ئۆزىنىڭ تويىدا كۈلمەيدۇ ؟ سىز توي قىلغاندىلا ئاندىن چۈشۈنىسىز . توي كۈنى ئادەم ئۆمرىدىكى ئەڭ بەخىتلىك ۋاقىت . ئۇنى تىل بىلەن ئىپادىلەش تەس . توي كۈنى كۈلگەن ھىساپ ئەمەس ، ئۆمرىنىڭ ئاخىرىغىچە كۈلگىنى ھىساپ . يىگىتىڭىزنى ئازاپلىماڭ .

butabuta

	مىنىڭچە ئۆزىڭىزنى يىگىتىڭىزنىڭ ئورنىغا قۇيۇپ ئويلاڭ. ئەگەر ئۇنىڭ ئۆتمىشى سىزنىڭ ئۆتمىشىڭىز بۇلۇپ،ئۇ سىزگە شۇنداق مۇئامىلە قىلسىچۇ؟ كونىلار ‹پىچاقنى ئۆزىڭگە سال ،ئاغىرمىسا كىشىگە› دەپتىكەن....     سىلەرگە بەخىت تىلەيمەن

KaRoL

	بىر ئىغىز گەپ ، سىز يىگىتىڭىزنىڭ بۇرۇنقى خوتۇنىنى ئويلىماي ئونتۇپ كەتسىڭىزلا ئىش تامام .  كوكسى قارنىڭىزنى كەڭ تۇتۇڭ دوستۇم .

melody

	ئاللاھ  بەختىڭلارنى  بەرسۇن  كەڭ  قورساقلىقىڭىز  بىلەن  ئۇنىڭ  كۆڭلىنى ئۇتۇڭ سىز  ئەمەس  بەلكى  باشقا  قىز ئاياللىرىمىز  بولسىمۇ  ئۇنى  كۆرسە كۆڭلى يىرىم بولۇپ قالىدۇ  ،لىكىن سىز يەنىلا  كەڭ قورساق بولۇڭ مۇشۇنداق بولغاندا ئاندىن بەخىتلىك بولىسىز .ئاياللاردىكى ئەڭ ئىسىل پەزىلەتلەرنىڭ بىرى   كەڭ قورساقلىق ئەپۇچانلىق .

tarimjan102

	سىزگە مەسلەھەت بىرىشتىن بۇرۇن سىزدىن 2 كەلىمە سوئال سوراي ؟ سىز راسلا ئۇنىڭدىن مۇناسىۋىتىڭىزنى ئۈزۈپ ئايرىلىپ كەتمەكچىمۇ ياكى ھېلى ھەم ئۇنى ياخشى كۈرەمسىز ؟ ئەگەر ئۇنىڭغا بولغا مۇھەببىتىڭىز سۇسلىشىپ راسلا ئۇنىڭ بىلەن ئايرىلپ كىتىش قارارىغا كەلگەن بولسىڭىز ئىككىلەنمەيلا ھازىرنىڭ ئۈزىدە ئۇنىڭغا تېلفۇن قىلىپ ئايرىلىپ كىتىدىغانلىقىڭىزنى ئۇنى ياخشى كۇرەلمەي دىغانلىقىڭىزنى ئىنىق دەڭ ...ئەگەر بۇ بىردەملىك ئاچچىققا چىدىماي دىگەن گەپ بولسا ، ھېلى ھەم ئۇنى ياخشى كۆرسىڭىز ئۇنىڭ بۇرۇن توي قىلغانلىقنى ئەيىپ بىلمەي ئۇنىڭ باغرىغا ئۈزىڭىزنى تاشلاڭ ..  مۇشۇنچىلىك ئاددى .[s:202]

ayyamguri

	سىز ئۇنىڭ بۇرۇن توي قىلغانلىقىنى بىلىپ تۇرۇپ يانا مۇشۇنداق مائامىلە قىلىسىڭىز ئۇ يەنە ئارتۇق گەپ قىلماپتۇ ،ئۇ يىگىت سىزنى ياخشى كۆرىدىكەن ،ئەڭ ياخشىسى بۇرۇنقى ئىشلارنى ئۇ ئۇنتۇلۇپ كەتسۇن ،سىز يېڭى تۇرمۇشىڭىزنى باشلاڭ ،بۇرۇنقى ئايالى بىلەن سىزنىڭ نىمە مۇناسېۋېتىڭىز بار دەيمەن ،ئەڭ مۇھىمى ھازىرقى ئۇ ھەم سىز .كەڭ قۇساق بۇلۇش ئاياللارنى گۈزەل  كۆرسىتىدۇ ،ئەجىبا سىز بىر جەلىپكار ئايال بۇلۇشنى خالىمامسز ؟

jasmine茉莉

	ئۇنتۇپ كەتكۇدەك بولسا ئۇنتۇپ كىتىڭ بولمىسا ئايرىلىپ كىتىڭ~ سىزنىڭ بۇنداق تەگەپ سۆكۈشلىرىڭىزگە ئوغۇل دوستىڭىز داۋاملىق چىدىمايدۇ دە~ئاخىردا سوقۇشۇش چەككە يىتىپ سىزگە قول كۆتۈرسە سىز قانچىلىك پۇشايمان قىلسىز؟بىر لا يولنى تاللاڭ چىكىنىشكە بولمايدۇ~ تاللىغانكەنسىز كەينىڭىزگە قارىماڭ(پوقنى كولىسا سېسىقى چىقىدۇ) دىگەن گەپ بار!