مىسرانىم نەشىرنى كۆتۈرۈش مۇۋەپپىقىيەتلىك

Misranim

	ئەسسالامۇ ئەلەيكۇم ،تورداش دوستلارنىڭ كۈچلۈك قوللاپ قۇۋەتلىشى نەتىجىسىدە بىز ئەڭ يېڭى مۇنبەر نەشىرى بولغان PHPWIND8.5 نەشىرىنى مۇستەقىل ھالدا تەرجىمە قىلىپ ھەم تەڭشەپ ، رەسمىي ھالدا ئۇتۇقلۇق يولغا قويالىدۇق. كونا نەشىرى بولسا ھازىرقى PHPWIND ئىشلىتىۋاتقان مۇنبەرلەرنىڭ ئورتاق ئىشلىتىۋاتقان نەشىرى،بۇ نەشىر 7.3.2 بولۇپ 2009-يىلى 4- ئاينىڭ 18 - كۈنى PHPWIND تورى تەرىپىدىن رەسمىي يولغا قويۇلغان ئىدى. شۇ تەرەققىياتلارغا تەڭ ماسلىشىش ئۇيغۇر تورچىلىقىنى گۈللەندۈرۈش مەقسىتىدە مىسرانىم تور بېكىتى شۇ يىلى 5- ئايدا مۇنبەر نەشىرىنى يۇقىرى كۆتۈرۈپ بولغان شۇنداقلا بىر قىسىم داڭلىق توربەتلەر ئۈچۈن مۇنبەر سېستېمىسىنى تەمىنلىگەن. ئارىدىن 2 يىل ئۆتكەن بۈگۈنكى كۈنگە كەلگەندە كۆپ سانلىق ئۇيغۇرلار كۆنۈپ ھەم ئۆگىنىپ قالغان مۇنبەر شەكلى ۋەئىقىدارلىرىنى قوشقان ئاساستا مىسرانىم مۇنازىرە مۇنبىرىنى 99% نورمال قىلالىدۇق.. تەرجىمە ،تەڭشەش قاتارلىق بىر قىسىم ئىشلاردا يالغۇز بولۇپ قالغاچقا يەنە مەن بايقىمىغان خاتالىقلار بولىشى ئېنىق .بىر نەچچە كۈن باشقۇرغۇچىلارمۇ ئارقا سەھنىدە گاڭگىراپ قالدى.شۇ سەۋەب ئەمدىكى نىشانىمىز 3 كۈن ئىچىدە ئارقا سەپنى قولايلىق قىلىپ چىقىش. ___________ نەق گەپكە كەلسەك،بىر قانچە تورداشلاردىن بۇ نەشىرگە كۆنەلمىگەنلىك سالام خەتلىرىنى تاپشۇرۇپ ئالدىم. بۇ كۆنۈش كۆنەلمەسلىك مەسىلىسى ئەمەس.پەقەت بىزدىكى كىچىككىنە ھورۇنلۇق خالاس.بىر قىسىم جايلارنى شۇنچە ئەتراپلىق تەرجىمە قىلدۇق، ئىزدىنىپ تەپسىلىي كۆرسىڭىزلا مەشغۇلات ئۇسۇلىنى بىلۋالالايسىز. تور بېكىتىمىزنى ئۇيغۇر ئۇنۋېرسال تورلىرى ئىچىدە ‹شاھ تاج› لىق توربەت قىلىپ قۇرۇپ چىقىش ئۈچۈن ،ئۈزلىكسىز تېرىشىش شۇنداقلا تېخنىكا ،سۈپەت،تېزلىك ئۆتكىلىدىن ئۆتۈش ھەم مۇشۇلارغا ئالاھىدە دىققەت قىلىشىمىز كېرەك. بۇ نەشىر ئاللىقاچان مۇۋەپپىقىيەتلىك ھالدا 100% يازما،ماتىريال،ئورگېناللارنى نورمال ساقلاپ قالغان ئاساستا تورداشلار بىلەن يۈز كۆرۈشتى. بىراق تۈپتىن ھەل قىلالمىغان ئىشىمىز ،دېھقانچىلىق مەيدانى بولدى. شۇنچە كۈچىگەن بولساقمۇ ،نەچچە كېچىنى ئۇيقۇسىز ئۆتكۈزگەن بولساقمۇ يەنىلا ئۈنۈمى بولماي، 0 دىن باشلاپ ئېچىۋەتتۇق. ئىشىنىمىزكى بۇ نەشىرى خېلى ئۇزۇنغىچە ئىشلىتىلىدۇ ھەم تورداشلار ئۈچۈن مۇلازىمەت قىلىدۇ. بىز يەنە يېڭى قىستۇرمىلارنى قاچىلاپ سىلەر ئۈچۈن ئەڭ ئالىي مۇلازىمەت قىلىشقا تېرىشىمىز. يەنە خاتالىقلار بولسا ئەۋەتىپ قويغايسىلەر، بىز سىلەرگە ئەڭ ياخشى سورۇن ھازىرلاشقا تېرىشىمىز ... ئەسكەرتىش: مۇنبەر قوللانما دەرىسلىكىمىز،ياكى ئىقتىدار چۈشەندۈردىغان تېمىلار پات ئارىدا بىردىن بىردىن يوللىنىدۇ.

gherip

	بۇ يېڭى نەشرىگىمۇ بارا-بارا كۆنۈپ قالدۇق .

zumrettash

	مەنمۇ بىرىنچى كۈنى كۆنەلمىگەن،چېچىلاڭغۇ كۆرۈنگەن،ھازىر خېلى رەتلىنىپ قاپتۇ ھەم  يېڭى-يېڭى ئىقتىدارلىرىنى كۆرۈپ ،ۋوي ياخشىكەنغۇ دەپ قالدىم ،ئادەم نىمىگە كۆنمىگەن ،بۇنىڭغىمۇ كۆنۈپ كېتىمىز،غەم قىلماڭە مىسرانىم.بىرلىكتە تىرىشايلى.مىسرانىمنىڭ داۋاملىق تەرەققىي قىلىشىنى،توختاپ قالماسلىقىنى ئۈمۈد قىلىمەن!ئاللاھ ئىشلىرىڭىزنى ئاسان قىلسۇن!دېھقانچىلىق مەيدانى دىگەننى ئەمدى بىر سىناپ باقارمەن دىسەم شۇ نەرسىنى تاپالمىدىم.[s:218] غەيرەت قىلىڭ.[s:154]

sahrayi-tarim

	كونىلىققا ئېسىلىۋېلىش بىزنىڭ قېنىمىزدا بار.... بۇ نەشىرى ماڭىمۇ خېلى ياراپ قالدى،ئىقتىدارلىرىنى بىر -بىرلەپ ئىشلىتىپ سىناپ بېقىۋاتىمەن.. يېنە بىر گەپ نىمە ئۈچۈن ئالبومغا كىچىك سۈرەتلەرنى يوللىغىلى بولىدىغان قىلىپ تەڭشىدىڭلا؟ سۈرەتنى ئاز يوللىساقمۇ يوغانراق سۈرەتلەرنى يوللىغىلى بولىدىغان قىلىپ قويساڭلار بولۇپتىكەن.

ئاھۇ

	نەچچە يىل يۈرگەن مۇھەببىتىمىزدىن ئايرىلىپ قالسىاقمۇ دەسلىۋىدە كۆنەلمەي قولىمىز تېلىفۇن كونۇپكىسىغا يۈگۈرەپ كەتكەن بولغىيدى، بۇمۇ شۇنىڭغا ئوخشاش، بارا-بارا كۆنۈپ كېتىمىز. كۆنەلمىدىم دەپ ئويلىغانسىرى شۇنچە كۆنەلمەيدىغان گەپ، شۇڭا ئىددىيىمىزنى توغۇرلاپ يېڭى نەشىرگە ھۇجۇم باشلايلى باللا..........[s:186]

bendora

	ئاھ مېنىڭ كۆكتاتلىرىم! [s:203] ئابابەكرى مىسران مىيۇۋزىك سىزنى ھەرگىز بوش قويىۋەتمەيمەن![s:185]

moghal

	بىر نەرسىگە ئادەتلىنىپ قالغاندا يەنە بىر يېڭى، شۇنىڭغا ئوخشاش نەرسىگە كۆنۇش ھەقىقەتەن تەس، لېكىن ۋاقىتنىڭ ئۆتۈشىگە ئەگىشىپ يېڭى نەرسىگە ئادەتلىنىپ كەتكىلى بولىدۇ،.      يېڭىلىققا  ئىنتىلىش ئىنساننىڭ ماھىتىدۇر، بىزدىكى كونىلىققا يېپىشىۋېلىشتەك پىسخىكىمىزنى تەڭشىيەلىسەكلا بۇ يېڭى نەشرىگە چوقۇم كۆنۇپ كىتىمىز.          مىسرانىم،   مۇنبەرنىڭ  مۇشۇ  يېڭى نەشرىنى ۋۇجۇدقا چىقىرىش ۋە ئۇنىڭ نورمال يۈرۈشىنى ئىشقا ئاشۇرۇش ئۈچۈن جىق كۈچ سەرىپ قىلدىڭىز، دوستلارنىڭ   مىسرانىمنىڭ ،  مۇنبەرنىڭ  مۇشۇ  يېڭى  نەشىر گە سىڭدۈرگەن ئەمگىگىگە  ھۆرمەت قىلىشىنى ، قەدىرلىشىنى ئۈمىت قىلىمەن.

Uyghun

	يېڭى نەشرىنى مەن دەسلەپتىلا ياقتۇرۇپ قالغان .ئەگەر سىزدە قىزىقىش بولسا كونۇش دىگەن بىردەملىك ئىش،