ھىيىتگاھتىكى مەدىكار بازىرى

0998.erpane

	قەشقەر  ھىيىتگاھ مەيدانىنىڭ سول تەرىپىدە يەنى  ئالتۇن زىبۇ__زىننەت بازىرىنىڭ ئالدىدا ھەر كۈنى تاڭ سەھەر ئالتە_يەتتىلەردە باشلىندىغان مەدىكارلار بازىرى بولۇپ بۇ جايغا توپلىشىپ ئىش كۈتىدىغانلار ئاساسلىغى يىزىلاردىن كىرگەن دىھقان ئىشلەمچىلەر بولۇپ ، بۇلارنىڭ سانى بەزى كۈنلىرى 100 دىن ئىشىپ كىتىدۇ . بۇلارنىڭ كۆپىنچىسى تامچى ،ياغاچچى ،ھۈنىرى يوق ئىشلەمچىلەر بولۇپ ئەمگەك كۈچىگە ئىھتىياجلىق ئورۇن ياكى شەخىسلەر بۇ يەرگە كىلىپ ئەمگەك كۈچلىرى بىلەن ئىغزاكى توختام تۈزۈپ ئۇلارنى ئەمگەك ئورۇنلىرىغا ئىلىپ كىتىشىدۇ > سائەت 8 لەردە بۇ مەدىكارلارنىڭ يىرىم ئىشىپ قالىدۇ . مەن بىر كۈنى  بۇ يەردىن ئۆتۈپ كىتىۋاتاتتىم ،بىر قارا سانتانا بۇ يەرگە كەلدى . مەدىكارلارنىڭ ھەممىسى سانتاناغا يوپۇرۇلۇپ ماشىننى ئورىۋالدى. سانتانا ئىچىدىن بىرسى بىشىنى چىقىرىپ ؛--بىزگە ئۈچ ئادەم لازىم .كۈنلۈك ئىش ھەققى 100 يۈەن ،دىۋىدى مەدىكارلار ؛--مەن باراي، مەن باراي دىيشىپ ماشىنغا تىخىمۇ يىقىن چاپلاشتى . ---بىزگە پەقەتلا ئۈچ ئادەم لازىم دىدى بايىقى ئادەم بىشىنى ماشىندىن چىقىرىپ ئۈنلۈك ئاۋازدا . ماشىننىڭ ئىشىگى ئىچىلىشىغا مەدىكارلار بىر -بىرىنى قىستىشىپ ماشىنغا قىستىلىشىپ چىققىلى تۇردى . ؛---بولدى بىزگە ئۈچ ئادەم لازىم . ئارتۇق چىقىۋالساڭلار پايدىسى يوق .ئارتۇق كىشلەرگە ئىش يوق .دەپ ۋاقىرىدى . لىكىن مەدىكارلار ئاڭلايدىغاندەك ئەمەس ئىدى . ئۇلار بىشىنى ماشىنغا تىقىۋالغان بولۇپ ھە دەپ ماشىندىكلەرنى ئىتتىرىپ ماشىنغا چىقماقچى بولاتتى . ماشىنغا قىستىلىشىپ يۈرۈپ ئالتە ئادەم چىقىپ بولغان ئىدى . ماشىنا سىرتىدىكى ئادەملەر  ماشىنغا كىرىش ئۈچۈن توختىماستىن تارتىشماقتا ،ئىتتىرىشماقتا . توۋا !!! دىۋەتتىم  ئىچىمدە بۇ خەقلەر نىمانداق نادان خەقتۇ ؟؟؟؟ بىر سانتاناغا قانچە ئادەم پاتىدۇ ؟ مۇشۇنچىلىك ئەقەللى ساۋاتنىمۇ بىلىشمەمدىغاندۇ ؟؟؟ مەن گۈللۇك  يىنىدا  ئولتۇرغان بىرەيلەندىن ؛-- نىمانداق  ساپاسى  تۆۋەن  خەقتۇ بۇ  ؟؟ بىزگە ئۈچ ئادەملا  لازىم  دەۋاتسا مۇشۇنداق  بىر - بىرىنى  ئىتىترىشىپ بەش - ئالتىسى ماشىنغا  چىقىۋالغانمۇ  بارمۇ؟؟؟؟دىدىم . گۈللۈكتە  ئولتۇرغان ئادەم  تاماكىسىنى بىر  تارتىۋىتىپ ؛--بۇلارغا  ئىش  يوقمۇ  ئەمەس  قىلاي  دىسە  ئىش  كۆپ .ئۇلارنىڭ  بۇ  ماشىنغا شۇنچە  بىر -بىرىنى ئىتتىرىشىپ چىقىشقا ئالدىراپ  كىتىشى بۇ  قارا  ماشىنلىق لوبەنلەرنىڭ ؛-بىزگە ئۈچ ئادەم لازىم دىگىنى  . پۇلنى  كۆپ  بىرىدىغانلار پۇلنىڭ  گىپىنى  چىقارمايلا؛- بىزگە مانچە  ئادەم  لازىم دەپلا ئادەمنى ئىلىپ كىتىدۇ . مۇشۇ  يەردە نۇرغۇن ئىشلەمچىلەر 20--30--يۈەن تالىشىپ كۈننى  چۈش  قىلىۋىتىپ چۈشتىن  كىيىن بىكار  يۈرۈشكە  رازىكى بوپتۇلا ئىشلەي  دىمەيدۇ . شۇڭا  مۇشۇنداق  قارا سانتانا كىلىپ  قالسا  مۇشۇنداق ئىشلارنى قىلىدۇ . ؛--مۇناسىۋەتلىك  ئورۇنلار بۇ ئەمگەك  كۈچلىرىگەبىر  يىلنىڭ  ئالدىدىلا  يىڭى بازاردىن ياتاق ، تاماق  شارائىتى تەل  بولغان بىر  ئەمگەك  كۈچلىرى  بازىرى ئىچىپ بەرگەن ئىدىغۇ ؟؟دىدىم  مەن . --راسىت  دەيسىز  دىدى ھىلقى  كىشى ؛؛--شۇنداق  ياخشى  شارائىت  يارتىپ  بەرگەن تۇرسا يەنە  بۇلار  بۇ يەرگە كىلۋالىدىكەنغۇ؟ بۇلار  كۈندە  مۇشۇنداق  توپلىشىپ  تۇرۇۋىلىپ قاتناشقىمۇ  تەسىر كۆرسىتىۋاتىدۇ .دىدى . مەن ئىغىر ئۇھسىنغان  ھالدا  ؛؛بۇ  ئىشلارغا  نىمە  دەي  ؟؟  ،--بۇ  يەر  دۇنياغا  مەشھۇر ساياھەت  ماكانى . بۇ  جايدا مۇشۇنداق بىر  بازارنىڭ  شەكىللىنىپ  قىلىشى ۋە بۇلارنىڭ مۇشۇنداق ئاخمىقانە قىلىقلىرى چەتئەللىك ساياھەتچىىلەرنىڭ كۆزىگە چىلىقىپ  قالمىغاي  دىدىم  ئىچىمدە . مەنبە ؛  ئىبراھىمجان ئىرپانى

kahrizat

	مەنمۇ بىرقانچە قتىم كۅرگەن ئاقسۇ قىزىل كۅۋرۉكمۇ دەل شۇنداق كۉن ئالماقنىڭ تەسلىكى......

zapar

	بۇ ھەرگىز ئەخمىقانىلىق ئەمەس، بۇرۇنلاردا كىچىككەنمەن، ئۇلارغا مەنسىتمەسلىك نەزەرىدە قارايتىم. ھازىر يۈركىم ئاغرىيدۇ قارىسام، تىرىكچىلىك ئەمەسمۇ، ئەمگەك-تېخنىكا بىلەن تەربىيەلەش ئۇرۇنلىرىدا مەلۇم بىرخىل ھۈنەر كەسپنى بىر ھەپتىدىلا ئۆگىنىش مۇمكىنمۇ ياق، نەچچە ئاي كىتەر، مۇشۇ ۋاقىتلاردا ئۇلارنىڭ بالا-چاقىلرىنىڭ قورسىقى داۋاملىق ئېچىپ تۇرىدۇ يامان يېرى. ئۇلار بىر ماشىنىغا تۆت ئادەم سىغدىغاننى بىلىدۇ، شۇ ئۈچنىڭ ئارىسغا كىرەلىسە بىر كۈنلۈك ئۆي چىقىمنى قامدىغىلى بولدىغانلىقىدىن ئىبارەت بۇ ھەقىقەت ئۇلارنى بۇنداق ئۈچكىچە ساناپ ئولتۇرۇشتىن مەھرۇم قىلغان.

bilgakut

	بەزى ئىشلارنى ئۇنداق ئوڭايلا چۇشىنىۋالماڭ. ئۇلارمۇ ساراڭ ئەمەس . ئىسنىڭ ئاچچقىنى مورا بىلىدۇ.

marguba

	ھالال ئىشلەپ ، ھالال يەيدۇ !

turalp

	ئېھتىمالىم سىزنىڭ ئويلىغانلىرىڭىز ھەقتۇر،شۇنداقلا پىكىر تەپەككۈرىڭىزدىن ئوبرازىمىز ئۈچۈن ئازراق ۋاھىم يىگەندەكمۇ تۇرىسىز،مەن بۇ مەدىكارلارنى داۋاملىق كۈزىتىمەن،شۇنداقلا ئۇلارنىڭ بەزىلىرى بىلەن ھەمسۆھبەتمۇ بولىمەن،مەن بىلىدىغان نۇرغۇن ھەقىقى ئەركەكلەر مۇشۇ مەدىكارچىلىقنى چىقىش قىلىپ ھەتتاكى خوجايىنغائايلاندى،قورۇ جاي سېلىۋالغان،سېتىۋالغانلار. ماشىنىلىق بولغانلارمۇ بار،شۇنداقلا شۇنچە تىرمىشىپمۇ تاسادىپى پىشكەللىك بىلەن جاننى سېلىپ بەرگەن ،كېسەل بولۇپ قالغانلارمۇ كۆپ،ئاران ئائىلىسىنى قامداۋاتقانلارمۇ كۆپ......... ئەمىليەتتە ھازىرقى ۋاقىتتا سائەت8دىن كېيىن قالغانلارنىڭ ھەممىسى ئاساسەن ئەڭ ھورۇنلىرى،پەقەت قورساققا،ھاراق خۇمارىغىلا ئەمگەك قىلىدىغانلارمۇ بار،قىمار بىلەن ۋاقىتىنى زايە قىلىۋاتقانلىرىمۇ ئەشۇنداق

zapar

	ئىشلىتىدىغان قەۋەت4قەۋەتقىزغىنبىلەن2011-06-01 11:14 PMيوللانغان : كۈنلىك ئىشلەمچىلەر دەپ ئالسىڭىزمۇ بولاتتىغۇ، مەدىكار دېمەي؟ بۇرنىنىڭ ئۇچچىنىلا كۆرۈپ تەپەككۈر قىلىدىغان ئادەملەر بار ئىكەن ھە؟   ئەزەلدىن بار ئاتالغۇ مەدىكار دېگەن، كەمسىتىش مەنىسىدە ئەمەس،

aypatam

	ئۈرۈمچى  ‹‹  ئالتۇن  بۇلاق ››  سودا  سارىينىڭ  ئالدىدا ،ھەر  كۈنى  سەھەردە    مۇشۇنداق  بازار  بولىدۇ.....ھەر  كۈنى   مۇشۇ  بىر -بىرىنى  ئتتىرشىپ  ،ئىش  تالىشىپ يۈرگەن قېرىنداشلىرىمنى  كۆرگەندە  يۈرىكىم  پىچاق  سانجغاندەك   ئاغرىپ  كېتىدۇ.

miskin kiz

	يازغىلى  نەرسە  تاپالماي  شۇ  جاپاكەش  بىچارە  خەقنى  غاجىغىلى تۇردىڭىزمۇ  ئەمدى ،   بىزنىڭ  خوتەندىمۇ  بار  ئۇنداق  ئىشلەمچىلەر ،  گەرچە  ئۇلارنى  سىز  ساپاسىز  دىگەن  بولسىڭىز مۇ   ئەمما   مەن  ئۇلاردىن  پەخىرلىنىمەن  ، چۈنكى  ئۇلار  ھەركۈنى  نۇرغۇنلىغان   سىزگە  ئوخشاش  تەييارتاپلارنىڭ ھاجىتىدىن  چىقىدۇ  .ھالال  ئىشلەپ  يەيدۇ .    100كوي  بەردىم  دەپ   بىر  كۈن  كەچكىچە  ئۆلگۈدەك  ئىشقا  سالىدىغانمۇ  بىز ، شۇلار  بولمىغان بولسا  قىلغۇمىز  كەلمىگەن ،ئېغىر ۋە  مەينەت  ئىشلىرىمىزنى كىم  قىلاتتى.  كىمنىڭ  راھەت  كۈن  كۆرگۈسى  يوق  ،ئۇلارغىمۇ  تەس .ئۇلار  شۇنچە  ساددا .ئاقكۆڭۈل  ئادەملەر  بىرەر كىمگە  يامانلىقى  يوق ،  راستىمنى  ئېيتسام  خاپا بولمىغايسىز . بۇ  مۇنبەرگە  ئۇيغۇر  تىلى  بىلىدىىغان  بىر  چەتئەللىك  كىرىپ  قالسا  ،تىمىڭىزنى  ئوقۇپ .ئۆزمىللىتىنى  غاجايدىغان .ھالى چوڭ  بىرنىمىكەن  دەپ ئۇ ئىشلەمچىلەردىن ئەمەس  سىزدىن  نۇمۇس قىلىپ  تۈكۈرۈپ  قۇيۇپ  چىكىتەمدىكىن دەپ  ئەنسىرەۋاتىمە   مەن . [s:208]         قاچانلا  قارىسا  ، خەقنى  ئۇ  بۇ   دەپ  يۈرىيدىكەنسىز  ،  سىزگە  بىرەر ياخشى  ئادەملەرمۇ  ئۇچرىمامدا  يازغۇدەك .  تولا  خەلقىمنى  كەمسىتمەڭ .