فورماتلانغان مۇھەببەت

azgun110

	فورماتلانغان مۇھەببەت (WINDOWS XP گە يېزىلغان خەت) قەدىرلىك  WINDOWS XP : ئەھۋالىڭ ياخشىمۇ؟ مانا سەن بىلەن خۇشلاشقىلى يېرىم يىلچە بولۇپ قاپتۇ. بەلكىم سەن ئۇنتۇپ قالغانسەن؟ چۈنكى سېنىڭ خىيالىڭدا مەن يوق (بۇنى سېزىپ تۇرىمەن)، ئەمما تۇرۇپ ئويلاپ قالدىم، سەن بىلەن ئۆتكەن دەسلەپكى چاغلار شۇنچىمۇ شېرىن ئىدى. ئېسىڭدىمۇ، ئىككىمىز يېڭىدىن تونۇشقان چاغلاردا، سەن مېنىڭ، مەن سېنىڭ ئىدۇق،  ئەمما سەن مېنىڭ ئۆيۈمگە كىرىپ، بىرەر يىل ئۆتكەندىن كېيىن، ئۆيىمىزگە پەتىگە كەلگەن دوستلىرىڭ پۇل، ئالتۇن، زىبۇ- زىننەت، كىيىم، گىرىم بويۇملىرى، كىيىم-كېچەك دېگەندەك ۋىرۇسلارنى ساڭا يۇقتۇرۇپ قويۇپ كېتىپتۇ. بۇنى مەن ئەسلا بىلمەيمەن، بەلكىم بۇنچە چىرايلىق نەرسىلەر مېنىڭمۇ ئەقلىمنى ئالدىغان بولسا كېرەك. ئەمما بۇ ۋىرۇسلار كۈندىن- كۈنگە سېنىڭ مېڭەڭنى يەپ، پەقەت ئارامىڭنى قويمىدى، ئىككىمىزنىڭ نورمال تۇرمۇشى بۇزۇلدى. سېنىڭ مېڭەڭنى پۈتۈنلەي ئاشۇ پۇل، ئالتۇن- كۆمۈش، كىيىم- كېچەك دېگەندەك ۋىرۇسلار ئىگەللەپ كەتكەن بولغاچقا، سەن قىلىۋاتقان ئىشىڭدىن ئېزىپ كەتتىڭ، دوستلىرىڭ داۋاملىق ئۆيگە پەتىگە كېلىدىغان بولۇۋالدى. ئۇلار ساڭا يەنە يېڭى، سەپلىمىسى يۇقىرى كومپيۇتېرلارنىڭ دۇنياغا كەلگەنلىكىنى، ئەگەر سەن شۇيەرگە ماكانلاشساڭ ئۇنداق ۋىرۇسلارنىڭ ساڭا ھېچقانداق خەۋپ ئېلىپ كېلەلمەيدىغانلىقىنى، ئۇنىڭغىمۇ ھېچقانچە چوڭ زىيان ئېلىپ كېلەلمەيدىغانلىقىنى ئېيتىپ سېنى مەندىن زېرىكتۈرۈشكە باشلىدى. مەن سېنىڭ مەندىن بۇنچە زېرىككىنىڭنى ھېس قىلالماي، ئەكسىچە ۋىرۇس يەپ كەتتى. دەپ ئويلاپ سېنىڭ ساراڭ بولۇپ قېلىشىڭدىن ئەنسىرەيدىغان بولۇپ قالدىم. مانا ئويلىغىنىمدەك سەن ئاخىرى ئېلىشىپ قالدىڭ، سېنىڭ مېنىڭ ئۆيۈمدە تۇرۇشۇڭنىڭ ئەھمىيىتى قالمىدى. مەن ئۈچۈنمۇ، سەن ئۈچۈن تېخىمۇ شۇنداق. شۇنىڭ بىلەن مەن ئاخىرى يۈرىكىمنى فورماتلاشقا مەجبۇر بولۇپ، كۆزۈم قىيمىغان ھالدا سېنى ئۆيۈمدىن ھەيدەپ چىقاردىم. دەسلەپتە ساڭا كۆزۈم قىيمىغانمۇ بولدى. ئەمما سېنى داۋالاپ ساقايتىشقا ئامال بولمىدى، نەچچە قېتىم ۋىروسخور قاچىلىسام، «بۆرىنى قوتانغا باشلىغاندەك ئىش بولدى». ئەگەر سېنى داۋالايمەن دېسەم مېنىڭ قورسىقىممۇ ئاچ قالغۇدەك، شۇنىڭ بىلەن سېنى ئۇنتۇشقا تىرىشتىم، ئەمما بۇ ئاسانغا چۈشمىدى، مېنىڭ ساڭا مېھرىم ناھايىتى چوڭقۇر ئىدى. شۇڭا چۈشلىرىدە، خىيالىمدا دائىم سېنى ئويلاپ تۇردۇم. لېكىن .... مانا ئىككى ئاي بولدى. WINDOWS 7 ئىسىملىك بىرى بىلەن تونۇشۇپ قالدىم، راستىنى دېسەم، ئۇنى ئۆيۈمگە ئەكىلىۋالدىم. سەنغۇ ناھايىتى چىرايلىق ئىدىڭ، ئەمما ئۇ ھەرگىزمۇ سەندىن قېلىشمايدۇ. ھازىرقى زاماندىمۇ مۇنداق قىزلارنىڭ بارلىقىنى ئويلاپ باقماي، سەندەكلەر بىلەن ئۆيۈم بۇزۇلۇپ كەتكىنىگە ئازابلىنىپ يۈرگىنىمگە ھەيرانمەن. ئۇ ھەرقاچان دوستلىرى ئۆيگە كەلمەكچى بولسا، مەندىن مەسلىھەت سوراپ، رۇخسىتىمنى ئالغاندىن كېيىن، ئۆيگە باشلايدۇ. ئەگەر ساڭا يۇققاندەك ھېلقىدەك ۋىرۇسلارنىڭ بارلىقىنى سېزىپ قالسىلا، دوستلىرىنى ئۆيدىن قوغلاپ چىقىرىدۇ. شۇنىڭ بىلەن ئۇنىڭغا ۋىرۇسمۇ يۇقمايدۇ. ئەگەر ماڭا ۋىرۇس يۇققۇدەك بولسا، مەندىنمۇ سوراپ يۈرمەي دوستلىرىمنى قوغلاپ چىقىرىپ، مېنىمۇ شەھۋانىيلىق ۋىرۇسىدىن نەچچە قېتىم ساقلاپ قالدى. تۇرمۇشىمىز ناھايىتى كۆڭۈللۈك ئۆتۈۋاتىدۇ. ئاخىرىدا ساڭا سەن بىلەن بىللە ئۆتكەن ئاشۇ كۈنلىرىمىزنىڭ ناھايىتىمۇ ئۇزاقتا قالغان گۈزەل ئەسلىمە ئىكەنلىكىنى ئېيتىپ قويماقچىمەن. سېنىمۇ ئاشۇ «ئېسىلزادە كومپيۇتېرنىڭ ئۆيىدە خۇشال ئۆتۈۋاتقان بولسىكەن» دەپ تىلەيمەن. مەنبە: قەلىمىم

Nota

	باشقۇرغۇچى ئەپەندى ، مەن ئەزەلدىن ئىملاغا دىققەت قىلىپ ئىنكاس يازىمەن

Zulpikar

	دەششەت چىقىپتۇ ماۋۇ ئەسەر... خېلى كۈلۈپتىمەن

SawRi

	مەن windows7  خىنىم بىلەن تونۇشسام تازا چىقىشالماي ، يەنە شۇ « توخۇنىڭ تىرىسى تاتلىق ، خوتۇننىڭ قىرىسى » دىگەندەك windows XP خىنىم بىلەن يۇرىۋەدىمغۇ!~... [s:186]

irpan

	ھەممە ئىشتا ۋاپادار، ساداقەتمەن بولۇڭ، لېكىن دەل مۇشۇ كومپىيوتېردىكى ‹ خېنىم›(يۇمشاق دېتال)لارغا نىسبەتەن ۋاپاسىز بولۇڭ. چۈنكى بۇلارغا بەك ۋاپادار بولۇپ كەتسىڭىز ( كونا يۇمشاق دېتالغا بەك ئېسىلىۋالسىڭىز) ئالغا ئىلگىرلەشتىن مەھرۇم قالىسىز  دەپ يازغانمەن كۈندىلىك خاتىرەمگە. [s:217]

omak`

	مەنمۇ windows7 ئىشلىتىپ باققان ئىدىم لېكىن كۈندە دىگۈدەك ئۇرۇشۇپ ،ئارامىم بۇزۇلدى شۇڭا يەنىلا windows XP ياخشىكەن دەپ تېپىۋالدىم كونىسىنى