مۇشائىرە قەنتى

tarurum

	مۇشائىرە قەنتى نازى: ئىچىپ سۆيگۈ شارابىڭنى لېۋىڭدە تۈنىسەم دەيمەن. بولۇپ مەست تاڭغىچە جانان جاھاننى بىلمىسەم دەيمەن تارئۇرۇم: لېۋىمدە تۈنىسەڭ ھەيھات! ۋىسالدىن كۈلگىسى «پەرھاد»، يوقالغاي مەندىكى پەرياد، يەنە دەشت يۈرمىسەم دەيمەن. نازى: ئەگەر بولساڭ چىمەن باغدا قىزىل گۈل شاھى-سۇلتانى، بولۇپ بۇلبۇل قونۇپ شاخىڭ، ئوتۇڭدا ئۈنلىسەم دەيمەن. تارئۇرۇم: چىمەن كۈيسىز لاتاپەت نە ؟ چىمەنسىز كۈي ھالاۋەت نە؟ قوشۇلماستا پاراغەت نە؟ يىغاڭنى بەزلىسەم دەيمەن. نازى: جۇدالىق يەتمىسۇن بىزگە سېھىرلەپ باغلىۋال مەھكەم، سېنىڭ باغرىڭ باھار بەرھەق جۇدۇننى كۆرمىسەم دەيمەن. تارئۇرۇم: جۇدۇننى رەشكى دەپ بىلگىن، تامام كۈلگە تېتار ئەمىن، قوشۇلسا تۇز چىقار تەمىن، ئاڭا تىغ تەڭلىسەم دەيمەن. نازى: كۆزۈڭدىن ئۈزمىسەم كۆزنى، قاراقىڭدا ئېرىپ كەتسەم، مۇراد بەختىمنى مەڭگۈلۈك كۆزۈڭدىن ئىزدىسەم دەيمەن. تارئۇرۇم: سوقۇلغان نەيزە قالقانچە، قىلىچنى ياۋغا ئۇرغانچە، مىنىپ تۇلپارنى تالغانچە ئۇدۇمنى بەرمىسەم دەيمەن. نازى: يەنە بىر ئارمىنىم شۇدۇر: قۇچاقىڭنى ماكان ئەيلەپ، كۆرۈپ باغرىڭدا شېرىن چۈش، خىيالمۇ سۈرمىسەم دەيمەن. تارئۇرۇم: چۈشۈڭدە ئەر سۈپەت شىرلار، ئوڭۇڭدا پۈكلىنەر تىزلار، پىغاندا ناتىۋان قىزلار...«بۆرە»دەك ھوۋلىسام دەيمەن... مۇشائىرە بەھرى تارئۇرۇم: «تىلەك»- دەسمايە ئالتۇندەك، ئۇچار ئىلھاممۇ دۇلدۇلدەك، چىمەنلەردىن ۋىسال تاپقان قەلەم سايرايدۇ بۇلبۇلدەك. ئىشارەتتىن ئېۋەنلەرنى تۈزەتتىم ئۆزرە، رەھمەتتە، تىلەي مەنمۇ تىلەكلەرنى خۇدانىڭ ئالدىدا قۇلدەك. نازى: ئەجەپكىم تارىنى چەكتىڭ يۈرەككە بىر ئۇرۇپ زەخمەك، غەزەلگە زەپ ئىپىڭ شۇنچە ئۆزۈڭ خەندانە بۇلبۇلدەك. نىتەي مەنمۇ غەزەل يازسام ساناپ بارماقلىرىم بىر بىر، قەلەمىم يازمىدى سەندەك، قىزاردىمغۇ قىزىلگۈلدەك. تارئۇرۇم: ئەجەپكىم چاكى-چاك قىلدىڭ قىزارغان ئول قىزىل گۈلگە، مۇھەببەت كەچمىشىم ياندى بۈگۈن بۇندا بىراق نولگە. غەزەل ۋەزنى ئاھاڭدارلىق، كۆرەي بارماق ئۈزۈگىڭنى، چېچىڭنى «تار» قىلىپ ئۇرسام بېرەر بەرداشمۇ زەخمەككە ؟ مۇشائىرە رەنجى نازى: چېچىمدا مىڭ قەسەم گۈلتاج شاھتۇر  ئۇندا بىر نازى، غەزەلگە ئىشتىياق بولغاچ ئاڭا سۆز قاتتىما زادى. مەگەر كۆرسەڭ يۈرەكىمنى لاۋۇلدايدۇ كۆيۈك ئارمان، ئاھاڭدارلىق غەزەل ۋەزنى بىلىپ بولدى كۆڭۈل شادى. قىزارغان ئۇ قىزىلگۈلنى بىرى باغرىدا ئۆستۈرگەن، سۇغاردى كۆز يېشى بىرلە كېچە كۈندۈز ئۇرۇپ خەندان. بېرەلمەسمەن شۇڭا بەرداش قىلماغىن چېچىمنى تار، ئىختىيار ئەمەس مۇتلەق، پەلەكنىڭ ھۆكمىدە ئىمكان. مۇشائىر پەنجى تارئۇرۇم: ئۈمۈتسىزلىك، ئاھانەتتە كۇلاھۇ-جەندە كىيگەيمەن، ئۇرۇپ دولغا ساپايامنى، ئېسىپ خۇرجۇننى يۈرگەيمەن. جاھان سەيياھىدەك ھەربىر ئۆچەككە تەلمۈرۈپ مەڭدەپ، ئىجازەتلەر بولۇپ قالسا بىرەررەت كەيپى سۈرگەيمەن... قەلەندەر بىرلا ۋاھىزدەك ئوقۇيمەن كۆپ غەزەللەرنى، نەزەر ئۈستۈن، كېبىرلەردىن قويار قايرىپ نەزەرلەرنى. نېسى سودا، قېنى قىززىق، بۇرۇختۇم، كەيپى چاغ ئىنسان، كۆڭۈل ئىزدەر كۈلۈشمەككە نى چاخچاق، نى ھەزىللەرنى. ساداقەتتىن سادا بولسا مەگەر سۆيگىڭدە ئەي جانان، پېقىر قانداق سىماسىڭنى دىگەي ئاددىلا بىر پەرۋان ؟ ۋۇجۇتتا يۇقۇ-بارىڭنى مۇرەببىڭگە سەرپ ئەتسەك، مېنىڭ قىسمەت شەجەرىمدە نېمە قىلسۇن يەنە ئارمان ؟ مۇشائىرلەر يوسۇنىدا غەزەل يازماق كۆڭۈل بولسۇن ! قېلىن-قاتتىق ئىبارەمدىن قەلبلەرگە ھوزۇر تولسۇن. نىمە ئانچە قىلىپ كەتمەك مۇساپە نەچچە كۈنلۈكتىن ؟ سالام ئېيتقىن قاياشىڭغا رەقىپلىك رەنجىنى قويسۇن. نازى: ساداقەت ھەم ۋاپا بىرلە كېيىپ كەلگەچ ئېسىل توننى، تىنچ ئۆتتۈم  جۇدۇنلاردىن، زىمىستان - قەھرىتانلاردىن. ئاڭا مەن شام بولۇپ ئۆتتۈم بولۇر ئۇ باشىمە پەرۋان، ئۇنىڭ ئىنئامىغا ئاللاھ  بېرىپ جۈپ ئارسىلاردىن. مۇشائىرلەر يوسۇنىدا غەزەل يازماق كۆڭۈل بولسۇن ! ئەزىزلەرگە سالام بولسۇن ۋە پاكلىق قەنتىنى چاقسۇن! سوراپ سۈبھىدە ئاللاھتىن بولاركىم جايناماز تەختىم، جۇۋانلار ھەم نى قىزلارنىڭ دىلىغا لىق ئىمان تولسۇن! كېلىڭ مۇنبەردە بىر مەررە قىلىشقايمىز مۇشائىرلەر، ھوزۇرىدىن كۈلۈپ دوستلار چىرايى گۈل سىياق بولسۇن. قەنى باشلاڭ مۇشائىرنى قولۇم كۆكسۈمدە ھۆرمەتتە، باساي دەم-دەم ئىزىڭىزدىن يولىمىز مەڭگۈ ئاق بولسۇن! يىراق  بولغاي بىراۋلار  شۇندا بىر غەيرى نەزەرلەردىن، دېگەيكىم «كىن» چېچىپ «ناز»نىڭ دىلىغا زەر-ئىپارلاردىن. يېتىلسە ئۇ غەزەلخان بوپ چېچەك ئاچقاي ئېسىل مېۋە، بولۇر شۇندا مۇراد ھاسىل تاقاپ لەئىلى- گۆھەرلەردىن. مەنبە: تارئۇرۇم بىلەن نازى مۇشائىرىسىدىن

تاڭنۇر

	ماۋۇ ئىسىل تېمىنى باھالاي دىگەن ئىدىم ، باھالايدىغان يەرنى تاپالمىدىمغۇ ؟ تار ئۇرۇم ئەپەندىمنىڭ ئىلھاملىرى زىيادە بولسۇن !

xarkyultuzi

	ھەقىقەتەنمۇ ئىسىل مۇشائىرە بولۇپتۇ ! مىسرانىمنىڭ يېڭى نەشىرىگە مۇبارەك! ئەجرىڭلار چوقۇم يەردە قالمايدۇ! مۇنبەرگە  خاتا كىرىپ قالدىممۇ دەپ قايتا كىرىپ بىقىپتىمەن [s:166]

yexilyakut

	بۇ تىمىڭىزنىڭ مەنىسى تولىمۇ چوڭقۇر چىقىپتۇ مەنمۇ  ازراق يىزىپ قوياي،[s:206]  تىمىڭىزغا رەخمەت

tarurum

	ئەسسالامۇ ئەلەيكۇم «تاڭنۇر» ئەپەندى    ئىلھام، مەدەتلىرىڭىزنىڭ ئۆزى كۇپايە... باھالاشنىڭ زۆرۈرىيىتى بار دىيىلسە؛ ياخشى ئەسەرلەر چەتتە قالمىسىلا «مىسرانىم»نىڭ ئىستىقبالى شۇ.

kokyal

	نازى ھەدەم نەلەردە يۈرىيدىغاندۇ، ھەجەپ كۆرۈنمەيلا قويدى.

نازى

	ئىشلىتىدىغان قەۋەت5قەۋەتkokyalبىلەن2011-05-30 03:25 PMيوللانغان : نازى ھەدەم نەلەردە يۈرىيدىغاندۇ، ھەجەپ كۆرۈنمەيلا قويدى. مەن بار كۆكيال، خىزمەتتىكى ئالدىراشلىق ۋە ئىجادىيەتتىكى جىددىيلىك سەۋەبلىك مۇنبەرلەرگە كىرەلمىدىم، ئاللا خالىسا ئىشلىرىم بىر يەرگە بارسا چوقۇم مۇنبەردە سىلەر بىلەن دىدار مۇلاقەتتە بولىمەن.

Gulbike

	ئۇستارزلارنىڭ ئېسىل غەزەللىرىدىن باشقىچە ھۇزۇر ئالدىم ، قەلىمىڭلار بەرىكەتلىك بولسۇن![s:154]

YuqunAdam

	نازى دىگەن ھېلىقى تەبەسسۇم شۇمىدۇ دەيمەن تەبەسسۇممۇ ئەجەپ يوقاپ كەتتى. يازغۇچىلار مۇنبىرىدە تۇرىدۇ بولمىسا. ئۇستا غەزەلچى ئىدى.

tuprakbag

	چچ دا قىلىشقان مۇشائىرىمۇ بۇ؟ تاتلىق چىقىپتۇ!