سىز سۆيىدىغان ئايال كىم؟

gulbar5

	سىز سۆيىدىغان ئايال كىم؟ ھېچ ئۆمۈرلۈك ھەمرايىڭىزنى ئاللاھ نىڭ سىزگە چۈشۈرگەن بىر ئايىتى ئورنىدا كۆرۈپ ئۇقۇشقا تەمشىلىپ باقتىڭىزمۇ؟ قاراڭغۇ  تۈن.  بىر ئەر يۈكۈنۈپ تۆۋبە قىلىۋاتاتتى… …….. ـــ ئىي پەرۋەردىگارىم، مەن بىر توي قىلغان ئەر، ئەمما مەن باشقا بىر ئايالنى بەكلا ياخشى كۆرۈپ قالدىم، مەن قانداق قىلىشىمنى بىلەلمىدىم… ـــ سىز ھازىر ياخشى كۆرۈپ قالغان ئاشۇ ئايالنى ھاياتىمدىكى بىردىن -بىر ۋە شۇنداقلا ئاداققى سۆيگىنىم دەپ جەزىملەشتۈرەلەمسىز؟ ـــ شۇنداق. ـــ ئەمىسە ئاجرىشىپ كېتىپ، ئاشۇ ئايالنى ئېلىڭ. ـــ بىراق، ھازىرقى ئايالىممۇ شۇنداق مېھرىبان، ئاقكۆڭۈل، ئىشچان ئايال ئىدى… مەن بۇنداق قىلسام ئۇنىڭغا نىسبەتەن ئادالەتسىزلىك ياكى ئەخلاقسىزلىق بوپ قالارمۇ؟ ـــ نىكاھدا مۇھەببەت بولماسلىقنىڭ ئۆزىمۇ ئادالەتسىزلىك ھەم ئەخلاقسىزلىق! سىز ھازىرقى ئايالىڭىزنى ياخشى كۆرمىسىڭىز؟ سىزنىڭ مۇشۇنداق قىلىشىڭىزمۇتلەق توغرا! ـــ بىراق ئايالىم مېنى سۆيەتتى…. بەكلا… ـــ ئۇ پەقەتلا ئايالىڭىزنىڭ بەختى. ـــ مەن ئۇنىڭ بىلەن ئاجرىشىپ، باشقا بىرى بىلەن توي قىلسام… ئۇ بەكمۇ ئازابلىنىشى مۈمكىن. ئۇنى قانداقمۇ بەختلىك دېگىلى بولسۇن…. ـــ نىكاھدا ئۇنىڭ سىزگە بولغان مۇھەببىتى بار، ئەمما سىز نىكاھدا مۇھەببەتتىن ئايرىلىپ قالدىڭىز، چۈنكى سىز باشقا بىرىنى ياخشى كۆرۈپ قالدىڭىز… “ئېرىشىشنىڭ ئۆزى بەخت، يوقۇتۇش ئازاب.” دەپ ئاڭلىمىغانمۇ؟ شۇڭلاشقا ئازابلىنىدىغىنى سىز بولۇشىڭىز كېرەك. ـــ ئەمما، مەن باشقا بىرى بىلەن توي قىلسام، يوقاتقىنى ئۇ بولۇشى ، ئازابلىنىدىغىنىمۇ ئۇ بولۇشى كېرەكقۇ؟ ـــ خاتالاشتىڭىز، سىز پەقەت نىكاھىڭلاردىكى سۆيۈلگۈچى ئوبيېكت. سىز يوق بولغان بولسىڭىز، ئۇنىڭ سۆيگۈسى مۇقەررەركى باشقا بىرىگە بېغىشلانغان بولاتتى. ئايالىڭىز ھېلىھەم ئەنە شۇ سۆيگۈسىنى يوقۇتۇپ قويغىنى يوق، شۇڭلاشقا بەختلىكى ئۇ، بەختسىزى سىز بولۇشىڭىز كېرەك. ـــ ئۇ پۈتكۈل ھاياتىدا بىر مېنىلا سۆيىدىغانلىقىنى دېگەن، مېنىڭچە ئۇ سۆيگۈسىنى باشقىلارغا بېغىشلىيالمايدۇ… ـــ بۇنداق گەپلەرنى سىزمۇ دېگەن بولغىيتىڭىز؟ ـــ مەن…… ـــ سىز ئاۋۇ ئۈستەلدىكى 3 تال شامغا قاراڭ. قايسىسى بەكرەك يورۇقكەن؟ ـــ بىلەلمىدىمغۇ؟ ھەممىسىلا ئوخشاشتەك؟ ـــ ئەشۇ 3 تال شامنى 3 ئايالغا ئوخشىتىشقا بولىدۇ، سىز پەقەت ئۇنىڭ ئىچىدىكى بىرىنى ياخشى كۆرۈپ قالدىڭىز خالاس. سىز ئەشۇ 3 تال شامنىڭ ئىچىدىن ئوخشىمايدىغان، يورۇقراق بىرىنى تاپالمىدىڭىز يەنى ئۆزىڭىز ياخشى كۆرگەن ئايالنى تاپالمىدىڭىز دېگەن گەپ. ئەجىبا سىز نەچچە مىليون ئايالنىڭ ئىچىدىن ئاشۇ ئايالنى ياخشى كۆرۈپ، ئۇنىڭ ھاياتىڭىزدىكى بىردىن-بىر ھەم ئاداققى سۆيگىنىڭىز ئىكەنلىكىگە قانداق ھۆكۈم قىلدىڭىز؟ ـــ مەن……… ـــ سىز ھازىر ئەشۇ شاملارنىڭ بىرىنى ئەكىلىپ ئالدىڭىزغا قويۇڭ ۋە دىققەت قىلىڭ، قايسىسى بەكرەك يورۇقكىن. ـــ ئەلۋەتتە مۇشۇ ئالدىمدىكىسى يورۇق كۆرۈنىدۇ-دە؟ ـــ ئەمىسە ئۇنى ئەسلى جايىغا قويۇپ قويۇپ، ئاندىن يەنە قاراپ بېقىڭ… ـــ مەن يەنىلا قايسىسىنىڭ بەكرەك يورۇق ئىكەنلىكىنى ئايرىيالمىدىم… ـــ ئەمەلىيەتتە، بايا سىز قولىڭىزغا ئالغىنىڭىزنى سىز ھازىر ياخشى كۆرۈپ قالغان ئايال دېيىشكە بولىدۇ. مۇھەببەت يۈرەكتىن تۇغۇلىدۇ دېگەن گەپ بار، سىز ئۇنى ياخشى كۆرۈپ قالغان چېغىڭىزدا، ئۇنى كۆزىڭىز بىلەن ئەمەس يۈرىكىڭىز بىلەن كۈزىتىسىز ھەم ئۇنىڭ ھەممىدىن يورۇق ئىكەنلىكىنى ھېس قىلىسىز… ئەسلى جايىغا قويۇپ قويغاندا بولسا ئۇنىڭ باشقا شاملارغا ئوخشاشلا ئىكەنلىكىنى بايقايسىز. ئۇنداقتا سىزنىڭ بىردىن-بىر، ئاداققى سۆيگىنىڭىز زادى نېمە؟ ـــ ….. بىلدىم. سىز ئاجراشماڭ دېمەكچى شۇنداقمۇ؟ ـــ بىلگەن بولسىڭىز دەپ ئولتۇرۇشنىڭ ھاجىتى يوق. قايتسىڭىز بولىدۇ. ـــ مەن ھازىر كىمنى ھەممىدىن بەكرەك سۆيۈش كېرەكلىكىنى بىلدىم. ئۇ دەل مېنىڭ ھازىرقى ئايالىم ئىكەن. ـــ پەرۋەردىگار سىزنى ئۆز پاناھىدا ساقلىغاي~ ئامىن~! ـــ ئامىن~ مەنبە:ئوكيان تورىدىن ئېلىندى

sabah

	ھەقىقەتەن ياخشى تىماكەن ،رەھمەت.

xukur0996

	ئوخشاش تېمىغا ئوخشاش ئىنكاس. پوپ بىلەن دىلىغۇل بولغان بىر ئەرنىڭ سۆھبىتى . ئاخىرقى نەتىجە ئارقىلىق كىشىلەرنى دەۋەت قىلىش . بىراق پوپ بىلەن دىلىغۇل بولغان ئايال سۆھبەتلىشىپ باقسا قانداق نەتىجە كېپ چىقار ھە ؟ نىمىشقا مۇشۇ يازغۇچىلار ئىككىلا مەۋقەدە تۇرۇپ بىر نىمە يازمايدىغاندۇ دەيمەن ؟

shadnur

	ئالدىدا بارىنى قەدىرلىمەيدىغان شۇنداق ئادەملەرنى كۆرسەم .................. [s:151]

nazila998

	ئات ئايلىنىپ ئوقۇرنى تاپىدۇ ئەمەسمۇ؟ [s:166]  [s:166]  [s:166]  [s:166]  [s:166]

yamgur521

	ياندىكى ھىسىپنىڭ قەدرى يوق دىگەن شۇ-دە. مۇھەببەتسىز نىكاھنىڭ ئۆزى ئەخلاقسىزلىقتۇر. ئەمما قانچىلىغان ئاياللار پەرزەنتلىرىنى يىتىم قىلماسلىق  ئۈچۈن ئۈن-تۈنسىز قۇربان بەرمەكتە.

mosajan0997

	ياشاپ كىتىڭ،بەك ياخشى تىما ۋە مەزمۇن يوللاپسىز..........

sarsan3707

	تەربىيۋى ئەھمىيتى ياخشى ئەسەر بۇپتۇ .باشقۇرغۇچىلارنىڭ نادىرلىشىنى ئۇمىد قىلىمەن .يىزىقچىلىقىڭىزنىڭ تۇختاپ قالماسلىقىنى ئۇمىد قىلىمەن .

tanhaazap

	ياخشى تىمىكەن ................داۋاملىق ................ [s:166]  [s:166]  [s:166]

پىنھان

	ياخشى تىمىكەن،ئاللا ئەجرىڭىزنى بەرسۇن!  [s:154]  [s:160]

nurali307

	پەلسەپىۋېلىكى كۈچلۈك گەپلەركەن .تېما ئىگىسىە رەھمەت .

dilawur520

	ياخشى تىما.....................

zulayha

	شەپقەتلىك اللە  ئاجرىشىشنى ھەرقانداق ئادەمگە ھارام قىلسۇن...! كىشىلەر ئاجراشقاندا ھەتتا زىمىن يىتىمنىڭ نالىسىدىن تىترەمىش،  زىمىننى تىترەتكەن مۇشۇ گۇناھ بىزنىڭ كىچىككىنە يۈرۈكىمىزنى  تىترىتەلمىگەنمىدۇ...؟ - ئەجابا ، ئىنسانلار ئۆز پۇشتىنى باشقا بىر  يارالمىش ئالدىغا تاشلاپ قويۇپ ، شۇ پۇشتىنىڭ خۇشاللىقىنى ھەم بەختىنى كىچىككىنە پۇل خەجلەپ بېرىپ ياكى ئۇنى ئوينۇتۇپ  قويۇپ بېرەلەيمەن ، بۇرچۇمنى ئادا قىلالايمەن ،  اللە ئالدىغا يۈزۈم يورۇق بارالايمەن دەمدىغاندۇ؟ دىللار ئازارى ،  خۇدا بىزار بولىدىغان چوڭ گۇناھى كەبىرلەركەن . چوڭ كىشىلەر بىرىنىڭ كۆڭلىنى  ئاغرىتسىمۇ اللە بىزار بولىدىكەن . كىچىككىنە سەبىنىڭ يۈرۈكىنى زىدە قىلىپ ، يىتىملىك كوچىسىدا قان يىغلاتقان بۇ ئىشىغا اللە بىزار بولماسمۇ؟ پەرىشتىلەر نالەت قىلماسمۇ؟  مىھرىبان اللە ، گۇناھلىرىمدىن ساقىت بولۇپ ئازار قىلغانلىرىمدىن قۇتۇلۇپ مۇشۇ سوئالنىڭ ھۆددىسىدىن چىققۇدەك بولغاندا ، كامىل ئىمان بىلەن كەتكەيمەن...امىن!

0ishak0

	[s:166]  [s:166] بەك ياخشى تېمىكەن

arkin.jan

	ئىسىل تىمايىزىپسىز ھەركىمنى ئۇزىنىڭ ياخشى كورگەن جورىستىن ئايرىمىغاي [s:166]