نوبىل ئالتۇن مۇكاپاتىغا ئېرىشكەن تۇنجى ئۇ

tang-xamili

	( دولقۇن ياسىن ) 2003-يىلى 10- ئاينىڭ 11-كۈنى قازاقىستاننىڭ ئەڭ چوڭ شەھىرى ئالمۇتا شەھىرىدىكى ئابدوللا ئەخمەت ئوغلى نامىدىكى ئۇيغۇر ئوتتۇرا مەكتىپىدە ، ئۇيغۇر خەلقىنىڭ تالانتلىق شائىرى پېشقەدەم ژورنالستى دولقۇن ياسىننىڭ 65 يىللىق تەۋەللۇتى ھەم ئىجادىيىتىنىڭ 50 يىللىقىغا بېغىشلانغان ئەنجۈمەن بولۇپ ئۆتتى . دولقۇن ياسىن (ئۇچقۇن ) غا خەلقئارادىكى ئەڭ ئىمتىيازلىق ھەم چوڭ مۇكاپات نوبېل موكاپاتىنىڭ ئالتۇن مېدالى بېرىلدى . نوبېل موكاپاتىنىڭ تەسىس قىلىنغانلىقىغا 100 يىل بولىشى مۇناسىۋىتى بىلەن چىقىرىلغان بۇ ئالتۇن مېدال ، دۇنيادىكى ئەڭ تالانتلىق ئىجاتكارلارغا ، ئالىملارغا ، دۆلەت ئەربابلىرىغا ، ئاتاقلىق شائىرلارغا بېرىلىدۇ . بۇنىڭدىن 5 يىل ئىلگىرى ، دولقۇن ياسىن ۋەتەن خەلقىمىز ھەم كۆپ مىللەتلىك قازاقىستان دۆلىتىنىڭ ئەدەبىيات ساھەسىدە كۆرسەتكەن تۆھپىسى ئۈچۈن ئامېرىكا كالىفورنىيە شتاتىدىكى خەلقئارا ئاكادىمىيىنىڭ ئاكادىمىكلىك ئۇنۋانىغا ئېرىشكەن ئىدى . بۈگۈن ئاكادېمىك شائىرىمىزنىڭ يەنىمۇ بىر پەللە ئۆرلەپ ، خەلقئارالىق نوبېل موكاپاتىنىڭ ئالتۇن يۇلتۇز مېدالىغا ئېرىشكەنلىكى، يالغۇز ئۇنىڭلا شەرىپى بولۇپ قالماستىن ، ئۇنى تەربىيىلەپ ۋايىغا يەتكۈزگەن سۆيۈملۈك مىللىتىمىزنىڭ شان شەرىپىدۇر. ئۇيغۇر خەلقىنىڭ ھاياتىدىكى ئىنتايىن چوڭ تارىخىي ۋەقە ھىساپلىندۇ . ئاكادېمىك شائىرىمىز دولقۇن ياسىن ۋەتەن خەلق ئۈچۈن ئون ئونلاپ داستانلار ، مىڭلاپ ھەر خىل ھەجىمدىكى ماقالە ئەسەرلەر يازغان يېتۈك ئاتاقلىق لىرىك شائىر ھەم پېشقەدەم ئەدىپتور . ئاكادېمىك شائىرىمىز دولقۇن ياسىن ئۆزىنىڭ 50 يىللىق ئىجادىيىتىدە جەمئىيەتنىڭ ھەممە ساھەلىرىنى ئۆز ئىچىگە ئالغان ساپالىق نۇرغۇن ئەسەرلەرنى يازدى . ئەسەرلەر مەزمونىنىڭ بايلىقى ، شەكلىنىڭ خىلمۇ خىللىق، رەڭدارلىقى ، ئۇنىڭدا ئەكس ئېتىلگەن پەلسەپىۋى پىكىر ۋە ئىخچام مەزمۇنلىرىنىڭ چوڭقۇرلىقى ، تىلىنىڭ ئويناق جەزبدارلىق، ئۇنىڭدا ياڭرىغان قايغۇ مۇڭ زار، قايناق ھىسىياتلار ھەم خەلق ئېغىز ئەدەبىياتىنىڭ قويۇق پۇراقلىرى ئوقۇرمەننى ئۆزىگە ئالاھىدە جەلپ قىلىدۇ . قىسقىسى دولقۇن ياسىن ھازىرقى زامان ئۇيغۇر شىېريىتىدە ئۆزىگە خاس ئۇسلۇب يارىتىپ ، داڭ چىقارغان ئەدەبىياتىمىزدا ئالاھىدە ئورنى بار داڭلىق شائىرىمىزدۇر . نوبېل ئالتۇن مېدالىنى تاپشۇرۋىلىش يىغىنىغا كەلگەن ۋەكىللەر ئۆمىكىنىڭ تەركىبىدە ئوتتۇرا ئاسىيانى سىستېمىلىق تەتقىق قىلىش ئاكادېمىيىسىنىڭ رەئىسى ، تارىخ پەنلىرى دوكتورى ، پەلسەپە پەنلىرى دوكتورى ، فراپىسسۇر روسلان راخمان ئەلىيىۋ ۋە بۇ ئاكادىمىيىنىڭ مۇئاۋىن رەئىسى ، فراپىسسۇر پىكىتشون قاتارلىقلار بار . ئەنجۈمەنگە سۆز چىققانلار ئارىسىدا ئوقۇتقۇچى ئوقۇغۇچىلار،يازغۇچى شائىرلار ،جامائەت ۋەكىللىرى بار ئاكادېمىك شائىرنىڭ كۆرسەتكەن خىزمەتلىرىنى ئالاھىدە باھالاپ ، ئۇنىڭ بۇنىڭدىن كىيىنكى ئىجەدىيەتلىرىگە زور موۋاپىقىيەتلەر تىلىدى . ئىككى يېرىم سائەت داۋاملاشقان ئەنجۈمەنگە ،شائىرنىڭ شئىرلىرى ، مەكتەپ سەنئەت كورژىكىنىڭ ۋە ئۇيغۇر تىياتىرى ئارتىسلىرىنىڭ ئورۇنلىشىدا يىغىن ئەھلىگە ھەر خىل نومۇرلار كۆرسىتىلدى . شائىر دولقۇن ياسىن بىلەن 50 يىلدىن بويان يېقىن دوست بولۇپ ، ھەر خىل سەرگۈرەشتلەردە بىرگە بولغان مۇشۇ سەتىرلەرنىڭ مۇئەللىپى ئەھمەد ئىگەمبەردى . مەنبەسى : ئەركەم بىز تورى ( http://erkem.biz/show.asp?id=1411 )

tewpik2011

	ئەجەپ ئەمدى ئاڭلاپتىمەن؟  قۇتلۇق بولسۇن

kaisar

	بۇنى  مەن بىلمەيدىكەنمەن  .      خەۋەر قىلغىنىڭىزغا رەخمەت .

zapar

	شۇنچە زور ئىشلارنى ئەجەپ ئاڭلىماپتۇق دېسە. [s:148]

altur

	نوبىل مۇكاپاتى قاچان بېرىلىپتۇ؟  2003 - يىلى 11 - ئاينىڭ 10 - كۈنىما؟  خەۋەر ئىشەنچىلىكمۇ؟

kurdax

	ھەقىقەتەن ياخشى خەۋەر ئىكەن ،

akbuya

	نەچچە يىلدىن بۇيان پەقەت بىلمەپتىمەن،بەك ھاياجانلاندىم.بىراق....

sargarda

	ئارىمىزدىن  چىققان  ئۇلۇغ  ئادەملەرنىڭ  نەتىجىللىرىدىن  پەخىرلىنىپ  خۇدىمىزنى  يوقىتىپ   قويمايلى !   چۈنكى  بۇ  بىزنىڭ  نەتىجىمىز  ئەمەس. ئۇ  كىشىنىڭ  ئۇيغۇرچىغا  ،  قىسقىسى  ئۇيغۇر  قوۋمى  ئۈچۈن  تەۋرەتكەن  قەلىمنى  كۆرۈشكە   مۇيەسسەر  بولساق  بۇلاتتى...

yasenm

	ۋاي بىشىمزغا ئېلىپ كۆتەگۇدەكلام ئىش بۇپتىغۇ . مەنمۇ بۇرۇنئاڭلىماپتىكەنمەن بۇ ئالىمىمىزنى ،مۇبارەك بولسۇن .

ayyamguri

	مۇبارەك بولسۇن ! بېشىمىزغا ئېلىپ كۆتىرىشىمىزگە ئەرزىگىدەك !ياشاڭ !!!