جالالىددىن بەھرامنىڭ ئەزالارغا يازغان خېت

Misranim

	ئەسسالامۇ ئەلەيكۇم مىسرانىم تور بېكىتىدىكى ئەزىز قېرىنداشلار. مىسرانىم تور بېكىتىنىڭ سىرداشلار كۆزنىكى پىروگراممىسى يولغا قويۇلغان قىسقىغىنە بىر قانچە ئاي داۋامىدا تورداشلار ئىزچىل كۈچلۈك قوللاپ ،كەڭ تەشۋىق قىلىشى نەتىجىسىدە تور بېكىتىمىزنىڭ رەڭدار ھەم ئەڭ جەلىپكار سەھىپىسىگە ئايلاندى.   ئالدىنقى سانلاردىكى سىراجىدىن پەتقۇللا،ھەم تۇنجى ساندىكى شىرئەلى ئەلتېكىنلەرنىڭ تورغا چىقىش ئىمكانىيتى بولغانلىقى ئۈچۈن تورداشلارنىڭ ھەممىسىنىڭ يۈرەك سۆزلىرىنى تەپسىلىي كۆرۈشكە مۇيەسسەر بولالىغان.  ئاتاقلىق يازغۇچى،مول ھوسۇللۇق قەلەم ساھىبى جالالىددىن ئاكىمىزنىڭ ياشانغانلىق ھەم تورغا چىقىش ئىمكانىيتىنىڭ بولماسلىقى سەۋەبلىك بىز ئىككى كۈن ئىچىدىكى جالالىددىن بەھرام ئاكىمىزغا سالام يوللىغان بارلىق تورداشلارنىڭ قەلىب ساداسىنى تۈپلەپ بېسىپ 11 بەتلىك بولغان  ئىنكاسلارنى قەغەز يۈزىگە چىقىرىپ 43 بەتلىك يۈرەك سۆزلەرنى ئۆيىگىچە ئاپىرىپ بەردۇق ،شۇنداقلا مىسرانىم تور گۇرۇپپىمىزدىكى خادىملار جالالىدىنكامغا ھەممە ئىنكاسلارنى ئوقۇپ بەردى. بۈگۈن ئويلىمىغان يەردىن جالالىددىنكام سىلەرگە يۈرەك سۆزلىرىنى ئەۋەتتى، ئۇزۇندىن بۇيان كىتابىنى ياقتۇرۇپ ئوقۇغان كىشىلىرىمىز بۇ يازغۇچىمىزنىڭ ئۆز قول يازمىسىنى كۆرۈشكە مۇيەسسەر بولدى.بۇ مىسرانىمدىكى ھەممە تورداشلارغا قويۇپ بەرگەن قول يازما ئىمزاسى... ئۈمۈدىمىز شۇكى تورداشلار مۇشۇنداق پىروگراممىلارنى كۆرگەندە ئىچىدىن چىقىرىپ ئىنكاس يېزىپ ،شۇلار بىلەن سەمىمىي سىرداشسا.... سىرداشلار كۆزنىكى ھەقىقىي سىردىشىڭلار بولغۇسى.. تورداشلارنىڭ ئىنكاس يازغاندا سەل قارىماسلىقىنى ئۈمۈد قىلىمىز.... تۆۋەندىكى جالالىددىنكامنىڭ ئۆز قول يازمىسى ،شۇ تېمىدىكى فىلىمغا يازغان باھالارغا بەرگەن جاۋابى: ماھىنۇر روزى تورداشلار ئىنكاسىنى ئوقۇپ بەرمەكتە. مىسرانىم ئۇيغۇرچە ئۇنۋېرسال تور بېكىتى مىسرانىم پىروگرامما باشقۇرۇش گۇرۇپپىسى 2011 -- يىلى 5 - ئاينىڭ 25 - كۈنى

cayyara

	ئوقۇپ بولغىچە كۆزۈمدىن ئېقىۋاتقان ئىسسىق ياشلىرىمنى يۇشۇرۇشقا ئامالسىز قالدىم ، شۇ تاپتا نىمە دىيىشنى، جالالىدىن بەھرام داداشقا قانداق رەھمەت ئېيتىشنىمۇ بىلەلمىدىم ، پەقەت ئۇزۇن ئۆمۈر  ۋاە سالامەتلىك تىلەش  ئەڭ ئاۋال ئېسىمگە كەلدى . شۇنچە ياخشى كىتاپلارنى پۈتتۈرۈپ ،خەلقى ئۈچۈن جان كۆيدۈرۈپ كەلگەن بۇ سۆيۈملۈك ئۇستازىمىزغا تەشەككۈر ئېيىتماي تۇرالامدۇق  ، ياشاپ كېتىڭ قەدىردان ئۇستاز ، ئۇلۇغ ئاللاھتىن سىزگە سالامەتلىك ئۇزۇن ئۆمۈر تىلەيمەن ، كۈنلىرىڭىزنىڭ خوشال خورام ،خاتىرجەملىك ئىچىدە ئۆتىشىنى ئۈمۈت قىلىمەن ، شۇنداق ئېسىل ئۈنچە سۆزلەردىن پۈكۈلگەن يۈرەك سۆزلىرىڭىزنى  ئوقۇغىنىمدا سىزگەشۇنچىلىك تەشەككۈر  رەھمەتلەرنى پىچىرلاپ كەتتىم . ئاللاھنىڭ رەھمىتى ۋە بەركىتى قەدىردانىمىزغا بولسۇن .

gulmira56

	ئۇستازنىڭ خېتىنى ئوقۇپ بەك تەسىرلەندىم. جالالىدىن بەھرام ئاكىنىڭ بۇنىڭدىن كېيىنكى ئىشلىرىغا ئۇتۇق، تېنىگە سالامەتلىك، ئۆمرىنىڭ ئۇزۇن بولىشىنى ئۈمىد قىلىمەن.

AZGUNBALA

	ھەممە كىتاپلىرىنى دىگىدەك ئوقۇغانمەن، شۇنداق ئىسىل ئەسەرلەردە. اللە ئامان قىلسۇن ، تېخىمۇ كۆپ ئەسەرلەرنى ئىجاد قىلىپ ، خەلقىمىزنىڭ مەنىۋى تۇرمۇشىنى تېخىمۇ بېيىتىشىڭىزغا اللە يار-يۈلەك بولسۇن،ئامىن. [s:166]

ئەلشاھ

	مەن ئۇ سۆھبەت خاتىرىسىنى ۋاقىت مۇناسىۋىتى بىلەن تۇلۇق كۆرەلمىگەن ھازىر كۈرۈپ چىقاي ،جالالىدىن بەھرام ئاكىنىڭ تېنىگە سالامەتلىك ،يېزىقچىلىقىغا ئىلھام تىلەيمەن ،بارلىق رۇمانلىرىنى بىر نەچچە قېتىم ئۇقۇپ چىققان ، ماڭا بەك تەسىر قىلغىنى <<كۆمۈرچى بالا >> ،<<<لېيىغان بۇلاق >> رومانى ئىدى . يېڭىدىن نەشىرگە تەييارلىغان <<سەلىمە>> ناملىق رومانىنى كۈرۈشكە ئىنتىزارمەن . تور ئارقىلىق جالالىدىن بەھرام ئاكا بىلەن تۇنۇشقىنىمدىن ئىنتايىن خۇشالمەن .مىسرانىم تور بەت ئىشخانىسىدىكى بارلىق خادىملارغا رەھمەت ئېيتىمەن .  [s:154] (جالالىدىن بەھرام ئاكىنىڭ ئۆز پۇچۇركىسىنى كۆرگىنىمدىن بەك خۇشال بولدۇم )

SOYUNQA

	ئەسەرلىرىنى  سۆيۈپ  ئوقۇپ  كىلىۋاتقان پەخىرلىك  ئۇستازىمىزنىڭ   ئۆز قەلىمى بىلەن  يازغان  يۈرەك  سۆزلىرىنى  چەكسىز  ھاياجانلىق ئېلكىدە  ئوقۇپ  چىقتىم. ئۇستازنىڭ ئەزىز تېنىغا  ساقلىق،ئېجادېي  ئەمگەگلېرىگە  بەرېكەتلەر بولغاي!

uygurboy

	ئۇلۇغ ئاللاھ مىللىتىمىزنى مۇشۇنداق ئىسىل يازغۇچىلىرىمىزدىن ئايرىمىسۇن. جالالىدىن بەھرام ئاكىمىزنىڭ تىنىنىڭ سالامەت ، ئۆمىرىنىڭ ئۇزۇن بولۇشىنى ئاللاھدىن تىلەيمەن.

ARKZAT

	[align=justify]  مەن مۆھتىرەم يازغۇچىمىزنىڭ ياشىنىپ قالغانلىقىغا، شۇنچە ئالدىراشلىق ئىچىدىن يەنە ۋاقىت چىقىرىپ، تورداشلارنىڭ ئىنكاسلىرىغا تولىمۇ ئەستايىدىل مۇئامىلە قىلىپ، سەمىمىيلىك بىلەن شۇنچە قىزغىن ۋە مەسئۇلىيەتچانلىق تۇيغۇسى ئىچىدە ئۆز قولى ئارقىلىق جاۋاب خەت يازغانلىقىدىن سۆيۈندۈم. يازغۇچىمىزنىڭ  خەت سۈپىتىنىڭ چىرايلىقلىقى، ئىملاسىنىڭ توغرا،تىلەكلەرنىڭ بەكمۇ سەمىمىيلىكى مېنى يەنىمۇ مەسئۇلىيەتچان بولۇشقا ئىلھاملاندۇردى!  مۇنبەرداشلارنى مۇشۇنداق پۇرسەت بىلەن تەمىن ئەتكەن مىسرانىم خادىملىرىغا ئوتلۇق سالام!!!