مۇھەببەت قوشاقلىرى

DIL-YIRIM

	مۇھەببەت قوشاقلىرى دوپپا كىيدىم بېشىمغا، ئوسما قويدۇم قېشىمغا. دەردىم يەتكۈچە مېنىڭ، تەگمە ئەمدى چىشىمغا. ئاق كەپتەر مېنىڭ بولسا، چىن تەخسىدە دان بەرسەم. ياخشى يار مېنىڭ بولسا، قۇچىقىدا جان بەرسەم. ئىچىم بەك پۇشۇپ كەتتى، چالغىلى راۋاب يوقمۇ؟ ساڭا شۇنچە خەت يازدىم، يازغىلى جاۋاپ يوقمۇ؟ يايرىم چالىدۇ راۋاپ، تارىمنى ساز قىلىپ. بىر سۆيۈپ قويۇڭ دېسەم، ئۇنىمايدۇ ناز قىلىپ. ئاقچى قوغۇن يېگەنمۇ، كۆكچى قوغۇن يېگەنمۇ. يۈرەككە ئوت سىلىپ قويۇپ، دەرتتە ئۆلسۈن دېگەنمۇ. خۇي دېسەم سېنىڭدە بار، چىراي دېسەم سېنىڭدە بار. قايرىلىپ سۆيگەنلىرىڭ، ئۆلگۈچە يادىمدە بار. بۇ ئۆستەڭ يامان ئۆستەڭ، سۈيى شۇنداق شىددەتلىك. يېڭى تۇتقان يايرىمنىڭ، سۆيۈشلىرى لەززەتلىك. قېشىڭ قارا قۇندۇزمۇ؟ كۆزۈڭ چولپان يۇلتۇزمۇ؟ خالىساڭ سۆيۈپ قويغىن، كەچ بارايمۇ كۈندۈزمۇ؟ ئاق سارايدا ئاق ساندۇق، كۆك سارايدا كۆك ساندۇق. بىزنىڭ يارلار دوختۇركەن، سۆيۈپ قويسا ساقايدۇق. قاشىڭىزنىڭ قارىسى، ئوسمىنى پەيدا قىلىدۇ. كۆزىڭىز ئويناپ تۇرۇپ، يىگىتنى شەيدا قىلىدۇ. كەلكۈن كەپتۇ ئۆستەڭگە، پىيازلىققا سۇ ئاچاي. چالما ئاتسام ئۆگزەڭگە، ئاناڭ چىقسا تېز قاچاي قىزىل گۈلمۇ گۈل ئىكەن، ئەتىرگۈلمۇ گۈل ئىكەن. بىزنى تاشلاپ كەتكەنلەر، ئەر تاپالماي تۇل ئىكەن. ئايۋاننىمۇ سالارمىز، ساراينىمۇ سالارمىز. قاچانلىققا ئۇز خېنىم، ناغرا-سۇناي چالارمىز. ئالما تۈۋىدە تۇرغاندەك، بېھى تۈۋىدە تۇرماسمەن. سەن يارىمغا كۆيگەندەك, ھېچ كىشىگە كۆيمەسمەن. مەنبە: ئەزىز ئاتاۋۇللا سارتېكىن ئەپەندى تۈزگەن <سەرخىل ئەسەرلەردىن تاللانما> نامىلىق كىتاپتىن.

dilawur520

	ياخشى يىزىپسىز!!!!!!!!!!!!!!!!!!!!!!!!!!!!! [s:152]

قاراتال

	ئاتنىڭ بالىسى تايچاق، يىمەيدۇ بېسىلغاقنى. قىزچاقلار ياراتماپتۇ، دىل يارىم ئۇسۇرغاقنى. زىبالىغىڭ ئايغا ياماشقان، سۆيگۈلۈرۈڭ كىمگە تۇتاشقان؟ بۇ ھاياتلىق سەپىرىڭ ئۇزاق، بولما يولچى - يولدىن ئازاشقان. نىگارىم ئىشقىڭدا يۈرۈگۈم گۈلخان، ئۇيقۇدىن بىزارمەن ئازاپلار سېخى. ئوڭۇمدا، چۈشۈمدە، خىيالىمدا سەن، قۇلۇڭنىڭ ئۇچىنى تۇتمۇدۇم تېخى. ئاشقىلىق ئوتىدا كۆيگەن بۇ يۈرەك، ۋەسلىڭگە تەلمۈرۈپ زارلانغان يۈرەك. كەلمىگەچ سېنىڭدىن مېھىر يا ۋاپا، شۇ سەۋەب ئازاپتا يارلانغان يۈرەك. ھاياتىم سىز ئۈچۈن، بەختىم سىز ئۈچۈن، كەلگۈسى كۆرىشىم، تەختىم سىز ئۈچۈن. مەيلى مەن بىر ئۆمۈر چىكەي رىيازەت، رازى مەن ھەممىگە پەقەت سىز ئۈچۈن. چىقالمايمەن ئەمدى يۈكسەك تاغلارغا، قايتالمايمەن كەتكەن گۈزەل چاغلارغا. تەشنا بولۇپ ئىنتىلىپتىمەن ۋە لېكىن، مىۋىسىگە قولۇم يەتمەس باغلارغا. سىز ماڭغان كوچىلاردا، قاتار - قاتار سۆگەت بار. نوچىلىقنى بوش قىلىڭ، سىزدە پەقەت سۆلەت بار.

kok-sultan

	خەلق قوشاقلىرى- چاڭقىغان مەنىۋىيىتىمىزنىڭ ئەڭ شىپالىق دورىسى....

قاراتال

	ئالمىلىق باغقا كىردىم، ئالمىچى يارىم بولمايمۇ دەپ، چىن كۆڭلۈمنى سىلىگە بەردىم مېھرىبانىم بولغايمۇ دەپ. مېھرىباندا ئۆزلىرى، شىرىۋاندا سۆزلىرى، بىر كىلىپ ئىككى كىلىپ كۆيدۈرۋالغان ئۆزلىرى. بەز يىگەن مۈشۈكتەك ئالىيىپ قاپتۇ كۆزلىرى.

xiren0997

	كەلكۈن كەپتۇ ئۆستەڭگە، پىيازلىققا سۇ ئاچاي. چالما ئاتسام ئۆڭزەڭگە، ئاناڭ چىقسا تېز قاچاي.بۇ يېرى بەكلا قىززىقارلىق ئىكەن. ئەجرىڭىزگە تەشەككۈر،ناھايتى قىززىقارلىق قوشاقلار ئىكەن.

قاراتال

	ئالما ئاتتىم توككىدە، يەرگە چۈشتى پوككىدە. كۆيۈپ قەلدىم پىژىدە، سۈيۈۋالاي چوككىدە.

پەخرى

	چامغۇلۇق،چامغۇلۇق، چامغۇلۇقتا ماڭغۇلۇق. تەستە تۇتقان ياربىلەن، قول تۇتۇشۇپ ماڭغۇلۇق.

meihray

	ياخشى يېزىپسىز! بۇنىڭدىن كېيىن تېخىمۇ ياخشى تېمىلارنى يولاپ تۇرغايسىز! [s:166]  [s:166]  [s:174]