"دانكو" نىڭ داۋامى

azgun110

	"دانكو" نىڭ داۋامى پۈتۈن جاھاننى قاراڭغۇلۇق باسقان شۇ ۋاقىتتا، دانكو ئۆزىنىڭ كۆكىرىكىنى يېرىپ، يۈرىكىنى سۇغۇرۇپ ئالدى، يۈرەكتىن چىققان ئوت يالقۇنى پۈتۈن جاھاننى يورۇتتى، پۈتۈن جاھاندىكى بارلىق قاراڭغۇ- زۇلمەت دەرھال قېچىپ بېرىپ پاتقاققا تىقىلدى.  دەل شۇ ۋاقىتتا دانكوغا ئەگىشىپ كېلىۋاتقان كىشىلەر ئارىسىدىن قاپقارا قويۇق ساقاللىق بىر كىشى چىقىپ كەلدى- دە دانكونى ئالدىدىكى پاتقاققا قاتتىق ئىتتەردى.  دانكو پاتقاققا يىقىلدى، ئۇنىڭ ئورنىدىن قوپقۇدەك ماغدۇرى قالمىغان ئىدى. ئۇنىڭ يۈرىكىمۇ قولىدىن دۇمىلاپ چۈشۈپ كەتتى.  قارا ساقاللىق دەرھال بېرىپ ئۇنىڭ يۈرىكىنى قولىغا ئالدى.  ھېچكىممۇ ئۇنىڭ دانكونى ئىتتىرىۋېتىپ، يۈرىكىنى قولىغا ئېلىۋالغىنىدىن غەيرىيلىك ھېس قىلغاندەك ئەمەس، ئۇلارغا پەقەت يورۇقلۇق بولسىلا كىم بولسىمۇ ئەگىشىپ كېتىۋېرىدىغاندەك قىلاتتى، كىشىلەر دانكونىڭ ئاجىز گەۋدىسىنى دەسسەپ ئۆتۈپ كېتىۋەردى، ئۇنىڭ ئۆلۈك- تىرىكى بىلەن كارى بولىدىغان كىشى بۇ توپتىن چىقمايدىغاندەك، «ئەمدى سېنىڭ كېرىكىڭ قالمىدى» دەۋاتقاندەك قىلاتتى.... ئەمما يۈرەك كىشىلەرگە ئازاپ ئېلىپ كېلىشكە باشلىدى، دانكو شۇنچە ئەركىن كۆتۈرۈپ ماڭغان يۈرەك، بۇ تەمبەل قارا ساقاللىقنىڭ ھالىنى قويمىدى، ئۇ ھېلىلا يىقىلىپ چۈشىدىغاندەك قىلاتتى. ھەم نۇرىمۇ ئاجىزلاشقا باشلىدى. بۇ نۇر ئۆچسە كىممۇ كۆكرىكىنى يېرىپ، يۈرىكىنى سۇغۇرۇپ كىشىلەرگە يورۇقلۇق ئاتا قىلار؟ يۈرەكنىڭ نۇرى ئاجىزلاشقا باشلىغانسېرى ساقاللىق ئۆزىگە نۆۋەت كېلىدىغانلىقىنى سېزىپ تۇرۇۋاتاتتى. شۇڭا ئۇ ئاجىز يۈرەكنى ئارقىسىدا كېلىۋاتقان ۋىجىك، كۆزلىرى خۈنۈك، ھېلىلا يىقىلىپ چۈشىدىغاندەك ئاران كېلىۋاتقان خېنىم چىراي بىر ياش يىگىتكە تۇتقۇزدى. يىگىت قورقۇپ كېتىپ، تىتىرىگىنىدىن قولىدىكى يۈرەكنى يەرگە تاشلاپ سالدى، يۈرەك يەرگە چۈشۈپ پارە- پارە بولۇپ كەتتى. كىشىلەر يەنە قاراڭغۇدا قالدى. شۇندىلا كىشىلەر بايا دەسسەپ ئۆتۈپ كەتكەن دانكونى ئېسىگە ئېلىشتىيۇ- ئېغىزدىن چىقىرىشقا پېتىنالمايتتى. قاراڭغۇ ئورمانلىقىتىكى پاتقاقلىق قەدەمدە بىر كىشىنىڭ جېنىنى ئېلىۋاتاتتى. ئەمما كىشىلەر ئۇلارنىڭ بىرەرىنىمۇ تارتىۋېلىشقا ھەرىكەت قىلماي، ئۆز جان قايغۇسىدا قالغان ئىدى. بارا- بارا توپمۇ كىچىكلەشكە، كىشىلەرنىڭ سانىمۇ ئازىيىشقا باشلىدى.  بىرەر كىشى ئۆزىنى قۇربان قىلىپ، ئۆز يۈرىكى ئارقىلىق نۇر چىقىرىپ، باشقىلارنىڭ يولىنى يۇرۇتۇشقا جۈرئەت قىلالمىدى يۇ- ھامىنى بىرىنىڭ چىقىدىغانلىقىغا ئىشىنىپ يولىنى داۋاملاشتۇردى. ئەمما ئۆز يۈرىكىنى سۇغۇرۇپ ئېلىپ، باشقىلارنىڭ يولىنى يورۇتىدىغان، باشقىلار ئۈچۈن ئۆزىنى قۇربان قىلىدىغان يەنە بىر دانكو چىقمايدىغاندەك قىلاتتى. مەنبە: ئۆزۈم

dostum

	دانكونىڭ داۋامى دانكودەكلا ئېسىل، نادىر تىما بولۇپ چىقىپتۇ. ئويلىغانسىرى مەنە چوڭقۇرلۇقىغا باشلايدىكەن كىشىنى .

muyunqur

	ناھايىتى ياخشى يېزىپسىز،بولسا داۋامىنى يەنە يېزىڭ.

kokyal

	قاپقارا قۇيۇق ساقاللىق كىشى نېمە سەۋەبتىن بۇنداق قىلىدۇ؟ ياكى بۇنداق قىلىدىغان كىشى نېمىشقا قاپقارا قۇيۇق ساقاللىق بولىدۇ؟

nur_abida

	نۇرمۇ ھەممە يۈرەكتىن چىقىۋەرمەس دەيمىنا

tanha777

	"سۆز ئىچىدىكى سۆز، كۆز ئىچىدىكى كۆز" سۆز ئىچىدىكى سۆزنى كۆز ئىچىدىكى كۆز ئارقىلىقلا كۆرگىلى بولىدۇ، دىگەن دەپ شۇنداقمۇ

karwan21

	ئۇلۇغ ئۇيغۇر ئالىمى ئابدۇشۈكۈر.مۇھەممەتئىمىن: مەن تارىخچىلىرىمىزنىڭ ئۆلگەن جەسەتلەردىن كۆرە،تىرىك مىللەتكە كۆپرەك كۆڭۈل بۆلۈشىنى،مائارىپچىلىرىمىزنىڭ كىتاب ۋە خىمىيىلىك ئانالىزلاردىن كۆرە رېئال تۇرمۇشقا قىزغىن خەيرىخاھلىق قىلىشىنى،يازغۇچى-شائىر-ئەنزارچىلىرىمىزنىڭ كۈندىلىك تۇرمۇش ۋەقەلىرى چاتمىسىغا يۇشۇرۇنغان ئەسىر-ئەسىرلىك چىنلىق قاتلىمىغا چۆكۈشنى،ئۇلارنىڭ سۇ ئۈستىدە لەيلەپ يۈرگەن پاراخوت بۇلۇشتىن كۆرە،سۇ ئاستى كېمىلىرىدەك زېمىن باغرىدىكى ئوبيېكتلار ئۈستىدە مۇتەپپەككۇرانە پىكىر يۈرگۈزىشىنى،بېيىۋاتقان كىشىلىرىمىزنىڭ قولغا كىرگۈزگىنى پاخال،قولدىن بېرىپ قويغىنى جاۋاھىرات بۇلۇپ قالماسلىقىنى پايدا-زىيان مىزانى قىلىشلىرىنى،ھەر دەرىجىلىك رەھبەرلەرنىڭ ئاشلىق،پولات ۋە نېفىت مەسىلسى ھەققىدە باش قاتۇرۇش بىلەن بىللە مىللەتنىڭ ئۇرۇقى،سۆڭەك -قۇۋرۇغىسى ،قەلبى ۋە قېنى ئۈستىدە تەخىرسىز تەپەككۇر قىلىشىنى،ئىللەت پاتقىقىغا چۈشۇپ قالغان ياش نوتا ۋە گۈل-گىياھلارنىڭ ئۆز-ئۆزىنى تۇنۇپ،مىللەت كېلەچىكىنى نەزەردە تۇتۇپ،ئۆزىنى ئاپەتتىن قۇتۇلدۇرۇشنى ئۈمىد قىلىمەن. -يىپەك يولىدىكى توققۇز ھېكمەت.(كىتابىدىن ئارىيە) مانا بۇ،ھازىرقى زامان ئۇيغۇر دانكۇلىرىنىڭ ئۆتەشكە تېگىشلىك ۋەزىپىسى،ياخشى تېما يوللاپسىز!بۇنداق تېمىلارنى مۇنبەردىن ئۈزۈلدۈرمىگەيسىز!قولىڭىزغا دەرت كەلمىسۇن!

alanurhan

	قولىڭىزغا دەرت كەلمىسۇن!ناھايىتى ياخشى يېزىپسىز! [s:166]  [s:166]  [s:166]  [s:166]  [s:166]  [s:166]

yalpuz0997

	ھەر بىر تەپەككۈر ئىگىسى ئويلىنىشقا تىگىشلىك تېما !