شاخلىتىپ سېتىش جەمئيىتىمىزدە يامىراشقا با

12380

	ئەسكەرتىش: مەزكۇر ماقالىدا  ‹ يەتكۇزۇپ سېتىش ›  بىلەن  ‹ شاخلىتىپ سېتىش ›  نى ئارىلاشتۇرۋەتكەن، شاخلىتىپ سېتىش قانۇنسىز قىلمىش، دۆلەت ئۇنىڭغا زەربە بىرىدۇ، بۇ بىر خىل جىنايى قىلمىش،  ‹ يەتكۇزۇپ سېتىش ›  قا بولسا دۆلەت يول قويغان، ‹شاخلىتىپ سېتىش › تا ساتىدىغان مەھسۇلات بولمايدۇ، زەنجىرسىمان ئەزا قۇبۇل قىلىشنى ۋە ئەزالىق پۇل تاپشۇرۇشنى  ئاساس قىلىدۇ  ، ‹يەتكۇزۇپ سېتىش ›تا كونكىرىتنى مەھسۇلات بولىدۇ، مەلۇم پۇلغا شۇنچىلىك مىقتاردا مەھسۇلات سېتىۋالغىلى بولىدۇ، ئەمۋاي قاتارلىقلار ‹ شاخلىتىپ ساتقۇچى› ئەمەس بەلكى‹ يەتكۇزۇپ ساتقۇچى › لاردۇ.      ـــــــ  تېما تەستىقلىغۇچىدىن.   ھەر قېتىم بىرەر ئىش بىلەن "ئەمۋاي" يىتىشتۈرۈش ئىشخانى سىنىڭ ئالدىدىن ئۆتكەن چېغىمدا يىتەكچىنىڭ ئاغزىغا قاراپ ئولتۇرغان نۇرغۇن ياشلارغا كۆزۈم چۈشىدۇ ، شۇ تاپ ئۇلار كۈپكۈندۈزدە ئۆزلىرنىڭمۇ پات ئارىدا يىتەكچى ئېيتقاندەك " سېتىش پادىشاھى" بولۇپ چىقىش چۈشنى  كۆرمەكتە ، ئەمما ئۇلار ئۆزلىرىنىڭ "ئىھرام " نىڭ ئۈستىدىكى قان شورغۇچىلار ئۈچۈن ئوزۇق  توشۇيدىغان ۋاستىچى بولۇپ ، قېرىنداشلىرىنىڭ قان -تەرى بەدىلىگەكەلگەن پۇللىرىنى ئۇلارغا شۈلۈپ بىرىۋاتقانلىقىنى خىيالىغىمۇ كەلتۈرمەيدۇ . تېخى جاراڭلىق ئاۋازدا يىتەكچىگە ئەگىشىپ " بۈگۈن چوقۇم نىشانغا يىتىمىز" دەپ توۋلىشىدۇ ، كاللا يۇيۇش  دىگەن ئۇقۇمنىڭ ئەڭ ئەقەللىي ۋاريانتى دەل مۇشۇ .      ئەمۋايلا ئەمەس " مارىكاي" ، " ئورفىلىيەن" قاتارلىقلارمۇ ھەشەمەتلىك مىھمانسارايلاردا يېغىلىش ئۆتكۈزۈپ سېتىش نەتىجىسى كۆرۈنەرلىك بولغانلارنى تونۇشتۇرۇپ ، سۆزگە تەكلىپ قىلىشپ ،كۆزلىرىدىن تاراملاپ ياشلارنى ئاققۇزۇپ "تەجىربىللىرىنى" تونۇشتۇرۇپ ،  بىر - بىرىنى ماختىشپ " ** خانىم بۇ ئايدىكى نەتىجىسى كۆرۈنەرلىك بولغاچقا ئامىرىكىدا ساياھەت قىلدى ، بىر دانە ماشىنا بىلەن مۇكاپاتلاندى...." دەپ تونۇشتۇرغاندا ، پەستە ئولتۇرغا " تەكلىپلىك مىھمانلار" ئاغزىللىرىنى ئېچىشىپ " مەنمۇ مۇشۇ ئىشنى قىلسام بولمامدۇ" دىگەنلەرنى كوڭلىدىن ئۆتكۈزىدۇ يۇ ئەشۇ سېتىش چولپانلىرىنىڭ مۇشۇ پۇلنى تېپىش ئۈچۈن قانچىلىك قېرىنداشلىرىنى سېتۋەتكەنلىكىنى ، كىشىلەرگە قارايدىغا يۈزىنىڭمۇ قالمىغىنىنى ئويلاپ يىتەلمەيدۇ ، شۇڭا بۇ سېتىش چولپانلىرى پۇلنى تېپىپلا ھەرەمگە بىر بارىدۇ ، ھاجى خىنىم بولۇپ قان قالمىغان يۈزىنى يۆگەپ ئومىرىنىڭ ئاخىرغىچە تاپقىنىنى خەجلەپ ئويدىن چىقماي يۈرۈيدۇ .     توسما يار كەتكەندەك  ئۇيغۇر قەۋمىگە كەلكۈن كەبى باستۇرۇپ كىلىۋاتقان شاخلىتىپ سېتىش دولقۇنى بىرنىڭ كەينىدىن بىرى خىزمەت ھەلەكچىلىكىدە باش قاتۇرۋاتقان يىگىت - قىزلىرىمىزنىڭ بېشىنى قايدۇرۇپ ، قىسقا ۋاقىت ئىچىدە ئىرشتۇرىدىغان غايەت زور مەنپىئەت ۋەدىللىرى بىلەن ئۇلارنىڭ ھەق - ناھەق ئىدىيىسىنى تەۋىرىتىپ جەمئىيىتىمىزدە يوشۇرۇن بىر ئۆسمە شەكىللەندۈرمەكتە ، بۇ ئۆسمە ئېلىپ كىلىدىغان خەۋىپ شۇكى " كىشلەر ئارسىدىكى ئىشەنچ يوقۇلۇپ ، ئېناقلىق ، مىھرى - مۇھەببەت ،  كۈيۈنۈش سۈسلىشىپ كىتىدۇ " . بەك كۆپتۈرۋەتتىڭىز دىيىشىڭىز مۇمكىن ، ئەمما ئەتىراپىڭىزغا دىققەت قىلسىڭىز قايسى بىر ئائىلە بۇ خىل مەھسۇلاتلارنى سېتىۋالمغان ،" بۇنى سېتىۋالمىساق ھامان باشقىللىرىنى سېتىۋالاتتۇق " دەپ ئويلىشىڭىز مۇمكىن ، گەپ دەل سىزنىڭ سېتۋىلىش شەكلىڭىز ۋە ئۇنىڭ ئېلىپ كىلىدىغان ئاقىۋىتىدە ، تۆۋەندە شاخلىتىپ سېتىشنىڭ ئالاھىدىلىكىنى قىسقىچە چۈشەندۈرۈپ ئۆتەي :     شاخلىتىپ سېتىش بىۋاستە سېتىشقا سېلىشتۇرغاندا مۇنداق ئالاھىدىلىككە ئىگە : بىرىنچى ، تونۇشتۇرۇپ قوبۇل قىلىش ، يەنى چوقۇم شاخلىتىپ ساتقۇچى ئەزانىڭ تونۇشتۇرۇشى ئارقىلىقلا ئاندىن شاخلىتىپ سېتىش قوشۇنىغا قاتنىشىپ ، شاخلىتىپ ساتقۇچىلىق سالاھىيىتىگە ئىرىشىش ، شۇنىڭ بىلەن بىر ۋاقىتتا پەقەت شاخلىتىپ سېتىش ئەزاسى بولالىغاندىلا ئاندىن باشقىلارنى شاخلىتىپ سېتىش قوشۇنىغا كىرگۈزەلەيدىغان سالاھىيەتكە ئىرىشىش . ئىككىنچى ،  ئالاقە تورى تەشكىللەش ، تونۇشتۇرۇش ئارقىلىق قوبۇل قىلىشتىكى مەقسەت بۇ خىل تونۇشتۇرۇش ئارقىلىق " يۇقىرى -تۆۋەن " باغلىنىشلىق مۇناسىۋەت ھاسىل قىلىپ ، شاخلىتىپ سېتىش تورى شەكىللەندۈرۈش . ئۈچۈنچى ، جەملىمە ھەق ھىساپلاش ، شاخلىتىپ ساتقۇچى ئۆزى ساتقان مەھسۇلات ياكى قىلغان مۇلازىمىتىدىن تىگىشلىك ھەققە ئىرىشىدۇ ، ھەمدە ئۆزى تونۇشتۇرۇپ قوبۇل قىلىنغان شاخلىتىپ ساتقۇچىنىڭ  سېتىش نەتىجىسىگە ئاساسەن ھەق ئالالايدۇ ، يەنە ئۆزى تونۇشتۇرۇپ قوبۇل قىلىنغان شاخلىتىپ ساتقۇچى  تونۇشتۇرۇپ قوبۇل قىلىنغان شاخلىتىپ  ساتقۇچىنىڭ سېتىش نەتىجىسىدىنمۇھەق ئايرىيدۇ . بۇ شاخلىتىپ سېتىش تورىنى شەكىللىندۈرۈشتىكى مۇھىم ئاساس.      شاخلىتىپ سېتىش ۋە شەكلى ئۆزگەرگەن شاخلىتىپ سېتىش تۆۋەندىكى ئۈچ خىل شەكىلدىكى قانۇنغا خىلاپ قىلمىش : بىرنچى ، " جىنايى ئىشلار قانۇنى " نىڭ 192-ماددىسىدىكى ئالدامچىلىق قىلىپ مەبلەغ يىغىش جىنايىتى . ئىككىنچى ، " جىنايى ئىشلار قانۇنى" نىڭ 176-ماددىسىدىكى ئاممىنىڭ ئامانەت پۇلنى قانۇنسىز سۈمۈرۈش جىنايىتى . ئۈچۈنچى ، " جىنايى ئىشلار قانۇنى " نىڭ225- ماددىسىدىكى قانۇنسىز تىجارەت قىلىش جىنايىتى . شۇنىڭ بىلەن بىر ۋاقىتتا شاخلىتىپ سېتىش ۋە شەكلى ئۆزگەرگەن شاخلىتىپ سېتىش پائالىيىتى جەريانىدا ئادەم ئۆلتۈرۈش ، بۇلاڭچىلىق قىلىش ، باسقۇنچىلىق قىلىش قاتارلىق جىنايەتلەر كۆپلەپ سادىر بولىدۇ . ئەمۋايدىن كىيىن مارىكەي ، ئورفىلىيەن ، يۆيۆئەي ، يېڭى دەۋىر دۆلەت گۆھىرى قارغاي گۈل چېڭى ،نونى ، كوسۋاي ... قاتارلىقلار ھەر خىل شەكىللەر بىلەن تۇرمۇشىمىزغا بۆسۈپ كىرمەكتە ، ئۇلار دۆلەت ئىچى -سىرتىدىكى داڭلىق كارخانىلارنىڭ نامى ، ئۇلارنىڭ بازارغا كىرگەن پايچەكلىرىنى كۆز- كۆز قىلىپ تۇرۇپ ئەزا قوبۇل قىلدى ياكى مەلۈم سوممىدىكى مەھسۇلات سېتىۋالغاندا ئۇلارنىڭ ۋاكالەتچىسى بولوپ ئىچكى باھادا كىرگۈزۈش ھوقۇقىغا ئىرىشەلەيدىغانلىقىنى يەمچۈك قىلىپ بازار ئاچتى .   كۈزۈتۈش ئارقىلىق بۇلاردىكى بىر ئورتاقلىقنى بايقىدىم : ئۇيغۇرلار بازىرىدىكى  مارىكەينى باش بولۇپ كېڭەيتكۈچى چوقۇم ئەمۋايدا دەرىس ئاڭلىغان ، پەقەت " ئىھرام " نىڭ ئۇستى قىسىمىدا تۇرالىغاندىلا ئاندىن ھەقىقى مەنپەتلىنەلەيدىغانلىقىنى ھىس قىلغاندىن كىيىن ئەمۋايدىن چىكىنىپ يېڭى بازار ئېچىۋاتقان مارىكەيگە ئۆتكەن ، مۇشۇ يولىنىشتە مارىكەيدىن ئورفىلىيەنگە ، ئورفىلىيەندىن يۆيۆئەيگە ، قارغاي گۈل چېڭىغا ھالقسىمان كېڭىيىش نەتىجىسىدە بۇ بازار ئاۋاتلىشىپ قايناپ كەتكەن . ئەمدى تور دەۋىردە كوسۋاي ناملىق تور سېتىش  سۇپىسىنى دالدا قىلىپ شەكلى ئۆزگەرگەن ھالدا ئەزا قوبۇل قىلىدىغان يېڭىچە شەكىل مەيدانغا كەلدى . مەيلى قايسى خىل شەكىل بولمىسۇن بىر ياخشى يىرى ئۇلار ئاۋال ئىچكى ئۆلكىلەردە بىر مەيدان ئىنقىلاپ ئېلىپ بېرىپ ئاندىن ئۇيغۇرلارغا يۈزلىنىدۇ ، شۇڭا بەيدۇ تورىدىن ئىزدىسىڭىزلا ئۇلارغا مۇناسۋەتلىك ئۇچۇرلار يىتەرلىك ھالدا كۆز ئالدىڭىزدا پەيدا بولىدۇ ، قالغىنى  ھىسياتقا تايانماي ئەقلىي تەپەككۇر ئارقىلىق توغرا - خاتانى ئېنىق ئايرۋىلىشقا باغلىق .       يۇقىردا تېلغا ئېلىنغان مەھسۇلاتلارنىڭ بازارغا كىرىش تەننەرقى سىز سېتىۋالىدىغان باھانىڭ يېرىمىغىمۇ يەتمەيدۇ . ئەشۇ يېرىم باھا بىلەن بىۋاستە سېتىش بازىرىغا كىرگەن تەقدىردىمۇ  بۇ مەھسۇلاتنى ھىچكىم سېتۋالماسلىقى مۇمكىن ، ئەركىن بازاردا سۈپىتى ئۇنىڭدىن يۇقىرى ، باھاسى ئۇنىڭدىن تۆۋەن مەھسۇلاتلار تولۇپ يېتىپتۇ ، شۇڭا ئۇلار شاخلىتىپ سېتىش ياكى شەكلى ئۆزگەرگەن شاخلىتىپ سېتىش ئارقىلىق ئەزا ياكى ۋاكالەتچى قوبۇل قىلىپ ، ئەزالارنى ھەر بىر قېتىملىق سودىدىن كىرىدىغان كىرىم ئارقىلىق قىزىقتۇرش ئاساسىدا كاللىسىنى يۇيۇپ ، ئۇلارنى  ۋاستە تاللىماي ، ئۇرۇق -تۇققانلىرىدىن باشلاپ تەشۋىقاتنى كۈچەيتىپ  "بۇ خىل گىرىم بويومى چىرايىڭىزنى نۇرلاندۇرۇپ پەرىلەردەك قىلىۋىتىدۇ ، **لار ئىشلەتكەن ، ھازىر ئايدەك بولۇپ كەتتى" ، " بۇ خىل ساغلاملىق مەھسۇلاتى سىزنى ئاتتەك قىلىۋىتىدۇ ، **لا بىر باسقۇچ ئىشلىتىپ ھازىر يۈگىرەپ يۈرۈيدۇ" ، " بۇ خىل سودا شەكلى ئەڭ يېڭى ، ئەڭ ئىلغار ، ** بىر يىلغا قالماي بۇ ئۇسۇل بىلەن مىليۇنىر بولۇپ كەتكەن " دىگەندەك گەپلەر بىلەن  ئۆز مەھسۇلات ساتىدىغان بولىدۇ  .       ئەگەر بىز بۇ مەسىللىلەرگە سەل قارىساق بۇ خىلدىكى سېتىش شەكىللىرى ھەر خىل ناملار بىلەن كۈندىن كۈنگە كۆپىيىپ ، ئارىمىزدا پۇلنى دەپ ئۇرۇق - تۇققانلىرىنى سېتىۋىتىشتىن يانمايدىغانلار ، پايدا قىلسا- قىلمىسا سېتىۋالساملا بولدى دەپ بازارنى بۇزىدىغانلار ، ئالدامچىلىقنى پۇل تېپىشنىڭ ۋاستىسى قىلىۋالدىغانلار كۈندىن - كۈنگە ئاۋۇپ ، قولىمىزدىكى ئازغىنە ئىقتىسادىمىز ئاللىقەيەرلەردىكى كىشىلەر تەرىپىدىن سۈمۈرلۈپ كىتىدۇ . شۇڭا قېرىنداشلارنى  ئاۋال ئەتراپىمىزدىن باشلاپ ، بىلىپ - بىلمەي ئەشۇ يولغا كىرىپ قالغان قېرىنداشلىرىمىزنى توغرا يولغا يىتەكلەپ ، مەخسۇس ئىھتىياتچانلىقى تۆۋەن  ، باشقلارغا ئوڭاي ئىشىنىدىغان قېرىنداشلىرىنى شورايدىغان كەسپىي قان شورىغۇچىلارنىڭ ئەپتى بەشىرىسىنى ئېچىپ تاشلاپ بىزگە يىتىپ كىلىدىغان بۇ خىل خەۋىپنى ئەڭ تۆۋەن دەرىجىگە چۈشۈرشكە چاقىرىق  قىلىمەن . مەنبە : ئۆزەم

xiren0997

	تېمىڭىزغا كۆپ رەھمەت،ھازىر شۇنداق ئىشلار كۆپىيىپ قاپتۇ،لېكىن چىقىدىغان پايدىسىمۇ بەكلا ئازكەن،مېنىڭ شۇلارنى كۆرسەملا بېشىم ئايلىنىپ قالىدۇ گەپنى شۇنداق جىق قىلىدىكەن ئۇلار. مېنىڭ بىر دوستۇم كۆچمە خەۋەرلىشىشتە ئىشلەيتى،تويىغا ئاز قالغاندا تىلفۇن قىلىپتۇ،ئاداش ئەمۋاينىڭ مەھسۇلاتلىرى سېتىش ئۈچۈن يىغىنىغا قاتنىشىۋاتقان ئىدىم،ئەمۋاينىڭ نەرسىلىرىنى ئالىدىغان دوسلۇرۇڭ بولسا تونۇشتۇرۇپ قوي دەپ. نەچچە كۈندىن كېيىن مەن بولساممۇ نەرسىلىرىنى ئېلىپ قوياي دەپ تېلفۇن قىلسام،ساتمىدىم مەن ئۇنچە كۆپ گەپ قىلمايمەن،(چۈنكى ئۇنىڭ مىجەزى ئېغىر بېسىق ئىدى)،ھەم 1000يۈەنلىك نەرسە ساتالىسا 90ئايرىپ بېرىدىكەن دەيدۇ-دەپ ئۇنىمۇ قىلماپتۇ. ئۆز ئالدىغا قىلغان بىلەن قىلغان گەپلىرىگە يالغانمۇ ئارلىشىدۇ،قۇرۇق گەپ ساتقاندىن كۆرە جاپا تارتسىمۇ ئىشلەپ جان باققان ياخشى.

xahnur

	مەنمۇ يۇقاردا دىيىلگەندەك مەكتەپ پۈتتۈرۈپ كەلگەن بىر ساۋاقدېشمنىڭ ،ۋاي بىزنىڭ بۇ خىزمەت داشلارنىڭ داچىسى باركەن، ماشىنىسى باركەن، 4~5 يەردە بەك چىرايلىق ئاچىسى باركەن دەپ باشتا ئۇنى بۇنى قىلىپ يۈرىدى ،قېنى ھازىر قارىسام بۇرۇنقى ئەپتىمۇ يوق، ۋاي قاندا بولدى ؟ دىسەم، سورىمايلا قوي.................... شۇنىڭدىن باشقا گەپ يوق، ئۇنىڭ يارىسىغا تۈز سەپكىم كەلمىدى.

.tuz.

	ئەمۋايدا ئىشلەپتىكەنسىزدە ؟ ئەمما راس گەپنى قىپسىز !!!

Uyghun

	باشقا شاخلىتىپ سېتىش گوروھلىرغا ھۆكۇمەت زەربە بەردى، ئەمما ئەمۋايغا نىمىشقا يول قۇيدۇ؟

wolf007

	مۇشۇ ئىشنى قىلىدىغانلار غا بەكلا ئىچىم ئاغرىيدۇ، ئۇلار تىخى ئۆزىچە ھىچكىمنى ياراتمايدۇ، بىر كۈنلەرگە بىرىپ بۇرنىغا يىگەندە يىغلاپ قالىدۇ خالاس، ئامۋاي ھازىر شەھەرلەرنى قويۇپ يىزىلارغا يۇرۇش قىلىۋاتىدۇ، بىچارە دىھقانلارنى ئالدىغىلى ،  شۇ بىچارىلەرنىڭ توپىغا مىلىنىپ يۇرۇپ تاپقان پۇلىنى باشقا چوڭاملارغا قوش قوللاپ سۇنىدۇ .،.  مىتە قۇرۇتلار.

doramquk

	ئىشقىلىپ بۇنداق شاخلىتىپ سېتىشنى ھازىر «مال ساتقۇچى»، «مال ساتقۇچى تەربىيلەش» دېگەندەك چىرايلىق قالپاقلار بىلەن بىزەپ، قىلمىغىنى قالمايدىكەن. ھازىر مېنىڭ قولۇمدا 3 تال پىلاستىنكا، 2 تال كىتاب بار، ھەممىسى ئاشۇنداق نەرسىلەرنىڭ، ئۆتكەندە نېمە بولۇپ دەپ بېرىپ سالدىم، ئەمۋاينىڭ بىر ئادىمىگە تېلېفۇن نومۇرۇمنى دەپبىرىپتىمەن، بىر ئاي دېگەن سەت تويغۇزىۋەتتى، كۈندە كەچتە سائەت ئالتە بولدى ھامانى تېلېفۇنۇمنى سايرىتىدۇ، «ئۇكام، سىزگە پايدىلىق يېغىن بار، دەرھال كېلىڭ»، باشتا «ئۇنداق ئىش بىلەنتىم، پالانى يەردىتىم» دېدىم، كېيىن «ماقۇللا» دەپ بارمىدىم، ئاخىرى بىر كۈنى دۇكىنىمغا كېلىپ دەرس ئۆتكەنتى، پىلاستىنكىسى بار سېتىۋالامسىز دەيدۇ، «مەندە پۇل يوق، قاندا قىلامەن ئەمدى [s:161]  [s:161] دەپ تۇرسام بىكارغا بەردى، كىتابىنىمۇ بەردى، ئۇنىڭدىن كېيىن يەنە شۇنداق ئىككى ئادەمگە ئۇچرىدىم، بىرسى گىرمانىيىنىڭ بىر خىل ساغلاملىق يىمەكلىكى دەمدۇ ئىشقىلىپ بىر نەرسىكەن، يەنە بىرسى تۇرمۇش بويۇملىرى ساتىدىغىنىكەن............ قاتنىشىدىغانلار بولسا ھەقسىز تونۇشتۇرۇپ قويىمەن [s:179]  [s:179]

mesranjan

	ھەنىمە بولسا ۋاختىدا ھۇشۇمنى تىپىۋاپتىمەن [s:151] ئاران 2600نى زىيان تارتىم ...ماشۇندا تىمىنى بۇرۇنراق كۆرگەن بولسامچۇ ھەييييييييييييييييييييييييييييييييييييييييييييييييييي

0998.erpane

	ئەمۋاي  فۇدى دىگەنلەر شاخلىتىپ سىتىشقا كىرەمدۇ ؟؟؟؟؟؟؟؟؟؟؟؟ بۇ ئورۇنلارغا ئەزا بولغانلار چوقۇم 2 ئەزا تىپىش شەرت ئىكەن . شۇنىڭ بىلەن بۇ ئەزالار 2 ئەزا تىپىپ ئۆزىنىڭ مەجبۇرىتىنى ئاداقىلىش ئۈچۈن ئۆزىنىڭ ئەڭ يىقىنلىرىغا كۈچەپ تەشۋىق قىلىپ ئۇلارنى بىرەر قىتىملىق يىغىنغا قاتناشتۇرىدىكەن . ئۇلارنى سۆزى ؛---ئاداش قاتناشمىساڭمۇ مەيلى . مۇشۇ بىر قىتىم يىغىنغا قاتنىشىپ قوي دەپ تۇرۇۋالىدىكەن . شۇنىڭ بىلەن دوستى دوستىنىڭ كۆڭلىنى ئاياپ يىغىنغا قاتنىشىپ قالىدىكەن . يىغىندىكى قايمۇقتۇرغۇچى سۆزلەرنىڭ كۇچىدىن ؛؛--ئاڭلاپلا قويىمەن  . قاتناشمايمەن دىگۈچىلەر ئۆزلۈگىدىن بۇ شىركەتكە ئەزا بولۇپ قالىدىكەن . بۇ يىڭى ئەزالار 5000 يۇن بىلەن ئەزا بولغاندىن كىيىن بۇلارغىمۇ 2 ئەزا ئەكىلىش شەرتى قويۇلىدىكەن . ھەم ئەمۋاي  فۇدىنىڭ 5000 يۈەن قىممىتىدىكى مەھسۇلاتىنى سىتىشقا بىرىدىكەن . بۇ 5000 يۈۋەنلىك مەھسۇلاتنى ئۇلار كۆتىرىپ شەھەر ئارىلاپ يۈرۈپ ساتالماي زىرىكىدىكەن .ساتالماسلىقىدىكى سەۋەپ بۇ مەھسۇلاتلارنىڭ باھاسى بەك قىممەت . بىزنىڭ ئىستىمالىمىزغا ماس كەلمەيدۇ . شۇنداق قىلىپ نۇرغۇن ئەزالار يا قىممەت مەھسۇلاتلارنى ساتالماي يا يىڭى ئەزا تاپالماي بۇ ئىشتىن زىرىكىدۇ . مالنى قايتۇرۋىتەي دىسە شىركەت ھەرگىز قۇشۇلمايدۇ . شۇنىڭ بىلەن ئۇلار بۇ 5000 يۈنلىك مالنى ئۆيىگە دۆۋلەپ قويۇپ ئۆزى ئىشلىتىدىغان ئەھۋاللار مەۋجۇت . مەنمۇ بۇ مەھسۇلاتلارنى ئۆيۈمگە دۆۋلىۋالغانلاردىن بىرى

svpvrga

	ئەمۋاي سىپى ئۈزىدىن شاخلىتىپ سېتىشقا كىرمەيدۇ ،ئۇ ئىككى بىسلىق ،شۇڭا دۆلەت ئۇنى رەسمى شاخلىتىپ سېتىش دەپ بىكىتمىگەن ،بولمىسا ئەمۋاي بۇرۇنلا جاجىسىنى يەيتتى .نىمىلا بولمىسۇن مۇشۇنداق ئىشلاردى يىراق تۇرۇڭلار ،قۇۋۇم -قېرىنداش،دوست-يارەنلەرنى ئالداشتىن باشقا پايدا ئېلىپ كەلمەيدۇ.